مش ممكن كده؟؟؟؟؟؟؟ عايزين نعمل حاجه.....

[tutankhamoun]

أنا اشيف إن الناس كلها يئست و بتقول مفيش حل للمشكلة
بس أنا عندي حل
أحنا نشتري قنبلة نووية تكون ذات قدرة قوية جدا و قادرة على تدمير مدينة بحجم القاهرة
و بعدين نرمي القنبلة على سكان و سيارات القاهرة
و نستنى حوالي عرشين تلاتين سنة لغاية ما الاشعاع يروح خالص
و بعدين نرجع تاني نبني بقى على نظافة
و الرخص تطلع بما يرضي الله
و ننهي على موضوع الميكروباص
النقل المقطورة
--------------------
و تحيا ج . م . ع إلى الأبد همجية متخلفة

[tutankhamoun]

سواقة الستات مش وحشة اوي كدة يا جماعة انتم ظالمينهم
هما بس يبصوا في المرايات
ولو ممكن يستعملو الاشارات
ولو امكن يركزوا شوية في الطريق
ويا سلام لو يقدروا يظبطوا تقدير المسافات
ولو ممكن لما تحصل اي حادثة مايعيطوش
ولو في الامكان يشيلو ايديهم من علي الكلاكس شوية
ولو ممكن يلتزموا بالحارات المرورية
ولو سمحوا ما يقفوش علي شمال الطريق فجأة
ولو تكرمو يبصوا قبل ما يرموا شمال او يمين
...بس وغير كدة بصراحة هما زي الفل
مين اللي قال ان الستات مش بيعرفوا يسوقوا
ده حتي يبقي ظلم

يا سلام ...... قال يعني إن الرجالة هما الملتزمين

كل اللي حضرتك ذكرته يقوم به ستات و رجاله
و بلاش ظلم للستات
لأن الستات صحيح بيسوقوا بغشم
و الرجالة بكل ما أوتو من استعباط و استهبال و قلة أدب
----------------------
و تحيا ج . م . ع همجية متخلفة إلى الأبد

[sab3aawy]

السلام عليكم
كمان سائقى الموتسيكلات سواء كان delivery أو أرامكس أو DHL كل هؤلاء تخصصهم حك السيارات من الأجناب.:):):)

انا ابتكرت طريقة عملية جدا للتعامل مع هؤلاء

لما بلاقى واحد منهم جاى ورايا والدنيا زحمة ، عمرى ما اخليه يعدى من يمينى وبقفل المسافة اللى بينى وبين العربية اللى يمينى او الرصيف (وده حقى طبقى لقانون المرور على فكرة، لأن الموتوسيكل مفروض يمشى فى شمال حارته ) وبوسعله من شمالى علشان يعدى، وبرح مطلع ايدى حاططها على المراية علشان هو مش هيفرق معاه الصاج لكن كلهم بيقلقوا من الإصابات لأن فيها سين وجينم وبالتالى ببقى عملت حرم للعربية مسافة ايدى

[magedfarid]

انا ابتكرت طريقة عملية جدا للتعامل مع هؤلاء

لما بلاقى واحد منهم جاى ورايا والدنيا زحمة ، عمرى ما اخليه يعدى من يمينى وبقفل المسافة اللى بينى وبين العربية اللى يمينى او الرصيف (وده حقى طبقى لقانون المرور على فكرة، لأن الموتوسيكل مفروض يمشى فى شمال حارته ) وبوسعله من شمالى علشان يعدى، وبرح مطلع ايدى حاططها على المراية علشان هو مش هيفرق معاه الصاج لكن كلهم بيقلقوا من الإصابات لأن فيها سين وجينم وبالتالى ببقى عملت حرم للعربية مسافة ايدى

فكره جميله يا سبعاوي

[hamdy]

السلام عليكم.....
انا نفسي احس اني بسوق عربيتي في وسط ناس مش في غابه, قيادة السياره بالنسبالي
بقت شيء مقرف, انا حاسس اني هيجيلي الضغط من كتر االي كاتمه في نفسي, وممكن برضه
الاقي نفسي في مره واخد الكوريك من شنطة العربيه ونازل افتح بيه دماغ واحد مستفز من اللي يسوقوا برعونه.
شيء مش طبيعي بجد انا رحت السعوديه كذا مره ,القياده هناك شيء مختلف تماما عن البلطجه اللي
بنمارسها هنا ,انا لو ماكنتش ماسك اعصابي يبقي كل ماهنزل لازم هتخانق.

1-سيارات الشرطه والبلطجه علي خلق الله من ملاكي واجره ,اللهم الا اللي راكب عربيه نضيفه
او معلق نسر.!!!!!!!!!!!!!!
2- الميكروباصات .....اظن ده مش محتاج لكلام.
3-سيارات الاجره والرخامه علي خلق الله كلهم , ماشيين بنظام لو خايف علي عربيتك ابعد عني.
4-واحد امبارح ماشي في شمالي بس ورا اللي جنبي لقيته بقدرة قادر كده عايزني اقفله علشان يدخل يمين من قدامي مش عارف ليه؟؟؟؟؟؟؟؟؟؟ ولما مارضيتش اعديه قعد يشتم ويشوح وهو ماشي؟؟؟؟
5-نظام الكلاكسات حاجه من اربعه: يا تلاقي سواق تاكسي ماشي عامل تون مع نفسه
يا تلاقي واحد ماشي عامل تييييييييييييييييييييييييييييييييييييييييييييييييي يييييييت وبيتخانق مع دبان وشه
يا تلاقي واحد ماشي بيشتم واحد بالكلاكس
يا تلاقي اتنين ماشين مع بعض واحد يعمل تيت والتاني برضه تيت بيرضوا علي بعض
6- اما بقي قيادة السيدات معظمهم مش كلهم فحدث ولا حرج؟؟؟؟؟(مع كامل الاعتذار للسيدات والبنات في المنتدي).
7-الكاسيت والبازوووكا ؟؟؟؟؟؟؟؟؟ انا مش عارف اللي مركبها بيستحملها ازاي.
وطبعا حاجات تانيه كتير
المهم ان احنا عايزين نشوف حل للموضوع ده
عايزين اقتراح نقدر ننفذه
لأن بالشكل ده في خلال سنتين الموضوع هيستفحل وهيبقي غير قابل للترويض.

اكيد يا دكتور فيه حل تملي
اننا نبيع العربيات و نقضيها مشي و خلاص بس انا ساعتها خايف يفرضو ضريبة علي مقاس الكوتشي اللي احنا لابسينه ويرجعوا يقولو الدعم لكوتشيات المصريين مستمر :d

[emam]

اكيد يا دكتور فيه حل تملي
اننا نبيع العربيات و نقضيها مشي و خلاص بس انا ساعتها خايف يفرضو ضريبة علي مقاس الكوتشي اللي احنا لابسينه ويرجعوا يقولو الدعم لكوتشيات المصريين مستمر :d

:D:D:D:D متخفش يا استاذ حمدى ساعتها هيصرفوا (قبقاب) لكل مواطن عشان يستحمل الاسفلت وكمان يعمل طرقعة بدل الكلاكسات - بالمناسبة هو حضرتك شغال فى باتا ولا ايه - بهزر طبعا اوعه تزعل

[hamdy]

مقبولة منك يا امام باشا
ولو عايز كمان جوز صيني موجود في باتا :D
:D:d

[emam]

:d:d ومالة يا حمدى باشا ياريت تخليه جوز هند احسن - عشان عيزين نعمل صينية كنافة فى البيت أصل الواد مصطفى نفسه فيها:d:d

[aif]

بجد يا جماعة الموضوع مش غامق اوي كدة
اعتقد اننا كلنا كمصريين وعايشين في مصر قد تكيفنا الي حد بعيد مع كل ما يجري حولنا سواء من المرور او النظافة او النظام او الحياة بشكل عام وخاصة سكان القاهرة
انا رأيي ان الانسان كائن متكيف خلقة الله وخلق معه المقدرة علي التكيف والتأقلم علي اي ظروف وده عن تجارب كتير
المهم اننا نعمل اللي علينا ونحاول نتأقلم ونتكيف ولا نتعصب اكثر من اللازم علشان نحافظ علي انفسنا من امراض العصر الحديث

[Xpert]

هع هع .. الموضوع كل مدي في الشددان ..
تعليقاً علي الاخت علا .. احب اقول لاء .. مش سواقيت الميكروباص و اللنقل و التاكسي و بتوع المحور بس .. ده انا كمان خطرعلي الامن العام ... يوم ما بنزل بعربيه باشيًب الطريق كله ههه
تعليقاً علي الاخ توتعنخ امون .. احب اقول .. يا باشا دي كانت فكرتي برضه فكره القنبله النوويه .. مع اختلاف التطبيق .. انا كنت عاوز قنبله نوويه تشيل الشعب المصري كله .. و بعد كدخ نستورد شعب جدبد (يكون ماركه .. مش صيني ..) .. لاءن اللي ربك ابتلاك بيه .. ابتلاني بيه برضه ههههه ..

[Megane]

انا ابتكرت طريقة عملية جدا للتعامل مع هؤلاء

لما بلاقى واحد منهم جاى ورايا والدنيا زحمة ، عمرى ما اخليه يعدى من يمينى وبقفل المسافة اللى بينى وبين العربية اللى يمينى او الرصيف (وده حقى طبقى لقانون المرور على فكرة، لأن الموتوسيكل مفروض يمشى فى شمال حارته ) وبوسعله من شمالى علشان يعدى، وبرح مطلع ايدى حاططها على المراية علشان هو مش هيفرق معاه الصاج لكن كلهم بيقلقوا من الإصابات لأن فيها سين وجينم وبالتالى ببقى عملت حرم للعربية مسافة ايدى

السلام عليكم
طبعا دى فكرة جميلة بس المشكلة لو واقف فى إشارة مثلا و الدنيا كلها واقفة و فجأة تلائى واحد منهم بيتلوى زى الثعبان بين العربيات و عمال يحك إجناب العربية و يجرى و إنت واقف زى الباشة مش عارف تعمل حاجة على شان كدة أنا دائما فى المواقف دى بنزل من العربية و لما بشوف واحد منهم جاى بوقفة بالزوء أو بالعافة.:):)

[dr.amr]

up up up
هل رأي الاعضاء تغير بعد حوالي سنتين ؟ :)

[aymenseef]

up up up
هل رأي الاعضاء تغير بعد حوالي سنتين ؟ :)

انا شفت حل ممكن نطبقه
شويه شباب ف مصر الجديده عملو كمين مع نفسهم فى شارع جانبي بيدخل منه الميكروباصات لما الشارع بره يكون واقف وطبعا كانو بيحكو فى العربيات اللى راكنه وكلاكسات وقرفهم اللى كلنا عارفينه
الشباب دي عملت حواجز لمده اسبوع واي ميكروباص يعدي ينزلو السواق وهاتك يا ضرب ومن ساعتها مفيش ميكروباص بيعدي من هناك
احنا ممكن نعمل كده فى اوقات الفراغ نتفق وننزل نعمل كمين واللى مش ماشي مزبوط يضرب ولو مش عاجبه تتكسر عربيته

[romeo_6887]

ابتسم انت في المحروسه
و الله يا دكتور هو في حل
اننا نغير من نفسنا هنتلاقي كل حاجه بقت تمام
" و الله لا يغير ما بقوم حتي يغيروا ما بأنفسهم "

[M.Mosaad]

طول ما الشعب المصري كله مهم و وراه مشاوير مهمه عايز يلحقها مفيش حل
طول ما اي حد عايز رخصة يطلعها و يمشي يسوق مفيش حل
طول ما في مسئولين معندهمشي اي دراسه او خبرة او شهادات و هما المسئولين عن اتخاذ القرارات الغبية مفيش حل
طول ما كل الوزارات و المصالح الحكوميه في وسط البلد مفيش حل
طول ما كل واحد راكب عربيه بكام الف ملطوش فاكر انه راكب فيراري و ان العربيه وظيفتها انها تجري و تجري و يبقي اسرع من الكل مافيش حل
طول ما في ناس مش فاهمه فايدة حزام الامان و الاير باج و عوامل الامان مفيش حل
طول ما فايدة قانون المرور انه يجمع فلوس بدون توعيه او تربيه حس مروري عند الناس مفيش حل