معقول !! ال SiR مطلعة 122 حصان على الداينو بتاع عادل وجدي ؟؟؟

[mody3on]

الوحيد اللى هيرد عليك فى الموضوع ده هو فورميلاتور انا عن نفسى مش هرد
^_^

اوعى تكون انت كمان شاركت في جريمة الحصان الكوري دي :)))
المستندات كلها عندي :d

[Mzeid]

أول مرة اعرف ان عشان ماتور احصنتة اعلي و اقوى يبقى لازم يسبق اللي احصنتة اقل .... لا والكلام دة طالع المفروض من ناس فاهمة !!! شكرا للمعلومة بس هى غلط 100%

ايه المشكلة في كدة يا دكتور ؟؟؟

[ahmedeihab]

اوعى تكون انت كمان شاركت في جريمة الحصان الكوري دي :)))
المستندات كلها عندي :d

لاء يا هندسه انا مشاركتش فى الحصان الكورى علشان مش بقتنع بيه
لانه بلنسبه ليا جحش كورى :d:d:d
و من غير مستندات و ده رأيي الشخصى
^_^

[mody3on]

لاء يا هندسه انا مشاركتش فى الحصان الكورى علشان مش بقتنع بيه
لانه بلنسبه ليا جحش كورى :d:d:d
و من غير مستندات و ده رأيي الشخصى
^_^

ده من ذوقك :)
رايك الشخصي ويحترم ( بس ملوش اي اساس من الصحة ) :d

[sanhory]

بس لما بيحصل كده بتبقى حاجة من النوادر و الناس بتفضل تحكى عليها

بس الطبيعى ان فـ 99% اللى جسمه اقوى هيدى علقة للى جسمه اضعف

و عامة برضه عشان ميتفهمش كلامى غلط

كويس اوى ان عربية من التسعينات بتشد مع عربيات اعلى منها كتير و ده يدل على ان شركة هوندا شركة محترمة و تمتلك خبرة و تكنولوجيا عالية ..

بس فعلا موضوع 510 حصان مش منطقى خالص و ده مش تقليل من السيفيك ولا اى حاجة بس ديه حاجة و ديه حاجة تانية خالص

يعنى 510 ديه حوالى 3 اضعاف الـ 170 .. حضرتك فهمنى ازاى عربية بالارقام اقوى 3 مرات من العربية التانية و الاضعف تسبق الا لو فيه ظروف و يبقى موقف واحد و مش مقياس ؟

و انا ولا ركبت ديه و لا ركبت ديه بس الارقام حضرتك اللى قايلها و الارقام مبتكدبش

و فى النهاية ربنا يبارك لحضرتك فى العربية و يحفظها من كل سوء ان شاء الله

كلام حضرتك سليم
هو الموضوع من البداية اني اتكلمت مع ال 510 حصان دول و مقولتش اني بهدلته انا قولت من 110 ل 180 طلعت قدامه بعد كدا عداني و كنت عامل موضوع للشداية دي بذات عشان دي اول عربية تعدي مني عالطريق و الناس ساعتها قالت لو كملتوا انتم الاتنين كانت ال sir حتتطلع توب سبيد عشان الرانج اخرها 220

و زي ما حضرتك بتقول ان دي حالة مش عامة يعني 90 % من العربيات اللي في بلدنا مش حتعرف تقول للرانج حاجة و حيتقالها باي باي في ثواني

[ahmedeihab]

ده من ذوقك :)
رايك الشخصي ويحترم ( بس ملوش اي اساس من الصحة ) :d

شكر للكومنت ده
^_^

[lanos2004]

انا مقتنع بالحصان الكورى جدااااااااااااااااااااااااااا
وانه حصان متربى ومتعلم كويس جدا
مثلا انا عربيتى 110 حصان--وعربيه اوكتافيا تقريبا من 102 الى 115 حصان
وكان معايا اربعه وانا كمان يعنى خمسه---الرجاله الى شغالين معايا كلهم-بس وزنهم معقول-من 73 الى 80 كيلو وانا 87 كيلو
وجرينا سوا
النتيجه انا زحفته ورايا ومعايا اربعه فى العربيه--علشان مافيش حد يتكلم اصل الوزن والحكايات دى
يبقه الحصان الكورى راسه براس الحصان الاوربى

[Hosam_Optrawy]

ياجماعة حقنا للدماء

انا كلمت واحد بيشتغل في tps

وقالي الاتي :

ال dyno سليم
والارقام طبيعية جدا
و الشرح كالاتي :

الارقام الي حضارتكم شايفينها دي ... مش bhp او مش الاحصنة المعلنة من الشركة للمحرك !

دي ال whp !!
يعني ال wheel hp يعني القوة الحقيقية الي واصلة للعجلة بعد مانشيل كل حاجة ضايعة من power train لكل حاجة تانية ..

وقالي انه كل ال sirs رقم الwheel بتاعها بيتراوح من 120 الى 130 ... دي الاحصنة الفعلية الي واصلة مش قوة المحرك !

نفس المبدأ ... السيراتو ال 124 .. الي واصل للعجل فعلا 86 حصان يعني ببساطة كدة

لو الفرق بين ال sir والسيراتو ( 160 - 124 ) = 36 حصان في الارقام المعلنة

الفرق على ال wheel على الداينو (122 - 86) = 36 حصان بالظبط برده :)

السبارك الي جايبة 70 حصان كانت زيرو و عاملة 1000 كم و الياريس ال 68 حصان معدية ال 120 الف كم.

فالارقام مش غلط و لا حاجة ...

والارقام عند سامح هي هي عند عادل ... بالمناسبة ..

الله ينور جبتلنا الزتونه :)

انا جايب الداينو عندك فوق بالارقام الحقيقة ماتقوليش الداينو بتاع عادل وجدى

دلوقتى بقى الداينو بتاع عادل وجدى :) وغير معترف بيه :) ماكان حلو زمان

فى مقابل ان السبارك مخرجة 70.5 حصان وبتخرج فى اللتر الواحد 58.7 حصان ينهااااااااااااار ابيض اية دة ياجدعان

السبارك دى 1200 سى سى 80 حصان مانيوال ولسه جديده طبيعى انها تنزل ل 70 عايزها تبقى 40 حصان ولا ايه

أول مرة اعرف ان عشان ماتور احصنتة اعلي و اقوى يبقى لازم يسبق اللي احصنتة اقل .... لا والكلام دة طالع المفروض من ناس فاهمة !!! شكرا للمعلومة بس هى غلط 100%

+1

ايه المشكلة في كدة يا دكتور ؟؟؟

المشكله يابشمهندس ان الحصان مش كل حاجه فى عوامل كتير غيره زى ماحضرتك عارف

[Mzeid]

المشكله يابشمهندس ان الحصان مش كل حاجه فى عوامل كتير غيره زى ماحضرتك عارف

طبعا بيتوقف على عوامل تانية و اهمها الوزن و ال Cd

بس مثلا ال S-class أنا مركبتهاش فهتكلم على الارقام المعلنة
التسارع لل s500 في 5 ثواني و هي عربية داهية و ثقيلة .. بالضبط معرفش وزنها كام علشان نسبة القدرة للوزن

تيجي جنبها شيروكو اصغر و اخف و معمولها ريماب عند سامح بتطلع 205 حصان

طبعا المرسيدس تعلم عليها رايح جاي

[SAMEH_FOUAD]

طبعا احنا عارفين ان الحصان مش كل حاجة ولا العزم كل حاجة لازم يدخل معاهم عوامل مساعدة ( ايروديناميك - توزيع وزن - نظام دفع كويس - كاوتش مناسب ) كل الحاجات دية لازم تكون موجودة عشان تاخد قدرة المحرك صح

نيجى بقى للفرق مابين الحصان الكورى والحصان اليابانى يعنى هل يعقل ان فية حاجة اسمها حصان كورى وحصان يابانى وحصان المانى لأ دية طاقة وعدد لفات محرك بتترجم عن طريق حسابات بتحولها لوحدة قياس bhp . صاحب بقى المقولة الشهيرة ( الحصان الكورى ) كان يقصد اية ان المحرك بيتقال علية 130 حصان مثلا وهو اصلا بيخرج اقل من كدة وبيحصل فى المحرك drops عن السرعات العالية وتلاقية بقى بيجمع بصعوبة بعكس اليابانى والالمانى بيفوقوا اوى بعد ال 120 دة معنى الجمل

- تسألنى بقى لية الناس كلها هاجمت السيراتو لما طلعت 113 حصان , اقولك لية عشان عربيات كتير بتعلم عليها رايح جاى فدة السبب ان الناس مصدقة , لكن لما قولتوا كدة على ال SiR الناس مصدقتش لية بقى عشان اصلا العربية دية الناس كلها عارفة قوتها وعارفة تسارعها وسرعتها القصوى ازاى بقى يبقى اقل من السيراتو ب 9 حصان بس وهية اصلا بتعلم على مواتير حامية جدا وعالية جدا فى كل حاجة وحديثة كمان ومن شركات عريقة ( دة السبب لعدم الاقتناع )

- طيب انتوا مقتنعين ان الرقم دة صح طيب براحتكوا دية حريتكم الشخصية . احنا عارفين عربياتنا سواء انا او سنهورى والحمد لله مش هنقول حاجة كدب ولا حاجة محصلتش عشان نثبتلكوا قوة العربية وحتى لو اقتنعتوا احنا من جوانا هنبقى مش مقتنعين بالعربية وعمرنا مهندافع عنها كدة بس احنا عارفين هية اية ومش محتاجة حد يعرفلنا عربياتنا كفاية اللى الناس بتشوفة مننا على الطريق والحمد لله العربية مش بتجرى وبس لأ وبتديك كمان ( متعة قيادة - شكل جميل رياضى - ثبات عالى جدا - فرامل ممتازة ) خلاص انت عايز اية تانى

- بالنسبة لل rang rover الراجل جايبها فيديو عايزين اية تانى , وبعدين انا مقتنع جدا بية لسبب بسيط جدا ودية عملتها عشان محدش يتنطط علينا من الدول العربية وهو واحد معاة lexus 4500 جيب 2010 وواخد كل العربيات اللى على الطريق فحت وردم وفرحان بصوت العربية ومبهدل كل العربيات بلا استثناء وطبعا الباشا حاطللى علم الامارات على العربية بيرفرف والعربية لونها ابيض وفاتح السقف ومشغل اغانى خليجية , والفامية فى الاتنين اللى ورا وفاتح الاتنين اللى قدام صباح الدلع يعنى واقسم بالله ماشى بالطول وبالعرض فى الكوبرى ومحدش عارف يكلمة , وشاء السميع العليم انة يجى جنبى بالظبط روحت مسمعة صوت الفلتر راح مسمعنى صوت ماتورة روحت مشغل عمر دياب وطيرنا انا وهو , اقسم بالله ظبطة على الطريق ( على فكرة كان معايا خمسة فى العربية واخدلى بالك يا lanos 2004 ) وبعد مالطريق وقف ماسمعتلوش صوت ماتور بعد كدة , وبعد كدة هديت ولقيت اتنين جايين جنبى ويقولى دانت ظبطة ابن ..... ) كل دة ب 122 حصان والله يابلاش
دية بس حاجة واحدة من اللى بيحصل يوميا

[ashouhdy]

انا شايف كل فيديوهات ال sir وهى جايبة 220 ال rpm على 8 والموتور حيشيط

فى المقابل اى موتور عادى not high rev. 2000cc حيجيب ال220 على rpm 4

[mody3on]

نيجى بقى للفرق مابين الحصان الكورى والحصان اليابانى يعنى هل يعقل ان فية حاجة اسمها حصان كورى وحصان يابانى وحصان المانى لأ دية طاقة وعدد لفات محرك بتترجم عن طريق حسابات بتحولها لوحدة قياس bhp

. صاحب بقى المقولة الشهيرة ( الحصان الكورى ) كان يقصد اية ان المحرك بيتقال علية 130 حصان مثلا وهو اصلا بيخرج اقل من كدة
تاااااااااااني ؟ طب هاتلي امارة ( ومتقوليش ناس بتشد معاهم عشان ده مش مقياس )
وبيحصل فى المحرك drops عن السرعات العالية وتلاقية بقى بيجمع بصعوبة بعكس اليابانى والالمانى بيفوقوا اوى بعد ال 120 دة معنى الجمل
معلش ده كده تحوير لان انا عارف وانت عارف انه قصده ( كل اللي قال الكلمة دي ) ان الشركة بتضحك عالناس وتقول ارقام مضروبة ( على اساس انها سهلة والعالم كله مضروب على قفاه وهو بس اللي قفشهم )

- تسألنى بقى لية الناس كلها هاجمت السيراتو لما طلعت 113 حصان , اقولك لية عشان عربيات كتير بتعلم عليها رايح جاى فدة السبب ان الناس مصدقة , لكن لما قولتوا كدة على ال SiR الناس مصدقتش لية بقى عشان اصلا العربية دية الناس كلها عارفة قوتها وعارفة تسارعها وسرعتها القصوى ازاى بقى يبقى اقل من السيراتو ب 9 حصان بس وهية اصلا بتعلم على مواتير حامية جدا وعالية جدا فى كل حاجة وحديثة كمان ومن شركات عريقة ( دة السبب لعدم الاقتناع )

يا سمسم وحياة ربنا مفيش حد مصدق الشيت ! ليه مصر على نظرية المؤامرة وان الناس كلها بتشمت في السيفيك ! الخلاصة ان الداينو ده زي ما كان وحش في السيراتو ( وانتوا مش مقتنعين وفاكرينه ماركة حلوة واحنا مش فاهمين حاجة ) برضه وحش مع السيفيك وده دليل ان العيب مش في السيراتو العيب في الداينو

دية بس حاجة واحدة من اللى بيحصل يوميا

http://www.nilemotors.net/Nile/3874203495-post73.html

سمسم المتعصب يحب يقول ايه لسمسم العاقل ؟؟ :D

[M_Nabil]

ده الـ SiR المانيوال 160 و 170 حصان

Power of Stock B16A

وده الاوتوماتيك

Power of a Stock EK4 Auto

[Mohab.Nabil]

كلام حضرتك سليم
هو الموضوع من البداية اني اتكلمت مع ال 510 حصان دول و مقولتش اني بهدلته انا قولت من 110 ل 180 طلعت قدامه بعد كدا عداني و كنت عامل موضوع للشداية دي بذات عشان دي اول عربية تعدي مني عالطريق و الناس ساعتها قالت لو كملتوا انتم الاتنين كانت ال sir حتتطلع توب سبيد عشان الرانج اخرها 220

و زي ما حضرتك بتقول ان دي حالة مش عامة يعني 90 % من العربيات اللي في بلدنا مش حتعرف تقول للرانج حاجة و حيتقالها باي باي في ثواني

احيى حضرتك على الرد المحترم و عدم التعصب

و اسف لو كان فى ردودى اى حاجة ضايقتك

انا بس استغربت انا مليش فى الشد اوى بس استغربت ازاى فرق القوة ديه و يحصل كده ..

و بعدين احنا امتى بنشوف عربيات معدية الـ 200 حصان فى مصر اصلا مش 500 حصان يعنى العربيات ديه تقريبا مش موجودة فى مصر .. الله يكرم الجمارك مظبطانا اخر تظبيط


ربنا يستر طريقنا من كل سوء ان شاء الله

[Mzeid]

سمسم باشا لازم طبعا تطلع من اللكزس

قيه فرق حوالي 11 حصان/ طن لصالحك