بـروتـوكـولات سـواقـيـن مصـريـيـن !!!

[حاتم سليم]

انا مره واحد بقوله مش في حاره تمشي فيها ؟؟ تخيل قال ايه!!! ما انا موسطن العربيه على الخط اعمل ايه اكتر من كده !!!!

شعب ثقافته الوسطنه

و السلطنه ...

[romeo_6887]

العربيات المانيوال مش عمليه نهائى فى مصر , تبقى سايق ومستعجل وبتشرب القهوه وبتدخن السيجاره وبتقرى الجرنان ويجيلك تليفون متعرفش ترد عليه علشان بتظبط اوبشن الكاسيت وعايز تجيب الرابع لحسن اللى بتشد معاه يطلع منك

ده تقريبا الوحيد اللي بجد

[Ahmed Nouh]

دى بروتوكولات ابناء صهيون
ماركة ودع اهلك

لا دى اعقد بكتير من بتاعت صهيون , دى بروتوكلات النجاه من الغابه والحفاظ على ضغط الدم

هههههههههه جامدين جداا وخصوصا اخر واحده اذا عايز حاجه

اى خدمه يا دكتور , لازم برده يشوف الراجل اللى بيقلب عايز ايه الناس لبعضيها :10D5C8~1107:

حقيقي فنان

هو دا الشارع المصري بجد
هو دا اللي بنشوفه و نسمعه

حتى تحت البيت ..لازم السرينة و الصوت العالي و الإنذار (السيمفوني) مش الوولف :p

شعب رخم!!

وانا حقيقى ببقى سعيد جدا بردودك وبجد انت من الناس اللى بهتم برأيهم قوى , وكويس انك قولتلى على حته السيمفونى دى علشان ليا جارى الحمد لله من كتر ما بيعمل الموقف ده كل يوم بفكر اعرض عليه انى اصلحله الابواب والسنتر على حسابى

جامدين جداً و خصوصاً الي انا واخدهم اقتباس
انا هلكت من الضحك

ههههههههههه , سعيد بمرورك يا ابو اسر وشكرا لردك

نسيت حاجة مهمة ..

الشباب الصايع هو اللى يقدر يعمل " غرزة " من قدام محطة الركاب , مهارة فائقة انه يسيب الشارع كله و يروح ياخد غرزة من قدام الناس علشان الشمال واقف :)

كمان نوع الاغنية اللى الشخص بيسمعها بياثر فى الناس " اوى " , و ممكن يجيله احباط لو عرف ان فى حد فى الشارع مسمعش هو مشغل ايه ..

و فى وجهة نظره ان الاحتفاظ باى شيء ملهش لازمة داخل العربية " شغل ناس فافي " , يعنى مينفعش انه يصبر لحد ما يلاقى سله مهملات يرمي فيها بواقى الاكل او السناكس او علبة السجائر .

احب انا الاضافات , وخصوصا حته الغرزه من قصاد المحطه دى فعلا تشوف الناس فى الطرق السريعه وفى الزحمه تحس انهم لسه راجعين من انجلترا حالا ومش واخدين ان هنا التخطى من الشمال مش من اليمين

ههههههههههههههههههههه يخرب بيت عقلك يا نوح بس والله بعد كل ده الواحد بيعمل حوالي نص الحاجات ديه متضر والنص التاني شويه السواقة الصح الي إتعلمتها بره مانعاني إني أعملها

بتعمل نص الحاجات دى !!!! , دا انت كدا يا ابنى عايز اعاده تأهيل ونبعت نجيبلك الجراند ماركيز تانى علشان تبطل تجرى

وثائقية ساخرة رائعة ...

تسلم يا استاذ حاتم على الرد , وبجد كلمه وثائقيه دى رفعت من معنوياتى وحسستنى انى مش لوحدى اللى بشوف الحاجات دى فى الشارع كل يوم

السواقة فى مصر و القاهرة تحديدا بقت حرب و لما بارجع البيت باتشاهد على روحى اننى رجعت سليم بدنيا لكن انا عارف ان الضغط و القلب و السكر هايبقوا صديق السواق المصرى (الملاكى) زى ابو قردان صديق الفلاح (و تروحى فين يا شمس من على قفا الفلاح-بهظ بيه-الكيف)

والله هو الموضوع بقا حرب نفسيه اكتر منه حرب جسديه , يعنى الواحد فى القاهره لازم يتعرض على دكتور نفسى كل 6 شهور وناخده يومين فى 2 كيلو مربع من الاسفلت الفاضى فى الصحراء علشان الانسان القاهرى بدأ يفقد الوعى والقدره على استيعاب ان ممكن يمشى على الرابع اكثر من ربع ساعه ولازم نعمل للناس ايام عطله بعربيات كهرباء يخبطو بيها فى بعض علشان نطلع الطاقه اللى جواهم

ههههههههههههههههههههه
زى ما قال العضو الفاضل دى بورتوكولات صهيون ههههههههههه
سؤال كده على الماشى
هى بورتو كولات تبع بورتو مارينا وبورتو غالب وبورتو السخنة
هههههههههههههههههههههههه
اضحكتونى وانا ماليش نفس اضحك
............................
محمود عينو

هى البروتوكولات دى فعلا تتبع لبورتو مارينا وبورتو سخنه , لكن الفرق ان مارينا كل الشعب بيحلم بيها و 10 % بس اللى راحوها لكن بروتوكلات السواقه كل الشعب بيهرب منها لكن للأسف لم ينجى منها اى مصرى او حتى اجنبى فى زياره

موضوع جميل جدا تسلم ايدك وجزاك الله كل خير

العفو يا فندم وجزانا الله واياك كل خير

الحادثه حاجه ممتعه جدا , خد وقتك فى التأمل واتخاذ العبره من غيرك واهو برده تدى فرصه للى وراك يتفرج بحجه ( ما اللى قدامى واقف )


والله فعلا

بتتكلم بجد ؟؟!!! , ولا قصدك على الناس اللى بتقف تتفرج ؟

ده يعتبر الدستور الرسمي اللي لازم الكل يعمله و يحترمه و ينصح بيه الناس
بس جاااااااااااااااااااااااااامده قوي...............تسلم ايدك

ان شاء الله يبقى ده امتحان الاشارات بعد كدا فى المرور :) , شكرا على ردك يا استاذ ابو السعود

فنـــــــــــــــــــــــــــــان
انا مره واحد بقوله مش في حاره تمشي فيها ؟؟ تخيل قال ايه!!! ما انا موسطن العربيه على الخط اعمل ايه اكتر من كده !!!!

هههههههههههههههههههههههه , كنت كاتب من فتره موضوع ساخر برده عن عادات المرور السيئه وكنت بتكلم فيه عن موقف مشابه

- تلك الخطوط البيضاء التي تم رسمها على الطريق لم تخلق لتسير السيارات في منتصفها كما يدعى البعض , بل هي في الأصل خطوط سير يجب أن تحتضنها بين عجلات سيارتك لتخبرك ليلا إلى أين يتجه الطريق وتجعلك نهارا على بعد مسافة أمان كافيه بالنسبة للسيارة التي بجانبك

نورت الموضوع بمرورك يا درش

هههههههه يهلكوا من الضحك :)

انا اول ما اسمع حد بيقول حاجة من الكلام دة , اعرف على طول انه ملوش في السواقة ولا العربيات اساسا

الغريبة اني لقيت ناس كتير بتتكلم كدة و مقتنعة تماما

و تسلم ايدك يا استاذ احمد على الموضوع الجميل دة :)

لالالا متقولش كدا يا استاذ كريم , ده هى دى الناس البروفشنال اللى بتسوق بصحيح

شكرا لمرورك وردك الجميل وسعيد ان الموضوع عجبك

العربيات المانيوال مش عمليه نهائى فى مصر , تبقى سايق ومستعجل وبتشرب القهوه وبتدخن السيجاره وبتقرى الجرنان ويجيلك تليفون متعرفش ترد عليه علشان بتظبط اوبشن الكاسيت وعايز تجيب الرابع لحسن اللى بتشد معاه يطلع منك

ده تقريبا الوحيد اللي بجد

يا راااااااااااااجل دى بس , شكلك مبتنزلش القاهره كتير

[misoalex]

ههههههههههههههههههههههه
تسلم ايدك يا احمد باشا

بس دى كده بروتكولات الملاهى
اه
انا لما ببقى سايق بحس انى فى الملاهى والله

[تامر.محمد]

الاشاره بتنور وتطفى , ممكن تتحرق !! , متشغلهاش تانى

(لا ممكن تشغلها بس دايما شغلها بعد ما تكون كسرت عشان تشغلها اقل فترة ممكنة)

اول صف فى اليوتيرن دايما واقف , خليك ناصح وخش انت من جنبهم ومتبقاش عقبه فى طريق السيوله المروريه
( باعملها بصراحة :( )

الناس فى مصر عاده بتمشى نايمه , حاول توضح دايما مكانك على الخريطه سواء بتقليب النور او الكلكسه طول الوقت

(مقرفين بس بيستحقهم اللي بيعدي الشارع و هو مدي للعربيات قفاه و دول كتير اوي )

منزل الكوبرى هو انسب مكان تنزل فيه حد من اصحابك يجيب سجاير , المهم بس تشغل الانتظار وتقفل الشباك اللى جنبك

(ده مقزز بعنف , ثم و ليه سجاير ؟ زبون بيشاور لسواق التاكس , بيقف مكانه حتى لو الطريق كله واقف وراه)

مفيش مانع انك تدخل ما بين صفين المرور على كوبرى اكتوبر وهو واقف , دى اسمها توزيع الضغط على عده محاور وملهاش اى علاقه بالخط اللى على الارض

(دي برده بصراحة باعملها :( بس لما بيكون زحمة و بطيء بس )

حكايه ان الحاره الشمال دايما ماشى فيها الناس البطيئه والنقل ملوش علاقه بأننا بنسوق عكس انجلترا , امشى فى اى حته وخليك فى حالك

(اهي دي بالذات اكتر حاجة بتنرفزني , مش عارف ليه الحارات عندنا بالعكس , الشمال دايما للي ماشي بطيء والميني باصات و الاتوبيسات)

محاوله تقليب النور لحد علشان يوسعلك ما هى الا قله حيله , الوقت اللى هتضيعه فى تقليب النور ممكن تستغله انك تمشى قصاد اللى مرخم عليك على التانى مثلا وتخنق عليه اكتر

(عادة البطيء اللي ماشي شمال ده لما بتدي له نور ولا كلاكس ولا بيسأل , فيه قلة محترمة بتوسع برده )

لو اللى قدامك بيوسع لعربيه الاسعاف تعدى منه حاول تدخل بسرعه مكان ما هو وسع علشان عربيه الاسعاف لو دخلت قصادك ممكن النور يوجع عينك
(فيه ناس بتستهبل فعلا و تلاقي عربية الاسعاف معاها موكب عربيات قدامها و موكب تاني وراها , انانية تصل الى حد السفه)

ان الشارع الرئيسى يبقى واقف وتخرم انت من شارع جانبى وبعدين تطلع على الرئيسى تانى وعايز تقطع الصف وتدخل قصاد الناس ده جميل مش هتنساهولك مصر
(من شارع جانبي ليه ؟ من اليمين جنب الرصيف و اول ما يلاقي عربية راكنة يكسر على اللي واقفين في الشارع من قبله بساعة)

[yoko]

بتعمل نص الحاجات دى !!!! , دا انت كدا يا ابنى عايز اعاده تأهيل ونبعت نجيبلك الجراند ماركيز تانى علشان تبطل تجرى

ده إنتا كده عايزني أبلطج على الشغب أنا في الجراند مركيز معرفش فين دواسه الفرامل والي مش عاجبه يوسع

[Ahmed Nouh]

ههههههههههههههههههههههه
تسلم ايدك يا احمد باشا

بس دى كده بروتكولات الملاهى
اه
انا لما ببقى سايق بحس انى فى الملاهى والله

الله يكرمك يا ميسو , وادى انت قولت هى ملاهى فعلا بس للأسف ملاهى من غير امان

(لا ممكن تشغلها بس دايما شغلها بعد ما تكون كسرت عشان تشغلها اقل فترة ممكنة)

باعملها بصراحة :(

(مقرفين بس بيستحقهم اللي بيعدي الشارع و هو مدي للعربيات قفاه و دول كتير اوي )

(ده مقزز بعنف , ثم و ليه سجاير ؟ زبون بيشاور لسواق التاكس , بيقف مكانه حتى لو الطريق كله واقف وراه)

(دي برده بصراحة باعملها :( بس لما بيكون زحمة و بطيء بس )

(اهي دي بالذات اكتر حاجة بتنرفزني , مش عارف ليه الحارات عندنا بالعكس , الشمال دايما للي ماشي بطيء والميني باصات و الاتوبيسات)

(عادة البطيء اللي ماشي شمال ده لما بتدي له نور ولا كلاكس ولا بيسأل , فيه قلة محترمة بتوسع برده )

(فيه ناس بتستهبل فعلا و تلاقي عربية الاسعاف معاها موكب عربيات قدامها و موكب تاني وراها , انانية تصل الى حد السفه)

(من شارع جانبي ليه ؟ من اليمين جنب الرصيف و اول ما يلاقي عربية راكنة يكسر على اللي واقفين في الشارع من قبله بساعة)

هههههههههههههههههه , شكرا على ردك يا بشمهندس تامر وحلوه التعليقات دى

ده إنتا كده عايزني أبلطج على الشغب أنا في الجراند مركيز معرفش فين دواسه الفرامل والي مش عاجبه يوسع

نفسى اركبها يوم العربيه دى يا احمد , حاسس انى مثلا ممكن ادخل فى صف ميكروباصات ازقهم علشان يمشو , او ممكن اشيل عربيه ملاكى خرج من تقاطع بيجرى من غير ما يبص او حاجات كتير قوى

ان شاء الله المره الجايه هجيب جيب اهى قريبه شويه من جو العقاب الفورى ده :b4_282:

[Ghamrawy]

حلوة جدا تسلم ايدك
و كمان فيه ناس لما بتبقى طالعة من المكان اللى راكنه فيه و تلاقى حد بيدور على ركنة تقوم مسطنطعة و تنزل تمسح العربية و تفتح الكابوت و تحط ميه و تتكلم فى الموبايل و تلف حوالين العربية تشيك على الكاوتش و تفتح الراديو و تنزل تلعب فى الايريال علشان تظبط المحطة

[AirForces]

لو عربيه صاحبها بيقول انها استيراد وعايز تتأكد , بص جوا لو لقيت كل الزراير ممسوحه عدا دراع الاشارات وزرار الانتظار لسه بيلمعو تبقى مصريه صميميه ومخرجتش برا حدود القاهره

بتغاااااااظ جدا من الحكاية دى
فعلا مش عارف الناس هنا ما بتستخدمش الإشارات ولا الأنتظار ليه يمكن زى ما قولت فى الأول لحسن تتحرق

واللى بيغظينى اكتر اللى ماشيين من غير نور فرامل

بس الظاهر انه الأنتظار ليه استخدامات تانية مش للركن والأنتظار زى ما احنا فاكرين !!
انهارده شوفت واحد بمرسيدس سى كلاس وواحد بلانسر بومة فاتحين الأنتظار وماشيين يشدوا مع بعض وياخدوا غرز !!!!


بس تسلم إيدك على الموضوووووووووع :)

[Eng_Mostafa_89]

هههههههههههههههههههه
موضوع جامد وبيعبر عن حال البلد

[mrsailor]

الاشاره بتنور وتطفى , ممكن تتحرق !! , متشغلهاش تانى

اول صف فى اليوتيرن دايما واقف , خليك ناصح وخش انت من جنبهم ومتبقاش عقبه فى طريق السيوله المروريه

الناس فى مصر عاده بتمشى نايمه , حاول توضح دايما مكانك على الخريطه سواء بتقليب النور او الكلكسه طول الوقت

اييييه , الله يرحم ايام شيك على العالى وشيك على الواطى , اى حد تشوفه نزل من على الرصيف دى دعوه صريحه للعب حاول تمسكه او تخبطه علشان مينكرش انه كان على الواطى

منزل الكوبرى هو انسب مكان تنزل فيه حد من اصحابك يجيب سجاير , المهم بس تشغل الانتظار وتقفل الشباك اللى جنبك

مفيش مانع انك تدخل ما بين صفين المرور على كوبرى اكتوبر وهو واقف , دى اسمها توزيع الضغط على عده محاور وملهاش اى علاقه بالخط اللى على الارض

حكايه ان الحاره الشمال دايما ماشى فيها الناس البطيئه والنقل ملوش علاقه بأننا بنسوق عكس انجلترا , امشى فى اى حته وخليك فى حالك

محاوله تقليب النور لحد علشان يوسعلك ما هى الا قله حيله , الوقت اللى هتضيعه فى تقليب النور ممكن تستغله انك تمشى قصاد اللى مرخم عليك على التانى مثلا وتخنق عليه اكتر

الحادثه حاجه ممتعه جدا , خد وقتك فى التأمل واتخاذ العبره من غيرك واهو برده تدى فرصه للى وراك يتفرج بحجه ( ما اللى قدامى واقف )

القياده فن وذوق واخلاق , وانت ولا بتعرف ترسم ولا حد بيصبر عليك علشان تصبر عليه وحتى الاخلاق مبتقولش انك تتاخر على ميعادك

العربيات المانيوال مش عمليه نهائى فى مصر , تبقى سايق ومستعجل وبتشرب القهوه وبتدخن السيجاره وبتقرى الجرنان ويجيلك تليفون متعرفش ترد عليه علشان بتظبط اوبشن الكاسيت وعايز تجيب الرابع لحسن اللى بتشد معاه يطلع منك

الصوت العالى جوا العربيه اكيد مع الوقت هيأذى ودانك , حاول تفتح الشبابيك وبكدا تقدر تعلى براحتك من غير ما الصوت يتعبك واهو برده تنضف ودان الناس

البيز لو مكانش بيهز مرايه صالون العربيه اللى جنبك يبقى اتضحك عليك فى الصب ال 22 بوصه ده يا بيزو

الطفايه حاجه بيئه قوى فى العربيه , ممكن تجيب طفايه سبور وتحط فيها برفان واهو منه يخلى ريحه العربيه حلوه ومنه ينفجر ويعمل اصوات كووول لو العربيه ولعت

لو اللى قدامك بيوسع لعربيه الاسعاف تعدى منه حاول تدخل بسرعه مكان ما هو وسع علشان عربيه الاسعاف لو دخلت قصادك ممكن النور يوجع عينك

لو عربيه صاحبها بيقول انها استيراد وعايز تتأكد , بص جوا لو لقيت كل الزراير ممسوحه عدا دراع الاشارات وزرار الانتظار لسه بيلمعو تبقى مصريه صميميه ومخرجتش برا حدود القاهره

النور درجتين , مطفى ومنور , حكايه عالى وواطى دى بس علشان لما تكون داخل على صحابك بالعربيه وهما قاعدين زى المتسولين على الارض النور ميوجعش عينيهم

عالم الحيوان ليه فضل كبير قوى على معظم السواقين فى تعلم كيفيه التعامل مع سواقين النقل والميكروباص والاوتوبيسات , وعالم الحشرات كمان بس ده كان تخصص ملاكى

انك تلزق وش عربيتك فى العربيه اللى قدامك يعتبر فى حد ذاته عبقريه , استهلاك بنزين اقل وتسارع افضل وكمان لو هو خبط وفرمل فجأه مش هيبقى فى فرق بينك وبينه يؤدى الى اصطدامك بيه بسرعه

ان الشارع الرئيسى يبقى واقف وتخرم انت من شارع جانبى وبعدين تطلع على الرئيسى تانى وعايز تقطع الصف وتدخل قصاد الناس ده جميل مش هتنساهولك مصر

حاول تفصل نور الفرامل التحذيرى فى عربيتك , الفرمله فجأه عامل مساعد على رفع تركيز السواق اللى وراك واختبار حقيقى اذا كان صاحى ولا لا وبالتأكيد الاجابه هتوصلك فى اول اشاره

لما العربيه اللى وراك تكون بتضرب سارينه شرطه وسعلها بسرعه , دا اكيد راجل البيت جايب خص وخيار وفى طريقه لأستعماله ... فى السلطه طبعا

الزينون مش محتاج عدسه ولا فانوس مخصوص , كل ما يكون على طبيعته كل ما يكون نوره احسن وهتلاحظ الموضوع ده من اعجاب الناس بنورك اللى هتشوفه من فوانسيهم وتسمعه من شبابيكهم وحتى تقراه من اشارتهم

الشكمان الديفل بالتأكيد بيرفع الهورس باور حوالى 60 حصان ده غير ان صوته دايما بيفكرك بالوابور الجاز ايام الغسيل وهى فرصه رائعه لأستعاده حاله الهدوء النفسى اللى كان بيسببها لك الوابور

حاول دايما لما ترجع الشارع الفجر تفتح الباب ربع ساعه وانت معلى الاغانى علشان مديحه بنت الحج سليم تعرف انك كنت بتسمع تموره فى الطريق , ومتنساش ترزع الباب يجى 36 مره وتقفل الانذار الوولف وتفتحه يجى 44 مره علشان نعرف انك مركب سنتر ومحدش يقلب العربيه لما تطلع

العلاقه بين بعد الكرسى عن الدركسيون ونوم الظهر على الكنبه اللى ورا علاقه طرديه مع مهاراتك القياديه يعززها دايما انك تحط عداد rpm مقاس 9 بوصه وعداد سرعه للمحور الامامى وواحد تانى للخلفى وسبحه ودبدوب ومصحف وعروسه واستيكرات على جنب البرابيز وبانر دعائى ل super dirt clean للعنايه بالشعر الجاف على نص البرابيز العلوى

لازم برده تعرفنا قد ايه انت مسجل خطر ومطلوب فى كل كمين بشعارات مطلوب ومطلوب بجد ومطلوب والله العظيم والعربيه اتحجزت قبل كدا وتعالى شد معاى لو راجل بجانب النزعه الطفوليه البريئه فى بادج عيل عبيط جوا !! , وده كله لا يتعارض اطلاقا مع ان البوكسر ابو شمسيات اللى انت لابسه ده جامد هبل

من قله الذوق ان لما حد يكون جنبك فى العربيه وبيكلمك تبقى انت باصص قصادك , قعده الرجاله متتعوضش وايا كان اللى هيحصل قصادك اكيد معتز اللى قاعد جنبك هيقف معاك وقت الحادثه

لما حد يقف قصادك او يرمى عليك من اليمين اسهل من انك تفرمل ممكن تاخد الحاره اللى شمالك ولو اللى جاى وراك فى الشمال لقيته بيقلب نور بسرعه بعد ما دخلت قصاده حاول تهدى تشوف اذا كان عايز حاجه

الله ينور ياباشا .. دا انت مدرسة .. لأ كلية

[N.a.j.d]

ايه دا احنا بنحارب ولا ايه ههههه

[Dr.SherifMansy]

الله يفتح عليك ....

بردت قلبى بكلامك ده ... كنت ساعات باحس ان انا اللى غلط و الناس اللى حوالى هم الصح.

و اسمح لى اضيف بعض البروتوكولات الى ما سبق و ان ذكرته :

اشارة "ممنوع الدخول" أو اشارة "اتجاه واحد" دول اشارات مالهاش لازمة الغرض منها ان الناس تلف و تستهلك بنزين .... ادخل من اى اتجاه يعجبك و اللى مش عاجبه يسلم لى على الأشارة.

لو دخلت عكس الأتجاه و لقيت ان الشارع ضيق و هايقف اجرى باسرع ما تقدر علشان تكون انت اللى قطعت الجزء الأكبر و تجبر اللى قدامك (مهما كان عددهم) انهم يرجعوا لورا علشان تعدى الحتة الصغيرة اللى فاضلة من الشارع.

لو اللى قدامك مارضيش يرجع و اصر انك داخل عكس الاتجاه فعندك حلول كتيرة تحرق بيها دمه و يمكن تعدى انت الاول كمان :
مثلا تبتسم برخامة مع تبريرك بانك مش من المنطقة و ماتعرفش و المسامح كريم ،
او تقول انك لسه بتسوق جديد و مش كويس فى الرجوع لورا (حجة قوية بالذات لو المتكلم واحدة ست) ،
او انك تقفل الشبابيك و تطفى العربية و تطبق مبدأ "اللى يزهق الأول هايمشى الطريق" و اكيد انت مش من النوع اللى بيزهق لو اخترت الحل ده

السواق الأصيل فعلا هو اللى يقطع الشارع بالعرض فجأة من اقصى الشمال لليمين او بالعكس ، علشان يحود مثلا او يركب زبون مثلا ، و مالكش حق تزعل او تزمر لأن عادة هايكون طلع ايده من الشباك ... عايز ايه اكتر من كده يا طماع ؟؟؟

و البقية تأتى

[abo_lamar]

انت كده وصفت حالة الشارع المصري يا باشا بالضبط

[yoko]

العربيه دى يا احمد , حاسس انى مثلا ممكن ادخل فى صف ميكروباصات ازقهم علشان يمشو , او ممكن اشيل عربيه ملاكى خرج من تقاطع بيجرى من غير ما يبص او حاجات كتير قوى

ان شاء الله المره الجايه هجيب جيب اهى قريبه شويه من جو العقاب الفورى ده :b4_282:

كنت بعملها لما تبقى الركنه ديقة كنت بزق العربيات حتى لو شادد الهاند أو معشق حتى