مش ممكن كده؟؟؟؟؟؟؟ عايزين نعمل حاجه.....

[sab3aawy]

انا اصبحت عندى شيزوفرانيا من الموضوع ده

لما بكون راكب العربية النيسان بحترم نفسى وامشى زى الجزمة واللى عايز يغلس يغلس واللى عايز يكسر عليا يكسر وانا حاطط الأضيضاص فى بقى وساكت

ويأتى اليوم الذى اخرج فيه بالريجاتا، وهى كدة كدة فيها خبطة من هنا وكحتة من هناك من اعمالى واعمال المدام فبالتالى مش فارقة كتير ، وده يكسبها صفة الغشيم، اما الشئ الآخر فهو ان موتورها بصراحة تحفة وتسارعها هايل وطلعتها من السكون عجب ، وده يكسبها صفة المتعافى، يعنى بالمختصر غشيم ومتعافى، وهو ما يعطينى الفرصة انى اربى كل الناس اللى ماشية فى الشارع ، وعلى رأى المثل "اللى مربتوش امه وابوه يربيه سبعاوى بالريجاتا" تاكسى بيجو 504 غتت واخدها دراع وزنق عليا افضل معاه لحد ما احك فيه يقوم يتلم ، واد روش بعربية لانسر لازق وراية وعمال يكلكس وانا معنديش مكان اوسع له فيه اروح ضارب فرامل ادخل له بوزه تحت الشكمان بتاعى، حتى الميكروباصات بل والميني باصات الخضراء اسياد البلطجة لا بيصدو ولا بيردو معايا لأنى مش بكون قلقان من انى اتخبط، صحيح انى مغير لها اوشاش فوانيس كذا مرة وصحيح انها محتاجة واجب سمكرة وبوية محترم، لكن فى النهاية انا وانا راكبها بحس انى ملك الأسفلت بلا منازع بعكس اليوم اللى بكون راكب العربية النيسان

[Noha.M]

بس معلش يعني مع احترامى لصاحب الموضووع ( و انا معاه في كل اللى قاله ) بس مالها سواقة الستات ؟؟؟؟؟

لا بتاخد غرز و لا ماشية علي 140 في شارع ضيق ولا بتشد مع صاحبتها ولا بتزنق على حد !!!!!!!

كبيرهااااا كبيرهااااااااااا ماشية براحة و خايفة على عربيتها و لو جديدة و لسة بتهق في السواقة تلاقيها بترمي شوية بس في ساعتها بترجع تظبط !!!!

مش شايفة اى عيب يعني في سواقة الستات بالعكس دة اكتر ناس بتستفزني الولاد و انا ماشية على الاوتوستراد علي الشمال و جايبة 120 (هعمل ايه اكتر من كدة ) و الاقي من ورايا واحد عمال يرعشلى عشان اوسعله !! بتاع ايه اوسعله يعني !! اطير يعني عشان اريحه p:

[Chicco]

أولا أنا من رأي الاخوة اللي قالوا مافيش فايده :(
ثانيا سبعاوي باشا...... للأسف كلنا هذا الرجل..... سواقتك حسب عربيتك ....الفرق بان أوي معايا لما سقت ال-Prius و لما سقت ال-Explorer في كندا و الفليشيا و الباسات في مصر ;)
على فكرة ديه مش شيزوفرانيا ده إضطراب تعدد الشخصية
Multiple Personality Disorder vs Schizophrenia :)

[Xpert]

"اللى مربتوش اهله يربيه اكسبرت بالبي ام 735 عتيقه الطراز علي شوارع المحروسه.. و اللي خايف علي نفسه يوسع ... "

علي فكره بقي بالنسبه لموضوع سواقه الستات ده .. احنا عندنا هنا فيه بي ام شارك موديل 1982 بحاله الزيرو فعلاً .. العربيه دي انا كنت منمر عليها عشان اشتريها .. بتاعه واحد طيار معرفه .. المهم .. العربيه دي معاهم من الزيرو و مركونه من ساعه ما جت ..
افاجاء في مره ام العربيه دي سايقاها واحده ست .. ماشي فل قوي ... انما افاجاء بقي ان الست دي بتاكل الملفات و الدخلات علي سرعات .. انا نفسي ماخدهاش بالسرعه دي ابداً .. الخلاصه .. اللي كان محافظ علي العربيه دي طول الفتره .. مجهوده راح في 6 اشهر بالظبط .. لو شفت العربيه دي دلوقتي مالهاش معالم البي ام نهائياً ...
علي فكره انا مش متحزب ضد الستات او حاجه .. بس الاغلبيه العظمي منهم مابيعرفش يسوق .. و دي حقيقه .. و السبب بيبقي عجز في التقدير النسبي للمسافات و ماعندهمش قلب جامد ..
انما ده مايمنعش اني شفت بنات خاصه في اسكندريه الواحده منهم بتسوق اجن مني و احسن مني و من اي حد !

[Falcon.Crest]

for great sorry brothers and sisters, its culutre of our respectiful people, i worked in many countreis all people respect traffic except Egyptians, i can buy
acar but never think in that as i see an impolite people and unrespectiful in streets so why i need a car and every one show me his hands and insullt me
i rent a car with drives for my tasks every weeks and it is over

[OlaOsman]

انا اصبحت عندى شيزوفرانيا من الموضوع ده

لما بكون راكب العربية النيسان بحترم نفسى وامشى زى الجزمة واللى عايز يغلس يغلس واللى عايز يكسر عليا يكسر وانا حاطط الأضيضاص فى بقى وساكت

ويأتى اليوم الذى اخرج فيه بالريجاتا، وهى كدة كدة فيها خبطة من هنا وكحتة من هناك من اعمالى واعمال المدام فبالتالى مش فارقة كتير ، وده يكسبها صفة الغشيم، اما الشئ الآخر فهو ان موتورها بصراحة تحفة وتسارعها هايل وطلعتها من السكون عجب ، وده يكسبها صفة المتعافى، يعنى بالمختصر غشيم ومتعافى، وهو ما يعطينى الفرصة انى اربى كل الناس اللى ماشية فى الشارع ، وعلى رأى المثل "اللى مربتوش امه وابوه يربيه سبعاوى بالريجاتا" تاكسى بيجو 504 غتت واخدها دراع وزنق عليا افضل معاه لحد ما احك فيه يقوم يتلم ، واد روش بعربية لانسر لازق وراية وعمال يكلكس وانا معنديش مكان اوسع له فيه اروح ضارب فرامل ادخل له بوزه تحت الشكمان بتاعى، حتى الميكروباصات بل والميني باصات الخضراء اسياد البلطجة لا بيصدو ولا بيردو معايا لأنى مش بكون قلقان من انى اتخبط، صحيح انى مغير لها اوشاش فوانيس كذا مرة وصحيح انها محتاجة واجب سمكرة وبوية محترم، لكن فى النهاية انا وانا راكبها بحس انى ملك الأسفلت بلا منازع بعكس اليوم اللى بكون راكب العربية النيسان

حبيت بس أحييك على صراحتك :)

[ASD peugeot]

ششششششششششششششششششششششششش

[dr.amr]

بس معلش يعني مع احترامى لصاحب الموضووع ( و انا معاه في كل اللى قاله ) بس مالها سواقة الستات ؟؟؟؟؟

لا بتاخد غرز و لا ماشية علي 140 في شارع ضيق ولا بتشد مع صاحبتها ولا بتزنق على حد !!!!!!!

كبيرهااااا كبيرهااااااااااا ماشية براحة و خايفة على عربيتها و لو جديدة و لسة بتهق في السواقة تلاقيها بترمي شوية بس في ساعتها بترجع تظبط !!!!

مش شايفة اى عيب يعني في سواقة الستات بالعكس دة اكتر ناس بتستفزني الولاد و انا ماشية على الاوتوستراد علي الشمال و جايبة 120 (هعمل ايه اكتر من كدة ) و الاقي من ورايا واحد عمال يرعشلى عشان اوسعله !! بتاع ايه اوسعله يعني !! اطير يعني عشان اريحه p:

مع احترامي لحضرتك انا قلت معظم ماقلتش كل.....
وبعدين هي ده الحقيقه الستات معظمهم بيضبشوا مش بيسوقوا

[Chicco]

\/ \/ \/
بالراحة شوية يا Doc في الحقيقة مافيش حد بيعرف يسوق في مصر كلها مش الستات بس و حتى لو حاولت مش حينفع

[dr.amr]

\/ \/ \/
بالراحة شوية يا Doc في الحقيقة مافيش حد بيعرف يسوق في مصر كلها مش الستات بس و حتى لو حاولت مش حينفع

انا بتكلم عادي والله مش قصدي حاجه.........
بس بيتهيقلي في خلال سنتين تلاته مع ازدياد السيارات اللي بيسوقوا هيجيلهم الضغط من اللي بيشوفوه في الشوارع

[segsauer]

في حل
هو ان كل الرخص تتسحب من كل الناس و يطلع قانون جديد و امتحنات من اول و جديد و يبقي الاختبار في الشارع و اللي بيسوق كويس فعلا و بيبص في مراياته و عارف قواعد المرور هو اللي ياخد رخصه اما الفوضويه الباقين لاء.
حل صعب بس لو اطبق حيخفف من عدد الناس اللي في الشوارع جدا.
وو بعدين عقوبات صارمه علي من يتخطي قواعد المرور ويا ريت توصل للحبس مش الغرامه و بكده الكل حيمشي محترم.
جتقولو ناس حتبقي فوق القانون اوك حيبقو كام يعني الضباط و وكلاء النيابه و معارفهم و قرايبهم 5% مثلا؟؟
مش مشكله مش حيعملو تاثير جامد

مساء الفل يا حازم بيه شكل كده النوم كابس عليك و بدأت تحلم كمان

[segsauer]

يا حازم الحل ده لازم له ظباط و امناء كتييييييييير و مؤهلين، و طبعا مش هينفع ناخد الظباط من الحراسات و تأمين المواكب و افتتاح المكتبات و شراء الخضار و تأمين نظام الحكم و الشرعية و الديمقراطية و المهلبية علشان ننظم المرور

بلاش الكلام فى السياسة و التخبيط فى الحلل يا دكتوررررررررر:)

[mina_ramsis]

يا جماعة فكروا كده براحة يعنى لو الشوارع فاضية ايه اللى هيخليك تغرس بالعربية يعنى الحل اننا نشوف طرق جديده ننقل العاصمة المبانى الحكومية تتنقل فى اطراف البلد كده يعنى ساعتها مش هتلاقى حد بيغرس و لا بيزنق على حد و اللى هيعمل كده هيبقى منتقد من الناس كلها انما دلوقتى متقدرش تلوم حد علشان افرض الراجل ده وراه ظرف طارق و لا حاجة
ارجو ان تكون وجهة نظرى وصلت
( على فكرة انا مابحبش التغريس )

[SAbuhashem]

شوف هو يا إما تركب عربية غالية أوي أوي S class أو BMW السابعة يا إما تركب عربية معفنة ومكسرة و-بويتها كلها واقعة وتمشي تلوش وفي الحالتين جميع فئات السواقين في الشارع هيبعدو عنك ويعملولك ألف حساب


حل تاني فيميه دارك بلاك ونسر بربع جنيه من عند بتاع الكماليات وسرينة ب-٥٠ جنيه من التوفيقية ولطش في العالم كلها

حل تالت ركب كام شاب روش في العربية ودوها رقص وتنطيط وكل الشارع هيبعد عن الشباب إلي ضارب بانجو ده

هي الحلول كتير بس إلي أعصابه و صبره يتسعوا :)

Thanks
Eng.Sherif Shaker

[hazem_khidr]

مساء الفل يا حازم بيه شكل كده النوم كابس عليك و بدأت تحلم كمان

عمرو باشا واحشني و الله
بس انا كنت لسه جاي من المرور و الحماس واخدني شويه ان ممكن يبقي في امل ان الوضع يتطور