مش ممكن كده؟؟؟؟؟؟؟ عايزين نعمل حاجه.....

[dr.amr]

ابتسم انت في المحروسه
و الله يا دكتور هو في حل
اننا نغير من نفسنا هنتلاقي كل حاجه بقت تمام
" و الله لا يغير ما بقوم حتي يغيروا ما بأنفسهم "

ياريت والله ماهو سبب معاناتي اني مابعملش كده
ومابعرفش اعمل كده
حاولت اجرب ابقي بلطجي في السواقه
بس اخلاقي ومبادئي ماسمحتليش بكده
حسيت اني عبيط لما بعمل كده

[dr.amr]

انا شفت حل ممكن نطبقه
شويه شباب ف مصر الجديده عملو كمين مع نفسهم فى شارع جانبي بيدخل منه الميكروباصات لما الشارع بره يكون واقف وطبعا كانو بيحكو فى العربيات اللى راكنه وكلاكسات وقرفهم اللى كلنا عارفينه
الشباب دي عملت حواجز لمده اسبوع واي ميكروباص يعدي ينزلو السواق وهاتك يا ضرب ومن ساعتها مفيش ميكروباص بيعدي من هناك
احنا ممكن نعمل كده فى اوقات الفراغ نتفق وننزل نعمل كمين واللى مش ماشي مزبوط يضرب ولو مش عاجبه تتكسر عربيته

ده احنا كده هنكسر 3 ارباع عربيات البلد
وهنغدغ الناس كلها
بس انا موافق
نعمل كمين نايل موتور
ونعدي اللي معاه البادج بس واي واحد غيره نتلككله:pointi~2[2]:

[تامر.محمد]

سيدي
الوضع استفحل بالفعل
و الشوارع بقت غابة بالفعل
و بقى شيء عادي جدا اني الاقي حد بيحرق جنبي عشان يسبقني و يرمي نفسه قدامي فاحرق انا كمان عشان اقفل عليه و امنعه من انه يرمي نفسه قدامي , لمجرد اني مش قابل قلة أدبه

[تامر.محمد]

ابتسم انت في المحروسه
و الله يا دكتور هو في حل
اننا نغير من نفسنا هنتلاقي كل حاجه بقت تمام
" و الله لا يغير ما بقوم حتي يغيروا ما بأنفسهم "

خد بالك

الله لا يغير ما بقوم
حتى يغيروا ما بأنفسهم

صيغة الجمع
يا فرحتي لما كل واحد هو اصلا محترم يبقى محترم و اللي مش محترم يفضل زي ما هو

يبقى الوضع على ما هو عليه

[أبو إياد]

الموضوع مالهوش اى علاقه بالقياده او فن القياده

زمان كان فى لافتات فى الشوارع بتقول القياده فن وذوق واخلاق

فن = القياده السلسه الممتعه بدون التسبب فى اضرار نفسيه للغير وتفادى اخطاء الغير
ذوق = احترام رغبه الاخرين
اخلاق = احترام الذات وامتصاص غضب الاخرين

ده كان زماااااااااااااااااااااااااااااااااااااااااااااااا ااااااااااان

وبعد انقراض هذه النظريه ظهرت ظاهره جديده وهى نظريه booze base

القاعدة الأولى
: لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة:
ابعد عن سكة العربيات المخرشمة ، بيسوقوا بنظرية ضربوا الأعورعلى عينه!!
القاعده الثانيه:
البوز بيز - اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز
ملحوظة:
لا تطبق نظرية البوز بيز مع أي لوري أو أتوبيس ، حرصاً على بوزك لامؤاخذة
القاعدة الثالثة:
الإشارات تكشف نواياك للأعداء ، أياك أن تستخدمها!
القاعدة الرابعة:
لا تترك مسافة للأمان بينك و بين السيارة التي أمامك

وبكده نستنتج ان القياده
تسارع وغشوميه وبلطجه

[Eng_Mostafa_89]

للاسف مفيييييييييييييييييييش حل

[dr.amr]

طول ما الشعب المصري كله مهم و وراه مشاوير مهمه عايز يلحقها مفيش حل
طول ما اي حد عايز رخصة يطلعها و يمشي يسوق مفيش حل
طول ما في مسئولين معندهمشي اي دراسه او خبرة او شهادات و هما المسئولين عن اتخاذ القرارات الغبية مفيش حل
طول ما كل الوزارات و المصالح الحكوميه في وسط البلد مفيش حل
طول ما كل واحد راكب عربيه بكام الف ملطوش فاكر انه راكب فيراري و ان العربيه وظيفتها انها تجري و تجري و يبقي اسرع من الكل مافيش حل
طول ما في ناس مش فاهمه فايدة حزام الامان و الاير باج و عوامل الامان مفيش حل
طول ما فايدة قانون المرور انه يجمع فلوس بدون توعيه او تربيه حس مروري عند الناس مفيش حل

حسبي الله ونعم الوكيل في اللي كان السبب

[dr.amr]

سيدي
الوضع استفحل بالفعل
و الشوارع بقت غابة بالفعل
و بقى شيء عادي جدا اني الاقي حد بيحرق جنبي عشان يسبقني و يرمي نفسه قدامي فاحرق انا كمان عشان اقفل عليه و امنعه من انه يرمي نفسه قدامي , لمجرد اني مش قابل قلة أدبه

شيء مستفز جدا
انا خلاص تقريبا كرهت العربيه والسواقه
الواحد لو لقي خرم قدام اللي جنبه لازم يمد بوزه ويدخل فيه

[dr.amr]

الموضوع مالهوش اى علاقه بالقياده او فن القياده

زمان كان فى لافتات فى الشوارع بتقول القياده فن وذوق واخلاق

فن = القياده السلسه الممتعه بدون التسبب فى اضرار نفسيه للغير وتفادى اخطاء الغير
ذوق = احترام رغبه الاخرين
اخلاق = احترام الذات وامتصاص غضب الاخرين

ده كان زماااااااااااااااااااااااااااااااااااااااااااااااا ااااااااااان

وبعد انقراض هذه النظريه ظهرت ظاهره جديده وهى نظريه booze base

القاعدة الأولى
: لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة:
ابعد عن سكة العربيات المخرشمة ، بيسوقوا بنظرية ضربوا الأعورعلى عينه!!
القاعده الثانيه:
البوز بيز - اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز
ملحوظة:
لا تطبق نظرية البوز بيز مع أي لوري أو أتوبيس ، حرصاً على بوزك لامؤاخذة
القاعدة الثالثة:
الإشارات تكشف نواياك للأعداء ، أياك أن تستخدمها!
القاعدة الرابعة:
لا تترك مسافة للأمان بينك و بين السيارة التي أمامك

وبكده نستنتج ان القياده
تسارع وغشوميه وبلطجه

بجد فعلا القياده بقت بتسببلي عبء نفسي كبير
الواحد بيبقي نازل كأنه داخل حرب
لوقليت ادبك وبلطجت ابقي مضايق من اللي بعمله وابقي متنرفز
ولو مشيت هاديء ومحترم يجيلك اللي ينكد عليك
وينرفزك
ده غير العيال الهبل اللي كل واحد راكبلي عربيه وضارب شوية جيل في شعره مع نضارة الشمس وفاتح الكاسيت علي اخره وقاعد متنك قوي في الكرسي ومهمته انه يطلق النظرات الناريه في اتجاه خلق الله يحسسك انك ابن سبعه مثلا وانه ابن تسعه ونص العالم دول الواحد بيبقي نفسه ينزل يفتحلهم دماغهم ويشوف جواها ايه

[mohamed_kta]

انا مؤيد و بشده لفريق المتفألين بمعنى أن حضرتك و مراتك و أبنائك أتغيرتم ممكن تغيروا بعض من الجيران و الاقارب و الاصدقاء بس المهم أنك تثبت على التغيير ده .

[islamnabil]

الحل بسيط جدا على فكرة
الحل اننا نسيب البلد و نهاجر
ملهاش حل غير كده

[tmz9111]

من الأخر ملهاش حل

[ahmed-moga]

بص يادكتور عايز تستمتع بالعربيه بتاعتك وتمشي برحتك حول كل شغلك انه يبتدي الساعه 1صباحا حتي السادسه صباحا انا مبخرجش دلوقتي الا الساعه 1 صباحا ومعظم عملائي خدوا علي كده وبيستنوني اعتقد انه ده الحل الأمثل بس يارب محدش ياخد باله من اللي انا قلته ويعمل كده احسن مش هانعرف نمشي صبح ولا ليل

[Mzeid]

حضرتك أنا جيت القاهرة من كام يوم لقيت السواقة صعبة أنا أصلا من طنطا..
لقيت الناس مش واخدة السواقة بلطجة لا حرب و كل واحد يلحق مكان ..
لا حول ولا قوة إلا بالله

[beautiful0mind]

دى ثقافة شعب ......

الدور علينا نتغير ونغير الاجيال الجية ....