اطارات النسر, وجهة نظر مغايرة.

[KiNgMaX]

يالهوى نسر محدش يقول الكلمة ديه قدامى عذبنى معاه فى ال 128 راكب جمل فعلا ويوميا فى 3 اخرام والله مرة بآخد ملف جامد شوية الكاوتش فسى بعد 7000 كم فردة جالها دمامل غريبة زى إنفخات فى الكاوتش وفرده جنبها اتمسح تماما جالهم حمى يعنى

[segsauer]

أهو رجع تانى

خليفة خلف خلف الله خلف خلاف المحامى

عايزين نعمل أغنية (حمال الهموم ياصغير) خلفية للمواضيع دى يا اخواننا

هههههههههههههههههههههههه
واحدة واحدة عليه يا دكتور حسام

[فادى]

"ملحوظة صغيرة: ازاى يا بشمهندس تقول على عربيتك "اثقل وزنا" انت ناسى انها 950 كيلو جرام فقط ؟يعنى اخف من الفيرنا واللانوس بحوالى 100 كيلوجرام تقريبا ، هى بتبقى خفيفة ساعة لما تكون عايز تبين لنا ميزاتها وثقيلة ساعة لما تكون عايز تمجد فى كاوتش النسر؟"

يا أستاذ سبعاوى ما هذا التصيد؟, المعنى كان واضحا, الشاهين أثقل من ال128, و لكنى لم أقل "ثقيلة".

[Karim_Monir]

المزيد من المقالات المعارضة الماشية ضد التيار يا مستر فادي
عارف لو كنت اتكلمت عن بطارياتالنسر فارتا
كنت هاقول ماشي وعن تجربة حلوة
لكن جاي للكاوتش النسر
اعتقد ردود الاعضاء كفاية وبلاش ردي انا:(:(:(
وهدي اعصابك يا سيادة اللواء حسام انت عندك بنت وعايز تربيها
ممكن تقراه كنوع من مقالات صدق او لا تصدق مش اكتر من كدة
لكن انك تاخد الموضوع بجدية حرام عليك اعصابك;)

تشرب ايرل جراي احسن من الكلام عن العربيات يا استاذ فادي؟

[Hossam_Hassan]

يا كيمو حرقة الدم لو الواحد سمع خطبة لبوش لكن الفرجة على القذافى تضحك و تفرفش

[Powert]

النسر "عار الصناعة المصرية "

[TAG_Turbo0]

معلش انا عندى راى فى موضوع كاوتش النسر المصرى
الكاوتش ده أحسن كاوتش تخمس بيه
انا مش بهزر جرب تخمس بعربيه فيها كاوتش نسر وحتحس ان العربيه بتخمس بجنون ومعرفش ايه السبب هل لان الكاوتش مبيمسكش فى الاسفلت هل خامته وحشه و بيتنحل بسرعه معرفش؟
بس هو لا يصلح للسفر ولا حتى جوه البلد ناشف جدا بيبوظ ويتشقق بسرعه وبيبوظ العفشه

[MMamdouh]

الموضوع اسهل من كدة بكتير

اى فردة محترمة بيبقى مكتوب عليها مواصفاتها الفنية من معامل تاكل treadwear و التصاق بالطريق traction و تحمل الحرارة tempreature... قولنا الفرد النسر مكتوب عليها ايه فى المقاييس دى و نقارنها باى فردة كورى او اندونيسى مش حنقول يطالى ولا يابانى

كمان سهل اوى تقولنا مسافة التوقف على اسفلت ناشف و اسفلت مبلول و منها حنعرف مدى تماسك النسر مع الاسفلت لما نقارنة مع اى عربية شاهين فيها نوع كاوتش تانى من نفس مقاس النسر بتاعك

انت بنفسك اثبت ان النسر سىء لان انت قلت انة مبيتاكلش... و طالما مبيتاكلش يبقى مبيحتكش مع الاسفلت و بالتالى مفيش اى traction

الحاجة الوحيدة الكويسة فى النسر انه ينفع كاوتس للburnout لانة حيفضل 3 سنين يأمرك و ميتاكلش

MMamdouh

[Khalid_Mostafa]

يا استاذ فادي انا كنت مثلك مقتنع بأن كاوتش النسر ده فخر الصناعة المصرية وكان كلامي من واقع انه كان راكب في اول عربة سقتها وكانت بيجو 304 موديل 1973 وكانت اسبابي انه فعلاً بيطول في العربية بل انك ممكن تنساه اما عن اداء العربية فكنت بأعتقد ان ده بسبب عمرها الطويل وحتي لم اشتريت عربية موديل حديث (كانت سويفت موديل 97 وكان الكلام ده في 2000) وطبعاً كانت السويفت ساعتها من العربيات الحلوه لأن الكوري مكنش منتشر زي دلوقتي..المهم ان العربية اشترتها بكاوتش مليزي ومستعمل وطبعاً حالته كانت وحشه فقررت اني اغير اربع فرد نسر وشكلهم حلو و سعرهم مناسب و حيعيشوا في العربية .
الي حصل انهم طلعوا عيني لفترة ومفيش 10000 وكنت بايعهم و مغير لكوتش كوري نانكانج وحسيت ان بعدها السويفت دي اصبحت مرسيدس..مفيش صوت كاوتش مفيش احساس بالطريق مفيش طالع نازل مفيش كل شويه ترصيص (ودي اكبر مشكله في النسر لأن العجله مبتتكلش بشكل منتظم نظراً لأن الخلطه بتاعتها مكلكعه) .وطبعاً ساعتها قلت يمكن الي انا اشترتهم دول كانو مركونين او قدام او حاجه (مع ان الي جابهملي كان واحد معرفه موثوق فيه) لحد معرفت بعد عدة سنوات سبب ليه كاوتش النسر ردئ بالشكل ده.

هو السبب علي فكره مش النقشه زي ما الزملا قالوا (او علي الأقل مش هي السبب الأساسي)
تصادف اني اشتغلت في شركة في الإسكندرية اسمها اسود الكربون وهي شركة هندي ولمن لا يعرف فالمكون الأساسي في كاوتش السيارة هو بودرة سوداء اسمها اسود الكربون (شبه البودرة الي بتبقي في التونر بتاع البرينتر الليزر) . ومن هناك عرفت الحقائق التالية :
1- هذا المصنع هو المورد الأساسي لميشلن في اوروبا و البرازيل و تركيا
2-مورد اساسي لبريدجستون في عدة دول
3-مورد اساسي لبريللي في عدة دول ومنها مصنع بريللي في الإسكندرية (فاروس)
4-مورد لبعض مصانع دانلوب و شركات اخري
5- وطبعاً المورد الوحيد لشركة النسر
اكتشفت ان هذا المنتج ينتج بدرجات متفاوتة من الجوده و النقاء وان افضل الأنواع تورد للشركات الأخري في حين ان شركة النسر تأخذ منتج ذو جودة متواضعة وطبعاً الي بيتحكم في ده معايير الجوده في كل شركة من الشركات دي (يعني كل شركه هي الي بتختار المنتج الي بيرحولها) ده بقي غير مراحل الإنتاج و التصنيع في الشركات دي

احنا مش ضد الصناعة المصرية طبعاً بس تقدر تقولي ليه شركة النسر مبتصدرش كميات مادامت بهذه الجوده ؟؟؟ ومع ان جودته سيئة ليه سعرها مش اقل من الأنواع المستورده مع ان الأنواع الأخري عليها جمارك و حماية منتج محلي و كلام من ده ؟؟

[ahmedateya]

يا جماعة في فردة في مصر اسمها Dunlop قعدت معايا 70000 كم مشفتش خرم واحد و كلبشة في الارض مفيش بعد كده

[فادى]

طول عمرنا بنركب سيارات مزودة باطارات النسر و محدش اشتكى, و زمان مكنش فيه كاوتش غير النسر, دلوقتى بس اكتشفنا انو كاوتش خشب بيكسر العفشة و بيتزحلق لا و كمان بيقلل سرعة العربية؟!
الى فلوسه كتير و معاه يدفع 3 ألاف جنيه فى كاوتش يجيب بيريللى و لا ميشلان و لا غوديير, لكن مش منطقى انى أجيب كاوتش اندونيسى و لا تايوانى و يجيب سلك بعد 20 ألف كيلو أحسنلى أجيب نسر يكمل معايا لحد 50-70 ألف و أستحمل شوية, و لا ايه؟ أنا بحسبها كده. أكيد لو مستعد انى أدفع 4 ألاف فى كاوتش هجيب ماركة عالمية لكن لو عايز كاوتش رخيص, النسر أفضل فى هذه الفئة.

[Karim_Monir]

دانلوب حلوة فعلا وممتازة يعبها لوحية ناشفة بعض الشيئ وده اللي بيخليها تعيش كتير زي ما بتوقل
قعدت معايا في الاكسيل فوق ال 60 الف كم في سنة ونص وبعتها في لعربية ولا كانها جديدة

[Khalid_Mostafa]

طول عمرنا بنركب سيارات مزودة باطارات النسر و محدش اشتكى, و زمان مكنش فيه كاوتش غير النسر, دلوقتى بس اكتشفنا انو كاوتش خشب بيكسر العفشة و بيتزحلق لا و كمان بيقلل سرعة العربية؟!
الى فلوسه كتير و معاه يدفع 3 ألاف جنيه فى كاوتش يجيب بيريللى و لا ميشلان و لا غوديير, لكن مش منطقى انى أجيب كاوتش اندونيسى و لا تايوانى و يجيب سلك بعد 20 ألف كيلو أحسنلى أجيب نسر يكمل معايا لحد 50-70 ألف و أستحمل شوية, و لا ايه؟ أنا بحسبها كده. أكيد لو مستعد انى أدفع 4 ألاف فى كاوتش هجيب ماركة عالمية لكن لو عايز كاوتش رخيص, النسر أفضل فى هذه الفئة.

يا فادي زمان كان النسر هو الوحيد الي موجود فعلاً و عشان كده مكنش الواحد عارف الفرق ..يعني مش حتعرف اللون الأسود غير لما تشوف اللون الأبيض وكمان عربيات زمان كانت اغلبها خشنه ومستوي الرفاهية منخفض ولذلك كان الحال من بعضه ....يعني زمان مكنش ممكن تلاقي حد سايق و قافل الزجاج عشان التكييف مكنش منتشر وبالتالي هو كده ولا كده سامع دوشه ومش مميز الدوشه دي من بره و لا من فردة الكاوتش النسر الي عامله صداع
وبعدين ايه الألفات الي انتا بتتكلم عليها دي ؟؟؟ مهو فيه كاوتش الفرده ب220 ولا 250 جنيه يعني الطقم يعمل 1000 جنيه وبيبقي كويس و حنين علي العربية مع ان الي قصاده نسر بيكون بـ 180 لـ 200 جنيه يعني الفرق مش ضخم جداً ومعروف ان العمر الإفتراضي متوسطه 40000 كيلو وده معقول جداً لأنه بيكون مليان لحمات و خوابير وما شابه وبيبقي ضعف جداً ..ولازم يتغير
وخلي بالك لازم يكون فيه نقد للصناعة الوطنيه عشان تتقدم وإلا مش ممكن حنصدر ابداً ..إذا كان العملاء المحليين مش راضيين عن المنتج ده إزاي حنقنع بتوع اوروبا انه يستعملوه ؟؟؟؟
وعلي يدي الجماعه الونسه و السوريين عندهم شركات مملوكه للحكومة بيصنهوا إطارات بتتصدر بره يبقي ليه مننتقدش الصناعة الوطنيه عشان تتحسن و نبقي زيهم ؟؟

[MMamdouh]

طول عمرنا بنركب سيارات مزودة باطارات النسر و محدش اشتكى, و زمان مكنش فيه كاوتش غير النسر, دلوقتى بس اكتشفنا انو كاوتش خشب بيكسر العفشة و بيتزحلق لا و كمان بيقلل سرعة العربية؟!
الى فلوسه كتير و معاه يدفع 3 ألاف جنيه فى كاوتش يجيب بيريللى و لا ميشلان و لا غوديير, لكن مش منطقى انى أجيب كاوتش اندونيسى و لا تايوانى و يجيب سلك بعد 20 ألف كيلو أحسنلى أجيب نسر يكمل معايا لحد 50-70 ألف و أستحمل شوية, و لا ايه؟ أنا بحسبها كده. أكيد لو مستعد انى أدفع 4 ألاف فى كاوتش هجيب ماركة عالمية لكن لو عايز كاوتش رخيص, النسر أفضل فى هذه الفئة.

كاوتش ايه اللى ب 3000 جنية اللى بتحطة فى شاهين؟؟؟ انت بتشتريلها سليكات ولا ايه؟؟؟؟

و بعدين واضح انك اساسا بتتكلم غلط ولا فاهم حاجة عن الكاوتش لان الصح انك تغير الكاوتش كل 40000 كيلو حتى لو شكلة كويس لان الاجهاد بيبقى فى البنية الداخلية و الفردة ممكن تفرقع حتى لو شكلها كويس

انا استعملت كاوتش كومهو و هانكوك و بريللى و GT و كل الفرد دى قعدت لحد ال 40000 و محصلش منها اى مشاكل... مش عشان واحد باعلك فرد تعبانة او متخزنة يبقى الصناعة كلها وحشة... كان لازم تبص على تاريخ الانتاج و تشترى من حد كويس

كلة كوم و" النسر كويس" دة كوم تانى... بجد اول انسان على وجة الارض اشوفة بيشكر فيه... النسر دة من 90 سنة معروف انة ناااااااشف و مبيمسكش فى الارض و عمر ما نقشتة اتغيرت... و الكلام اللى فى سايت كومهو بياكد كلامى

The treadwear-traction trade-off has been a focus in Tire Performance-Enhancement Technology for decades. Tire companies have been trying to reduce the trade-off between treadwear & traction through the development of new rubber, new tread designs, and new tire construction techniques. Basically, a tire will wear-out quickly if it is providing maximum grip to the road. This is due to the tread rubber being torn from the tire (on a microscopic level), while it is adhering to the road surface. An excellent treadwear tire minimizes the amount of rubber being removed at the road surface; thus providing long tread life, but less road gripping traction.

اذا كنت مصر يبقى خلاص ربنا يسعد سعيد بسعيدة بس متجيش تقول كلام غلط وسط ناس بتفهم

MMamdouh

[Hossam_Hassan]

يا اخواننا سيبوه، محدش يرد عليه، هو مش بيتناقش، هو عاوز يناكف و خلاص، بجد كفاية عليه كده و ياريت كلنا مانعلقش على تخيلاته و لا نناقشه فيها حتى لو كتب 100 موضوع من مواضيعة الفنتازيا دى.