ايه رأيك في سواقه السيدات في مصر ؟؟؟

[kimo-nubira]

من كام سنه كده لاحظنا ان فيه بنات وسيدات بتسوق كتير في مصر

منهم اللي بتسوق كويس بس اعتقد انها نسبه قليله جدا ماتعديش ال 5 % ..... !!!

ومنهم اللي ماشيه تخبط في عربيات الناس كأنها شاربه حاجه او بدور علي عربيه تخبطها !!!

ومنهم اللي ماشيه بسرعه 20 كم / س وموقفه الشارع كله ورها علشان خايفه علي عربيتها !!!

ومنهم اللي ماتبصش في مريات اصلا كأنها مش موجوده وتقوم حادفه عليك مره واحده كانك شفاف !!!

ومنهم اللي بتركن في 3 ساعات وفي الاخر تكتشف ان المكان مش علي قد العربيه تقوم واخده عربيتها وماشيه !!!

بصراحه انا كل مابشوف واحده سايقه عربيه ببعد عنها لاني حاسس انها هاتعمل حاجه غلط

هل الاحساس ده عندي لوحدي ولا عند اغلبيه الناس ؟؟

ياريت كل واحد يقولنا رايه !!!!!

[Hossam_Hassan]

يا كيمو بلاش السيرة اللى تحرق الدم دى

[Dr_Mido]

لا عند الناس كلها سيرة تحرق الدم
انا ممكنة اعدى وسط مقطورتين ومعديش بين واحدة ورصيف حتى لو فرق 20 متر
:dتحركاتهم مش مضمونه
ابسط حاجاه حصلت معايا قبل كدة
واحدة مديه اشارة شمال وماشيه اساسا شمال
افتكرت انه الشارع اللى الناحيه التانيه يمين يعنى وجابت الشارع من شماله ليمينه وهى مديه فلاشر شمال برضه
عادى جدا ولا اكنها عملت حاجه

:d:d:dانه بلاء على الطريق

[OlaOsman]

طيب كويس ان السيرة دي اتفتحت عشان عندي كلمتين واقفين في زوري بقالهم فترة و هايحصل لي حاجة لو ما قلتهمش

شوفوا يا جماعة.. واضح ان الآراء اجتمعت على ان سواقة النساء حاجة آخر هبل و أرف و بيعملوا أخطاء كتيرة.. و في اكتر من مرة سمعت فيها من اكتر من حد من أعضاء المنتدى ان بعض الأخطاء دي ناتجة عن حقائق علمية زي مثلا ان رد فعل المرأة بيبقى أبطأ من الرجل و تقدير الأبعاد عن المرأة أقل منه عند الرجل.. يعني لو سلمنا بإن ده حاجة في طبيعة المرأة يبقى كده متهيألي الوضع هايختلف.

نيجي بأه لنقطة تانية هامة جدا و هي اني ما أظنش ان الستات مستمتعين اوي بسواقتهم في القاهرة العامرة.. و لا بتزنيق سواقين الميكروباصات عليهم و لا بضغط الأعصاب في الشوارع و لا زحمتها و لا بنظرة الرجال ليهم من سائقي السيارات على نفس الطريق.. فتعالوا نتفق ان السواقة في مصر حاجة مش ممتعة خالص.. و ده للجميع، ستات و رجالة.. صح؟

حيث كده بأه فياريت نستحمل بعض و بلاش نناطح الصخر، عشان كما تبين ان سواقة الستات بأت حاجة ضرورة و امر واقع المفروض اننا نحاول نتعلم ازاي نتوائم معاه.. ده غير ان كتر الكلام بصورة سلبية عن سواقة الستات و أخطائهم بيدي انطباع عام و حكم مسبق عليهم كلهم بإنهم فاشلين في السواقة و ده بيخلي الناس في الشارع متحفزة ضد اي ست بتسوق و لو حصل خبطة بين عربيتين احداهما قائدة السياة سيدة هتلاقي الناس على طول مغلطاها مع ان فيه احتمال و لو 1% انها ما تكونش هي اللي غلطانة.

تاني بارجوكوا.. بلاش نستمر في نغمة الستات فاشلين في السواقة دي عشان ده مش هايحل حاجة.. ده يمكن يعقد المشكلة اكتر.

[PRO-DRIVE]

المشكله ان كل اللي بيسواقوا بيعملوا كدا في مصر

بس الستات عشان اقليه فبيعتبروهم "فشله"

يعني رأي اغلب الناس ان حل مشكله المرور في عدم قياده النساء ؟؟

ولا حيحل حاجه و برضه بتوع المكروباصات حيزنقوا و الناس حتاخد غرز وووووووو

مش هما المشكله


بس الحل اعتقد في التشديد علي طلوع الرخصه و يكون الاختبار حقيقي

مش اسمع من كل الناس اني لو حروح اعملها بنفسي انسي فكره اني انجح

بدون المعلوم ههههه

[MoToRiZeR]

بعيدا عن الرجالة و الستات ..

نسبة قليلة جدا جدا جدااااااا من اللي بيسوقوا في مصر هما اللي بيسوقوا صح ..

يا جماعة انا اما حد بيدي اشارة قبل ما يكسر بقول و الله ده راجل محترم و لو حد معايا بقوله بص اللي قدامنا ادا اشارة قبل ما يتحرك لأن ده بالنسبة لي حدث جديد و غير مألوف طبعا ! .. ببقي ناقص انزل اخده بالحضن ! مع ان ده المفروض العادي !

فا انا شايف ان السواقة في مصر كلها ضايعة رجالة و ستات .. محدودي الدخل و مبسوطي الدخل .. ملاكي ولا ميكروباص ولا اوتوبيس ولا حتي توك توك .. ابسط قواعد القيادة مش بيطبقوها و هما سايقين !

[emadkamel]

انا شخصيا مابحبش التعميم المطلق فى اى حاجه .... ماقدرش اقول كل الستات او حتى اغلبهم سواقتهم وحشه .... يعنى كل الرجاله اللى راكبين ميكروباصات وتوك توك وموتسيكلات الدليفرى والنقل العام وكتير قوى من الملاكى ... كل دول سواقتهم كويسه؟ هل يعتبروا عينه ممثله لجنس الذكوره وبالتالى الحكمم ان الرجاله مابتعرفش تسوق؟

انا شخصياً مراتى بتسوق والحمدلله سواقتها ممتازه وعاقله وملتزمه بالاشارات وكل حاجه ... ومعتمد عليها تماما فى كل مشاوير البيت وابننا لأنى خارج مصر معظم السنه

انا من رأيى بمنتهى البساطه فى "ناس" بتسوق كويس و"ناس" بتسوق وحش

[fiatmomo]

انا شخصيا مابحبش التعميم المطلق فى اى حاجه .... ماقدرش اقول كل الستات او حتى اغلبهم سواقتهم وحشه .... يعنى كل الرجاله اللى راكبين ميكروباصات وتوك توك وموتسيكلات الدليفرى والنقل العام وكتير قوى من الملاكى ... كل دول سواقتهم كويسه؟ هل يعتبروا عينه ممثله لجنس الذكوره وبالتالى الحكمم ان الرجاله مابتعرفش تسوق؟

انا شخصياً مراتى بتسوق والحمدلله سواقتها ممتازه وعاقله وملتزمه بالاشارات وكل حاجه ... ومعتمد عليها تماما فى كل مشاوير البيت وابننا لأنى خارج مصر معظم السنه

انا من رأيى بمنتهى البساطه فى "ناس" بتسوق كويس و"ناس" بتسوق وحش

كلامك مظبوووووووووط

+100000000000000000


انا فى منظر شوفتة من حوالى 3 سنين او اكتر شوية

كنت واقف مع اصحابى وشوفت بنت شابة راكبية بى ام دبليو 318( الشكل القبل الاخير ) . المهم جت علاشان تركن فانا واصحابة قولنا اية البنت الغبية دية هية مش شايفة ان عربيتها كبيرة والركنه ديقة جدااااااااااااااا ... قولنا حتركنها فى ساعة
وكانت المفاجئه

البنت ركنت العربية بجد فى زمن لا يتعدى ال7 ثوانى ... والله والله لو انا معرف اركنها بالسرعة دية .. الركنة ضيقة جداااااااااااااااااااااا والشارع كمان ضيق والعربية بردة كبيره ومع ذلك ركنت العربية جنب الرصيف طوالى ومخبططتش لا العربية الى وراها ولا الى قدامها ... ونزلت من العربية واحنا مازهولين من الحرفنة الى هية فيها .......
مشهد صعب انساه ؟؟؟؟؟؟؟؟؟ قدام .... ورا ... قدام تانى .... فتحت الباب ونزلت وقفلت ومشيت

[Powert]

سواقة الستات اسواء من ساوقة سواقين المكرباص

انت تقدر تعرف امتى سواق المكروباص هيغدر بيك او على الاقل بتكون شايف ان ده مكروباص

بس الست عمرك ما تعرف هي هتغدر امتى ولا اللي سايقة دي ست ولا راجل

[novocaine]

المصريين مابيعرفوش يسوقوا ستات و رجالة
هتقوللي ليه
هأقولك عشان اللي علموهم برضه مابيعرفوش يسوقوا!

[Noha.M]

بس بأة والنبي عشان انا لسة راجعة من مدينة نصر اهو للمعادى و بجد اتحرق دمي مييييييية مرة في الطريق لحد ما وصلت على الاوتوستراد دة

لا ستاااااااات ولا رجاااااااااالة

هتقلي الست مبتشف المراية لسه حااالاااااااااا واحد بيسوق من غير مرايات اصلا !!! و التانى قفلهم !!!!!!

الست بطيئة و خايفة على عربيتها ..لسة حالا كنت هلبس في راجل ماشي على 10 في طريق النصر و ماشي على الشمال فجأة الباشا دخل u turn و لقيته في وشي و مبيشمشيييش اصلاااا !!!!!! و بجد كنت هلبس لبسة وحشة

الست ماشية تخبط في اللى حوليها لسة حالاااا عربية ميجان قدامى رمت علي الجيتز و يظهر الراجل سرح و جرحله عربيته و مشي..

الست مبتركنش كويس و تقعد 3 ساعات .. و انا طالعة البيت بعد حرقة الدم دى الاقي الراجل اللى عنده مكتب في الارضى عندنا راكن المرسيدس بتاعته نصها جوه و النص التانى بره و سايبهاا و انا اصلا ساكنة على شارع رئيسى

يعني من الاخر كدة لا تعايرني ولا اعايرك الهم طايلنى و طيلك

[sasasony]

الحقيقية ان الكفة موزونة بمعنى
الراجل ميزته : قدرة على تحديد الابعاد واختيلر القرار المناسب في الوقت المناسب
عيبه:الاستهتار والتهور وعدم المسئولية
الست ميزتها :الحذر والتأني
عيبها:عدم قدرة علي تحدتد الابعاد وانها بتضرب لخمة
ومننساش ان في عوامل مؤثرة كتييير بتفرق بين الافراد من الجنسين زي الشخصية والسن والتربية والتعليم وطبعاااا العربية اللي هو بيسوقها

[Hossam.Hamdy]

والله فى ستات بتعمل كوارث بالعربيات و بتكون سايقه و نايمه كده زى ما تكون ماشيه فى شقتها..
فى ستات عشره على عشره حريفه و سواقتهم حلوه جدا بس ده للستات اللى بتسوق من زمان..
البنات الصغيرين و الشابات بيسوقو حلو برضه
المشكله فى الستات اللى بيتعلموها و هما عندهم 40 سنه و 45 سنه..
وبرضه فى رجاله معلش يعنى سواقتهم سيءه جدا جدا جدا زى مايكونو سايقين فى الفضاء و الشارع مفهوش غيره....

[abdelaziz-waleed]

يا جماعة انتو نسيين الهم اللي الناس عايشة فيه
الست بتبقى سايقة وبتفكر هاتطبخ ايه انهاردة والأوطة غليت ولا لأ وهدوم المدرسة بتاعة العيال عاوزة تتغسل هاغسلها امتى ووووووو...................
الراجل بيبقى سايق وبيفكر مراته طالبة منه طلبات اد كدة يجيبها معاه وياترى الطلبات ديه سعرها غلي عن امبارح ولا لسة. طب وفلوس الدروس الخصوصية لازم تدفع قبل اخر الشهر يانهار مش فايت دا النهاردة 27 في الشهر والاقساط لازم تدفع. العربية عاوزة تتصلح. المدير بتاعي في الشغل منكد على اللي خلفوني والشغل اخر قرف ووووووووووووووو................
طبيعي انه يدي اشارة شمال وينساها ويدخل يمين دا لو ادى اشارة اصلاً وطبيعي انه يسرح ويحك اللي جانبه او يلبس في اللي قدامه.

انا متأكد ان اي واحد سواء راجل او ست في خلالسنة هايكون بيعرف يسوق كويس بس المسألة اكبر من مجرد تعلم المشكلة في الحالة اللي الناس عايشة فيها وضيف على كدة كل الكلام اللي اتقال قبل كدة من انعدام الاخلاق والبجاحة وعدم الاعتراف بالخطأ وقانون (البلطجة السواقية في الشوارع المصرية) اللي ممكن يكون عنوان كتاب والصبر اللي مبقاش مجود عند الناس. محدش مستحمل حد من القرف اللي الناس عايشاه.

[kimo-nubira]

يا كيمو بلاش السيرة اللى تحرق الدم دى

فعلا سيره تحرق الدم يا حسام :)

طيب كويس ان السيرة دي اتفتحت عشان عندي كلمتين واقفين في زوري بقالهم فترة و هايحصل لي حاجة لو ما قلتهمش

شوفوا يا جماعة.. واضح ان الآراء اجتمعت على ان سواقة النساء حاجة آخر هبل و أرف و بيعملوا أخطاء كتيرة.. و في اكتر من مرة سمعت فيها من اكتر من حد من أعضاء المنتدى ان بعض الأخطاء دي ناتجة عن حقائق علمية زي مثلا ان رد فعل المرأة بيبقى أبطأ من الرجل و تقدير الأبعاد عن المرأة أقل منه عند الرجل.. يعني لو سلمنا بإن ده حاجة في طبيعة المرأة يبقى كده متهيألي الوضع هايختلف.

نيجي بأه لنقطة تانية هامة جدا و هي اني ما أظنش ان الستات مستمتعين اوي بسواقتهم في القاهرة العامرة.. و لا بتزنيق سواقين الميكروباصات عليهم و لا بضغط الأعصاب في الشوارع و لا زحمتها و لا بنظرة الرجال ليهم من سائقي السيارات على نفس الطريق.. فتعالوا نتفق ان السواقة في مصر حاجة مش ممتعة خالص.. و ده للجميع، ستات و رجالة.. صح؟

حيث كده بأه فياريت نستحمل بعض و بلاش نناطح الصخر، عشان كما تبين ان سواقة الستات بأت حاجة ضرورة و امر واقع المفروض اننا نحاول نتعلم ازاي نتوائم معاه.. ده غير ان كتر الكلام بصورة سلبية عن سواقة الستات و أخطائهم بيدي انطباع عام و حكم مسبق عليهم كلهم بإنهم فاشلين في السواقة و ده بيخلي الناس في الشارع متحفزة ضد اي ست بتسوق و لو حصل خبطة بين عربيتين احداهما قائدة السياة سيدة هتلاقي الناس على طول مغلطاها مع ان فيه احتمال و لو 1% انها ما تكونش هي اللي غلطانة.

تاني بارجوكوا.. بلاش نستمر في نغمة الستات فاشلين في السواقة دي عشان ده مش هايحل حاجة.. ده يمكن يعقد المشكلة اكتر.

عادي ياعلا قولي اللي نفسك تقوليه بس ماتنكريش ان ده بحصل فعلا

لا عند الناس كلها سيرة تحرق الدم
انا ممكنة اعدى وسط مقطورتين ومعديش بين واحدة ورصيف حتى لو فرق 20 متر
:dتحركاتهم مش مضمونه
ابسط حاجاه حصلت معايا قبل كدة
واحدة مديه اشارة شمال وماشيه اساسا شمال
افتكرت انه الشارع اللى الناحيه التانيه يمين يعنى وجابت الشارع من شماله ليمينه وهى مديه فلاشر شمال برضه
عادى جدا ولا اكنها عملت حاجه

:d:d:dانه بلاء على الطريق

ده الطبيعي ياباشا مش حاجه جديده :)

انا شخصيا مابحبش التعميم المطلق فى اى حاجه .... ماقدرش اقول كل الستات او حتى اغلبهم سواقتهم وحشه .... يعنى كل الرجاله اللى راكبين ميكروباصات وتوك توك وموتسيكلات الدليفرى والنقل العام وكتير قوى من الملاكى ... كل دول سواقتهم كويسه؟ هل يعتبروا عينه ممثله لجنس الذكوره وبالتالى الحكمم ان الرجاله مابتعرفش تسوق؟

انا شخصياً مراتى بتسوق والحمدلله سواقتها ممتازه وعاقله وملتزمه بالاشارات وكل حاجه ... ومعتمد عليها تماما فى كل مشاوير البيت وابننا لأنى خارج مصر معظم السنه

انا من رأيى بمنتهى البساطه فى "ناس" بتسوق كويس و"ناس" بتسوق وحش

انا ماقولتش كل البنات وانا معممتش ياباشا انا بقول منهم ؟؟ ومنهم ؟ بس اغلبيتهم بيعملو مصايب :)

المصريين مابيعرفوش يسوقوا ستات و رجالة
هتقوللي ليه
هأقولك عشان اللي علموهم برضه مابيعرفوش يسوقوا!

انت علشان تمشي في مصر بعربيه تبقي انت احسن واحد بتسوق

بس بأة والنبي عشان انا لسة راجعة من مدينة نصر اهو للمعادى و بجد اتحرق دمي مييييييية مرة في الطريق لحد ما وصلت على الاوتوستراد دة

لا ستاااااااات ولا رجاااااااااالة

هتقلي الست مبتشف المراية لسه حااالاااااااااا واحد بيسوق من غير مرايات اصلا !!! و التانى قفلهم !!!!!!

الست بطيئة و خايفة على عربيتها ..لسة حالا كنت هلبس في راجل ماشي على 10 في طريق النصر و ماشي على الشمال فجأة الباشا دخل u turn و لقيته في وشي و مبيشمشيييش اصلاااا !!!!!! و بجد كنت هلبس لبسة وحشة

الست ماشية تخبط في اللى حوليها لسة حالاااا عربية ميجان قدامى رمت علي الجيتز و يظهر الراجل سرح و جرحله عربيته و مشي..

الست مبتركنش كويس و تقعد 3 ساعات .. و انا طالعة البيت بعد حرقة الدم دى الاقي الراجل اللى عنده مكتب في الارضى عندنا راكن المرسيدس بتاعته نصها جوه و النص التانى بره و سايبهاا و انا اصلا ساكنة على شارع رئيسى

يعني من الاخر كدة لا تعايرني ولا اعايرك الهم طايلنى و طيلك

كل ده حصلك في مشوار واحد الله يكون في عونك