ايه رأيكم في الهوندا دى

[amrelsaqqa]

السلام عليكم ورحمة الله وبركاته
ازيكوا يا هونداوية وكل سنة وانتوا طيبين

كان عندى استفسار وعايز اراءكوا خصوصا الكبير اوى سامح والكبير جدي احمد ايهاب

في عربية احتمال اروح اشوفها النهاردة كانت في اعلان ع النت ودى صورها













طبعا si 92 اوتو وفيها جنوط سبور وفرش جلد

كلمت صاحبها قلت له العربية عاملة كام كيلو قاللى 200 الف
طيب الموتور اخباره ايه ، قاللى تمام عايز السرفيس العادية بس
والفتيس ، تمام
والشاسيه والدواخل ؟ الشاسيه تمام ، وفيه خبطة مردودة على البارد في السدر
والعفشة ؟ قاللى عايزة مساعدين ورا

طبعا ده على حسب كلامه هو والله اعلم ايه تانى فيها

مش عارف، هى شكلها من برة في الصور كويس ، بس خايف تكون من العربيات اللى بيبقى شكلها حلو من برة بس مليانة بلاوى من جوة

عايز اعرف ازاى اكشف عليها مبدأيا بنفسى وازاى اكشف على كل حتة فيها واعرف كل عيوبها

وهل بالعيوب المذكورة دى لو مفيش غيرها ممكن اشتريها ولا لا، واخدها بكام ؟

هو كان عامل اعلانين واحد بيتكلم في 46 والتانى 47
يعنى لو خلصت على 44 كويس ولا كتير عليها ، ولا ما اخدهاش اصلا ؟

[AhMeD MeTwAlY]

السعر عالي شوية وخصوصا انها مش sir لو sir ممكن يتكلم في نفس اقل من السعر دا
انما دي si

[amrelsaqqa]

السعر عالي شوية وخصوصا انها مش sir لو sir ممكن يتكلم في نفس اقل من السعر دا
انما دي si

شكرا للرد بس انا سمعت ان الsir ممكن تعدي كدة بكتير ده ان لقيتها اصلا

[abo-berry]

SiR ايه ياباشا اللي ب 46 و 47 لو وقعت قدامك واحدة زي مابتقول وحالة نظيفة أنا جاهز اشتريها وقتي

[AhMeD MeTwAlY]

SiR ايه ياباشا اللي ب 46 و 47 لو وقعت قدامك واحدة زي مابتقول وحالة نظيفة أنا جاهز اشتريها وقتي

عارف ان sir 97 عامله 60 الف جنيه ودي كانت فيها سوند سستم وشوية اوبشن تانيه
كان في واحده sir وصاحبها بيتكلم في 48 الف بس مكنتش 97 او تقريبا هو معدل الموتور حاجه زي كدا

[abo-berry]

SiR 97 عاملة 60 الف انت بتجيب الاسعار دي منين ياباشا.
وحتي لو متعدله مش هتنزل ل 48 اكيد العربية دي كانت متهانه

[AhMeD MeTwAlY]

sir 97 عاملة 60 الف انت بتجيب الاسعار دي منين ياباشا.
وحتي لو متعدله مش هتنزل ل 48 اكيد العربية دي كانت متهانه

من ناس كانت بتبيع ومقبلاني في السوق ايام لما كنت بشتري عربيه

[amrelsaqqa]

طيب بغض النظر عن حوار sir ده
اكشف على العربية ازاى واعرف اذا كانت ضيفة ولا لا ازاى

هل ممكن توكيل هوندا يكشف عليها ؟

[abo-berry]

السوق !!! لا ياباشا السوق ده كله نصب وسرقة وسمسره ومعظم العربيات اللي هناك بيبقي فيها بلاوي مش الهوندا بس لا دي كل العربيات.
و دي ياباشا أسعار sir
بالنسبة للجيل الخامس 92 -95
المتسقط عامل من 50 -55
الاوريجينال (ودي بتبقي قليلة اوي ) من 55 -60
بالنسبة للجيل السادس 96 -2000
المتسقط من 60-65
الاوريجينال (ودي بتبقي قليلة اوي بردو ) من 65 -70
وطبعا الرينج ده علي حسب الموديل والحالة
تقبل مروري

[abo-berry]

بالنسبة للكشف ياباشا
1 - تأخذ معاك سمكري فاهم يبصلك علي ( قوايم - شنطه - حوض ) وبص علي رقم الشاسيه عشان تعرف ان دي si اوريجينال ولا كانتex or el واتعدلت.
2 - تطلع علي بنزينه نظيفة تقيس كبس الماتور و مايقلش عن 80 -75 % , وترفع العربية وتبص عليها من تحت .
3 - تبص علي المساعدين خفيفة ولا كويسة , تاخد العربيه في الملفات تشوف الكبالن بطقطق ولا لا وتشوف الباور وطبعا تبص علي حالة الصالون من جوا
يارب ماكنش نسيت حاجه :d:d

[AhMeD MeTwAlY]

السوق !!! لا ياباشا السوق ده كله نصب وسرقة وسمسره ومعظم العربيات اللي هناك بيبقي فيها بلاوي مش الهوندا بس لا دي كل العربيات.
و دي ياباشا أسعار sir
بالنسبة للجيل الخامس 92 -95
المتسقط عامل من 50 -55
الاوريجينال (ودي بتبقي قليلة اوي ) من 55 -60
بالنسبة للجيل السادس 96 -2000
المتسقط من 60-65
الاوريجينال (ودي بتبقي قليلة اوي بردو ) من 65 -70
وطبعا الرينج ده علي حسب الموديل والحالة
تقبل مروري

ربنا يخليك يا غالي علي التوعيه الجميله
طيب دلؤقتي مواتير sir بتبتدي b16 ولي ايه بظبط؟؟
معلش متقل عليك

[amrelsaqqa]

بالنسبة للكشف ياباشا
1 - تأخذ معاك سمكري فاهم يبصلك علي ( قوايم - شنطه - حوض ) وبص علي رقم الشاسيه عشان تعرف ان دي si اوريجينال ولا كانتex or el واتعدلت.
2 - تطلع علي بنزينه نظيفة تقيس كبس الماتور و مايقلش عن 80 -75 % , وترفع العربية وتبص عليها من تحت .
3 - تبص علي المساعدين خفيفة ولا كويسة , تاخد العربيه في الملفات تشوف الكبالن بطقطق ولا لا وتشوف الباور وطبعا تبص علي حالة الصالون من جوا
يارب ماكنش نسيت حاجه :d:d

تمام اوى ....
طيب بالنسبة لرقم الشاسيه افرق ازاى بين الموديلات المختلفة

وهل موضوع خبطة في السدر مردودة ع البارد ده يعيب العربية وينزل سعرها جامد ولا عادى ؟

[SAMEH_FOUAD]

والله ياباشا الموضوع مش هين وكبير فعلا

فكل اللى هقدر اقولهولك دة رقمى ياباشا وكلمنى 01003088605 , وانت قدام العربية عشان اشرحلك كل حاجة بالتفصيل وتبص على اية مبدأيا

وعموما ياباشا كود شاسية ال si هيكون كالاتى

jhmeh9 دة لازم تلاقى الكود دة مكتوب فى الاول وكلمة jhm بتوحى انها من صنع اليابان
eh9 ودة الكود الخاص بفئة ال si

بعد كدة هتلاقى6700s ودة اللى بيدل على ان السيارة اتوماتيك اوريجينال ثم بعد كدة هتلاقى كود الشاسية

يبقى لازم تلاقى العربية كود الشاسية كدة jhmeh96700s

والرقم دة هتلاقى منة اتنين واحد فى صدر العربية جنب البطارية محفور

والاخر هتلاقية على لوحة معدنية لما تفتح باب السائق فى القائم اللى فى النص فى الاخر هتلاقى لوحدة معدنية لونها نبيتى ولازم تتطابق هذا الرقم بالرقم المكتوب على الشاسية

رقم المحرك لو الاصلى بتاعها هيكون كودة ( d16a9 ) ودة 2 كامة لونة اسود قوتة 130 حصان

لو SiR كودة بيكون b16a فقط او بعد ال A بيكون مكتوب ارقام زى ( 2,4,5,6 ) دول اللى هتلاقيهم

سعر بقى ال si نظيفة بيعمل 50 الف جنية محتاجة مصاريف قليلة 47 الف جنية , محتاجة مصاريف كتير 43 -44

سعر ال SiR نظيفة متسقطة 55 الف جنية مش محتاجة اى مصاريف ومتسقطة زى الفابركية

عايزة شغل قليل 50-52 الف جنية

عايزة شغل كتير بتنزل 47 الف جنية

اكتر من كدة كمثلا حاجات زى فتيس كنترول بتنزل ل45 الف جنية

دية اسعار العربية خلى بالك انا بقولك كدة عشان حاجة واحدة عشان لو الراجل قبل بملغ 44 الف جنية اعرف كدة انها فيها حاجة وهو عايز يخلصها

[amrelsaqqa]

والله ياباشا مش عارف اقولك ايه ،
انت وضحتلى حاجات كتير جدا جدا ، ربنا يكرمك يارب
وان شاء الله لو رحت شفتها وعجبتنى هبقى اكلمك ان شاء الله :)

[SAMEH_FOUAD]

والله ياباشا مش عارف اقولك ايه ،
انت وضحتلى حاجات كتير جدا جدا ، ربنا يكرمك يارب
وان شاء الله لو رحت شفتها وعجبتنى هبقى اكلمك ان شاء الله :)

مافيش حاجة ياباشا احنا اخوات ولو عوزت اى حاجة احنا فى الخدمة