لماذا انتصرت هوندا سيتي 2009 علي هؤلاء !!!

[Ghost2]

السلام عليكم ...

اولا انا شايف ان الموضوع وصل لدرجة مكنتش احب اني اشوفها في قسم هوندا بالذات لاني بعتبره من ارقى الاقسام بالناس اللي فيه طبعا لان مش اي حد يركب هوندا ...

خلونا عقلانيين شوية في الكلام .. الناس كلها هنا لما قارنت بين الهوندا وعربيات تانية كان الكلام على اساس الفئة السعريه .. ودي حاجه غلط مثلا زي ما الناس كتبت مواضيع كتير اوي بتقول فيها مقارنات بين السيتي والالنترا او مقارنات بين السيتي والسيراتو .. او مقارنات بين السيتي والمازدا 2 ومقارنات بينها وبين الياريس مثلا .. اولا السيتي من فئة ال subcompact cars .. العربيات التانية اللي هي مازدا والانترا وسيراتو هي فئة compact cars .... ومع ذلك مش مشكلة هنعمل برده اللي انتوعايزينه .. تعالو بقه واحده واحده :

1 - موتور الالنترا هو موتور Gamma وبيطلع 121 حصان طبعا مش صافي
2- موتور ابنة العم السيراتو هو موتور Gamma II وده بيطلع 124 حصان وبرده مش صافي

..طبعا دي حاجات متقللش من العربيتين
3- موتور السيتي هو موتور v-tech وبيطلع 120 حصان صافي وانا متاكد من كلامي

.. الموتور ده بيديك احسن اداء رياضي مع اقل استهلاك للبنزين


النتيجة اللي هنوصلها من المقارنة دي ان موتور السيتي افضل في الاداء لان الموتور ده مع وزن العربية المثالي ليه هيخليها تسحب جامد جدا وتشد مع سيراتو والانترا غير الايرودايناميك المثالي ايضا للعربية .. وخلونا نتعلم من التجربه الاوربيه مثلا في مواتير الجيتا ال 1400 والفيات اللينيا ال 1400 .. وفي اليابان ايضا اللانسر ال 1500 الجديدة

اما عن الخامات وجودة التقفيل فا السيتي تتفوق وممكن رأيي يخالف رأي ناس لان الكماليات والخامات دي نسبيه من شخص لاخر .. وطبعا مش بنشكك في عربيات تانية .. بس ربنا قال اعقلها وتوكل ... يعني ناخد بالاسباب .. احنا شايفين هوندا ليها عربيات ماشية على الارض من سنة 90 ولسه اداءها محترم .. معنى كده ان العربيات دي اعتمادية وجيدة جدا .. الصناعات الكورية بدأت تاخد اعتمادية ... اما عن الوكيل .. فا وكيل هوندا زيه زي اي وكيل في مصر .. مره هتطلع مبسوط ومره هتطلع تشتم ..
انا شايف السيتي ممتازة وشايف السيراتو كويسه وشايف الالنترا كويسه والمازدا بس انا مثلا ليا رأي تاني .. ان الفيا اللينيا تتفوق مع ان موتورها 1400 .. بس انا شايف انها احسن .. دي وجهة نظر

فا بلاش نقلل من فكر حد او منحترمش اراء حد .. احنا في منتدى الاساس فيه طرح الافكار ومناقشتها للافادة
وتقبلو فائق تحياتي .. وشكرا يا محمد على الموضوع

ملحوظة ( رأيي الشخصي هو اجتهادي وعن تجربتي لجميع انواع السيارت التي ذكرتها في الموضوع)

كل عام وانتم بخير

[spiderbaz]

شكرا يا احمد باشا علي كلامك الرائع و اسلوبك المتحضر
و انا متفق معاك في موضوع الموتور بالذات

[kimoboy]

+111

السلام عليكم ...

اولا انا شايف ان الموضوع وصل لدرجة مكنتش احب اني اشوفها في قسم هوندا بالذات لاني بعتبره من ارقى الاقسام بالناس اللي فيه طبعا لان مش اي حد يركب هوندا ...

خلونا عقلانيين شوية في الكلام .. الناس كلها هنا لما قارنت بين الهوندا وعربيات تانية كان الكلام على اساس الفئة السعريه .. ودي حاجه غلط مثلا زي ما الناس كتبت مواضيع كتير اوي بتقول فيها مقارنات بين السيتي والالنترا او مقارنات بين السيتي والسيراتو .. او مقارنات بين السيتي والمازدا 2 ومقارنات بينها وبين الياريس مثلا .. اولا السيتي من فئة ال subcompact cars .. العربيات التانية اللي هي مازدا والانترا وسيراتو هي فئة compact cars .... ومع ذلك مش مشكلة هنعمل برده اللي انتوعايزينه .. تعالو بقه واحده واحده :

1 - موتور الالنترا هو موتور gamma وبيطلع 121 حصان طبعا مش صافي
2- موتور ابنة العم السيراتو هو موتور gamma ii وده بيطلع 124 حصان وبرده مش صافي

..طبعا دي حاجات متقللش من العربيتين
3- موتور السيتي هو موتور v-tech وبيطلع 120 حصان صافي وانا متاكد من كلامي

.. الموتور ده بيديك احسن اداء رياضي مع اقل استهلاك للبنزين


النتيجة اللي هنوصلها من المقارنة دي ان موتور السيتي افضل في الاداء لان الموتور ده مع وزن العربية المثالي ليه هيخليها تسحب جامد جدا وتشد مع سيراتو والانترا غير الايرودايناميك المثالي ايضا للعربية .. وخلونا نتعلم من التجربه الاوربيه مثلا في مواتير الجيتا ال 1400 والفيات اللينيا ال 1400 .. وفي اليابان ايضا اللانسر ال 1500 الجديدة

اما عن الخامات وجودة التقفيل فا السيتي تتفوق وممكن رأيي يخالف رأي ناس لان الكماليات والخامات دي نسبيه من شخص لاخر .. وطبعا مش بنشكك في عربيات تانية .. بس ربنا قال اعقلها وتوكل ... يعني ناخد بالاسباب .. احنا شايفين هوندا ليها عربيات ماشية على الارض من سنة 90 ولسه اداءها محترم .. معنى كده ان العربيات دي اعتمادية وجيدة جدا .. الصناعات الكورية بدأت تاخد اعتمادية ... اما عن الوكيل .. فا وكيل هوندا زيه زي اي وكيل في مصر .. مره هتطلع مبسوط ومره هتطلع تشتم ..
انا شايف السيتي ممتازة وشايف السيراتو كويسه وشايف الالنترا كويسه والمازدا بس انا مثلا ليا رأي تاني .. ان الفيا اللينيا تتفوق مع ان موتورها 1400 .. بس انا شايف انها احسن .. دي وجهة نظر

فا بلاش نقلل من فكر حد او منحترمش اراء حد .. احنا في منتدى الاساس فيه طرح الافكار ومناقشتها للافادة
وتقبلو فائق تحياتي .. وشكرا يا محمد على الموضوع

ملحوظة ( رأيي الشخصي هو اجتهادي وعن تجربتي لجميع انواع السيارت التي ذكرتها في الموضوع)

كل عام وانتم بخير

[ahmed4000]

معلش انا لسه جايب هوندا سيتى ومش بتحيز لاى حاجة
بس الخامات من جوا تفرق عن عربيات فى فئتها وفى فئات اكبر بكتير (مش عايز اقول علشان متحصلش خناقات) وطبعا انا بتكلم على عربيات فى مصر مش فى الخليج

- شنطة مفيش اكبر منها فى الفئات الاعلى لا كرولا ولا سفك ولا مازدا (شوفوها الاول)

-استهلاك الوقود (ماشاء الله على الصحراوى كنت بعمل 4.4 لتر) وعلى اكتوبر وزحمة كنت عامل 5.5 تقريبا

- عزل ممتاز وصوت موتور لا يسمع (شغلتها وهى دايرة)

-التسارع والحاجات دى مليش فيها اوى (بس انا معترض على ان موتور 1600 حيبقى فارق اوى عن 1500 معتقدش 100 سي سي تعمل فرق وخاصة لما نتكلم على تكنولوجيا احدث)

- الشكل مش اد كده وتخسر فيه طبعا قدام كل العربيات التانية (بس دى ازواق)

-عيبها السعر طبعا وواضح ان التوكيل مش عارف ينزل سعرها اكتر من كده

[El Prince]

أنا مش معايا العربيه دى بس بحترمها جداً من أيام موديل السيتى القديم اللى لغاية 2008 لدرجة انى كنت هشتريها فعلاً بعد أبحاث و سؤال و شهادة ناس مالكيها و باعوها و هما بيشكروا برده فيها , و كمان بيشكروا فيها عن عربيات أعلى اشتروها بعدها ..
لكن النصيب بأه ..

[حماده المصري]

مستحيل محرك السييتي ينزل 120 حصان صافي

لما محرك السيفيك بينزل 120 صافي وفي ناس بتقول انهم كمان مش صافي يبقى ازاي السيفيك 120 صافي وهي 1.5 مش 1.6

بالاضافه الى ان لو كان موتور السيتي بالقوه دي كانوا نزلوا موتورها على السيفيكك

وفي النهايه التسارعات موجوده كلها في يوتيوب

لو كل واحد بحب السيتي قال عليها افضل عربيه وافضل من فئات اكبر منها

انتوا كده طلعتوا السيتي احسن من السفيييك

انا معاكوا ان العربيه حلوه لكن مستحيل تتفوق على العربيات الي بتتكلموا عليها مستحيييل

[nab!l]

مستحيل محرك السييتي ينزل 120 حصان صافي

لما محرك السيفيك بينزل 120 صافي وفي ناس بتقول انهم كمان مش صافي يبقى ازاي السيفيك 120 صافي وهي 1.5 مش 1.6

بالاضافه الى ان لو كان موتور السيتي بالقوه دي كانوا نزلوا موتورها على السيفيكك

وفي النهايه التسارعات موجوده كلها في يوتيوب

لو كل واحد بحب السيتي قال عليها افضل عربيه وافضل من فئات اكبر منها

انتوا كده طلعتوا السيتي احسن من السفيييك

انا معاكوا ان العربيه حلوه لكن مستحيل تتفوق على العربيات الي بتتكلموا عليها مستحيييل

هو ده اللى عاوز اقوله
هى ممكن تكون كويسه
بس مش احسن من السيفيك والكورولا والسيراتو!!!!!

[nab!l]

معلش انا لسه جايب هوندا سيتى ومش بتحيز لاى حاجة
بس الخامات من جوا تفرق عن عربيات فى فئتها وفى فئات اكبر بكتير (مش عايز اقول علشان متحصلش خناقات) وطبعا انا بتكلم على عربيات فى مصر مش فى الخليج

- شنطة مفيش اكبر منها فى الفئات الاعلى لا كرولا ولا سفك ولا مازدا (شوفوها الاول)

-استهلاك الوقود (ماشاء الله على الصحراوى كنت بعمل 4.4 لتر) وعلى اكتوبر وزحمة كنت عامل 5.5 تقريبا

- عزل ممتاز وصوت موتور لا يسمع (شغلتها وهى دايرة)

-التسارع والحاجات دى مليش فيها اوى (بس انا معترض على ان موتور 1600 حيبقى فارق اوى عن 1500 معتقدش 100 سي سي تعمل فرق وخاصة لما نتكلم على تكنولوجيا احدث)

- الشكل مش اد كده وتخسر فيه طبعا قدام كل العربيات التانية (بس دى ازواق)

-عيبها السعر طبعا وواضح ان التوكيل مش عارف ينزل سعرها اكتر من كده

طب لما سعرها عالى وشكلها مش اد كده؟
يبقى لسه ايه

[spiderbaz]

مستحيل محرك السييتي ينزل 120 حصان صافي

لما محرك السيفيك بينزل 120 صافي وفي ناس بتقول انهم كمان مش صافي يبقى ازاي السيفيك 120 صافي وهي 1.5 مش 1.6

بالاضافه الى ان لو كان موتور السيتي بالقوه دي كانوا نزلوا موتورها على السيفيكك

وفي النهايه التسارعات موجوده كلها في يوتيوب

لو كل واحد بحب السيتي قال عليها افضل عربيه وافضل من فئات اكبر منها

انتوا كده طلعتوا السيتي احسن من السفيييك

انا معاكوا ان العربيه حلوه لكن مستحيل تتفوق على العربيات الي بتتكلموا عليها مستحيييل

نحدش قال ابدا انها اجسن من السيفيك يا باشا
انا قلت انها احسن من السيراتو و ده راي ناس كتير

[spiderbaz]

طب لما سعرها عالى وشكلها مش اد كده؟
يبقى لسه ايه

برضه حضرتك مصمم

بص يا باشا الشكل ده ازواق و بيختلف من واحد للتاني انا عن نفسي بحس ان العربية من ورا فوانيسها بي ام خالص و منظرها من قدام اكورد يبقي حضرتك عايز ايه

انا معاك ان السعر غالي شوية بس اكيد هيبقي في حل ياما عربيات نزلت غالية و نزلت بعد فترة
و الدليل علي ان العربية كويسة ان ناس كتير جدا جابوها بالرغم من السعر العالي لان عمر الهوندا معملت حاجة مش اد كدة

علي فكرة ظلم للسيتي اني اقول انها بوجه عام افضل من السيفيك لان السيفيك فئة سعرية اعلي لكن هي ننفوق علي السييت في ميزة او اتنين لكن طبعا السيفيك احسن

لو حضرتك اخدت بالك من موضوعي الاساسي هتلاقي كل حاجة مكتوب تتفوق علي كذا ماعدا شقيقتها السيفيك ياريت تراجع كلامي انا عامل استثناء للسيفيك طبعا

لكن هي احسن من السيراتو بالفعل و ده مش كلامي ده كلام ناس ركبت العربيتين

[Ghost2]

بالنسبة لموضوع الموتور المسأله مش بالشكل ولا التوقعات .. دي حسابات .. القدرة الحصانية ليها حسابات .. اما الكلام عن موتور السيفيك وصافي او مش صافي .. مينفعش تركب موتور السيتي على السيفيك وده عشان وزن العربية زيادة .. غير اختلاف الايرو دايناميك لان المقاومة في السيفيك زيادة شوية ..لكن الميزة هنا ان الموتور مع المقاومة دي والسي سي العالي بيديك استهلاك قليل للبنزين .. فا مش عشان بنقول ان موتور السيتي صافي 120 حصان يبقى كان المفروض يركبوه على السيفيك .. وعلى فكرة .. السيتي واللينيا لو ليهم تسويق كويس ودعايا محترمه .. هتفرق كتير اوي .. والاعتماد على الكوري هيقل شوية .. هو بس المطلوب ان ثقافة الناس تتغير شوية .. يعني مش معنى ان جاري جايب الانترا وبيشكر فيها يبقى مفيش احسن من الانترا وهكذا .. مع احترامي للسيارة ولملاكها .. وياريت لو محدش جرب العربية ميحكمش عليها عشان ميظلمهاش .. اما عن موضوع التقفيل انه تايلاندي .. فا عايز اقولكو ان بي ام ليها مصنع في الصين .. ومرسيدس ليها مصنع في مصر .. العربيات صناعة بلادها بس التقفيل بيختلف من مكان لاخر .. طبقا للخريطه الصناعيه لتغذية مناطق معينه بسيارات معينة .. و لانخفاض اسعار العمالة في هذه البلاد ... عفوا .. هوندا سيتي الافضل في فئتها

[spiderbaz]

بالنسبة لموضوع الموتور المسأله مش بالشكل ولا التوقعات .. دي حسابات .. القدرة الحصانية ليها حسابات .. اما الكلام عن موتور السيفيك وصافي او مش صافي .. مينفعش تركب موتور السيتي على السيفيك وده عشان وزن العربية زيادة .. غير اختلاف الايرو دايناميك لان المقاومة في السيفيك زيادة شوية ..لكن الميزة هنا ان الموتور مع المقاومة دي والسي سي العالي بيديك استهلاك قليل للبنزين .. فا مش عشان بنقول ان موتور السيتي صافي 120 حصان يبقى كان المفروض يركبوه على السيفيك .. وعلى فكرة .. السيتي واللينيا لو ليهم تسويق كويس ودعايا محترمه .. هتفرق كتير اوي .. والاعتماد على الكوري هيقل شوية .. هو بس المطلوب ان ثقافة الناس تتغير شوية .. يعني مش معنى ان جاري جايب الانترا وبيشكر فيها يبقى مفيش احسن من الانترا وهكذا .. مع احترامي للسيارة ولملاكها .. وياريت لو محدش جرب العربية ميحكمش عليها عشان ميظلمهاش .. اما عن موضوع التقفيل انه تايلاندي .. فا عايز اقولكو ان بي ام ليها مصنع في الصين .. ومرسيدس ليها مصنع في مصر .. العربيات صناعة بلادها بس التقفيل بيختلف من مكان لاخر .. طبقا للخريطه الصناعيه لتغذية مناطق معينه بسيارات معينة .. و لانخفاض اسعار العمالة في هذه البلاد ... عفوا .. هوندا سيتي الافضل في فئتها

و الله يا احمد باشا كلامك منطقي و مظبوط و متفق معاك مية في المية

[nab!l]

ارجع لكلامك تانى
هتلاقيك قلت ايه اللى تقدمه مازدا 3 وسيراتو وكورولا اكثر من السيتى وحتى هوندا سيفيك؟
يعنى حضرتك تقصد انها احسن منهم كلهم

[Ghost2]

ارجع لكلامك تانى
هتلاقيك قلت ايه اللى تقدمه مازدا 3 وسيراتو وكورولا اكثر من السيتى وحتى هوندا سيفيك؟
يعنى حضرتك تقصد انها احسن منهم كلهم

يا استاذي العزيز ... احنا مش بنفاضل ولا ده قسم المقارنات .. اولا السيفيك والمازدا والسيراتو دول فئة .. والسيتي فئة تانية اللي هي فئة عربيات زي الياريس subcompactcars وشرحناها قبل كده .. كل العملية ان احنا بنقول ان دي عربية هوندا مميزاتها كذا وكذا وكذا واداءها يكاد يكون قريب من اداء السيفيك لولا صغر حجم المحرك .. وده لا يعيبها في شئ ... وبعدين العربيه قبل ما بيتم طرحها في الاسواق بيتم عمل اختبارات كاملة وشاملة للعربية من مختلف الجوانب زي الثبات والتسارع ومقاومة الهواء والراحة الداخليه للراكب .. غير الكماليات اللي بتكون موجوده كلها وبعد كده الوكلاء المستوردين بيحددوا اللي هما عايزينه على حسب ما يناسب بلادهم ... فا مش احنا اللي هنيجي نقول على هوندا وحشه او قليله امام الصناعه الكورية بعد هذه الرحلة الطويله في مجال تصنيع السيارات ..يا شباب خلي النقد بتاعنا هادف .. مش حاجه تانيه .. وتقلبو فائق احترامي وتقديري

[حماده المصري]

ايوه يا جوست خليينا في فئه ساب كومبكت

انا بدون ما اركب السيتي تماما ابصملك بالعشره والمليوون انها افضل عربيه في فئتها كمجمل لا تتقارن لا بيارس ولا نيو اكسنت ولا اي حاجه فيهم هي انضف وحده فيهم بدون مقارنه

انما اكتر من كده مينفعش اساسا المازدا 3 متصدره الفئه بتاعتها بجداره من ناحيه الثبات مقابل الراحل مقابل القياده الرياضيه

مفيش عربيه حققت المعادله دي نهاااااائي

حتى الالماني كله من جولف لجيتا ل اوكتافيا ل ليون ثابتييين جداااا بس عفشه ناشفه