مين فينا اللى غلطان (حوادث الأصطدام من الخلف)

[kemoelord]

كان من فتره حصل نفس الاشكال على حته ان فى قانون بيقول كدا والحمد لله محدش جاب نص القانون ده

الخلاصه ان مفيش قانون فى اى بلد فى العالم فيه بند ان اللى ورا غلطان بنسبه 100% وده اعتقاد خطأ

كل حادث وليه ظروف على اساسها بيتحدد مين الغلطان , علشان لو هى اللى ورا غلطان دايما يبقى انى اجى فى وسط الدائرى اضرب فرامل على الشمال واقف وابقى صح , وبنفس المقياس محدش يزعل لما ميكروباص يقف مره واحده فى وسط الشارع وانت تدخل فيه من ورا ويبقى المفروض انت تنزل تعتذرله

ان اللى قدامك ضرب فرامل ووقف علشان الطريق وقف قصاده ده خطأ عليه علشان هو مش مركز واستخدم فرمله فجأه وغلط عليك علشان انت كمان مش سايب مسافه كافيه

مش غلطتك لوحدك يعنى

+1111111111111111111

[kemoelord]

مفيش حاجة اسمها اللى ورا غلطان... المرور له قوانين و قواعد... اللى يخالف القوانين و القواعد هو اللى غلطان

مسافة الامان المتعارف عليها بتتحسب عن طريق قاعدة الثانيتين... القاعدة دى ببساطة هى ان لما العربية اللى قدامك تعدى من جنب جسم ثابت زى شجرة او عامود نور مثلا... المفروض انك تعد ثانيتين لحد ما انت توصل لنفس العامود او الشجرة... لو دة حصل يبقى انت سايب مسافة الامان الصح...

لو حصلت الشجرة او العامود فى زمن اقل من كدة يبقى انت مش سايب مسافة امان صح و لو اللى قدامك مسك فرامل و انت لبست فيه تبقى غلطان... بس انت كدة مش غلطان عشان انت ورا... انت غلطان عشان مش سايب مسافة امان

يراعى زيادة الفاصل الزمنى الى 4 ثوانى فى حالة السير فى الامطار او الطرق الزلقة

mmamdouh

شكرا يا استاذ محمد على المعلومة لاني بصراحه اول مره اسمع عنها وجاري تنفيذها ان شاء الله , بس هل السرعه مرتبطة بزيادة المده الزمنيه ؟ يعني مثلا هل بعد ال 100 كلم/ ساعه هل المفروض تزيد المدة الزمنيه ولا بتبقى ثابته

[MMamdouh]

شكرا يا استاذ محمد على المعلومة لاني بصراحه اول مره اسمع عنها وجاري تنفيذها ان شاء الله , بس هل السرعه مرتبطة بزيادة المده الزمنيه ؟ يعني مثلا هل بعد ال 100 كلم/ ساعه هل المفروض تزيد المدة الزمنيه ولا بتبقى ثابته

لا خالص... الزمن بيفضل ثابت و دى ميزة الطريقة دى لان مع ثبات فاصل الثانيتين المسافة بتزيد مع زيادة السرعة

لو انت ماشى على سرعة 60 يبقى الثانيتين حيعملوا مسافة امان 16.6 متر
لو انت ماشى على سرعة 100 يبقى الثانيتين حيعملوا مسافة امان 27.7 متر
لو انت ماشى على سرعة 160 يبقى الثانيتين حيعملوا مسافة امان 44.4 متر

MMamdouh

[ihabchina]

كان من فتره حصل نفس الاشكال على حته ان فى قانون بيقول كدا والحمد لله محدش جاب نص القانون ده

الخلاصه ان مفيش قانون فى اى بلد فى العالم فيه بند ان اللى ورا غلطان بنسبه 100% وده اعتقاد خطأ

كل حادث وليه ظروف على اساسها بيتحدد مين الغلطان , علشان لو هى اللى ورا غلطان دايما يبقى انى اجى فى وسط الدائرى اضرب فرامل على الشمال واقف وابقى صح , وبنفس المقياس محدش يزعل لما ميكروباص يقف مره واحده فى وسط الشارع وانت تدخل فيه من ورا ويبقى المفروض انت تنزل تعتذرله

ان اللى قدامك ضرب فرامل ووقف علشان الطريق وقف قصاده ده خطأ عليه علشان هو مش مركز واستخدم فرمله فجأه وغلط عليك علشان انت كمان مش سايب مسافه كافيه

مش غلطتك لوحدك يعنى

الراجل ده بيتكلم صح ومتفق معاه

[م/مصطفى محمود]

الف شكر يا شباب على المعلومات ، وربنا يسترها علينا جميعا

[tigernet]

ده يا شباب كان كلام لأخونا سبعاوى فى أحد المواضيع

ياباشا فين عندنا المسافة انت مش بتنزل الشارع و لا اية

[Hondawy_2008]

الورا دايما هو الغلطان دي قاعدة أبدية معروفة مفيش فيها جدل حتى لو اللي قدام عمل ايه

[ahmedfouad]

والدى دايما يقولى اعمل حساب غلط الغير وما تفرملش علشان اللى قدامك فرمل
انت تفرمل علشان انت متابع الطريق وشايف ان اللى قدامك هيفرمل وفعلا مش ببقى مرتبط باللى قدامى يعنى مش لازم الاقى الاستوب بتاع اللى قدامى نور علشان افرمل -ممكن افرمل قبل اللى قدامى ما يفرمل ولو ساتر عليا الطريق باخد وضع يكشفللى الطريق علشان ما اتفاجأش بحاجة

والستر من عند الله

[fadod]

الورا دايما هو الغلطان دي قاعدة أبدية معروفة مفيش فيها جدل حتى لو اللي قدام عمل ايه

دة كلام صح 100% ، اللي وراه هو ديماً اللي غلطان لأن اللي قدام معندهوش عينين في قفاه يشوف اللي ورا.
أنا سقت في أمريكا وبلاد كتيرة في أوروبا زي هولندا وإنجلترا وفرنسا ، دة حتي قانون القيادة الدولية بيقول إن اللي ورا هو اللي غلطان
حتي إمتحان المرور هنا بيقول


the number one accident cause is following close


المعني واضح وصريح ، مش علشان الشعب المصري زي سواقين الميكروباصات ،و الاتوبيسات بيعمل حاجة غلط يبقي دة بقي القاعدة والقانون هو اللي غلط .ده حاجة غريبة فعلاً
طيب انتو عارفين لو أنا عملت حادثة لقدر الله ، ولبست في واحد من ورا ، وجه البوليس والرجل اللي لبست فيه إعترف إنه وقف فجأه ، بردو أنا اللي غلطان وال-insurance بتاعي هو اللي يشيل الليلة . داه القانون

[dolly13]

اعتقد ان كل طريق وله ظروفه لكن لو هانتكلم على الطوالى والطريق مفتوح يبقى لازم تسيب مسافة كبيرة بينك وبين اللى قصادك وخدها حتى من باب الامان

[د.محمود صلاح]

انا عملت حادث منذ 1996 وكنت أنا العربية الخلفية وكنت ماشي في حالي على الزراعي بسرعة 80 ( كما في محضر النيابة )
ومنور النور والدنيا ليل والطريق غير مضاء
وكله تمام
واذا افاجأ بسيارة ربع نقل محمل غرفة نوم وأخشاب ومحمل أشخاص على الإكصدام ( الربع نقل يستخدم في الطرق الزراعية لنقل الركاب داخل الكابينة وداخل الطبيلة وعلى الشبكة وعلى الإكصدام )
والأشخاص دول كانوا مغطيين النور الخلفي الأحمر
والباشا وافق في نصف الطريق في الظلام ( وليس على جنب ) ليحمل ركاب

وفوجئت به
وخبطته من الخلف وأصبت من كانوا على الإكصدام (والحمد لله كلهم تعافوا من الإصابات )
وذهبنا لمركز الشرطة لأن الدنيا ليل ومافيش نيابة وبيت ليلة في العمبوكة واقف على بلاطة 15 في 15 سم اللي عرفت أأجره من البلطجية داخل الحجز
واتعرضت على النيابة الصبح
ورفعت محامية ( تزغلغل العين )
ووكيل النيابة طلعني براءة تماما وطلع الغلط على الربع نقل

[MMamdouh]

الورا دايما هو الغلطان دي قاعدة أبدية معروفة مفيش فيها جدل حتى لو اللي قدام عمل ايه

الموضوع مش عافية و سبق ووضحنا ان مفيش حاجة اسمها اللى ورا غلطان لمجرد ان هو اللى ورا... يعنى لو انا ماشى على الدائرى و رحت رازع فرامل مرة واحدة و اللى ورايا لبس فيا (بفرض انه كان سايب مسافة الامان الصح) يبقى هو اللى غلطان؟؟؟

دة كلام صح 100% ، اللي وراه هو ديماً اللي غلطان لأن اللي قدام معندهوش عينين في قفاه يشوف اللي ورا.
أنا سقت في أمريكا وبلاد كتيرة في أوروبا زي هولندا وإنجلترا وفرنسا ، دة حتي قانون القيادة الدولية بيقول إن اللي ورا هو اللي غلطان
حتي إمتحان المرور هنا بيقول

the number one accident cause is following close


المعني واضح وصريح ، مش علشان الشعب المصري زي سواقين الميكروباصات ،و الاتوبيسات بيعمل حاجة غلط يبقي دة بقي القاعدة والقانون هو اللي غلط .ده حاجة غريبة فعلاً
طيب انتو عارفين لو أنا عملت حادثة لقدر الله ، ولبست في واحد من ورا ، وجه البوليس والرجل اللي لبست فيه إعترف إنه وقف فجأه ، بردو أنا اللي غلطان وال-insurance بتاعي هو اللي يشيل الليلة . داه القانون

انت اساسا رديت على كلامك و اثبت انة غلط

the number one accident cause is following close

معنى كدة ان المشكلة فى اللى مش بيسيب مسافة امان... طيب و اللى سايب مسافة امان... يبقى غلطان ازاى؟؟؟؟؟؟؟؟؟؟؟؟؟

MMamdouh

[Ahmed Selim]

مسافة الامان المتعارف عليها بتتحسب عن طريق قاعدة الثانيتين... القاعدة دى ببساطة هى ان لما العربية اللى قدامك تعدى من جنب جسم ثابت زى شجرة او عامود نور مثلا... المفروض انك تعد ثانيتين لحد ما انت توصل لنفس العامود او الشجرة... لو دة حصل يبقى انت سايب مسافة الامان الصح...
Mmamdouh

يا دوحة أنا اللى أعرفه أنهم 3 ثوانى....

لا خالص... الزمن بيفضل ثابت و دى ميزة الطريقة دى لان مع ثبات فاصل الثانيتين المسافة بتزيد مع زيادة السرعة

لو انت ماشى على سرعة 60 يبقى الثانيتين حيعملوا مسافة امان 16.6 متر
لو انت ماشى على سرعة 100 يبقى الثانيتين حيعملوا مسافة امان 27.7 متر
لو انت ماشى على سرعة 160 يبقى الثانيتين حيعملوا مسافة امان 44.4 متر

mmamdouh

بالظبط.......بس مجرد اعتقاد شخصى أن بعد سرعة 120 او 140 أنت محتاج مش أقل من مرة ونص ضعف المسافة عشان تعرف تقف بالعربية......خصوصاً لو عربية من غير abs

هنا فى الأمارات برضه القانون بيقول أن اللى ورا هو اللى غلطان.


و على فكرة الناس اللى بره فى أوروبا و أمريكا و دول تانية كتير طيبين قوى

بيقولوا فى موقع على النت أن أسباب التصادم الخلفى هما سببين.....الأول ان اللى ورا ماشى قريب قوى و مش سايب مسافة امان كافية....و التانى أن اللى ماشى ورا مش مركز.....بس كده

يعنى مفكروش مجرد تفكير حتى ان ممكن واحد يقف فى الشمال مثلاً عشان أى سبب من الأسباب......و لا أن واحد يقف فجأة فى اى مكان فى الطريق عشان يحمل ركاب

ربنا معانا بصراحة.

[MMamdouh]

يا دوحة أنا اللى أعرفه أنهم 3 ثوانى....

2 يا باشا... و تزيد ل4 فى المطر و 10 فى التلج

Timing Rules Used To Avoid Car Accidents Caused By Tailgating

When you are driving a car, it can be difficult for you to determine the distance between you and the car in front of you, so another solution is to remember these three rules:

1. Two Second Rule

If you are on a dry and clear road, it is recommend that you count two seconds to safely gauge the distance between you and the car in front of you. When the car in front of you drives past a sign, you should reach the count of two before you pass the sign.

2. Four Second Rule

This is for when the roadways are wet and rainy. In these conditions, you should employ a four second safety gap between yourself and the car in front of you.

3. Ten Second Rule

This rule applies to icy and snowy conditions when the roadways are at their worst. This may seem like too much time needed in order to determine distance, but every winter car accident statistics go up because motorists feel they can bypass this rule.

Tailgating is a Top Cause of Auto Accidents

بالظبط.......بس مجرد اعتقاد شخصى أن بعد سرعة 120 او 140 أنت محتاج مش أقل من مرة ونص ضعف المسافة عشان تعرف تقف بالعربية......خصوصاً لو عربية من غير abs

ميزه قاعدة الثانيتين ان المسافة بتزيد مع زيادة السرعة و بالتالى مسافة الامان بتزيد مع السرعة اوتوماتك... و انت عارف طبعا يا باشا ان وجود الABS من عدمة ملوش علاقة بقوة الفرامل

هنا فى الأمارات برضه القانون بيقول أن اللى ورا هو اللى غلطان.

حتلاقى اللى قال كدة واحد مصرى واخد الجنسية

و على فكرة الناس اللى بره فى أوروبا و أمريكا و دول تانية كتير طيبين قوى

بيقولوا فى موقع على النت أن أسباب التصادم الخلفى هما سببين.....الأول ان اللى ورا ماشى قريب قوى و مش سايب مسافة امان كافية....و التانى أن اللى ماشى ورا مش مركز.....بس كده

يعنى الناس اهه بتعترف ان الخطاء بيجى من عدم ترك مسافة امان او سرحان... محدش قال ان اللى ورا غلطان عشان هو ورا

انت عارف القصة دى عاملة زى ايه؟؟؟ زى ما يجيى واحد يقولك "انت اسمك عبد المقصود؟؟... يبقى انت اللى غلطان"

يعنى مفكروش مجرد تفكير حتى ان ممكن واحد يقف فى الشمال مثلاً عشان أى سبب من الأسباب......و لا أن واحد يقف فجأة فى اى مكان فى الطريق عشان يحمل ركاب

ربنا معانا بصراحة.

اكيد طبعا يا باشا... الافتكاسات دى فى مصر بس... برة بيفترضوا ان الناس عندها مخ و عاقلين... هنا متخلفين... اقراء موضوع "كرودا كروديا بس اعيش" و انت تعرف مدى تخلف الناس

MMamdouh

[M.Osman]

و على فكرة الناس اللى بره فى أوروبا و أمريكا و دول تانية كتير طيبين قوى

بيقولوا فى موقع على النت أن أسباب التصادم الخلفى هما سببين.....الأول ان اللى ورا ماشى قريب قوى و مش سايب مسافة امان كافية....و التانى أن اللى ماشى ورا مش مركز.....بس كده

يعنى مفكروش مجرد تفكير حتى ان ممكن واحد يقف فى الشمال مثلاً عشان أى سبب من الأسباب......و لا أن واحد يقف فجأة فى اى مكان فى الطريق عشان يحمل ركاب

او ان واحد بيرجع بظهر العربية في اقصى الشمال على طريق سريع عشان فاته اليوترين

لا
دا احنا كويسين اوي و متعلمين اكتر منهم