ايه رأيك في سواقه السيدات في مصر ؟؟؟

[kimo-nubira]

هناك بيحاربوا علشان الست تقود سيارتها واعتقد انهم عما قريب جدا هتتحل المشكلة دى ، ويصدروا لنا هنا افكار من نوعية (ما رأيك فى قيادة السيدة للسيارة)

************************
تنبيه للعضو بالإلتزام بآداب الحوار
4الإدارة

[kimo-nubira]

يا جماعة السواقة في مصر عموما ضايعة سواء رجالة او ستات
انا شفت رجالة اكبر منى وخبرة كبيرة في السواقة ومع ذلك باحس ان سواقتهم وحشة جدا والعكس صحيح
وكمان في ستات سواقتهم حلوة جدا وهادية وملتزمين مش دلوقتي بس وكمان زمان من فترة طويلة وبرده في منهم بيسوقوا بطريقة مش حلوة
انا في رأيي ان عشان نحكم على سواقتهم لازم نسمح لهم بسواقة الميكروباصات والنقل الصغير وكمان النقل الكبير ونشوف النتيجة ايه (ماتنسوش اتوبيس النقل العام كمان)
على فكرة الموضوع ده لو حصل انا هكون اول واحد موافق عليه (بس هكون هاجرت اي بلد تانية)

رامي (ابو احمد)

وانا كمان ههاجر مع رامي لو حصل الكلام ده :)

[MMamdouh]

محدش فينا اتعلم السواقة... احنا اتعلما ازاى نحرك العربية انما ازاى نسوق وسط طريق و نتعامل مع العربيات و متغيرات الطريق... اكترمن 90% ميعرفش... و انا منهم

الموضوع يغلب عليه السلوكيات و المهارة الشخصية و الفهلوة اكتر من الدراية بقواعد المرور لذلك ظهر عندنا مبداء ناس بتسوق حلو و ناس بتسوق وحش... مش ناس بتسوق صح و ناس بتسوق غلط

الستات مختلفين فى طبيعتهم عن الرجالة فى السلوكيات و قوة الاعصاب وتقدير المسافات و دى حاجة معروفة و بالتالى فى حرب الشوارع اللى بيغلب عليها الفهلوة و الدراع و الى خايف على نفسة يوسع بتلاقى الستات دايما بتخسر... مش لانهم مبيعرفوش يسوقوا لكن لان الظروف اللى بيسوقوا فيها لا تحتمل

اكيد فيه ستات معندهاش فكرة عن السواقة خالص بس برضة فى رجالة كدة ... طبيعة المرور هنا هى اللى بتعمل كدة بالاضافة الى طبيعة الست... محدش فينا بيسوق و كلنا بنالف و نعجن

الحل هو اننا نتعلم السواقة... الحل كل اللى يجدد ترخيصة يمتحن من تانى بس امتحان بجد و االى يسقط بالسلامة يفوت علينا بعد 3 شهور يكون اتعلم... نظرى و عملى و الكل يمتحن... الكل

الترخيص يتجدد كل 5 سنوات مع كشف طبى بجد و اللى يعدى ال65 ميسوقش تانى... و ممكن كمان رفع الحد الادنى للسن من 18 الى 21

احلام وردية

MMamdouh

[PRO-DRIVE]

اديك قولت بيحابرو علشان الست تسوق وهنا الست بتسوق من 100 سنه يعني انت بتكلم
في فكر قديم هما بيحاولو يطبقوه دلوقتي وابقي قابلني لو عرفو يطبقوه يعني انت بلدك اللي مش عاجباك ديه متحضره عنها 100 مره

يا رااااجل انت مسمعتش الملك عبدالله خالص !!!!


مع اني اساسا مش موافق ان الستات تسوق في السعوديه "ليا اسبابي و مش مجالها"

بس كذا مره الملك عبدالله بيصرح و بيقول ان الست في خلاص سنه سنه تقريبا حتسوق

و ليه السعوديه بس !!! عندك كل دول الخليج فيها الستات بتسوق اشمعني ناخد اللي احنا عاوزينه بس

قول الحق كاملا او متقلهوش :)

غير كدا بلاش تفتح موضوع مقارنه بين اي دوله خليجيه و بين مصر في مجال السيارات :) لأن اكيد اكيد مش حتعرف تقاوم

بكرا ان شاء الله حيفتخر المواطن هنا بأمتلاكه سياره خليجيه :)

[kimo-nubira]

غير كدا بلاش تفتح موضوع مقارنه بين اي دوله خليجيه و بين مصر في مجال السيارات :) لأن اكيد اكيد مش حتعرف تقاوم

احنا بنتكلم عن سواقه السيدات يا برو مش العربيات :)

[major_memo]

علي فكرة مش كل الستات والبنات مش بيعرفوا يسوقوا او مش محترفين سواقة انا الصراحة كانت عندي الفكرة دي لحد الاسبوع الي فات وانا راجع من الاسكندرية انا معايا عربية جوليت وراجع طاير الطريق كان فاضي وفجاة لاقيت اسكودا اوكتافيا صروخ من جنبي اتنرفزت وجبتها والاقي ان بنت الي سياقها فسخنت اكثر والصراحة البنت هايلة غرز بطريقة احترافية وثابتة علي الطريق لا بتروح يمين ولا شمال هما قليلين فعلا البنات او الستات الي مش محترفين بس اغلبية الستات بتسوق فعادي
وبعدين في رجالة كتير بيبقوا افظع من الستاتتلاقي واحد مدي اشارة شمال علشان يلف يمين ويلف علي الواسع ببقي هتجنن وخلاص يا جماعة دة بقي امر واقع محدش يقدر يلغية وبكرة افكركم مش هتلاقي راجل سايق غير اقلية دة حتي سواقين التاكسي بقي فيهم ستات خلاص يا جماعة ارضوا بالواقع بقي وسلموا امركم لله

[PRO-DRIVE]

احنا بنتكلم عن سواقه السيدات يا برو مش العربيات :)

يا باشا الموضوع مش اكتر من ان نسبه الستات قليله و اغلبهم بدأوا يسواقوا من سن 30 مثلا او حاجه كدا

عشان كدا رد فعلهم بطيئ و سواقتهم مش ماهره

و دا ميمنعش اني شفت رجاله اسؤأ 100 مره من اي ست ممكن تشوفها بتسوق :)

[شاهين - بنز]

أنا خفت على صحتي وبطلت أسوق بسبب سواقت الحريم إللي حرقت دمي ولو حذكر مواقف منهم مش حيكفيني منه هنا إلى آخر عمري كتابة ولي رجاء واحد إنهم بدل مهما آعدين قدام مرايت البيت بالساعات يعبروا مرايات العربية شوية ويستخدموا إختراع الإشارة عند اللف
طبعا حتى لو راجل ميعرفش يسوق مش مشكله لأنك تقدر تزعقله براحتك لكن الستات بتضر إنك تكتم جواك خصوصا لو سيدة كبيرة ود بيخليك تحس إنك على وشك جلطة قلبية

طبعا في بنات بيعرفوا سيوقوا وبيعملو غرز وكده لكن ماشفتش كده غير 5 بنات في حياتي كلها منهم واحدة كانت بتشد معايا في المحور وجابتني

[bassemali]

بسم الله
مساء الخير ياشباب أنا بس ليا تعليق صغير مسألة سواقة الستات دي مشكله تاريخيه يعني من زمان وإحنا بنشتكي من سواقتهم بس النهارده انا سمعت ناس كتير منكم شكرت في سواقة الستات زمان بقى ماحدش كان بيشكر في سواقتهم خالص يعني بإذن الله في أمل أنهم يتحسنوا
أما بقى بالنسبه للأخ سبعاوي أنا مش معاك خالص في حكاية أن السعوديه هتبقى أحسن مننا في خلال 10 سنين ده في خلال 5 سنين هنبقى برقبتهم إن شاء الله إنتل مش عارف الوضع هنا عامل إزاي منتهى التخلف والجهل اللي ممكن تشوفهم في حياتك .... تصدق وتأمن بالله أنا طول عمري أسمع عن الغباء ...أول مره شوفته لما جيت البلد دي
وحكاية سواقة الستات هنا دي الستات هيا اللي بتطالب بيها عشان يبقوا براحتهم ويعرفوا يعملوا مابدالهم
وينحرفوا أكتر من كده ياراجل ده أنا بشوف منهم العجب هنا وكمان عايزين يسوقوا عربيات ويخرجوا ويدخلوا على كيفهم عشان تبقى كملت أنا رأيي أنك ماتقارنش السعوديه بمصر من أي ناحيه لأني كل يوم بيعدي عليا هنا بقول ( والله عمار يامصر)

[emadkamel]

بسم الله
مساء الخير ياشباب أنا بس ليا تعليق صغير مسألة سواقة الستات دي مشكله تاريخيه يعني من زمان وإحنا بنشتكي من سواقتهم بس النهارده انا سمعت ناس كتير منكم شكرت في سواقة الستات زمان بقى ماحدش كان بيشكر في سواقتهم خالص يعني بإذن الله في أمل أنهم يتحسنوا
أما بقى بالنسبه للأخ سبعاوي أنا مش معاك خالص في حكاية أن السعوديه هتبقى أحسن مننا في خلال 10 سنين ده في خلال 5 سنين هنبقى برقبتهم إن شاء الله إنتل مش عارف الوضع هنا عامل إزاي منتهى التخلف والجهل اللي ممكن تشوفهم في حياتك .... تصدق وتأمن بالله أنا طول عمري أسمع عن الغباء ...أول مره شوفته لما جيت البلد دي
وحكاية سواقة الستات هنا دي الستات هيا اللي بتطالب بيها عشان يبقوا براحتهم ويعرفوا يعملوا مابدالهم
وينحرفوا أكتر من كده ياراجل ده أنا بشوف منهم العجب هنا وكمان عايزين يسوقوا عربيات ويخرجوا ويدخلوا على كيفهم عشان تبقى كملت أنا رأيي أنك ماتقارنش السعوديه بمصر من أي ناحيه لأني كل يوم بيعدي عليا هنا بقول ( والله عمار يامصر)

يا عم امال لو جيت السودان هاتعمل ايه .... انا صدقنى خايف احكى لحسن حد من الاخوه يتشل او السكر يعلى عليه!!!

[sab3aawy]

***********

انا كنت بناقش فكرة وبعلن رفضى لها وحصرت كل كلامى على الفكرة ولم اتعرض لشخصك نهائيا، لكن ياريت تراجع ردك وتراجع كلمات مثل (*********) وكلام مثل (*********)
كدة حضرتك من الآخر بتجرح فيا وبتشتمنى، يبقى لحد هنا الكلام خلص يا استاذى وانا اسف انى اتدخلت فى موضوعك اصلا، لأن انا لى حدود فى الكلام مقدرش اتخطاها وارفض ان اكون طرفا فى التراشق بالشتائم والإهانات

[abdelaziz-waleed]

استاذ سبعاوي
انا طبعاً ماعرفشي حضرتك معرفة شخصية واتمنى انه يجي يوم واتشرف بمعرفتك لأني فعلاً بحب جداً اقرأ مشاركاتك وخاصة انك بتساعد ناس كتير لوجه الله وانا واحد منهم وقفت معايا في مشكلة سيارتي وده انا بعتبره جميل عليا من قبل ما تعرفني واكيد انقذت ناس كتير كانو هايضحك عليهم من الميكانيكية.

ولكن انا ليا عتاب عليك شوية ان احياناً بيكون رفض السؤال او الاعتراض عليه فيهقسوة او احراج لصاحب الموضوع وده يمكن حصل معايا في الاستطلاع الاخير (هل توافق ان اختك او زوجتك تسوق في شوارع القاهرة). يمكن وانا بقرأ مشاركتك حسيت بإحراج وخضرتك بتقول انك معترض على منطق السؤال على الرغم من الاستطلاع ده كان مهم جداً بالنسبة لي في قرارات هاتخذها في حياتي والاستطلاع صوت عليه 96 عضو وكان فيه 56 مشاركة و 948 مشاهدة. ممكن يكون السؤال في نظرك ليس له اي معنى ولا داعي ولا اهمية ولكن لصاحبه ممكن يكون مهم جداً. وانا بعتبرك اخ ليا والاختلاف في الرأي لا يفسد للود قضيةفأنا اتمنى ان صدرك يكون اكثر رحابة للاسئلة مهماً كانت واحنا كلنا اخوة في المنتدى وإن شاء الله نكون مجتمعين ومتفرقين على حب الله.

[sab3aawy]

استاذ سبعاوي
انا طبعاً ماعرفشي حضرتك معرفة شخصية واتمنى انه يجي يوم واتشرف بمعرفتك لأني فعلاً بحب جداً اقرأ مشاركاتك وخاصة انك بتساعد ناس كتير لوجه الله وانا واحد منهم وقفت معايا في مشكلة سيارتي وده انا بعتبره جميل عليا من قبل ما تعرفني واكيد انقذت ناس كتير كانو هايضحك عليهم من الميكانيكية.

ولكن انا ليا عتاب عليك شوية ان احياناً بيكون رفض السؤال او الاعتراض عليه فيهقسوة او احراج لصاحب الموضوع وده يمكن حصل معايا في الاستطلاع الاخير (هل توافق ان اختك او زوجتك تسوق في شوارع القاهرة). يمكن وانا بقرأ مشاركتك حسيت بإحراج وخضرتك بتقول انك معترض على منطق السؤال على الرغم من الاستطلاع ده كان مهم جداً بالنسبة لي في قرارات هاتخذها في حياتي والاستطلاع صوت عليه 96 عضو وكان فيه 56 مشاركة و 948 مشاهدة. ممكن يكون السؤال في نظرك ليس له اي معنى ولا داعي ولا اهمية ولكن لصاحبه ممكن يكون مهم جداً. وانا بعتبرك اخ ليا والاختلاف في الرأي لا يفسد للود قضيةفأنا اتمنى ان صدرك يكون اكثر رحابة للاسئلة مهماً كانت واحنا كلنا اخوة في المنتدى وإن شاء الله نكون مجتمعين ومتفرقين على حب الله.

انا طبعا والله العظيم لا اقصد انى احرج حد نهائيا، بس ايه المشكلة انى اقول انى معترض على منطق السؤال، رأييى فى الأول وفى الآخر قد يصيب وقد يخطئ، يعنى انا ممكن اقول انى معترض على منطق السؤال وحضرتك او اى حد من الأعضاء الأفاضل يراجعنى ويقول ان السوال منطقى جدا وانا اللى مش شايف الموضوع صح، وبعدين هو فى النهاية انت وجهت سؤالك ، حوالى 80 فى المية من اللى ردوا عليه ايدوك فى وجهة نظرك، و19% شافوا ان وجهة نظرك مش سليمة وواحد اسمه سبعاوى شاف ان السؤال مش منطقى اصلا وفيه واحد تانى ايده فى كلامه وفيه خمسة ردوا على سبعاوى وقالوا انه ليس على حق، يعنى فى النهاية معظم الناس بتؤيدك فى وجهة نظرك ورأى سبعاوى لا قدم ولا آخر، لكنى مجرد سجلت رأييى فى اطار انتقادى لفكرتك واحترامى لشخصك وخضرتك لك مطلق الحرية فى انك برضه تنتقد رأييى فى اطال الإحترام المتبادل

لكن الرد اللى حصل من العضو الكريم صاحب الموضوع ده كان مختلف وخرج عن اطار مناقشة الفكرة وتطور الى شئ انا لايمكنى الإستمرار فى مناقشته ...........فبالتالى كان لازم وقفة

لكن بالنسبة لحضرتك فأنا-وحتى مع اختلافى مع وجهة نظرك- لكن لك منى كل التقدير لأسلوبك القيم فى احوار، وفى النهاية رأييى مجرد رأي لا هيودو وولا هيجيب

[OlaOsman]

ان شاء الله يا جماعة ربنا ما يجيب زعل و لا خلاف.. مع حق كل منما في "الاختلاف" مع الآخر و حق كل واحد على التاني بتقبل الاختلاف ده.. عمر ما هتلاقي موضوع مشارك فيه خمسين عضو منهم حتى 10 متطابقين في الآراء.

اما عن أخونا سبعاوي فمن ملاحظتي لمشاركاته الفترة الماضية لاحظت ان آرائه في الأمور مختلفة الى حد كبير عن غيره من المشاركين في المنتدى، يمكن عشان كده بيتعرض لهجوم اكتر.. طبعا ما انكرش اني بتعجبني طريقة تفكيره المختلفة، انما يمكن غيري مش بيتقبل ده.. بس لازم يا جماعة نوجد مساحة مشتركة بينا و بين المختلفين معانا في الرأي.. لإنه مهما حصل فهو رأي.. لا أعاقب و لا أجرم على رأي قلته - طالما لا يتعارض مع ثوابت الدين.

[Ibtal]

Woman driver

I have lived in north america and in europe for long time.
People every where are critical about the way women are driving and same comments you hear about them any where either in egypt or else where.