انا جبت السيبا برايد الجديده

[tawfic]

ردأ على التكيف السخن السياره فيها سخن بس بيسخن بعد حوالى 5 دقائق وبالمناسبه العربيه عاملت بيها لغايه دلوقتى 1500 كيلو وحلتها ممتازه جدا جدا وكمان سائلت فى التوكيل على الجنوط والانذار قلولى ممكن اركب الجنوط بره التوكيل من غير ما أخرج من الضمان اما الانذار قلولى بعد 10 ايام هانرد عليك فى تركيبه فين عندهم ولاممكن بره زى الجنوط واركبه عند مين

[maka]

الاخ العزيز Maka : انا معاك لدرجة انى بافتح الشباك ايام كتير فى الشتاء ولكن الفكرة ليه المستهلك المصرى دايما بيتنازل - اصلا دى كماليات انت دافع ثمنها فمن حقك تحصل عليها حتى لو مش هتستخدمها

عندك حق.........

[مصطفى مغربي]

ايه الأخبار ......؟؟؟؟؟؟

احنا لسه مستنيين التقييم و لا العربية مش قد كده ..
و ياريت ترد على سؤال نوع الموتور و قطع الغيار .

[tawfic]

احنا لسه مستنيين التقييم و لا العربية مش قد كده ..
و ياريت ترد على سؤال نوع الموتور و قطع الغيار .

ياصديقى اقراء الردود السابقه وهتلاقى الاجابه على السؤال ومع ذلك المتور اقل مايوصف بانه ممتاز فى السحب والتجميع السريع والصوت الهادى اما الصناعه فهو ايرانى تحت اشراف كيا اما قطع الغيار هيه هيه البرايد مع وجود اختلافات فى الفوانيس ومجموعه الانجشكشن والباور والتابلو وجميع الاشياء المختلفه عن الموديلات القديمه غير ذلك فهيا نفسها واى استفسارت تحت امر حضرتكم بس تكون اسئله جديده مش هيه نفس الاسئله وده بيان باسعار قطع الغيار من التوكيل فانوس امامى 215
فانوس خلفى 145
رفرف امامى 160

شبكة امامية 95
اكصدام امامى 280
اكصدام خلفى 280
فلتر هواء 20
فلتر الزيت 20
فلتر بنزين 17
مساعد امامى 140
مساعد خلفى140
تيل فرامل 65
طقم بوجيهات 45
سلك دبرياج 18
اسطوانة دبرياج 110
دسك دبرياج 110
طنبورة عجلة امامى 85

[مصطفى مغربي]

انا متأسف

معلش انا بصراحة لم أقرأ الموضوع بالكامل و لما قرأته استفدت تماما و شكرا على الجهد المبذول و شكرا ايضا على ردك .
لكن هي أفضل و لا سوزوكي التو ؟.؟؟؟

[tawfic]

معلش انا بصراحة لم أقرأ الموضوع بالكامل و لما قرأته استفدت تماما و شكرا على الجهد المبذول و شكرا ايضا على ردك .
لكن هي أفضل و لا سوزوكي التو ؟.؟؟؟

العفو الموضوع مش محتاج اسف كل مافى الامر ان شغلى 12 ساعه فى اليوم وبخش على النت نص ساعه بس يوميا علشان اجاوب على الاستفسارات اما المقارنه فانا بعتذر علشان مش هاقد اقارن علشان انا اساسا مركبتش الالتو من اصله بس ممكن اى حد من الزملاء عنده العربيه او ركبها يقارنها بالامكانيات المطروحه للسايبا ونناظر بعض عليهم للاستفاده العامه للجميع

[مصطفى مغربي]

شكرا

شكرا جزيلا ا. توفيق على اهتمامك و ردك الذوق .
و اتمنى عند ملاحظتك لشئ جديد في العربية ياريت تبلغنا بيها اصلي انا ان شاء الله نويت اشتريها و عاجبني جدا اللون بتاع عربية حضرتك

[mucho]

شكرا جزيلا ا. توفيق على اهتمامك و ردك الذوق .
و اتمنى عند ملاحظتك لشئ جديد في العربية ياريت تبلغنا بيها اصلي انا ان شاء الله نويت اشتريها و عاجبني جدا اللون بتاع عربية حضرتك

ا
السلام عليكم
انا الحمد لله حجزت السايبا برايد بناء على شكر استاذ توفيق فيها وبص هي موش العربيه الواو يعني هي موش هاتيجي حاجه ف العربيات اللي ب 70 او 100 الف بس في فئتها السعريه واسعار قطع الغياروركز اوي في اسعار قطع الغيارعربيه جامده جدا فا انا استخرت ربنا وبعد الاستخاره حجزت واللي شجعني كلام استاذ توفيق وانت موش تعرفني انا تقريبا تعبت اعضاء المنتدى كلهم عقبال ما رسيت على العربيه دي ما سيبتش عربيه الا ما سئلت عنها طبعا العربيات اللي اخرها 54 الف ودي طبيعة الزبون المتردد فان شاء الله توكل على الله واستخير الاول واشتريها اذا استريحت ليها وممكن تتابع الموضع من الاول وهاتلاقي مناقشات واسئله كتيره جاوب عنها استاذ توفيق ده تقريبا نص الاسئله لحسابي ويتهيالي جبت لاستاذ توفيق صداع من كتر اسئلتي:) بس يمكن اللي صبر استاذ توفيق عليا اني ف الاخر اقتنعت بيها وحجزتها يعني تعبوا ماجاش عالفاضي

[essam2222]

السلام عليكم ورحمة الله وبركاته
انا اسف جدا يا استاذ توفيق على الغيبة الكبيرة دى ودا علشان حجتين
اول حاجة علشان الكمبيوتر عندى كان بايظ
تانى حاجة علشان كنت فرحان كتير بالعربية علشان انا اول مرة اجيب عربية فى حياتى بس انا كنت خايف شوية علشان اول مرة اسوق بس الحمد لله دلؤتى بقيت تمام
الحمد لله رب العالمين العربية يا جماعة بامانة ربنا جميلة جدا جدا جدا ودا بتوفيق من ربنا سبحانه وتعالى ثم الصديق والاخ الكبير دايما الاستاذ توفيق ربنا يبارك فيه يارب هو والاسرة الكريمة.
انا بس مش حقدر ااقول اى حاجة عن العربية الا فى حدود امكانياتى اللى بخصوص العربيات وكدا
انا دلؤتى عامل بيها 530 كيلو والحمد لله رب العالمين ماشية زى الفل وبصراحة يا جماعة اللى متردد فى شرائها اقوله توكل على الله واشتريها انتا بس تفكر فى اللون والامكانيات وبس لكن بالنسبة للعربية بصفة عامة الحمد لله وبسم الله ماشاء الله حاجة جميلة وكل اللى يشوفها يقول انها صغيرة لكن لما يركبها سواء قدام او خلف يستعجب منها اوى وبزاتتتتتتتتتتتتت الشنطة بيقولوا انتا يا عصام نافخ الشنطة قبل ما تفتحها .
بصراحة عندهم حق يا جماعة الشنطة غريبة واسعة جدا جدا
انا طولت عليكوا
وانا تحت امركوا بس فى حدود معلموتى
وتحياتى للاخ الكبير الاستاذ توفيق

[مصطفى مغربي]

القرار

اعتقد بعد كل الكلام ده أنا تخدت قرار بالشراء و انا كمان سالت عليها ناس كتير هنا و الكل بيشكر و التوكيل كمان بتاعها هنا في قنا في منتهى الذوق و الأحترام بس هو للأسف مركز بيع فقط و ليس مركز خدمة .
و أعتقد اننا ندين لله عزوجل ثم للأستاذ توفيق لصبره علينا و لسعة صدره و رده على جميع الأسئلة .
و وعداً مني بعد الشراء سأوافيكم بأخر الأنباء من مقر السيارة الأيرانية .

[tawfic]

شكرا جزيلا ا. توفيق على اهتمامك و ردك الذوق .
و اتمنى عند ملاحظتك لشئ جديد في العربية ياريت تبلغنا بيها اصلي انا ان شاء الله نويت اشتريها و عاجبني جدا اللون بتاع عربية حضرتك

انته اللى ذوق ولو عجباك العربيه خدها بس بدلها معايا بمتركس هههههههههههههههههههههههههه

[tawfic]

السلام عليكم العربية يا جماعة بامانة ربنا جميلة جدا جدا جدا ودا بتوفيق من ربنا سبحانه وتعالى ثم الصديق والاخ الكبير دايما الاستاذ توفيق ربنا يبارك فيه يارب هو والاسرة الكريمة.

وتحياتى للاخ الكبير الاستاذ توفيق

الموضوع مش كده يا عاصم انا والله متعبتش ولاحاجه ربنا بيجعانا اسباب صح ولا غلط ربنا يباركلك فيها

[tawfic]

اعتقد بعد كل الكلام ده أنا تخدت قرار بالشراء و انا كمان سالت عليها ناس كتير هنا و الكل بيشكر و التوكيل كمان بتاعها هنا في قنا في منتهى الذوق و الأحترام بس هو للأسف مركز بيع فقط و ليس مركز خدمة .
و أعتقد اننا ندين لله عزوجل ثم للأستاذ توفيق لصبره علينا و لسعة صدره و رده على جميع الأسئلة .
و وعداً مني بعد الشراء سأوافيكم بأخر الأنباء من مقر السيارة الأيرانية .

فضل ايه ياعم ماتكبرش الموضوع ومبروك مقدما وربنا يسترها معاك ومعانا اجممعين

[accd2008]

مبروووووووووووووك يا ماااااااااااااااااان وربنا يباركلك فيها ان شاء الله
تحياتي

[مصطفى مغربي]

شكرا

شكرا أ/ توفيق عبى أهتمامك و اوعدك لو ربنا أكرمن و جيبت الماتريكس على طووووووول مش هابدلها معاك