من قائد موتوسيكل الى قادة السيارات ..... ارحمونا الله يرحمكم

[Samir Elshahawy]

طبع حضرتك معاك حق في كل اللي قلته و لكن ...
1- الموضوع مش موضوع موتوسيكل و عربية , تعالي شوف قائدي العربيات بيعملوا أيه مع بعض
2- المشكلة في ثقافة الناس اللي بتستخرج رخصة من غير أمتحان و لا دراية بقوانين أو قواعد
3- المشكلة أكبر من كده بكتير , المشكلة مشكلة وعي +ثقافة + أخلاق

مع خالص تحياتي
م/ سمير الشهاوي

[Mzeid]

2- المشكلة في ثقافة الناس اللي بتستخرج رخصة من غير أمتحان و لا دراية بقوانين أو قواعد
3- المشكلة أكبر من كده بكتير , المشكلة مشكلة وعي +ثقافة + أخلاق

المشكلة في كدة
لو جيت تقول لحد انا هجيب موتو هيقولك بلا نيلة موتوسيكل ايه ؟
و دة نتيجة لعدم وجود وعي او ثقافة
و طبعا احنا اتعودنا على عادات مش هنعرف نغيرها و اتحفظت في مخنا خلاص

[أبو عبدالله]

يا ابو كمال
انت حلك تحط علمتين ادام ماركة مرسيدس
واربعة في الخلف اتنين فولكس فاجن واتنين تويوتا وشوية ليدات على الشكمان وفي العجل كده
وان شاء الله يعرفوا قيمة الموتسيكل ساعتها وشوف الفارق في المعاملة بإذن الله

الا قولي
انت كنت الجمعة اللي قبل اللي فاتت ماشي على المحور ساعة صلاة الجمعة كده ؟؟؟؟؟

[أحمد كمال]

لا مش من حق الموتسيكلات يعمل كده
لإنه المفروض يقف زيه زى العربيات

مين اللي فرض كده؟

لو الغرز براحة و محسوبة زى ما بتقول محدش حيقدر يقفلها يا باشا و طالما السرعة اقل من 5 كم يبقى سيادتك بتخش بين الحارات و عايز تقف بين المسافات الصغيرة اللى بين السيارات و دا مش من حقك

مش من حقي ليه؟ الطريق واقف يعني راكب السيارة مش خسران حاجة و لا كسبان حاجة !

و فعلا بيقفلوها احيانا !!

معاهم حق الشمال دا مش من حقك
سيادتك المفروض تمشى يمين و مش على 100 طبعا

مين قال ان مش من حقي امشي شمال و لا امشي على 100؟ هات لي بند في قانون المرور بيقول كده ......

هو عجلة و لا انا مش واخد بالي؟ يعني امشي 40 مثلا ؟؟؟؟؟؟

انا من حقي امشي لحد السرعة القصوى بتاعة الطريق و في الحالة دي التزم بالسرعة المرورية بتاعة الحارة (يعني لو على 100 يبقى امشي شمال ..... ما ينفعش امشي يمين على 20 و لا 40 !)

امشى يمين اللى هى حارتك و محدش حيعمل معاك كده

انظر الرد أعلاه !

و انت اصلا مالكش انك تمشى على 120 كم/ساعة يا باشا
يعنى انت اللى غلطان

انظر الرد اعلاه ...... حد سرعة الموتوسيكل قانونا هو حد سرعة الملاكي على الطريق يعني لو انا على طريق السخنة من حقي امشي 120

بلاش تبقى من البشر الخنيقة اللى ما تصدق نلاقى اى سم فاضى بين العربيات و تلزق فيه
وطبعا اللى مضايقنى ان سيادتك عايز تحلل الغلط ليك و على غيرك حرام

مين قال اني بالزق في اي 5 سم؟ لو الطريق واقف تماما ...... dead ..... و فيه فراغ كبير بين العربيات و الرصيف مثلا و انا باعدي .... انت ايه اللي مضايقك؟

مين قال انه ما ينفعش تمشى يمين و هو انت الحد الأقصى لسرعتك على الطريق زيه زى الملاكى !!
هو انت عايز تمشى على مزاجك يا كيمو و تزعل لما حد يقولك غلط !!!!

أيوة مادام ماشي بسرعة الملاكي يبقى ماينفعش امشي يمين ..... و مفيش حاجة بتقول ان الموتوسيكل حد سرعته اقل من الملاكي

أحمد كمال has exceeded their stored private messages quota and cannot accept further messages until they clear some space.
بعد اذنك مش عارف ابعت لك على الخاص

فضيته يا باشا و شكرا للتنبيه ....... منتظر رسالتك

يا ابو كمال
انت حلك تحط علمتين ادام ماركة مرسيدس
واربعة في الخلف اتنين فولكس فاجن واتنين تويوتا وشوية ليدات على الشكمان وفي العجل كده
وان شاء الله يعرفوا قيمة الموتسيكل ساعتها وشوف الفارق في المعاملة بإذن الله

الا قولي
انت كنت الجمعة اللي قبل اللي فاتت ماشي على المحور ساعة صلاة الجمعة كده ؟؟؟؟؟

ههههههههههههههههه


لا و الله مش انا يا معلم

[Samir Elshahawy]

يا أبو كمال المشكلة مش فيك أو اللي راكب موتوسيكل
اللي عمل سمعة سيئة للموتوسيكلات في مصر هما بتوع الديلفري و توصيل الطلبات للمنازل
عايز يعدي و خلاص و يمشي من أي حتة و أي مكان و يدخل عكسي لدرجة أن المطبات الصناعية اللي عندنا في الرحاب بيفكوها علشان يطيروا و مايهدوش سرعتهم

[sh23]

[marq="3;right;3;alternate"]الأستاذ/ أحمد كمال [/marq]

تحياتي أولاً
* عرضت وجهة نظرك فأجدت
* اما الوجه الآخر للحقيقة فهذه أمثلته :-
1- عفاريت الدليفري ناس كتير أتكلمت عليهم
2- شاب روش وتركب خلفة شابة ..... وبلاش أكمل لأن الكل بيشوف علي الطبيعة.... وطبعاً ماشي بسرعة وصوت الشكمان بيجعرررررررررررررررر ... بخلاف أنه ماشي علي شكل حرف (z ) مش مجرد غرز عادية
3- رجل في اواسط العمر ومعاه الأسرة الكريمة ( الأم وأربع أطفال ) ركبوا كلهم أزاي علي الموتوسيكل ؟؟؟؟؟؟!!!!!! وطبعاً البية ماشي علي أقل من مهله وفي وسط الطريق .
* الخلاصة بالرغم من أن سيادتك محترم وملتزم ؛ إلا أن غالبية قائدي الموتوسيكلات ليسوا كذلك ...... وبكل أسف فإن البضاعة السيئة أصبحت تطرد البضاعة الجيدة من السوق.

[أحمد كمال]

[marq="3;right;3;alternate"]الأستاذ/ أحمد كمال [/marq]

تحياتي أولاً
* عرضت وجهة نظرك فأجدت
* اما الوجه الآخر للحقيقة فهذه أمثلته :-
1- عفاريت الدليفري ناس كتير أتكلمت عليهم
2- شاب روش وتركب خلفة شابة ..... وبلاش أكمل لأن الكل بيشوف علي الطبيعة.... وطبعاً ماشي بسرعة وصوت الشكمان بيجعرررررررررررررررر ... بخلاف أنه ماشي علي شكل حرف (z ) مش مجرد غرز عادية
3- رجل في اواسط العمر ومعاه الأسرة الكريمة ( الأم وأربع أطفال ) ركبوا كلهم أزاي علي الموتوسيكل ؟؟؟؟؟؟!!!!!! وطبعاً البية ماشي علي أقل من مهله وفي وسط الطريق .
* الخلاصة بالرغم من أن سيادتك محترم وملتزم ؛ إلا أن غالبية قائدي الموتوسيكلات ليسوا كذلك ...... وبكل أسف فإن البضاعة السيئة أصبحت تطرد البضاعة الجيدة من السوق.

متفق معاك تماما ....... للاسف :(

[sama_Sama]

2- الموتوسيكل صغير صحيح ....... بس ليه حق في حارة زيه زيك ..... ما تزنقوش بينك و بين العربية التانية ..... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك ......
3- بلاش تستخسر في الموتوسيكل انه يعدي منك و الدنيا واقفة او زحمة ...... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك ..... انت مش خسران حاجة بس انا هاكسب اني هاسلك نفسي ..... مما يقودنا الى رقم 4


عايز حارة لوحدك يبقى تقف مكانك في الزحمة تستنى زى الكل ما بيستنى
عايز الناس تعتبرك مش موجود وتفضل تعمل غرز وتحك في ده وتكسر أدام ده يبقى تستحمل إحساس "الشفافية" اللى بتتعامل بيه، يا 2 يا 3 مش الأتنين

5- الحارة اليمين هي اللي المفروض الموتوسيكل يمشي فيها ..... انا معاك ..... بس للاسف عمليا ده مستحيل لان الحارة اليمين و جانب الطريق عادة بيبقى مليان نقر و حفر و مطبات (هتضايقك شوية و انت سايق عربية بس ممكن تقلب الموتوسيكل تماما !) و مشاة ظراف خفاف واكلين فول و بصل و عندهم تناحة تكفي بلد سادين عليك الطريق ........ فمن فضلك لما امشي في نص الطريق ما تظهرش تأففك ...... غير اني ماشي على 100 زيي زيك يعني مفيش اصلا داعي لمشيي على اليمين !

موتوسيكل مش في اليمين مالوش ديه، وده مش فى مصر بس، وإن كان القانون في مصر مش مظبوط، أكيد الناس التانيه عارفين هما عاملين كده ليه، الطريق مكسر، عليك و علينا، عايز تمشي في النص، نرجع تاني لل"شفافية" مفيش مانع، لكن ما ترجعش تشتكى، خايف تنقلب، أركن الموتوسكل وخد تاكسي

[أحمد كمال]

2- الموتوسيكل صغير صحيح ....... بس ليه حق في حارة زيه زيك ..... ما تزنقوش بينك و بين العربية التانية ..... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك ......
3- بلاش تستخسر في الموتوسيكل انه يعدي منك و الدنيا واقفة او زحمة ...... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك ..... انت مش خسران حاجة بس انا هاكسب اني هاسلك نفسي ..... مما يقودنا الى رقم 4


عايز حارة لوحدك يبقى تقف مكانك في الزحمة تستنى زى الكل ما بيستنى
عايز الناس تعتبرك مش موجود وتفضل تعمل غرز وتحك في ده وتكسر أدام ده يبقى تستحمل إحساس "الشفافية" اللى بتتعامل بيه، يا 2 يا 3 مش الأتنين

انا مش باتكلم في الزحمة .... انا باتكلم و الطريق واقف 100% .....

و ما قلتش اني هاكسر قدام حد و احك ..... انا عايز اعدي ......و فيه وسع كافي جدا اني اعدي ....... و هو يقوم فجأة قافل عليا الفتحة بمنتهى الصفاقة ..... مش عارف ليه .....

نفس التفكير الغبي بتاع اما يبقى فيه منزل من الدائري و تلاقي واحد حمار جاي قافل الحارة الشمال عالناس اللي مكملة على طول عشان يزنق عاللي نازلين و ينزل قدامهم و النتيجة الدائري يقف لمسافة 2 كيلومتر لا اللي نازل عارف ينزل و لا اللي مكمل طوالي عارف يكمل طوالي ..... تفكير بطريقة لعبة estimation ..... لو هاخسر يبقى كلنا نخسر !!!

5- الحارة اليمين هي اللي المفروض الموتوسيكل يمشي فيها ..... انا معاك ..... بس للاسف عمليا ده مستحيل لان الحارة اليمين و جانب الطريق عادة بيبقى مليان نقر و حفر و مطبات (هتضايقك شوية و انت سايق عربية بس ممكن تقلب الموتوسيكل تماما !) و مشاة ظراف خفاف واكلين فول و بصل و عندهم تناحة تكفي بلد سادين عليك الطريق ........ فمن فضلك لما امشي في نص الطريق ما تظهرش تأففك ...... غير اني ماشي على 100 زيي زيك يعني مفيش اصلا داعي لمشيي على اليمين !

موتوسيكل مش في اليمين مالوش ديه، وده مش فى مصر بس، وإن كان القانون في مصر مش مظبوط، أكيد الناس التانيه عارفين هما عاملين كده ليه، الطريق مكسر، عليك و علينا، عايز تمشي في النص، نرجع تاني لل"شفافية" مفيش مانع، لكن ما ترجعش تشتكى، خايف تنقلب، أركن الموتوسكل وخد تاكسي

مين ضحك على حضرتك و قال لك ان الموتوسيكل مش في اليمين مالوش دية؟

مش لاقيها في اي قانون مروري .... انا قريت الكورس بتاع MSF USA (Motorcycle Safety Foundation of the USA) و ده اجباري تاخده قبل الرخصة هناك و مكتوب فيه انك تلتزم اليمين بس لو انت ابطا من الترافيك ....... بس ما ينفعش ابقى اسرع من العربيات اللي على شمالي .... يعني لو انا ماشي بسرعة العربيات اللي في تاني حارة من الشمال يبقى امشي فيها ......

من حقي امشي في نص الطريق و ابقى واخد حارة ....... بس للاسف الناس بتستخسر فيا الحارة مش عارف ليه .....

و على فكرة المبدأ موجود كده كده يعني حتى و انا ماشي يمين بيتزنق عليا ..... هما قائدي السيارات في مصر بيعتبروا ان الموتوسيكل مالوش حق في انه يمشي في الشارع اصلا ..... حتى محطة البنزين بيستكتروا عليك انك تقف تفول قدامهم و هما جايين بعدك !!!

و على فكرة لو ركنت الموتوسيكل هاركب عربيتي مش محتاج اركب تاكسي و ده بفضل الله ...... على فكرة انا باسوق عربيات من 9 سنين ..... و باسوق موتوسيكل من شهرين بس ..... يعني على حد علمي انا انتمي لقائدي السيارات اكتر ...... الموضوع مش خناقة بين حزبين عشان حضرتك تتهكم و تقول لي خايف تتقلب اركن و اركب تاكسي !!ّ!

[mohamed_selim]

2- الموتوسيكل صغير صحيح ....... بس ليه حق في حارة زيه زيك ..... ما تزنقوش بينك و بين العربية التانية ..... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك ......
3- بلاش تستخسر في الموتوسيكل انه يعدي منك و الدنيا واقفة او زحمة ...... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك ..... انت مش خسران حاجة بس انا هاكسب اني هاسلك نفسي ..... مما يقودنا الى رقم 4


عايز حارة لوحدك يبقى تقف مكانك في الزحمة تستنى زى الكل ما بيستنى
عايز الناس تعتبرك مش موجود وتفضل تعمل غرز وتحك في ده وتكسر أدام ده يبقى تستحمل إحساس "الشفافية" اللى بتتعامل بيه، يا 2 يا 3 مش الأتنين

متفق تماما فى الرد ده
انا مع احمد كمال اننا مش بناخد الموتوسيكل فى حسابنا و ده يمكن زى ما احد الاعضاء قال بسبب اللى بيحصل من اغلب اللى راكبين موتوسيكلات
فى اوروبا كل دوله بتعامل الموتوسيكل حسب قانونها يعنى مثلا فى المانيا الموتوسيكل زيه زى اى عربيه متعديش حنبه فى نفس الحاره ولا هوه يعدى جنبك فى نفس الحاره لازم اللى هيعدى يغير الحاره و لو فى اشاره بيكون واقف واخد مكان عربيه مش بين العربيات
فى فرنسا بقى ناس دماغ , الموتوسيكل هناك زى بتوع الدليفرى عندنا يشاركك فى الحاره اللى انت فيها و فى الاشاره تلاقيه ماشى بين العربيات
هى الفكره بما اننا فى مصر معندناش طريقه واضحه للسواقه (سواء موتوسيكل او عربيه) فمش هنقدر نحدد ايه صح و ايه غلط ... يعنى مثلا لو ماشى فى طريق مش متخطط و عربيه حدفت شمال و فى عربيه تانيه (او موتوسيكل) من الشمال و خبطه ... مين الغلطان؟ متقدرش تحدد قوى بس لو فيه حاره باينه يبقى اللى مش فى حارته غلطان ... وامثله كتير و عشان تصلح لازم طريقة السواقه و تعامل السواقين و تفكيرهم يتغيرو مش بس كده الطرق و حالتها و العلامات و الرقابه على الشوارع ... كل ده لازم يتغير

ممكن حد يقول على كده مفيش فايده بس اهو كل واحد فينا يعمل اللى عليه و ممكن نلاقى الدنيا احسن شويه :)

[Sharky]

مين اللي فرض كده؟

ههههههههه
هو المفروض لما الإشارة تبقى حمراء حضرتك تقعد تتمشى بين العربيات الواقفة علشان سايبة مسافات بينها ؟؟؟
هو مش زيك زى اللى العربيات الواقفة واقف فى صفك و لا انت غير الناس دى

مش من حقي ليه؟ الطريق واقف يعني راكب السيارة مش خسران حاجة و لا كسبان حاجة !

و فعلا بيقفلوها احيانا !!

انظر الرد اعلاه

مين قال ان مش من حقي امشي شمال و لا امشي على 100؟ هات لي بند في قانون المرور بيقول كده ......

حضرتك اللى قلت كده فى اول مشاركة ليك

مين قال اني بالزق في اي 5 سم؟ لو الطريق واقف تماما ...... dead ..... و فيه فراغ كبير بين العربيات و الرصيف مثلا و انا باعدي .... انت ايه اللي مضايقك؟

لإن حضرتك بتخش تزنق مع أى عربية فى حارته و دا غلط حضرتك المفروض تلتزم بحارتك و بمكانك فى الطابور الواقف
و هى اولا و اخير مسألة ذوق و احترام من راكب الموتوسيكل

[أحمد كمال]

ههههههههه
هو المفروض لما الإشارة تبقى حمراء حضرتك تقعد تتمشى بين العربيات الواقفة علشان سايبة مسافات بينها ؟؟؟
هو مش زيك زى اللى العربيات الواقفة واقف فى صفك و لا انت غير الناس دى :u_thin1[1]:


انظر الرد اعلاه


حضرتك اللى قلت كده فى اول مشاركة ليك

لإن حضرتك بتخش تزنق مع أى عربية فى حارته و دا غلط حضرتك المفروض تلتزم بحارتك و بمكانك فى الطابور الواقف
و هى اولا و اخير مسألة ذوق و احترام من راكب الموتوسيكل

مش باتكلم عن اشارة حمراء

باتكلم ان الطريق واقف

انت ايه اللي مضايقك و حارقك اوي ان موتوسيكل يسلك نفسه و يمشي بدون ضرر عليك ؟!!!! حاجة غريبة فعلا !!!!!

انا قلت المفروض المشي يمين ده في حالة المشي البطئ ....... و انا ضد ان موتوسيكل يمشي شمال على 60 - او عربية حتى تمشي شمال على 60 - بس فيه قائدي سيارات مخهم شمال بيبقى عايزك تمشي يمين على 100

طابور ايه اللي واقف؟ الطريق واقف تماما و فيه فراغ يسمح اني اعدي ..... حضرتك كسبان ايه اني اتزنق و اقف

و زي ما هي ذوق و احترام من راكب الموتوسيكل هي ذوق و احترام من راكب السيارة

للعلم انا من زمان اما كنت الاقي الدنيا واقفة و فيه موتوسيكل عاوز يعدي باوسع له .... عشان انا مش معقد نفسيا !!!!

[human]

واحد صاحبى زمان قاللى اوعى يبقالك كيف عشان بيذل صاحبه
مالها السينييك يا ابو كمال

قاعد و قافل الاربع حيطان تكييفك معاك ديفيدهك معاك و تتنطط على اللى راكبيون موتسيكلات

انت اللى طلعت من توبك

نداهه البايك ندهتك

ارجع يا ابو كمال ارجع تانى السينيك تناديك == حول

[Sharky]

مش باتكلم عن اشارة حمراء

باتكلم ان الطريق واقف

انت ايه اللي مضايقك و حارقك اوي ان موتوسيكل يسلك نفسه و يمشي بدون ضرر عليك ؟!!!! حاجة غريبة فعلا !!!!!

اللى بيضايقنى ان حضرتك عايز تاخد حق مش حقك و زعلان ان الناس بتقفل عليك التعدى دا !!!
بجد تفكير انانى و غريب جدا و بصراحة اللى بيعملوه معاك العربيات صح جدا على امل انك تلتزم بحقك فقط

انا قلت المفروض المشي يمين ده في حالة المشي البطئ ....... و انا ضد ان موتوسيكل يمشي شمال على 60 - او عربية حتى تمشي شمال على 60 - بس فيه قائدي سيارات مخهم شمال بيبقى عايزك تمشي يمين على 100

لأ ماقلتش كده يا بيه
دا كلامك

الحارة اليمين هي اللي المفروض الموتوسيكل يمشي فيها ..... انا معاك ..... بس للاسف عمليا ده مستحيل لان الحارة اليمين و جانب الطريق عادة بيبقى مليان نقر و حفر و مطبات

للعلم انا من زمان اما كنت الاقي الدنيا واقفة و فيه موتوسيكل عاوز يعدي باوسع له .... عشان انا مش معقد نفسيا !!!!

العقدة النفسية يا بيه بتجى من اللى عايز ياخد حق مش حقه و بيزعل قوى لما ما ياخدوش و يطالب به كانه اصبح حق له !!!

ما انا قلتك هى مسألة احترام و ذوق من راكب الموتوسيكل
صعب قوى تطالب مالكى السيارات بالذوق و الإحترام فى السواقة مع الموتسيكلات و انت بتعمل عكس الكلام دا مع السيارات:)

[أحمد كمال]

واحد صاحبى زمان قاللى اوعى يبقالك كيف عشان بيزل صاحبه
مالها السينييك يا ابو كمال

قاعد و قافل الاربع حيطان تكييفك معاك ديفيدهك معاك و تتنطط على اللى راكبيون موتسيكلات

انت اللى طلعت من توبك

نداهه البايك ندهتك

ارجع يا ابو كمال ارجع تانى السينيك تناديك == حول

فعلا الكيف بيذل و اخرتها ركاب العربيات يتنططوا عليا !!! و يقولوا لي ذوق و بتاع