بـروتـوكـولات سـواقـيـن مصـريـيـن !!!

[human]

جامد التنييين

[Abdm]

تسلم الآيادى فعلا بروتوكلات بتتنفذ كلها
الموضوع جميل ومفيد علشان نعرف العالم دية بتفكر أذاى
وشكرا

[R A N A]

موضوع هايل والله
بجد ضحكتني رغم ان مودي مش حلو فعلا بس موضوعك واقعي فعلا وبشوفه التصرفات دي كل يوم مجرد مابتحط ورا الدريكسيون

[D . a .\ AYMAN]

بصراحة في الملفات أنا بعمل كده لأن فعلا الشارع بيقف في الملفات العبقرية اللى الحكومة بتاعتنا بتعملها بدون مراعاة أي مواصفات صحيحة لها

وكمان على كوبري اكتوبر برضه ممكن أمشي في النص بالذات في الحتة اللى بين التحرير ورمسيس لأن خلاص هوة الكوبري إتعمل تلات حارات غصب عنك ومش هاتقدر تعمل حاجة حتى لو مشيت لوحدك على اليمين ئاو الشمال هاتلاقي واحد حط بوز عربيته في النص ودخل وبينك وبين اللى جنبك

بس بصراحة تحفة تسلم إيديك

[Ahmed Nouh]

حلوة جدا تسلم ايدك
و كمان فيه ناس لما بتبقى طالعة من المكان اللى راكنه فيه و تلاقى حد بيدور على ركنة تقوم مسطنطعة و تنزل تمسح العربية و تفتح الكابوت و تحط ميه و تتكلم فى الموبايل و تلف حوالين العربية تشيك على الكاوتش و تفتح الراديو و تنزل تلعب فى الايريال علشان تظبط المحطة

ده عالم تنحه وبارده ومعندهاش ريحه الدم , دا انا لو لسه جاى على العربيه ولقيت حد بيدور على مكان بنور له السنتر علشان يعرف انى خارج ويستنى وبجرى اطلع العربيه وابقى اعمل اللى عايزه لما اطلع وافضى له المكان , صحيح الذوق ده نعمه ربنا يديمها علينا

تسلم على مرورك يا جيمنو

بتغاااااااظ جدا من الحكاية دى
فعلا مش عارف الناس هنا ما بتستخدمش الإشارات ولا الأنتظار ليه يمكن زى ما قولت فى الأول لحسن تتحرق

واللى بيغظينى اكتر اللى ماشيين من غير نور فرامل

بس الظاهر انه الأنتظار ليه استخدامات تانية مش للركن والأنتظار زى ما احنا فاكرين !!
انهارده شوفت واحد بمرسيدس سى كلاس وواحد بلانسر بومة فاتحين الأنتظار وماشيين يشدوا مع بعض وياخدوا غرز !!!!


بس تسلم إيدك على الموضوووووووووع :)

مهو ده يا باشا برده يتبع لموضوع توزيع الزحام على عده محاور , عندنا الاشارات تتعدى مرحله يمين وشمال وانتظار بس دى فيها شتيمه وحاسب وداخل براحه يمين وثوانى كدا !!! و حتى تعالى بكره , اللى بياخد غرز وهو مشغل اشاره او انتظار ده مخالف بس محترم شويه وتحس انه بيجرى بس ضميره بيوجعه وشخصيا برغم انه مخالف بس بحترمه كفايه انه كلف نفسه يشغل اشاره وده معناه انه يفقه ولو قليل فى قواعد المرور والسلامه

تسلم على مرورك يا فندم

هههههههههههههههههههه
موضوع جامد وبيعبر عن حال البلد

منها واليها يا بشمهندس , هنعمل ايه طيب :)

شرفت الموضوع

الله ينور ياباشا .. دا انت مدرسة .. لأ كلية

يا باشا ربنا يكرمك وشكرا لردك

ايه دا احنا بنحارب ولا ايه ههههه

فى مصر علشان توصل البيت احيانا بتحارب واحيانا بتدافع , كر وفر يعنى :) , كل تقاطع او شارع او حفره او مطب او يوتيرن لازم تخططه له مسبقا وتتوقع اى هجوم مفاجئ او استعباط برده مفاجئ ولو مش معاك خطه يبقى كأنك بتهجم بحصان على مزرعه تين شوكى

الله يفتح عليك ....

بردت قلبى بكلامك ده ... كنت ساعات باحس ان انا اللى غلط و الناس اللى حوالى هم الصح.

و اسمح لى اضيف بعض البروتوكولات الى ما سبق و ان ذكرته :

اشارة "ممنوع الدخول" أو اشارة "اتجاه واحد" دول اشارات مالهاش لازمة الغرض منها ان الناس تلف و تستهلك بنزين .... ادخل من اى اتجاه يعجبك و اللى مش عاجبه يسلم لى على الأشارة.

لو دخلت عكس الأتجاه و لقيت ان الشارع ضيق و هايقف اجرى باسرع ما تقدر علشان تكون انت اللى قطعت الجزء الأكبر و تجبر اللى قدامك (مهما كان عددهم) انهم يرجعوا لورا علشان تعدى الحتة الصغيرة اللى فاضلة من الشارع.

لو اللى قدامك مارضيش يرجع و اصر انك داخل عكس الاتجاه فعندك حلول كتيرة تحرق بيها دمه و يمكن تعدى انت الاول كمان :
مثلا تبتسم برخامة مع تبريرك بانك مش من المنطقة و ماتعرفش و المسامح كريم ،
او تقول انك لسه بتسوق جديد و مش كويس فى الرجوع لورا (حجة قوية بالذات لو المتكلم واحدة ست) ،
او انك تقفل الشبابيك و تطفى العربية و تطبق مبدأ "اللى يزهق الأول هايمشى الطريق" و اكيد انت مش من النوع اللى بيزهق لو اخترت الحل ده

السواق الأصيل فعلا هو اللى يقطع الشارع بالعرض فجأة من اقصى الشمال لليمين او بالعكس ، علشان يحود مثلا او يركب زبون مثلا ، و مالكش حق تزعل او تزمر لأن عادة هايكون طلع ايده من الشباك ... عايز ايه اكتر من كده يا طماع ؟؟؟

و البقية تأتى

لا حول ولا قوه الا بالله , من كتر الغلط بقينا نحس ان ده الصح واحنا الغلط

البروتوكلات دى فى الصميم يا دوك , بالذات بقا اخر واحد ده علشان حصلى معاى

واحد بتاكسى فى ملف يا مؤمن وقف مره واحده اقسم بالله فى الحاره اللى فى النص علشان زبون بيشاور وياريته هيركبه ده كان بيقوله رايح فين ومعجبوش ومشى وقام مطلعلى ايده بعد طبعا ما كان اللى ورايا هيشرفنى فى الكنبه ندردش شويه , جيت جنبه بس علشان اقوله مينفعش كدا بحس نيه والله ولا هتخانق ولا يحزنون , راح عامل عاطف وحارق وبيرمى على ومش عايزنى اكلمه , عالم مريضه !!

شرفت الموضوع يا دكتور وشكرا على ردك الجميل

انت كده وصفت حالة الشارع المصري يا باشا بالضبط

خبره 4 سنين لما الواحد بيفكر يقلب العربيه اجره عسى انى افهم الناس بتاعت الاجره بتتعايش مع الشارع ازاى ومعندهومش مشاكل زى حلاتنا

كنت بعملها لما تبقى الركنه ديقة كنت بزق العربيات حتى لو شادد الهاند أو معشق حتى

اه يا مفترى , امثالك سبب كل البتاع بتاع الركن وكل اللى بيجى من وراه

قصادكش حته جراند ماركيز فابريكه ؟؟؟

+1111111111111111

هههههههه..... دى و لا بروتوكولات حكماء صهيون

احنا لو بنسوق فى اسرائيل مفتكرش ابدا ان كان هيحصل كدا , دا انا بدأت اشك ان سواقه هنا هى اصل الصهيونيه

الشعب الوحيد اللي له قوانين مرور لوحده وبنودها مذكورة بحذافيرها في مشاركتك الرائعة

ربنا يبارك فيك يا دكتور محمود وسعيد جدا ان الموضوع عجبك

اكيد انتوا بتتكلموا عن امريكا \\\\\\ وعجبي

لا امريكا لو حتى عملو الموضوع ده قانون مرور برده مش هيوصلو لمستوانا , احنا مبدعين :)

موضوع مُميز فعلا ، وعلى فكرة هو مُفيد جدا بجد

لأنه بيوضح القوانين من ناحية مشاكل عدم تطبيقها

يعنى فعلا الواحد بيستفيد من المواضيع دى

الف شكر يا بشمهندس على ردك الكريم , واتمنى فعلا تكون الاستفاده من ورا الموضوع وصلت سواء بأخطاء كنا بنعملها ومش واخدين بالنا او كدعوه للألتزام اكتر

موضوع رائع زي بقية مواضيعك يا أحمد
وجاء على الجرح فعلاً

وعاوز اضيف كمان
لو مفيش عسكري مرور يبقى الاشارة ملهاش لازمة الافضلية لك دائما حتى لو الاشارة حمراء
اللي يقف في الاشارة بدون العسكري اكيد عنده حالة نفسية

الاشارة ومطالع ومنازل الكباري معمولة علشان نزول وصعود الركاب وعلى الجميع احترام ذلك

لو لقيت حد بيعدي اليوترن وانت جاي من بعيد متهديش لكن شد لحسن يسبقك
ولو سبقك مترحموش من تقليب النور علشان يحرم يسبقك

الله يكرمك يا دكتور وسعيد ان الموضوع نال رضاك , بس الا يعنى ايه اشاره ؟

تعرف انى كل ما بنزل بورسعيد او اسماعيليه بتعرض لحوادث مميته , لو الناس مش واقفه والله العظيم بكسر الاشاره علشان مبشوفهاش اصلا , مش متعود ان يبقى فى اشاره فى تقاطع ودايما لازم اكسرلى اشاره ولا اتنين على ما اركز انى مش فى القاهره وكان كتير قوى هيحصلى مشاكل بسبب الموضوع ده علشان محدش بيقتنع بحته انك مخدتش بالك من الاشاره دى

العربيات المانيوال مش عمليه نهائى فى مصر , تبقى سايق ومستعجل وبتشرب القهوه وبتدخن السيجاره وبتقرى الجرنان ويجيلك تليفون متعرفش ترد عليه علشان بتظبط اوبشن الكاسيت وعايز تجيب الرابع لحسن اللى بتشد معاه يطلع منك

--------------------------------------------
دي بصراحة اشدههمممممممممممم

ههههههههههههه , شكرا لردك

يااااااااااااااااااااااااااه
الحمد لله انى اخيرا لقيت قاموس المصطلحات دى
صدقنى كنت بدور عليها من زمان
خصوصا انى اوقات كتير بحتاس مع سواقيبن كتير
على الطريق مش بعرف اتصرف معاهم
وكنت متأكد ان فيه قاموس او كتالوج الناس دى ماشيه بيه
غير اللى اتعلمناه وقواعد المرور والكلام اللى مش نافع ده
اشكرك يانوح باشا وطبعا هنستفيد بالبروتكول ده
لان ده اخر طبعه لبروتكولات السواقه
بس منتظرين منك النسخة الجديده من كيفية التعامل
مع سائقى الميكروباص

هههههههههههههههههههه , الله يكرمك يا استاذ هشام وخلى بالك بقا من الحاجات دى علشان تبقى مبيت لهم النيه فى الشارع

الجزء بتاع سواق الميكروباص ده هنعتقل سواق عربيه رحلات ان شاء الله ونجيبه هنا ونغميه ونمسك ورا كوريك وخلفيه كلها زيت ونخليه يقول بيسوق ازاى

العلاقه بين بعد الكرسى عن الدركسيون ونوم الظهر على الكنبه اللى ورا علاقه طرديه مع مهاراتك القياديه

انا بعمل كدة بس مش لدرجة النوم علشان رجلى طويلة و بتخبط فى الدواسات

لا عادى ما كلنا بنرجع الكرسى , بس فى ناس تحس انها بتتصور والكرسى نايم بمعنى الكلمه ورا وتلاقيه متشعبط يا عين امه فى الدركسيون وظهره مش لامس الكرسى اساسا , طيب وليه العذاب ده مش عارف !!!

ههههههههههههههههههههه جامدة موت

شكرا على ردك يا استاذ هانى

ههههههههههههههه جامدين اووووووى

ايه خدمه يا استاذ احمد , شكرا لردك

جامدة أوي يا أحمد باشا.....واختيارك لاسم الموضوع هايل

الله يكرمك يا استاذ عمرو , نورت الموضوع يا باشا

الله عليك يا هندسة يا جامد
دي الناس اللي تعجبني اللي فاهمين الشارع ماشي ازاي واكيييييييييد من سكان القاهرة
انا عندي شوية حاجات قديمة من زمان لقيتها عندي علي الجهاز قولت اشارك بيها

انا من القاهره فعلا عاصمه البروتوكل ده :) , سعيد ان الموضوع عجبك وشكرا لردك الرائع ده

على فكره الحاجات دى كلها بقلم المبدع سبعاوى , اعتقد انه اول واحد كتب بالاسلوب الساخر ده عن شوارع القاهره اساسا

[QUOTE=zaza_lanos;3872477873]اشى خيال يا ناس
اكنى قاعد فى الشارع والكلام ده امام عينى[/QUOTE

ايه ده هو انتو كمان عندكم الكلام ده :) و طلع محدش احسن من حد

تسلم على مرورك يا باشا

جامد التنييين

استاذ طارق , شرفت الموضوع يا فندم

تسلم الآيادى فعلا بروتوكلات بتتنفذ كلها
الموضوع جميل ومفيد علشان نعرف العالم دية بتفكر أذاى
وشكرا

مهو علشان تهاجم لازم تعرف العدو بيفكر ازاى :) , شكرا لمرورك وردك يا استاذ عبد الحى

موضوع هايل والله
بجد ضحكتني رغم ان مودي مش حلو فعلا بس موضوعك واقعي فعلا وبشوفه التصرفات دي كل يوم مجرد مابتحط ورا الدريكسيون

مهو ورا الدركسيون ده سينما درامى وكوميدى واكشن ورعب فى نفس الوقت وبكل الابعاد الطبيعيه , سعيد ان الموضوع عجبك وشكرا لمرورك

بصراحة في الملفات أنا بعمل كده لأن فعلا الشارع بيقف في الملفات العبقرية اللى الحكومة بتاعتنا بتعملها بدون مراعاة أي مواصفات صحيحة لها

وكمان على كوبري اكتوبر برضه ممكن أمشي في النص بالذات في الحتة اللى بين التحرير ورمسيس لأن خلاص هوة الكوبري إتعمل تلات حارات غصب عنك ومش هاتقدر تعمل حاجة حتى لو مشيت لوحدك على اليمين ئاو الشمال هاتلاقي واحد حط بوز عربيته في النص ودخل وبينك وبين اللى جنبك

بس بصراحة تحفة تسلم إيديك

الله يكرمك يا باشا , صحيح كتير الواحد لازم يجارى التيار الجارف والا هتبقى العواقب صعبه

شكرا لتشريفك الموضوع



واسف ان كنت اتأخرت فى الرد على الموضوع طول الفتره دى

[yoko]

اه يا مفترى , امثالك سبب كل البتاع بتاع الركن وكل اللى بيجى من وراه

قصادكش حته جراند ماركيز فابريكه ؟؟؟

ممكن أجبلك واحدة فبريكه بره وجوه ب٣٠ ألف جنيه بس المشكلة إن مينفعش تستورد عربيه مستخدمة

[Ahmed Nouh]

ممكن أجبلك واحدة فبريكه بره وجوه ب30 ألف جنيه بس المشكلة إن مينفعش تستورد عربيه مستخدمة

ونستوردها ليه , هل تتخيل ان فى ماركيز راشه جوا اساسا

دى فى الحاله دى اكيد كانت فى جراج عماره وقعت او دخلت فى حامله طائرات

العربيه دى اخرها ترش نضافه , لكن حتى الان لم يظهر طريقه لتدميرها, دى تحس انها دبابه مستهبله فى دور عربيه

[yoko]

ههههههههههههههههه
إحنا الي معانا راشه رفرف شمال فقط ومن زمان
وخبطها مره بالباب في عامود وإتردت فرن
وبابا لبس بيها في نص نقل من جنبه جابله الكورونا في الأرض وكل الي حصل لنا الفانوس إتكسر (بس فنوسها ب ٣ ألاف ريال!!!!!!!!!!!)

[amr100]

جامد جامد جامد

[m2die4]

الحقيقه المره و فى كمان انك اول ما تفتح الاشاره كل الوراك تلقيهم بيجرو اسرع علشان يلحق يعدى و لا كأنك لقتهم زهقنين ورا فقلت افتحلهم لمبه صفراه تسليهم

[Dr.SherifMansy]

لا حول ولا قوه الا بالله , من كتر الغلط بقينا نحس ان ده الصح واحنا الغلط

البروتوكلات دى فى الصميم يا دوك , بالذات بقا اخر واحد ده علشان حصلى معاى

واحد بتاكسى فى ملف يا مؤمن وقف مره واحده اقسم بالله فى الحاره اللى فى النص علشان زبون بيشاور وياريته هيركبه ده كان بيقوله رايح فين ومعجبوش ومشى وقام مطلعلى ايده بعد طبعا ما كان اللى ورايا هيشرفنى فى الكنبه ندردش شويه , جيت جنبه بس علشان اقوله مينفعش كدا بحس نيه والله ولا هتخانق ولا يحزنون , راح عامل عاطف وحارق وبيرمى على ومش عايزنى اكلمه , عالم مريضه !!

شرفت الموضوع يا دكتور وشكرا على ردك الجميل

شكرا يا استاذ احمد

و اسمح لى ازود شوية بروتوكولات كمان بعد اذن الجميع:

عملا بالقاعدة الذهبية فى فيلم شادية و كمال الشناوى و اسماعيل ياسين و عبد السلام النابلسى و فاخر فاخر (مش فاكر اسم الفيلم فقلت الأبطال) لما كانت بتقول لها : "كل الناس عدوينك ، مافيش غير نافع بس اللى حبيبك" ، بعد تعديلها لتتناسب مع القيادة عندنا لتصبح : "كل الناس عدوينك ، مافيش غير نفسك (وعربيتك) بس اللى حبيبتك"

و بالتالى كل من فى الشارع هم اعداء و يجب محاربتهم !!!

تتجلى هذه القاعدة فى عدة تصرفات يومية مثل :

* تبقى ماشى فى حالك و فى حارتك المرورية ، و الشارع مش زحمة ولا حاجة ، و تلاقى فجأة اللى بيعدى من جنبك بيحدف عليك بغباوة ، و بعد ما يعدى (طبعا بعد ما فاديته و كنت هاتخش فى الرصيف او فى عربية تانية) تلاقى ان ماكانش فيه حد جنبه علشان يحدف بالطريقة دى ... و مش بعيد تشوفه فى المراية بيضحك باستمتاع و بخاصة لو من فئة سواقين التاكسى او السرفيس..

* تلاقى اللى بيكسر من قدامك فجأة و على حين غرة بدون اشارات ، لأن ما دمت انت عدوه ، ينبهك باشارة ليه ...؟؟؟

* لو غلطت و فضحت نيتك بانك ناوى مثلا تحود شمال و اديت اشارة شمال ، فلابد من افساد خطتك الدنيئة للدوران ، و هاتلاقى الكل بيتسابق للمرور من على شمالك ، حتى لو داخلين بعد كده يمين ، المهم انك ما تحققش غرضك الخبيث فى الدوران .... مش انت عدوهم ؟؟؟

* المباغتة فى الحرب مهمة جدا ، و اكبر مثال بنشوفه على كده هو عبور المشاة ، تلاقى الواحد واقف فى مكان لا يمكن تتخيل ان حد عاقل ممكن يعدى منه ، و زيادة فى التمويه تلاقيه باصص فى اتجاه تانى ، و لما تقرب جدا و انت واخد سرعتك ، فجأة تلاقيه راح ناطط قدامك زى ما يكون حد زقه ، و بدل ما يعدى بسرعة ، يدور وشه و يمشى على مهله كأنه بيتمشى على الكورنيش ، و لما تضرب فرامل جامدة او تفاديه بأعجوبة (و ربنا يستر و اللى وراك ما يخبطكش) ، تلاقيه يروح باصص لك بانتصار ممزوج بشماتة لا متناهية ، و مافيش مانع من كلمتين حوالين الناس اللى عايزة تدوس خلق الله اللى بيعدوا الشارع ، او حتى تسمع شتيمتين على الماشى .... مش انت عدوه و هو كده نجح فى خداعك و انتصر عليك ؟؟؟

و للحديث بقية

و تحياتى