من قائد موتوسيكل الى قادة السيارات ..... ارحمونا الله يرحمكم

[أحمد كمال]

نفس الفكره ديه لما تبقى واقف فى طابور و حد يجى من ورا يقول همضى الورقه ديه مش هتاخد ثانيه
و فعلا مافيش حد هيتأخر
بس الفكره ان الناس ديه واقفه قبليك و انت المفروض معاهم لما تطلع تجرى بعيد عنهم يبقى كده مش بتديهم احترام ولما يشوفوك بتعدى تريلا ولا اكنك موجود :)

اهدى يا استاذ كابتن باشمهندس احمد

و على فكره انا لما اجيب موتسيكل هطلع اهرب من الزحمه برضه بالطريقه الافعوانيه الالتوائيه !!

بس انا بتكلم على الصح و الغلط -- :)

يا طارق

يا طااااااااااارق

ابوس ايدك التشبيه بالطابور مالوش معنى

لان العربيات هتفضل واقفة كده كده سواء الموتوسيكلات خرمت في الفراغات و لا لأ

يعني انا ما سرقتش حق حد و لا اتخطيت حق حد في طابور

انا باتجاوز و الطريق واقف .... و لو العربيات كانت تقدر تتجاوز كانت هتتجاوز

[l0new0lf]

يا طارق


انا باتجاوز و الطريق واقف .... و لو العربيات كانت تقدر تتجاوز كانت هتتجاوز

ما هو التجاوز ده ضد الى سيادتك كنت بتنادى بيه ان تمشى فى نص حاره مروريه و الناس تحترم وجود موتسكل فى الطريق و محدش يزنق عليه
و بعدين قوانين المرور _الى سيادتك كنت بتستشهد بيها سابقا_ حاطه قوانين للتجاوز و من اهمها ان الطريق يكون اساسا ماشى مش واقف
يا جماعه احنا كل واحد بيعرض خبراته واللى بيشوفه علشان نعرف الصح و الغلط و كلنا نستفيد
مش كل الى راكب موتسكل غلطان و مش كل الى راكب عربيه ملاك
و مش بنوجه اتهام لشخص معين و لازم كل واحد يفكر فى الراى الاخر لان مفيش حد بيعمل حاجه و بتكون من وجهة نظره غلط
بس اوعى يابو كمال يكون توقيعك ده له علاقه بموضوعنا هنا :p

[human]

لو حارتى واقفه او ماشيه بالراحه و حبيت ادخل الحاره اللى جنبى انى ابوز العربيه شويه شويه عشان اعدى - ده اسمه اسلوب غير لائق و الناس بتشتم - هوه ده نفس الاسلوب اللى انت بتقول عليه

بس الفرق انك ماخدتش مكان حد تانى بس لما تطلع قدام هتقف فى مكان اكيد كان بتاع حد تانى

لو سمحت ماتخدش ال space بتاعى

[mahmoudysf]

انا هقتبس كل كلامك ده بس بالعكس اعذرني اكتر حاجة كرهتني فى السواقة وفى الطرق نوعين راكبي التوتكتك والموتوتسيكلات انت بتكلم على فئة نادرة اللي بيركبوا موتسيكلات باحترام
لاكن الله يجازي الصين بلتنا بالزفت ده وخلت الموتسيكل ارخص من البسكلتة وكلها نوعيات عديمة الفهم
وانا ماشي فى امان الله فى وسط غابة من الموتسيكلات الاقي واحد حدف قدامي مرة واحدة ولم ملحقتش امسك فرامل هدسه تحت العربية وبعدين عاملين زي عفريت العلبة مش عارف هلاحق على اللي جاي من اليمين والا الشمال والله خايف الاقي واحد طالعلي بموتسيكل من تحت العربية
وانت اتكلمت على الاشارات ودي بقة حكاية
تلاقيه معندهوش صبر وماشي عمال يخبط ويحك فى عربيات الناس ولا خبر
يا راجل دا انت قلبت عليا المواجع انا مفقوع من راكبي الموتسيكل

[sh23]

ما هو التجاوز ده ضد الى سيادتك كنت بتنادى بيه ان تمشى فى نص حاره مروريه و الناس تحترم وجود موتسكل فى الطريق و محدش يزنق عليه
و بعدين قوانين المرور _الى سيادتك كنت بتستشهد بيها سابقا_ حاطه قوانين للتجاوز و من اهمها ان الطريق يكون اساسا ماشى مش واقف
يا جماعه احنا كل واحد بيعرض خبراته واللى بيشوفه علشان نعرف الصح و الغلط و كلنا نستفيد
مش كل الى راكب موتسكل غلطان و مش كل الى راكب عربيه ملاك
و مش بنوجه اتهام لشخص معين و لازم كل واحد يفكر فى الراى الاخر لان مفيش حد بيعمل حاجه و بتكون من وجهة نظره غلط
بس اوعى يابو كمال يكون توقيعك ده له علاقه بموضوعنا هنا :p

........
أبو كمال
.... المشكلة مش فيك أنت
.... المشكلة أن غالبية قائدي الموتوسيكل لما بيستغلوا الفراعات اللي أنت بتقول عليها بيستغلوها بشكل زي الزفت
.... لما واحد يسند علي الباب ولا يحط إيدة علي الكبوت وهو بيخرم من بين العربيات الواققة في الإشارة يبقي تقول علية إية ؟؟؟؟؟
زي ما قلت لك سابقاً الأغلبية العامة سيئه ؛ وبالتالي اصبح الأنطباع العام إن الكل سيئ ؛ يعني لو أنت محتر م برضة ها تتاخد في الرجلين