مين فينا اللى غلطان (حوادث الأصطدام من الخلف)

[م/مصطفى محمود]

السلام عليكم ورحمة الله وبركاته

سؤال يا شباب ، هو دائما اللى فى الخلف هو اللى غلطان

يعنى لو دلوقتى واحد فرمل مرة واحده (نتيجة أن العربيات اللى أمامة وقفت ) وانا فرملت أنا كمان وخبط فية ، يبقى مين اللى غلطان

طب لو هو هدى جامد (يعنى فرمل بس مش مرة واحده) وانا فرملت برضوا وخبط فية من الخلف

يعنى عايز أعرف أمتى اللى ورا يكون هو اللى غلطان وأمتى لأ

[engahmedsamy]

الللي خابط بالوش هوا اللي غلطااان

[م/مصطفى محمود]

24- يجب ترك مسافة بينك وبين السيارة التى امامك تكفى لفرملة سيارتك تماما إذا اضطرت السيارة الامامية للتوقف فجأة، وتقدر عادة بسرعه سيارتك مقدرة بالأمتار، يعنى 60 متر إذا كنت ماشى 60 كيلو فى الساعة وهكذا، فى حالة إصطدام سيارة بسيارة امامها فإن سائق السيارة الخلفية يتحمل كافة المئسولية

ده يا شباب كان كلام لأخونا سبعاوى فى أحد المواضيع

[م/مصطفى محمود]

حتى لو هو كبس فرامل جامد ؟؟؟

[M!SHO]

المرور بيقول ان اللى ورا (اللى خابط بالوش ) هو اللى غلطان ,,,
بس والله العظيم ساعات كتير اللى قدام هو اللى بيبقى غلطان ومش شرط يفرمل فجأه ...

[محمد عز]

دائما اللى بيخبط من ورا هوا الغلطان

اى كان سبب توقف السيارة الامامية

لسبب وحيد هو عدم ترك مسافة الأمان

اللى تسمح بتوقف السيارة فى حالة التوقف الفجائى للسيارة التى امامك

[M!SHO]

حتى لو هو كبس فرامل جامد ؟؟؟

هو المفروض تسيب مسافه بينك وبينه,,,
بس فيه عوامل كتير بتتحكم فى الموضوع ده منها ,,,
السرعه اللى ماشى بيها واللى حضرتك ماشى بيها ,,,
المسافه اللازمه لتوقف سيارته وكذلك عربية حضرتك,,, وهكذا ....

[Car's Sniper]

دائما اللى بيخبط من ورا هوا الغلطان

اى كان سبب توقف السيارة الامامية

لسبب وحيد هو عدم ترك مسافة الأمان

اللى تسمح بتوقف السيارة فى حالة التوقف الفجائى للسيارة التى امامك

هو ده الكلام الصح بالظبط

[m_mekkawy]

كل قوانين المرور العالميه اللى صادم من الخلف نسبة الخطأ عليه 100%

[Ahmed Nouh]

كان من فتره حصل نفس الاشكال على حته ان فى قانون بيقول كدا والحمد لله محدش جاب نص القانون ده

الخلاصه ان مفيش قانون فى اى بلد فى العالم فيه بند ان اللى ورا غلطان بنسبه 100% وده اعتقاد خطأ

كل حادث وليه ظروف على اساسها بيتحدد مين الغلطان , علشان لو هى اللى ورا غلطان دايما يبقى انى اجى فى وسط الدائرى اضرب فرامل على الشمال واقف وابقى صح , وبنفس المقياس محدش يزعل لما ميكروباص يقف مره واحده فى وسط الشارع وانت تدخل فيه من ورا ويبقى المفروض انت تنزل تعتذرله

ان اللى قدامك ضرب فرامل ووقف علشان الطريق وقف قصاده ده خطأ عليه علشان هو مش مركز واستخدم فرمله فجأه وغلط عليك علشان انت كمان مش سايب مسافه كافيه

مش غلطتك لوحدك يعنى

[Car's Sniper]

كان من فتره حصل نفس الاشكال على حته ان فى قانون بيقول كدا والحمد لله محدش جاب نص القانون ده

الخلاصه ان مفيش قانون فى اى بلد فى العالم فيه بند ان اللى ورا غلطان بنسبه 100% وده اعتقاد خطأ

كل حادث وليه ظروف على اساسها بيتحدد مين الغلطان , علشان لو هى اللى ورا غلطان دايما يبقى انى اجى فى وسط الدائرى اضرب فرامل على الشمال واقف وابقى صح , وبنفس المقياس محدش يزعل لما ميكروباص يقف مره واحده فى وسط الشارع وانت تدخل فيه من ورا ويبقى المفروض انت تنزل تعتذرله

ان اللى قدامك ضرب فرامل ووقف علشان الطريق وقف قصاده ده خطأ عليه علشان هو مش مركز واستخدم فرمله فجأه وغلط عليك علشان انت كمان مش سايب مسافه كافيه

مش غلطتك لوحدك يعنى

ماهو لو سايب مسافة كافية مش هاتحصل حاجة
اما بالنسبة للمكروباص فده لأنهم بيكسروا عليك من غير اشارة.. يعنى فجأة تلاقيهم فى حارتك اما لما يقف وسط الشارع لو لظرف طارىء مامفيش لوم عليه
وبردو فى كلا الحالتين لازم يكون فيه مسافة آمنة من اللى ورا

[Ahmed Nouh]

ماهو لو سايب مسافة كافية مش هاتحصل حاجة
اما بالنسبة للمكروباص فده لأنهم بيكسروا عليك من غير اشارة.. يعنى فجأة تلاقيهم فى حارتك اما لما يقف وسط الشارع لو لظرف طارىء مامفيش لوم عليه

وبردو فى كلا الحالتين لازم يكون فيه مسافة آمنة من اللى ورا

مسافه الامان مش مسافه معموله علشان اللى قدام يعيش حياته وينسى ان فى ناس وراه ويفرمل ويقف وقت ما يحب

دى مسافه معموله فى حاله الطوارئ علشان اللى ورا يبقى عنده وقت يفكر وينفذ رد فعل , فى ناس رد فعلها بطئ او خبرتها قليله او اى سبب اخر والمسافه لم تكن كافيه ودخل فى اللى قدامه

ده لا يحمله مسؤوليه غباء الاخرين اطلاقا , وانا مازلت بؤكد ان مفيش قانون اسمه اللى ورا غلطان دى خزعبله مصريه صميمه

واستنادا على رأيك يعنى لو بتاع الميكروباص وقف قصادك فى الحاره فجأه وانت دخلت فيه هتنزل تقوله معلش انا متأسف تعالى اجيبلك فانوس جديد

[Car's Sniper]

واستنادا على رأيك يعنى لو بتاع الميكروباص وقف قصادك فى الحاره فجأه وانت دخلت فيه هتنزل تقوله معلش انا متأسف تعالى اجيبلك فانوس جديد

طالما الراجل وقف فى حارته وانا مسيبتش المسافة الكافية يبقى ليه لأ؟؟...طبعا بعيدا عن العنصرية...مع انى بكرههم

[MMamdouh]

مفيش حاجة اسمها اللى ورا غلطان... المرور له قوانين و قواعد... اللى يخالف القوانين و القواعد هو اللى غلطان

مسافة الامان المتعارف عليها بتتحسب عن طريق قاعدة الثانيتين... القاعدة دى ببساطة هى ان لما العربية اللى قدامك تعدى من جنب جسم ثابت زى شجرة او عامود نور مثلا... المفروض انك تعد ثانيتين لحد ما انت توصل لنفس العامود او الشجرة... لو دة حصل يبقى انت سايب مسافة الامان الصح...

لو حصلت الشجرة او العامود فى زمن اقل من كدة يبقى انت مش سايب مسافة امان صح و لو اللى قدامك مسك فرامل و انت لبست فيه تبقى غلطان... بس انت كدة مش غلطان عشان انت ورا... انت غلطان عشان مش سايب مسافة امان

يراعى زيادة الفاصل الزمنى الى 4 ثوانى فى حالة السير فى الامطار او الطرق الزلقة

MMamdouh

[Car's Sniper]

مفيش حاجة اسمها اللى ورا غلطان... المرور له قوانين و قواعد... اللى يخالف القوانين و القواعد هو اللى غلطان

مسافة الامان المتعارف عليها بتتحسب عن طريق قاعدة الثانيتين... القاعدة دى ببساطة هى ان لما العربية اللى قدامك تعدى من جنب جسم ثابت زى شجرة او عامود نور مثلا... المفروض انك تعد ثانيتين لحد ما انت توصل لنفس العامود او الشجرة... لو دة حصل يبقى انت سايب مسافة الامان الصح...

لو حصلت الشجرة او العامود فى زمن اقل من كدة يبقى انت مش سايب مسافة امان صح و لو اللى قدامك مسك فرامل و انت لبست فيه تبقى غلطان... بس انت كدة مش غلطان عشان انت ورا... انت غلطان عشان مش سايب مسافة امان

يراعى زيادة الفاصل الزمنى الى 4 ثوانى فى حالة السير فى الامطار او الطرق الزلقة

mmamdouh

ههههههههههه اكيد مش عشان هو ورا يبقى هو اللى غلطان ...... غلطان عشان ماسبش مسافة الامان
تقريبا هتأدى لنفس الحكاية لأن اللى ورا هو اللى المفروض يسيب المسافة مش اللى قدام
كل مافتكر ان ممكن حد يفكر ان اللى ورا غلطان لمجرد انه ورا (من غير سبب) افطس من الضحك
وشكرا يابشمهندس على المعلومات الرائعة دى...اول مرة اعرف حكاية ال2 ثاتية دى
وفعلا الثانيتين ممكن يحصل فيهم حاجات كتييييير ساعة الطوارىء