اشتريت سايبا تيبا 2014 باركولى....

[dr_radioooooo]

ربنا يحفظهالك و يباركلك فيها

[slow_song]

بسم الله الرحمن الرحيم..
العربية مازالت تثبت كفاااااءة فى المطبات...عالية ومريحة جدا وماتقلقش وانت طالع المطب..

الموتور كفاءته بتزيد يوم بعد يوم...العربية بتنعم اكتر فى المشى خاصة على السرعات العالية يعنى من اول الغيار التالت وانت طالع

الابواب عاوزة ظبط...قفلتها مش عاطفية...قالولى هنظبتها فى صيانة الالف كيلو...أما نشوف

فى رعشة خفيفة فى rpm لما المروحة بتشتغل فى السلانسيه وبتروح علطول بمجرد ما المروحة بتشتغل بس مش دايما..ده بيبقى لما يكون النور الواطى شغال...واحيانا بيحصل الكلام ده لما العربية تقف كتير سلانسيه..بس ده نادر...

التوفير فى البنزين حاجة رووووعة....الصفيحة عملت 240 كيلو جوه البلد....

الخلاصة العربية حلوة حتى الآن...وفى انتظار التوكيل لما نشوف هيعملوا ايه فى الصيانة...

أى أسئلة أنا فى الخدمة...

الله ينور متابعك على طول علشان هشتريها بس ميتنى صيانة ال1000 كيلو ايه اخبار التوكيل واسعار قطع الغيار ﻻن كل الخوف من التوكيل وخصوصا ان سمعته وحشه وهو ده السبب الرئيسى اللى مخلينى متردد ربنا معاك ومعانا وجارى المتابعه معاك

[هانى ظرف منصور]

متابع مع حضرتك اخبار السيارة ومستنى اخبار صيانه الالف كيلو اتمنى لك التوفيق

[announcer]

الله ينور متابعك على طول علشان هشتريها بس ميتنى صيانة ال1000 كيلو ايه اخبار التوكيل واسعار قطع الغيار ﻻن كل الخوف من التوكيل وخصوصا ان سمعته وحشه وهو ده السبب الرئيسى اللى مخلينى متردد ربنا معاك ومعانا وجارى المتابعه معاك

تمام ياباشا....قريب ان شاء الله اعمل تقرير الالف...دعواتك بقى التوكيل مايطلعش شوربة...

[announcer]

متابع مع حضرتك اخبار السيارة ومستنى اخبار صيانه الالف كيلو اتمنى لك التوفيق

هانت يا استاذ هانى كلها 300 كليو...ونعرف اخبار التوكيل فى الصيانة...

[announcer]

كنت قلت فى بوست سابق ان فى رعشة خفيفة لما المروحة بتشتغل والعربية سلانسيه...الموضوع ده اختفى تماما بعد ال 500 كيلو...

[mcit]

الماتور بتعها ماتور اية يعنى لانسر لانوس ولا هونداى و ينفع قطع غيار يركب عليها من انواع تانى ولا اية بالضبط عايزين تفاصيل عن الحاجات دى والتيل والاسطوانة والديسك والماستر بنتاع الفرامل والفوانيس والشبكة الامامية يعنى تحطلنا كل التفاصيل دى بكام ومنين واية اللى ممكن يركب من قطع غيار على الماتور وكدة عاييزين التفاصيل بالملل مش هنزهق الله يباركلك فيها ويحميك من شرها

[medo_31]

الف مبروك يا باشا ومنتظرين التقرير

[mcit]

اتصلت بالشركة علشان اعرف الماتور بتاع العربية ملتة اية لاقيتهم ولا عارفين حاجة وتايهين وتوهونى معاهم واحد قلى دة المانى والتانى قلى ايرانى بس متقفل فى ايران وواحد تالت قلى دة مصنع المانى ماركة سابيا موجود فى ايران ؟؟؟؟؟؟ الظاهر والله اعلم انهم مش عارفين حاجة
الواحد محتاج زيارة للمصنع يسأل فية ويفهم من الناس اللى هناك نفسهم لان التليفون الناس اللى بترد علية مش عارفين حاجة
وممكن زميلنا واخونا اللى عامل الموضوع دة يجاوب على كل الاستفسارات لانة هو اللى جرب العربية ومشى بيها وشاف الماتور والعربية اكتر واحد ويبالتوفيق

[Ayman Elropy]

استلمت التيبا

بسم الله الرحمن الرحيم
انا عضو جديد علي المنتدي
انا استلمت التيبا ورخصتها الثلاثاء الماضي 18-2-2014
العربيه بسم الله ما شاء الله تقفيلها ممتاز علشان متقفله بره
ومفيهاش العيوب اللي بتظهر في اي عربيه من بداية الاستلام واللي موجوده في عربيات كتير
بتتقفل في مصر
غير بس رعشة الار بي ام وهي المروحة شغاله مع الانوار وان شاء الله اظبطها مع صيانة الالف
العربيه عامله معايا 850 كم علشان اول ما استلمتها سافرت بيها مرتين في يومين ورا بعض
العربيه في رأيي الشخصي ممتازه بالنسبالي

[mcit]

مبروك الف مبروك ربنا يحميك منها وحافظلك عليها
بس بردوا عايزين تفاصيل عن قصة الماتور وقطع غيارة والعفشة والحاجات اللى ممكن تركب على العربية من قطع غيار لانواع اخرى

[wagih dot waga]

اولا مبروك عالعربية و ربنا يبارك لك فيها
انا عاجباني العربية بس بصراحة اللي مخليني متردد في شرائها
اللي سمعته عن الوكيل بتاعها و انه كان له مشاكل مع العملاء من فترة
و كمان موضوع توافر قطع الغيار في السوق
من واقع تجربتك .. ايه رأيك في الوكيل

[announcer]

اتصلت بالشركة علشان اعرف الماتور بتاع العربية ملتة اية لاقيتهم ولا عارفين حاجة وتايهين وتوهونى معاهم واحد قلى دة المانى والتانى قلى ايرانى بس متقفل فى ايران وواحد تالت قلى دة مصنع المانى ماركة سابيا موجود فى ايران ؟؟؟؟؟؟ الظاهر والله اعلم انهم مش عارفين حاجة
الواحد محتاج زيارة للمصنع يسأل فية ويفهم من الناس اللى هناك نفسهم لان التليفون الناس اللى بترد علية مش عارفين حاجة
وممكن زميلنا واخونا اللى عامل الموضوع دة يجاوب على كل الاستفسارات لانة هو اللى جرب العربية ومشى بيها وشاف الماتور والعربية اكتر واحد ويبالتوفيق

بص ياباشا من الآخر...الموتور كل الفنيين اللى شافوه قالوا ان قريب جدا لمكنة الجولف....التكنولوجيا ألمانى والتقفيل فى ايران.....المصنع اسمه ميجا موتورز ده اللى عامل الموتور...انا لما دققت فى الموتور اوى لقيت حاجات مدموع عليها germany...حتى السيور كلها مكتوب عليها made in germany....استنانى اسبوع ان شاء الله وهعمل تقرير الالف كيلو واقولك كل التفاصيل بالنسبة للمكونات بتاعت الموتور...

[announcer]

اولا مبروك عالعربية و ربنا يبارك لك فيها
انا عاجباني العربية بس بصراحة اللي مخليني متردد في شرائها
اللي سمعته عن الوكيل بتاعها و انه كان له مشاكل مع العملاء من فترة
و كمان موضوع توافر قطع الغيار في السوق
من واقع تجربتك .. ايه رأيك في الوكيل

هعرف ياباشا كل حاجة عن التوكيل لما اعمل صيانة الالف ان شاء الله الاسبوع بعد الجاى....

[announcer]

بسم الله الرحمن الرحيم
انا عضو جديد علي المنتدي
انا استلمت التيبا ورخصتها الثلاثاء الماضي 18-2-2014
العربيه بسم الله ما شاء الله تقفيلها ممتاز علشان متقفله بره
ومفيهاش العيوب اللي بتظهر في اي عربيه من بداية الاستلام واللي موجوده في عربيات كتير
بتتقفل في مصر
غير بس رعشة الار بي ام وهي المروحة شغاله مع الانوار وان شاء الله اظبطها مع صيانة الالف
العربيه عامله معايا 850 كم علشان اول ما استلمتها سافرت بيها مرتين في يومين ورا بعض
العربيه في رأيي الشخصي ممتازه بالنسبالي

مبروك ياباشا ربنا يبارك لك فيها....انا كان عندى نفس رعشة الار بى ام بس راحت بعد 500 كيلو...عاوزين نسأل فى التوكيل اذا كان ممكن نغير البطارية الخمسين امبير ببطارية سبعين...اعتقد ممكن تفرق ....سؤال ياباشا بالنسبة لصوت المكنة عامل معاك ايه...؟؟؟؟؟

ماتنساش تعملنا تقرير عن صيانة التوكيل لو روحت قبل ما انا اروح اعمل صيانة الالف...وياريت تعرفنى قبل ماتروح علشان عاوزينك تسألهم شوية اسئلة كده...