من قائد موتوسيكل الى قادة السيارات ..... ارحمونا الله يرحمكم

[أحمد كمال]

اللى بيضايقنى ان حضرتك عايز تاخد حق مش حقك و زعلان ان الناس بتقفل عليك التعدى دا !!!
بجد تفكير انانى و غريب جدا و بصراحة اللى بيعملوه معاك العربيات صح جدا على امل انك تلتزم بحقك فقط :10d5c8w1107:

لأ ماقلتش كده يا بيه
دا كلامك


العقدة النفسية يا بيه بتجى من اللى عايز ياخد حق مش حقه و بيزعل قوى لما ما ياخدوش و يطالب به كانه اصبح حق له !!!

ما انا قلتك هى مسألة احترام و ذوق من راكب الموتوسيكل
صعب قوى تطالب مالكى السيارات بالذوق و الإحترام فى السواقة مع الموتسيكلات و انت بتعمل عكس الكلام دا مع السيارات:)

يابني انت ايه مشكلتك بالظبط؟؟؟؟؟؟؟؟


انت عاوز الدنيا تقف و الموتوسيكلات تقف كمان مع انها تقدر تعدي؟؟؟؟؟؟ ليه بس؟


لا حول و لا قوة الا بالله !!!

و انا ذوق و محترم مع السيارات ..... مش انت اللي هتعلمني الذوق

[Sharky]

مش انت اللي هتعلمني الذوق

ردك دا فعلا بيثبت انك ذوق و محترم و بيوضح ليه العربيات بتعمل معاك كده
و بكده مش اقدر اكمل الحوار معاك طالما وصل للمرحلة دى

[Amrrr]

معاك حق في كل النقط اللي قلتها على فكرة وانا باعمل كدة مع اي موتوسيكل مش مهم نوعه ولا صناعته ولا اللي راكبه
ساعات بيبقى اللي سايق معندوش sense - عربية او موتوسيكل - وكتير متوسي
مرة ماشي على ايمين في صلاح سالم - قصدي واقف من الزحمة - وموتوسيكل عايز يعدي بيني وبين عربية على شمالي بتحدف اصلا يمين علينا احنا الاتنين وهو وصل لحد الباب بتاعي وخايف يعدي - لانه مش هينفع اصلا يعدي وعمال يحشر ويحشر ويزنق في نفسه واللي جنبي بيرمي علينا احنا الاتنين !! جيت يمين عشان اخلص من جوز التيييييت اللي جنبي لبست بلاعة والتانية والوضع مش راضي يتغير قمت بصراحة راميله طفية سيجارة من الشباك وجه جنبي قاللي - هو كان مؤدب اوي واحرجني - قلتله معلشي بس ماتفضلشي جنب العربية !!! ياتعدي ياتهدي !!!! وتعدي لما تفتح لكن لما تبقى الدنيا زنقة اوي كدة امشي في حارة ورا العربيات عشان الحاجات اللي بتتحدف دي :) لكن بلاش تفضل جنب العربية وبينك وبينها مفيش مسافة كدةدا كان كلامي للراجل !!!!وانا اكييييييييييييييييييييييييييييييييد مقصدشي انك بتعمل كدة لان واضح من كلامك انك بتفهم في السواقة
بس عموما قلة الذوق بقت بتصدر من كل الفئات ولكل الفئات
انا عربيتي صغيرة وقبل منها كان معايا (سيات 133) وكنت ومازلت باواجه عدم احترام بسبب الحجم واولويات مرور كتيرة بتتاخد منك لمجرد انك اصغر من الطرف التاني في الحجم !!!! يعني غابة وكل واحد ياخد باله من نفسه ولا تتوقع ان حد يعديك وتوقع وانه يقفل عليك عشان ماتعديش بالذات لو ماشي بسرررعة ربنا يسترها عليك وعالكل

[M.Osman]

احمد بك كمال.... سعادتك جربت تسوق البايك على طريق زراعي ؟؟

[shikorose]

اللي يتلسع من الشوربه ينفخ في الذبادي
مره موتسيكل صيني خدلي جنب العربيه في الزحمه من الشنطه الي الرفرف و البيه اللي قاعد ورا كان مغطي النمر برجله حاجه غريبه و الله ولا حتى بص وراه
مستني انا ايه بعد كده فقررت اني مش هسيب موتسيكل يعدي من جنبي في الزحمه خالص

[أحمد كمال]

ما انا قلتك هى مسألة احترام و ذوق من راكب الموتوسيكل
صعب قوى تطالب مالكى السيارات بالذوق و الإحترام فى السواقة مع الموتسيكلات و انت بتعمل عكس الكلام دا مع السيارات:)

ردك دا فعلا بيثبت انك ذوق و محترم و بيوضح ليه العربيات بتعمل معاك كده
و بكده مش اقدر اكمل الحوار معاك طالما وصل للمرحلة دى

كويس انك ما تكملش الحوار ..... لمصلحتك و مصلحتي !!!

يعني في البوست الاولاني بتتهمني بقلة الذوق !!!

و عايزني ما اردش ؟؟؟؟؟!!!!!!!!!!!!

احمد بك كمال.... سعادتك جربت تسوق البايك على طريق زراعي ؟؟

لا و مش عايز اجرب هههههههههههههههه

[human]

حبايبى احمد كمال و شاركى

الوحووش مايزعلوش من بعض ولا يكلموا بعض كده

شاركى وجهه نظره سليمه من وجهه نظرى و اتفق معاه فيها و فيه عضو برضه قال نفس المعنى

سائق البايك لو عايز يتعامل انه كيان فعلى فى الشارع يبقى يتبع قواعد الشارع (اللى على قدها يعنى)
يعنى مايبقاش ماشى على 80 فى حاره 100 و متضايق ان الناس بتعدى منه و متضايقه
او يبقى ماشى ياخد غرز بين الحارات و لما السكه تقف يبقى عايز يمشى و بعدين يتضايق ان ماحدش بيديله space
طالما فيه قواعد بتنظم الموضوع يبقى كله يستريح
بس ماينفعش عايز تزنق و تمشى فى حتت ضيقه و تقول عشان انا الموتسيكل بيعدى و بعدين حد يزنق عليك تقوله انت مش شايفنى ليه؟!
طالما عايز تاخد حاره تبقى تتعامل كمركبه على الطريق - السكه تقف يبقى تقف - السكه تمشى نبقى تمشى
مش ابقى قاعد فى العربيه الاقى واحد افعوانى النزعه ملتوى الطباع ماشى زيجزاج بين العربيات و عرضه انه يخبط!! طيب اللى ماشى بين العربيات ده تبع انهى قاعده فى كتاب الفرنجه اللى انت قريته؟؟

- بالنسبه لموضوع الميه و السجاير - دونت تيك ات بيرسونا ات- ايز بيبول اتيتيود

و نورك اللى ماشى منوره الصبح روح لكهربائى يعملك مفتاح فى التابلون بتاع الموتسيكل و ريح نفسك - او امشى معاك المانيوال او كتاب الانجليزى بتاع الموتسيكلات اللى انت قريته و اللى يقولك النور قوله انظر الشكل ص17 - او ريح نفسك و بيع الموتسيكل و هات حته صينى جاوا

- بالنسبه للعربيات اللى بتسقط رمل ماتبقاش تمشى وراهم
- بالنسبه للغرز فى حد يعدى من جنب تريللا !!! ده بالعربيه بعملها الف حساب

- ممكن تمشى بفاتوره الموتسيكل عشان الناس تعرف انه غالى او الزق البريس تاج عليه

- ماترعش و انت بتعدى من حد طبقا لاتفاقيه الكتاب الامريكى لسائقى البايك او ممكن توريله الكتاب و بعدين ترعش :)


- طالما راكب الموتسيكل استحمل وله و كابتن و ريس (هتجيب لفه امتى يا كابتن؟)

ارجع للسينيك تانى

[l0new0lf]

احمد بك كمال.... سعادتك جربت تسوق البايك على طريق زراعي ؟؟

هو دة المستحيل
الراجل بيقول بيسوق من شهر و الا شهرين بس, انتم عاوزين يحصل له حاجه!

[أحمد كمال]

شاركى وجهه نظره سليمه من وجهه نظرى و اتفق معاه فيها و فيه عضو برضه قال نفس المعنى

سائق البايك لو عايز يتعامل انه كيان فعلى فى الشارع يبقى يتبع قواعد الشارع (اللى على قدها يعنى)
يعنى مايبقاش ماشى على 80 فى حاره 100 و متضايق ان الناس بتعدى منه و متضايقه

انا ما قلتش كده ..... انا قلت ما ينفعش امشي 100 في حارة 60 مش العكس ..... يعني انا بابقى ماشي شمال على 100-120 و مجاري اللي حواليا و برضه مش عاجب الناس

او يبقى ماشى ياخد غرز بين الحارات و لما السكه تقف يبقى عايز يمشى و بعدين يتضايق ان ماحدش بيديله space
طالما فيه قواعد بتنظم الموضوع يبقى كله يستريح
بس ماينفعش عايز تزنق و تمشى فى حتت ضيقه و تقول عشان انا الموتسيكل بيعدى و بعدين حد يزنق عليك تقوله انت مش شايفنى ليه؟!
طالما عايز تاخد حاره تبقى تتعامل كمركبه على الطريق - السكه تقف يبقى تقف - السكه تمشى نبقى تمشى
مش ابقى قاعد فى العربيه الاقى واحد افعوانى النزعه ملتوى الطباع ماشى زيجزاج بين العربيات و عرضه انه يخبط!! طيب اللى ماشى بين العربيات ده تبع انهى قاعده فى كتاب الفرنجه اللى انت قريته؟؟

و انا ما قلتش غرز زجزاج ...... بس لو السرعة صفر بمعنى كلمة صفر و انا باعدي ...... مالهاش لزمة النفسنة و ييجي واحد ابن حلال يقفلها عليا و هو مش مستفيد حاجة

- بالنسبه للغرز فى حد يعدى من جنب تريللا !!! ده بالعربيه بعملها الف حساب

تاني .......دي مش غرزة ........ تريلا ماشية على 80 عاليمين و انا عاوز اتجاوزها ..... و شمالها فاضي ...... و شمالي فاضي ....... و اديت اشارة و دخلت جنبها و رفعت سرعتي عشان اتجاوزها ..... فجأة جه واحد ورايا هو كمان عاوز يتجاوزها و مش عاوز يصبر لحد ما اعدي منها و بعدها اكسر يمين قدامها و اعديه و مصمم يزنقني بينه و بين التريلا ...... مش من حقه اصلا !!

[أحمد كمال]

هو دة المستحيل
الراجل بيقول بيسوق من شهر و الا شهرين بس, انتم عاوزين يحصل له حاجه!

و الله و لو سنتين .... العمر مش بعزقة هههههههههههه

[sarawe511]

ههههههههههههه اسلوبك ي استاذ احمد يهلك م الضحك...........عمتا لو انت مخنوق اوي كدة انت ممكن تبيع الموتسيكل و تجيب عربية و تريح دماغك

[أحمد كمال]

ههههههههههههه اسلوبك ي استاذ احمد يهلك م الضحك...........عمتا لو انت مخنوق اوي كدة انت ممكن تبيع الموتسيكل و تجيب عربية و تريح دماغك

العربية موجودة يا باشا بس المزاج و الكيف يذل صاحبه ...... :)

و انا مش مخنوق لدرجة التخلي عن الهواية الجديدة ....... بس بافضفض :)

[human]

انا ما قلتش كده ..... انا قلت ما ينفعش امشي 100 في حارة 60 مش العكس ..... يعني انا بابقى ماشي شمال على 100-120 و مجاري اللي حواليا و برضه مش عاجب الناس


هما مش عاجبهم الموتسيكل اصلا و مش معترفين ان له مكان فى الحاره و اللى بيقوله شاركى انه عشان يبقى ليك مكان يبقى لما الدنيا تقف تبقى تقف برضه عشان انت اللى هتجبر اللى حواليك انهم يحسوا انك جزء له مكان فى الشارع و ده اللى مخلى قائدى المركبات لا يراعون قائدى البايك عشان هما مش بيحاولوا انهم يكونوا جزء من النظام العام اللى فى الشارع

فهمت يا كابتن؟


و انا ما قلتش غرز زجزاج ...... بس لو السرعة صفر بمعنى كلمة صفر و انا باعدي ...... مالهاش لزمة النفسنة و ييجي واحد ابن حلال يقفلها عليا و هو مش مستفيد حاجة

لأ ليها لازمه عشان انت زيك زيه فى الشارع - عشان بعد كده يحترمك لما تبقى ماشى فى الحاره على 120 و هو ماشى وراك و بيحترمك - بس انت لما تطلع بين العربيات عشان الدنيا واقفه يبقى كده مش بتحترم دورك فى الطابور و مش بتحترم الناس اللى واقفه - الموضوع مش نفسنه خالص

تاني .......دي مش غرزة ........ تريلا ماشية على 80 عاليمين و انا عاوز اتجاوزها ..... و شمالها فاضي ...... و شمالي فاضي ....... و اديت اشارة و دخلت جنبها و رفعت سرعتي عشان اتجاوزها ..... فجأة جه واحد ورايا هو كمان عاوز يتجاوزها و مش عاوز يصبر لحد ما اعدي منها و بعدها اكسر يمين قدامها و اعديه و مصمم يزنقني بينه و بين التريلا ...... مش من حقه اصلا !!

ده التصرف العكسى بتاع الدنيا واقفه و انت معدى بين العربيات
نفس التصرف بس بأسلوب عكسى هو عاملك بدون احترام و لم يراع الدور و الطابور

عشان كده شاركى بيقول السواقه ذوق :)
و انت راجل ذوق ففكر كده و هتلاقى اللى بيقوله صح

و هوه كاتبلك ابتسامه يعنى بيعاكس و انت دخلت فيه شمال

[أحمد كمال]

طابور ايه بس يا طارق؟ هو انا دخلت في مكان هو كان ينفع يخش فيه؟

يا جماعة بالعقل ..... اما انا باخش بين العربيات و الرصيف انت متضرر من ايه مادام طريقك واقف ..... لو كان المكان اللي انا داخل فيه يقضي عربية كانت العربيات دخلت !!!


خلاص يا جماعة ..... كل ركاب العربيات ملايكة (اصل انا مش باسوق من 9 سنين و عارف الناس بتعمل ايه !!!!!!) و كل ركاب الموتوسيكلات @##$%$#% و عايزين الحرق

ارتحتوا؟؟؟؟؟؟؟

[human]

يا جماعة بالعقل ..... اما انا باخش بين العربيات و الرصيف انت متضرر من ايه مادام طريقك واقف ..... لو كان المكان اللي انا داخل فيه يقضي عربية كانت العربيات دخلت !!!

نفس الفكره ديه لما تبقى واقف فى طابور و حد يجى من ورا يقول همضى الورقه ديه مش هتاخد ثانيه
و فعلا مافيش حد هيتأخر
بس الفكره ان الناس ديه واقفه قبليك و انت المفروض معاهم لما تطلع تجرى بعيد عنهم يبقى كده مش بتديهم احترام ولما يشوفوك بتعدى تريلا ولا اكنك موجود :)

اهدى يا استاذ كابتن باشمهندس احمد

و على فكره انا لما اجيب موتسيكل هطلع اهرب من الزحمه برضه بالطريقه الافعوانيه الالتوائيه !!

بس انا بتكلم على الصح و الغلط -- :)