ايه رأيكم في الهوندا دى

[SAMEH_FOUAD]

والله اللى انت بتقوله ده مع انه مضحك لكن فعلا العربيات المعتادة عندنا فى مصر زى الهوندا للاسف غالبها مشموم وطالع عينه وكمان سعره عاللللللللللللللللى اغلب اللى بيبيعوا بيستعبطوا وربنا يصبرك لحد ما تلاقى شخص عادى مشكلتك بس معاه العسر والفصال! "لان دايما فى مليون مشكلة تانية"... انا بعد شهر وشوية تدوير رحت للسوبارو عربية بالضبط زى الهوندا وبنقى واختار فى اللى بيبيعوها :)))) مقابل تمن بسيط تعب شوية فى صيانتها! ده طبعا غير ان انت بتكون كسرت سعر اعادة البيع يعنى كدة كدة انت كسبان ركوبة ممتازة بنصف سعر الهوندا لنفس الموديل العام تقريبا واختها!!!

ياباشا العيب مش فى العربية العيب فى الناس اللى بيخلوا اى واحد مش فاهم فى اى حاجة يشتغل فى عربية لمجرد انة جنب البيت , وفى الاخر يرجع يعيط جنبها

والله انا ناس اصحابى بيكلمونى بيقوللى حاجات غريبة , فى العربية وطبعا عشان يرجعوها زى الاول هيدفعوا كتير

العربية دية لو نظيفة والله هتبقى تحفة

[mohammadaolo]

بس انا اكتشفت حاجة من خلال بحثى المستمر محدش بيبيع هوندا الا لما تكون فيها مشاكل او متهانة , لكن والله لو العربية نظيفة انسى ان اى حد يفرط فيها ابدا

مش كل الناس علي فكره ,,, انا عاوز ابيع عربيتي ومفهاش اي حاجه غير رش و هرشها ان شاء الله علشان ما شاء الله اللي كانت معاه شكله كان راششها تحت البيت البويه كله تقه بس مش هبعها غير لما القي كوبيه او sir اورجينال الجيل الخامس ان شاء الله .

و في واحد عارض عربيه علي موقع CAR>>> موديل 1997 لونه احمر sir اورجينال بجد العربيه دي كانت ماشيه جنبي في وسط البلد نظيفه جدا بجد الماتور و صوته ما شاء الله بجد يرعب هو قرص عليها بس برضو ترعب .

[ahmedeihab]

ياااه ده انا كنت نسيت ارد تانى والله
كويس انك فكرتنى

بص يا باشا

العربية في الاعلان شكلها نضيفة ، مديها وش برة جديد وفرش جلد حلو جدا جدا وجنوط وكاوتش بردجستون، طبعا انا ملسوع قبل كدة وعارف ان الشكل في الاعلان مش كل حاجة ، بل بالعكس ، العربيات التيت هى اللى بيبقى شكلها نضيف من برة ..


اللى شجعنى اروح ان المكان كان قريب من الشغل بتاعى لما قاللى اول مرة في التليفون

المهم رحت لقيته واقف في البنزينة على طريق السويس وبيغسل العربية

لما بلاقى اللى بيفرجنى على العربية بيغسلها ، ببقى مش متفائل

خصوصا لو غسل الموتور

اول حاجة شفتها الشنطة عشان العربية كانت لسة بتتغسل

الباب مش مظبوط

الخلوصات بتاعته ضايعة وخصوصا من الشمال

بفتح لقيت الستارة اللى ورا دى من جوة في البتنجان ( اللى ورا النمرة والفوانيس )

عاملة حادثة ومردودة وشكلها غير هندسى بالمرة وفي حديدة ملحومة فيها من جوة !

والرفرف الشمال متسمكر من جوة

ومن برة واخد معجون بالهبل ومكتوم جدا

بعد كدة فتح الابواب فبصيت على اللوحة اللى بيبقى عليها رقم الشاسيه لقيتها si مش متعدلة زي ما قال سمسم كدة بالظبط ربنا يكرمه JHMEH9

فتح الكبوت بقى ، باب الكبوت مرشوش من جوة [:D]

والحوض مشكوك في امره

بقول له ايه بقى تاريخ العربية دى، عمللى فيلم هندى

بيقوللى انهم جايبينها من اسكندرية

كانت بتاعت واحدة اول مالكة ليها

بس هى توفت واشتروها من الورثة

ودلوقتى بيبيعها عشان هو وشريكه مزنوقين في فلوس عشان هيشتروا محل
الكلام ده انا سمعته فين قبل كدة سمعته فين قبل كدة ؟؟؟ ما علينا


العربية خلصت غسيل وجت مرحلة التنشيف فالواد بتاع المغسلة هيحركها ويوقفها ف الشمس

الواد بيسوق العربية فعمالة تبطل منه

فانا بقول له هى بتبطل منه ليه وهى اوتوماتيك ؟

قاللى معرفش

الواد نزل وقال له العربية عايزة تعلى شوية

المهم دورناها تانى وفتحت الكبوت اشوف ايه الحوار

تقريبا الايدل عنده ملغي اساسا [:D]

وبيعلى العربية وبيوطيها برجلاش السلك زي الكربراتير كدة [:D]

ههههههههههههههههههههههههههه

والله تقريبا اسوأ عربية اتفرجت عليها في حياتى

وال ايه كان بيقوللى هات معاك سمكرى وميكانيكى [:D]

بعدها جيت اسوقها فطبعا برضه مجرد ما جبت الدي وانا لسة دايس فرامل بتبطل

مرة في التانية ، اجى ادور البطارية نامت

تيييييييييييييييييييييت

الواد بقى في نص هدومه

هو توقع بقى انى هقول له شكرررررررررا وهمشى او ممكن اشتمه

وانا ما عملتش كدة طبعا

انا قلت اما اجيب اخر كل حاجة في العربية اللذيذة دى وكنا قبل الفطار بساعتين كدة وانا قاعد بسلي صيامى هههههههه

المهم هو احتاس في موضوع البطارية ده فقلتله بص وانت لسة غاسل العربية كدة قول للعامل ان البطارية نايمة وهو اكيد عنده مشترك او عندهم بطارية وخليه يدورهالك بسرعة

المهم عملنا كدة فعلا والراجل جاب بطارية من عنده ووصلنا مشترك ودورناها

بعدين بقى لقيته بيقوللى ايه يا باشا ما اتكلمتش في السعر يعنى

قلتله بص

انا لسة ما جربتش كل حاجة في العربية

وانا بحب اكون واقعى

انت كنت قايل 46 ممكن جدا اقوم قايللك 42 من غير ما اشوف حاجة

بس انا ما بحبش كدة

قاللى تمام ، بس انا كنت قايل 47 قلت له ماشى مش مشكلة

بعد كدة قاللى والله البطارية دى مش بتاعتها والبطارية بتاعتها جاية بالليل و مش عارف ايه

قلتله ماشى

فانا سألته : والتكييف بقى شغال ولا ايه

قاللى عايز يتشحن بس

قلتله ااااااااااااه ، ماشى

حاجة تييييييييت

والمشكلة انك بتشوف عربيات

بتتقفل نفسيا من الماركة كلها

حرام والله

والباشا نزل الاعلان تانى امبارح

قال بـ 47 قال

المهم بعد ما دورناها قاللى خلاص ياباشا هستنى منك تليفون

قلتله لا انا لسة ماجربتش العربية على فكرة

هو انت هتروح دلوقتى ، قاللى اه البيت قريب ، قلتله ماشى هجرب العربية في الشارع ده ..

قاللى ماشى

طبعا حطيت دي ورجلى على البنزين على طول والا هتبطل ههههههه

طلعت ومشيت شوية

والفتيس تقريبا كان كويس في حدود التجربة
المهم انا ماشى سرعتى ما جابتش 60

وفي قدام مطب تقريبا وعربيات مهدية

فانا طبعا عادى يعنى مستنى قبلها بحاجة بسيطة عشان افرمل

لقيتلك ده اترعب وبيقوللى هدي هدي

اصل التيل مش عارف ليه

لسة ما خلصش كلامه انا دوست فرامل طبعا ، مش هستناه يخلص كلامه ، ماهى مش عربيتى وانا ماعرفش فيها ايه

اتارى يا معلم مفيييييييييييش فرامل

هههههههههههههههههه

ادوس الدواسة للاخر والفرامل ضعيفة جدا جدا جدا
بس الحمد لله وقفت بالعافية


المهم كان فيه يوتيرن ، فقاللى لف عشان نروّح قلتله ماشى

طبعا الباور تقيل فحت ، هو مش فاصل بس تقيل ، وفي عضة خفيفة في الدركسيون

كدا ما شاء الله العربية مفهاش حاجة سليمة هههههههههه

اليوتيرن كانت ضيقة وهو فاجئنى لما قاللى لف ، فماجتش من اول مرة
فطبعا اضطريت اقف واجيب مارشدير

طبعا مجرد ما وقفت بطلت ههههه

كانى ما دستش دبرياج بالظبط [:D]
بدور دارت ، طبعا كان ممكن جدا ما تدورش وكنت هنزل اسيبه مع نفسه هههههههههه


المهم بقى انا وانا بطلع لقدام بدوس بنزين جامد مجرد ما احط دي عشان ما تبطلش

انما دلوقتى

ما ينفعش اجيب مرشدير وادوس بنزين جامد وانا في اليوتيرن

في الاخر بقى اكتشفت طريقة سواقة العربية العبقرية دى

وهى ان الرجل الشمال لازم تشتغل ههههههههههههههههههههههههههههههههههههههههههه

رجلى الشمال على الفرامل كأنها دبرياج ورجلى اليمين ساندة بنزين

وواحدة واحدة

تطلع احلى طلعة

هقول ايه ولا ايه بس ، ده حتى الردياتير اللى فيها شكله بتاع سنة 92

قديييييييييييم فحت

في الاخر وصلنا عند بيته ، وطبعا انا عامل فيها عبيط ولا شتمتله في العربية ولا حاجة

بقول له قوللى من الاخر بقى من الاخر خالص ، انت عايز في العربية كام

قاللى من الاخر خالص خالص 46 هههههههههههه


هتخلينى اقول كلام مش حلو ليه في عقلى ده احنا صايمين


انا والله كنت محترم لاخر درجة [:D]


و طبعا المعاملة دى لن تتكرر بعد كدة انما المرة دى عشان رمضان بس [:D]

في حاجة كمان نسيت اقولها

لما تشغل النور عداد الار بي ام يفصل

لازم تختار النور او الار بي ام :D


ادى يا سيدى حكايتى مع السيفيك ، بس بجد كنت اتمنى اشوف عربية نضيفة عشان ما اتقفلش القفلة دى منها
بس قدر الله وما شاء فعل ماحدش عارف الخير فين

ووالله ده اللى حصل بالظبط بدون اي مبالغة ، وطبعا ده لا يعيب الماركة ، انما العربية اللى شفتها فعلا كانت اعوذ بالله ..

ومعلش على الاطالة

يا ساتر

و هى فين العربيه بقا ان شاء الله

^_^

[amrelsaqqa]

يا ساتر

و هى فين العربيه بقا ان شاء الله

^_^

الراجل نزل الاعلان النهاردة تانى ب 42 الف بدل 47 :d

[khaleddapino]

معلش عندي سؤال كده هو ينفع اشتري عربيه منطقه حره ؟ اصل بدور علي الكوبيه او sir اورجينال 1995
بس للاسف مافيش في القاهره

اه ينفع تشترى منطقه حره و تدفع الجمارك و ترخص مرور القاهره على حسب مرورك فيين

كان لسه فى قدامى هوندا كوبيه 1998 امريكانى كامله ب 50 الف جنيه
فى كوبيه جيل خامس عندنا نظيف اووى بس حتلاقى السعر عالى شويه

[bigslayer]

اه ينفع تشترى منطقه حره و تدفع الجمارك و ترخص مرور القاهره على حسب مرورك فيين

كان لسه فى قدامى هوندا كوبيه 1998 امريكانى كامله ب 50 الف جنيه
فى كوبيه جيل خامس عندنا نظيف اووى بس حتلاقى السعر عالى شويه

يا ريت تقولنا جماركها فى حدود كام بالتقريب

[abo-berry]

جماركها في حدود 30 ألف جنيه

[khaleddapino]

الجمارك فى حدود 30 او 35 الف

[bigslayer]

جزاكم الله عنى خيرا

[bedo13]

مش كل الناس علي فكره ,,, انا عاوز ابيع عربيتي ومفهاش اي حاجه غير رش و هرشها ان شاء الله علشان ما شاء الله اللي كانت معاه شكله كان راششها تحت البيت البويه كله تقه بس مش هبعها غير لما القي كوبيه او sir اورجينال الجيل الخامس ان شاء الله .

و في واحد عارض عربيه علي موقع car>>> موديل 1997 لونه احمر sir اورجينال بجد العربيه دي كانت ماشيه جنبي في وسط البلد نظيفه جدا بجد الماتور و صوته ما شاء الله بجد يرعب هو قرص عليها بس برضو ترعب .

حد اتفرج عالعربية دي؟؟
عاجباني اوي بصراحة..........

[tarekomar66]

لسه فى ناس برضه معاها عربيات كويسه وعاوزه تبيعها علشان تركب احدث