ايه رأيكم في الهوندا دى

[ahmedeihab]

بالنسبة للكشف ياباشا
1 - تأخذ معاك سمكري فاهم يبصلك علي ( قوايم - شنطه - حوض ) وبص علي رقم الشاسيه عشان تعرف ان دي si اوريجينال ولا كانتex or el واتعدلت.
2 - تطلع علي بنزينه نظيفة تقيس كبس الماتور و مايقلش عن 80 -75 % , وترفع العربية وتبص عليها من تحت .
3 - تبص علي المساعدين خفيفة ولا كويسة , تاخد العربيه في الملفات تشوف الكبالن بطقطق ولا لا وتشوف الباور وطبعا تبص علي حالة الصالون من جوا
يارب ماكنش نسيت حاجه :d:d

والله ياباشا الموضوع مش هين وكبير فعلا

فكل اللى هقدر اقولهولك دة رقمى ياباشا وكلمنى 01003088605 , وانت قدام العربية عشان اشرحلك كل حاجة بالتفصيل وتبص على اية مبدأيا

وعموما ياباشا كود شاسية ال si هيكون كالاتى

jhmeh9 دة لازم تلاقى الكود دة مكتوب فى الاول وكلمة jhm بتوحى انها من صنع اليابان
eh9 ودة الكود الخاص بفئة ال si

بعد كدة هتلاقى6700s ودة اللى بيدل على ان السيارة اتوماتيك اوريجينال ثم بعد كدة هتلاقى كود الشاسية

يبقى لازم تلاقى العربية كود الشاسية كدة jhmeh96700s

والرقم دة هتلاقى منة اتنين واحد فى صدر العربية جنب البطارية محفور

والاخر هتلاقية على لوحة معدنية لما تفتح باب السائق فى القائم اللى فى النص فى الاخر هتلاقى لوحدة معدنية لونها نبيتى ولازم تتطابق هذا الرقم بالرقم المكتوب على الشاسية

رقم المحرك لو الاصلى بتاعها هيكون كودة ( d16a9 ) ودة 2 كامة لونة اسود قوتة 130 حصان

لو sir كودة بيكون b16a فقط او بعد ال a بيكون مكتوب ارقام زى ( 2,4,5,6 ) دول اللى هتلاقيهم

سعر بقى ال si نظيفة بيعمل 50 الف جنية محتاجة مصاريف قليلة 47 الف جنية , محتاجة مصاريف كتير 43 -44

سعر ال sir نظيفة متسقطة 55 الف جنية مش محتاجة اى مصاريف ومتسقطة زى الفابركية

عايزة شغل قليل 50-52 الف جنية

عايزة شغل كتير بتنزل 47 الف جنية

اكتر من كدة كمثلا حاجات زى فتيس كنترول بتنزل ل45 الف جنية

دية اسعار العربية خلى بالك انا بقولك كدة عشان حاجة واحدة عشان لو الراجل قبل بملغ 44 الف جنية اعرف كدة انها فيها حاجة وهو عايز يخلصها

اولا انا بعتزر عن التأخير

ثانيا + 1111111111 للناس الجامده دى الواحد مش عارف يقول بعديهم ايه

ثالثا انا هضيف حاجه صغيره

اوعا تتسرع فى شراء اى عربيه فى الدنيا

تحياتى و بعتذر مره تانيه

^_^

[amrelsaqqa]

رحت شوفتها وياريتنى ما رحت :d

ولى عودة ان شاء الله

[khaleddapino]

بس الى عامل الكراسى استاذ بسم الله ماشاء الله بجد ايدو تتلف فى حرير

[amrelsaqqa]

بس الى عامل الكراسى استاذ بسم الله ماشاء الله بجد ايدو تتلف فى حرير

كانت الحاجة الوحيدة النضيفة في العربية هى والكاوتش والجنوط والدهان الجديد

[محمد-علام]

السعر عالي شوية وخصوصا انها مش sir لو sir ممكن يتكلم في نفس اقل من السعر دا
انما دي si

واللهِ يا باشا أنا عايز أضحك بس مش عارف بصراحة ....أولا أهلا بيك في منتدانا الجميل ...بس اللي إنت بتقوله ده درب من الخياال ...sir ايه يا باشا اللي عاملة 47 ولا حتى 50 يا باشا إنت علشان تتكلم في sir فايقة ورايقة إنت بتتكلم من آآآآآآآآآآول 55 وصدقني ممكن توصل ل 70 ...وعامةً نورتنا في الهوندا

[eng.ghost]

بصراحة ربنا يبارك لاستاذ سمسم

[mohammadaolo]

رحت شوفتها وياريتنى ما رحت :d

ولى عودة ان شاء الله

مشكلتها ايه يا باشا ؟

[amrelsaqqa]

مشكلتها ايه يا باشا ؟

ياااه ده انا كنت نسيت ارد تانى والله
كويس انك فكرتنى

بص يا باشا

العربية في الاعلان شكلها نضيفة ، مديها وش برة جديد وفرش جلد حلو جدا جدا وجنوط وكاوتش بردجستون، طبعا انا ملسوع قبل كدة وعارف ان الشكل في الاعلان مش كل حاجة ، بل بالعكس ، العربيات التيت هى اللى بيبقى شكلها نضيف من برة ..


اللى شجعنى اروح ان المكان كان قريب من الشغل بتاعى لما قاللى اول مرة في التليفون

المهم رحت لقيته واقف في البنزينة على طريق السويس وبيغسل العربية

لما بلاقى اللى بيفرجنى على العربية بيغسلها ، ببقى مش متفائل

خصوصا لو غسل الموتور

اول حاجة شفتها الشنطة عشان العربية كانت لسة بتتغسل

الباب مش مظبوط

الخلوصات بتاعته ضايعة وخصوصا من الشمال

بفتح لقيت الستارة اللى ورا دى من جوة في البتنجان ( اللى ورا النمرة والفوانيس )

عاملة حادثة ومردودة وشكلها غير هندسى بالمرة وفي حديدة ملحومة فيها من جوة !

والرفرف الشمال متسمكر من جوة

ومن برة واخد معجون بالهبل ومكتوم جدا

بعد كدة فتح الابواب فبصيت على اللوحة اللى بيبقى عليها رقم الشاسيه لقيتها si مش متعدلة زي ما قال سمسم كدة بالظبط ربنا يكرمه JHMEH9

فتح الكبوت بقى ، باب الكبوت مرشوش من جوة [:D]

والحوض مشكوك في امره

بقول له ايه بقى تاريخ العربية دى، عمللى فيلم هندى

بيقوللى انهم جايبينها من اسكندرية

كانت بتاعت واحدة اول مالكة ليها

بس هى توفت واشتروها من الورثة

ودلوقتى بيبيعها عشان هو وشريكه مزنوقين في فلوس عشان هيشتروا محل
الكلام ده انا سمعته فين قبل كدة سمعته فين قبل كدة ؟؟؟ ما علينا


العربية خلصت غسيل وجت مرحلة التنشيف فالواد بتاع المغسلة هيحركها ويوقفها ف الشمس

الواد بيسوق العربية فعمالة تبطل منه

فانا بقول له هى بتبطل منه ليه وهى اوتوماتيك ؟

قاللى معرفش

الواد نزل وقال له العربية عايزة تعلى شوية

المهم دورناها تانى وفتحت الكبوت اشوف ايه الحوار

تقريبا الايدل عنده ملغي اساسا [:D]

وبيعلى العربية وبيوطيها برجلاش السلك زي الكربراتير كدة [:D]

ههههههههههههههههههههههههههه

والله تقريبا اسوأ عربية اتفرجت عليها في حياتى

وال ايه كان بيقوللى هات معاك سمكرى وميكانيكى [:D]

بعدها جيت اسوقها فطبعا برضه مجرد ما جبت الدي وانا لسة دايس فرامل بتبطل

مرة في التانية ، اجى ادور البطارية نامت

تيييييييييييييييييييييت

الواد بقى في نص هدومه

هو توقع بقى انى هقول له شكرررررررررا وهمشى او ممكن اشتمه

وانا ما عملتش كدة طبعا

انا قلت اما اجيب اخر كل حاجة في العربية اللذيذة دى وكنا قبل الفطار بساعتين كدة وانا قاعد بسلي صيامى هههههههه

المهم هو احتاس في موضوع البطارية ده فقلتله بص وانت لسة غاسل العربية كدة قول للعامل ان البطارية نايمة وهو اكيد عنده مشترك او عندهم بطارية وخليه يدورهالك بسرعة

المهم عملنا كدة فعلا والراجل جاب بطارية من عنده ووصلنا مشترك ودورناها

بعدين بقى لقيته بيقوللى ايه يا باشا ما اتكلمتش في السعر يعنى

قلتله بص

انا لسة ما جربتش كل حاجة في العربية

وانا بحب اكون واقعى

انت كنت قايل 46 ممكن جدا اقوم قايللك 42 من غير ما اشوف حاجة

بس انا ما بحبش كدة

قاللى تمام ، بس انا كنت قايل 47 قلت له ماشى مش مشكلة

بعد كدة قاللى والله البطارية دى مش بتاعتها والبطارية بتاعتها جاية بالليل و مش عارف ايه

قلتله ماشى

فانا سألته : والتكييف بقى شغال ولا ايه

قاللى عايز يتشحن بس

قلتله ااااااااااااه ، ماشى

حاجة تييييييييت

والمشكلة انك بتشوف عربيات

بتتقفل نفسيا من الماركة كلها

حرام والله

والباشا نزل الاعلان تانى امبارح

قال بـ 47 قال

المهم بعد ما دورناها قاللى خلاص ياباشا هستنى منك تليفون

قلتله لا انا لسة ماجربتش العربية على فكرة

هو انت هتروح دلوقتى ، قاللى اه البيت قريب ، قلتله ماشى هجرب العربية في الشارع ده ..

قاللى ماشى

طبعا حطيت دي ورجلى على البنزين على طول والا هتبطل ههههههه

طلعت ومشيت شوية

والفتيس تقريبا كان كويس في حدود التجربة
المهم انا ماشى سرعتى ما جابتش 60

وفي قدام مطب تقريبا وعربيات مهدية

فانا طبعا عادى يعنى مستنى قبلها بحاجة بسيطة عشان افرمل

لقيتلك ده اترعب وبيقوللى هدي هدي

اصل التيل مش عارف ليه

لسة ما خلصش كلامه انا دوست فرامل طبعا ، مش هستناه يخلص كلامه ، ماهى مش عربيتى وانا ماعرفش فيها ايه

اتارى يا معلم مفيييييييييييش فرامل

هههههههههههههههههه

ادوس الدواسة للاخر والفرامل ضعيفة جدا جدا جدا
بس الحمد لله وقفت بالعافية


المهم كان فيه يوتيرن ، فقاللى لف عشان نروّح قلتله ماشى

طبعا الباور تقيل فحت ، هو مش فاصل بس تقيل ، وفي عضة خفيفة في الدركسيون

كدا ما شاء الله العربية مفهاش حاجة سليمة هههههههههه

اليوتيرن كانت ضيقة وهو فاجئنى لما قاللى لف ، فماجتش من اول مرة
فطبعا اضطريت اقف واجيب مارشدير

طبعا مجرد ما وقفت بطلت ههههه

كانى ما دستش دبرياج بالظبط [:D]
بدور دارت ، طبعا كان ممكن جدا ما تدورش وكنت هنزل اسيبه مع نفسه هههههههههه


المهم بقى انا وانا بطلع لقدام بدوس بنزين جامد مجرد ما احط دي عشان ما تبطلش

انما دلوقتى

ما ينفعش اجيب مرشدير وادوس بنزين جامد وانا في اليوتيرن

في الاخر بقى اكتشفت طريقة سواقة العربية العبقرية دى

وهى ان الرجل الشمال لازم تشتغل ههههههههههههههههههههههههههههههههههههههههههه

رجلى الشمال على الفرامل كأنها دبرياج ورجلى اليمين ساندة بنزين

وواحدة واحدة

تطلع احلى طلعة

هقول ايه ولا ايه بس ، ده حتى الردياتير اللى فيها شكله بتاع سنة 92

قديييييييييييم فحت

في الاخر وصلنا عند بيته ، وطبعا انا عامل فيها عبيط ولا شتمتله في العربية ولا حاجة

بقول له قوللى من الاخر بقى من الاخر خالص ، انت عايز في العربية كام

قاللى من الاخر خالص خالص 46 هههههههههههه


هتخلينى اقول كلام مش حلو ليه في عقلى ده احنا صايمين


انا والله كنت محترم لاخر درجة [:D]


و طبعا المعاملة دى لن تتكرر بعد كدة انما المرة دى عشان رمضان بس [:D]

في حاجة كمان نسيت اقولها

لما تشغل النور عداد الار بي ام يفصل

لازم تختار النور او الار بي ام :D


ادى يا سيدى حكايتى مع السيفيك ، بس بجد كنت اتمنى اشوف عربية نضيفة عشان ما اتقفلش القفلة دى منها
بس قدر الله وما شاء فعل ماحدش عارف الخير فين

ووالله ده اللى حصل بالظبط بدون اي مبالغة ، وطبعا ده لا يعيب الماركة ، انما العربية اللى شفتها فعلا كانت اعوذ بالله ..

ومعلش على الاطالة

[khaleddapino]

يا باشا احلى هوندا تركبها هى الهوندا المنطقه الحره :)

[amrelsaqqa]

بس مكنتش اتخيل ان حد يبقى معاه عربية حالتها بالشكل المقزز ده ويعمل فيها عبيط بالشكل ده !

يا راجل ده البيجو اللى كانت معايا عشان كانت بتاكل زيت وبنزين وعايزة طقم شنبر وشوية سمكرة فرطت فيها وبعتها بالرخيص اوى ب16 الف ونص من 3 شهور

[mohammadaolo]

ياااه ده انا كنت نسيت ارد تانى والله
كويس انك فكرتنى

بص يا باشا

العربية في الاعلان شكلها نضيفة ، مديها وش برة جديد وفرش جلد حلو جدا جدا وجنوط وكاوتش بردجستون، طبعا انا ملسوع قبل كدة وعارف ان الشكل في الاعلان مش كل حاجة ، بل بالعكس ، العربيات التيت هى اللى بيبقى شكلها نضيف من برة ..


اللى شجعنى اروح ان المكان كان قريب من الشغل بتاعى لما قاللى اول مرة في التليفون

المهم رحت لقيته واقف في البنزينة على طريق السويس وبيغسل العربية

لما بلاقى اللى بيفرجنى على العربية بيغسلها ، ببقى مش متفائل

خصوصا لو غسل الموتور

اول حاجة شفتها الشنطة عشان العربية كانت لسة بتتغسل

الباب مش مظبوط

الخلوصات بتاعته ضايعة وخصوصا من الشمال

بفتح لقيت الستارة اللى ورا دى من جوة في البتنجان ( اللى ورا النمرة والفوانيس )

عاملة حادثة ومردودة وشكلها غير هندسى بالمرة وفي حديدة ملحومة فيها من جوة !

والرفرف الشمال متسمكر من جوة

ومن برة واخد معجون بالهبل ومكتوم جدا

بعد كدة فتح الابواب فبصيت على اللوحة اللى بيبقى عليها رقم الشاسيه لقيتها si مش متعدلة زي ما قال سمسم كدة بالظبط ربنا يكرمه jhmeh9

فتح الكبوت بقى ، باب الكبوت مرشوش من جوة [:d]

والحوض مشكوك في امره

بقول له ايه بقى تاريخ العربية دى، عمللى فيلم هندى

بيقوللى انهم جايبينها من اسكندرية

كانت بتاعت واحدة اول مالكة ليها

بس هى توفت واشتروها من الورثة

ودلوقتى بيبيعها عشان هو وشريكه مزنوقين في فلوس عشان هيشتروا محل
الكلام ده انا سمعته فين قبل كدة سمعته فين قبل كدة ؟؟؟ ما علينا


العربية خلصت غسيل وجت مرحلة التنشيف فالواد بتاع المغسلة هيحركها ويوقفها ف الشمس

الواد بيسوق العربية فعمالة تبطل منه

فانا بقول له هى بتبطل منه ليه وهى اوتوماتيك ؟

قاللى معرفش

الواد نزل وقال له العربية عايزة تعلى شوية

المهم دورناها تانى وفتحت الكبوت اشوف ايه الحوار

تقريبا الايدل عنده ملغي اساسا [:d]

وبيعلى العربية وبيوطيها برجلاش السلك زي الكربراتير كدة [:d]

ههههههههههههههههههههههههههه

والله تقريبا اسوأ عربية اتفرجت عليها في حياتى

وال ايه كان بيقوللى هات معاك سمكرى وميكانيكى [:d]

بعدها جيت اسوقها فطبعا برضه مجرد ما جبت الدي وانا لسة دايس فرامل بتبطل

مرة في التانية ، اجى ادور البطارية نامت

تيييييييييييييييييييييت

الواد بقى في نص هدومه

هو توقع بقى انى هقول له شكرررررررررا وهمشى او ممكن اشتمه

وانا ما عملتش كدة طبعا

انا قلت اما اجيب اخر كل حاجة في العربية اللذيذة دى وكنا قبل الفطار بساعتين كدة وانا قاعد بسلي صيامى هههههههه

المهم هو احتاس في موضوع البطارية ده فقلتله بص وانت لسة غاسل العربية كدة قول للعامل ان البطارية نايمة وهو اكيد عنده مشترك او عندهم بطارية وخليه يدورهالك بسرعة

المهم عملنا كدة فعلا والراجل جاب بطارية من عنده ووصلنا مشترك ودورناها

بعدين بقى لقيته بيقوللى ايه يا باشا ما اتكلمتش في السعر يعنى

قلتله بص

انا لسة ما جربتش كل حاجة في العربية

وانا بحب اكون واقعى

انت كنت قايل 46 ممكن جدا اقوم قايللك 42 من غير ما اشوف حاجة

بس انا ما بحبش كدة

قاللى تمام ، بس انا كنت قايل 47 قلت له ماشى مش مشكلة

بعد كدة قاللى والله البطارية دى مش بتاعتها والبطارية بتاعتها جاية بالليل و مش عارف ايه

قلتله ماشى

فانا سألته : والتكييف بقى شغال ولا ايه

قاللى عايز يتشحن بس

قلتله ااااااااااااه ، ماشى

حاجة تييييييييت

والمشكلة انك بتشوف عربيات

بتتقفل نفسيا من الماركة كلها

حرام والله

والباشا نزل الاعلان تانى امبارح

قال بـ 47 قال

المهم بعد ما دورناها قاللى خلاص ياباشا هستنى منك تليفون

قلتله لا انا لسة ماجربتش العربية على فكرة

هو انت هتروح دلوقتى ، قاللى اه البيت قريب ، قلتله ماشى هجرب العربية في الشارع ده ..

قاللى ماشى

طبعا حطيت دي ورجلى على البنزين على طول والا هتبطل ههههههه

طلعت ومشيت شوية

والفتيس تقريبا كان كويس في حدود التجربة
المهم انا ماشى سرعتى ما جابتش 60

وفي قدام مطب تقريبا وعربيات مهدية

فانا طبعا عادى يعنى مستنى قبلها بحاجة بسيطة عشان افرمل

لقيتلك ده اترعب وبيقوللى هدي هدي

اصل التيل مش عارف ليه

لسة ما خلصش كلامه انا دوست فرامل طبعا ، مش هستناه يخلص كلامه ، ماهى مش عربيتى وانا ماعرفش فيها ايه

اتارى يا معلم مفيييييييييييش فرامل

هههههههههههههههههه

ادوس الدواسة للاخر والفرامل ضعيفة جدا جدا جدا
بس الحمد لله وقفت بالعافية


المهم كان فيه يوتيرن ، فقاللى لف عشان نروّح قلتله ماشى

طبعا الباور تقيل فحت ، هو مش فاصل بس تقيل ، وفي عضة خفيفة في الدركسيون

كدا ما شاء الله العربية مفهاش حاجة سليمة هههههههههه

اليوتيرن كانت ضيقة وهو فاجئنى لما قاللى لف ، فماجتش من اول مرة
فطبعا اضطريت اقف واجيب مارشدير

طبعا مجرد ما وقفت بطلت ههههه

كانى ما دستش دبرياج بالظبط [:d]
بدور دارت ، طبعا كان ممكن جدا ما تدورش وكنت هنزل اسيبه مع نفسه هههههههههه


المهم بقى انا وانا بطلع لقدام بدوس بنزين جامد مجرد ما احط دي عشان ما تبطلش

انما دلوقتى

ما ينفعش اجيب مرشدير وادوس بنزين جامد وانا في اليوتيرن

في الاخر بقى اكتشفت طريقة سواقة العربية العبقرية دى

وهى ان الرجل الشمال لازم تشتغل ههههههههههههههههههههههههههههههههههههههههههه

رجلى الشمال على الفرامل كأنها دبرياج ورجلى اليمين ساندة بنزين

وواحدة واحدة

تطلع احلى طلعة

هقول ايه ولا ايه بس ، ده حتى الردياتير اللى فيها شكله بتاع سنة 92

قديييييييييييم فحت

في الاخر وصلنا عند بيته ، وطبعا انا عامل فيها عبيط ولا شتمتله في العربية ولا حاجة

بقول له قوللى من الاخر بقى من الاخر خالص ، انت عايز في العربية كام

قاللى من الاخر خالص خالص 46 هههههههههههه


هتخلينى اقول كلام مش حلو ليه في عقلى ده احنا صايمين


انا والله كنت محترم لاخر درجة [:d]


و طبعا المعاملة دى لن تتكرر بعد كدة انما المرة دى عشان رمضان بس [:d]

في حاجة كمان نسيت اقولها

لما تشغل النور عداد الار بي ام يفصل

لازم تختار النور او الار بي ام :d


ادى يا سيدى حكايتى مع السيفيك ، بس بجد كنت اتمنى اشوف عربية نضيفة عشان ما اتقفلش القفلة دى منها
بس قدر الله وما شاء فعل ماحدش عارف الخير فين

ووالله ده اللى حصل بالظبط بدون اي مبالغة ، وطبعا ده لا يعيب الماركة ، انما العربية اللى شفتها فعلا كانت اعوذ بالله ..

ومعلش على الاطالة

ياااا ساتر يارب هههههههههه بس حلو القصه .

[mohammadaolo]

يا باشا احلى هوندا تركبها هى الهوندا المنطقه الحره :)

معلش عندي سؤال كده هو ينفع اشتري عربيه منطقه حره ؟ اصل بدور علي الكوبيه او sir اورجينال 1995
بس للاسف مافيش في القاهره

[saladin911]

والله اللى انت بتقوله ده مع انه مضحك لكن فعلا العربيات المعتادة عندنا فى مصر زى الهوندا للاسف غالبها مشموم وطالع عينه وكمان سعره عاللللللللللللللللى اغلب اللى بيبيعوا بيستعبطوا وربنا يصبرك لحد ما تلاقى شخص عادى مشكلتك بس معاه العسر والفصال! "لان دايما فى مليون مشكلة تانية"... انا بعد شهر وشوية تدوير رحت للسوبارو عربية بالضبط زى الهوندا وبنقى واختار فى اللى بيبيعوها :)))) مقابل تمن بسيط تعب شوية فى صيانتها! ده طبعا غير ان انت بتكون كسرت سعر اعادة البيع يعنى كدة كدة انت كسبان ركوبة ممتازة بنصف سعر الهوندا لنفس الموديل العام تقريبا واختها!!!

[ahmedbasto]

متابع

[SAMEH_FOUAD]

بس مكنتش اتخيل ان حد يبقى معاه عربية حالتها بالشكل المقزز ده ويعمل فيها عبيط بالشكل ده !

يا راجل ده البيجو اللى كانت معايا عشان كانت بتاكل زيت وبنزين وعايزة طقم شنبر وشوية سمكرة فرطت فيها وبعتها بالرخيص اوى ب16 الف ونص من 3 شهور

طيب ياباشا انت شوفت واحدة بس انا شوفت عربيات هوندا الناس عاملة فيها حاجات غريبة وكنت بزعقلهم على اللى هما عملاينة دة

طيب هاقولك حاجة كنت مع بتفرج على عربية ex لحمدى صديقنا هنا فى المنتدى والراجل صاحبها قايلة 38 الف جنية ماينزلوش مليم والعربية دور وامشى ولا الهوا وانا والله هبيعها للسفر مش اكتر , المهم حمدى كلمنى وتعالى نتفرج عليها وروحت , روحت قايل لحمدى طلع ورقة وقلم , بعد فحص وتمحيص السيارة فى ربع ساعة , طلعتلة مصاريف بكااااااااااااااااااااااااااااااااام
ب11 الف جنية , ايوة العربية عايزة 11 الف جنية عشان ترجع عربية
والواد قال لا يمكن دانا اركنها احسن , المهم مشينا وتانى يوم لقيت الواد بيكلم حمدى بيقولة انا موافق ب28 الف جنية , وغيرها كتيييييييييييييير

بس انا اكتشفت حاجة من خلال بحثى المستمر محدش بيبيع هوندا الا لما تكون فيها مشاكل او متهانة , لكن والله لو العربية نظيفة انسى ان اى حد يفرط فيها ابدا
دور وماتيأسش لحد مايجليك , نصيبك وانت معاك رقمى لو فية اى حاجة كلمنى لو فية حاجة مش فاهمها