ايه رأيك في سواقه السيدات في مصر ؟؟؟

[OlaOsman]

عادي ياعلا قولي اللي نفسك تقوليه بس ماتنكريش ان ده بحصل فعلا

انا ما بانكرش انه بيحصل.. و مين يقدر ينكر؟ و عشان بيحصل و هايحصل فمتهيألي ندور لهم على حل.. و لو ما قدرناش او الحل مش في إيدنا، يبقى نتوائم مع الوضع القائم زي بالظبط ما بنتوائم مع زحمة الطرق و خلاص قربنا نتعود عليها.

و أظن انت لاحظت من ردود الناس في موضوعك ان الأخطاء بتحصل من الجنسين، و يمكن من الرجالة اكتر عشان همه لا يزالوا الأغلبية و عشان همه سواقين الميكروباصات و التاكسيات و اللوريات و التريللات، و زي ما قتل لك، مافيش حد مبسوط من السواقة في مصر، و كل ست بتسوق تتمنى ان جوزها يجيب لها سواق يوديها المشاوير بتاعتها - و اللي معظمها بيكون للبيت و الأولاد. انما امكانيات الرجالة المادية ما تسمحش بإنهم يجيبوا سواق لزوجاتهم و للأسف همه برضه الرجالة اللي مش مستحملين سواقة الست في الشوارع. يا ريت حد يحل لنا المعضلة دي بدل الشكوى المستمرة من سواقة الستات من غير محاولة إيجاد حل.

[kimo-nubira]

انا ما بانكرش انه بيحصل.. و مين يقدر ينكر؟ و عشان بيحصل و هايحصل فمتهيألي ندور لهم على حل.. و لو ما قدرناش او الحل مش في إيدنا، يبقى نتوائم مع الوضع القائم زي بالظبط ما بنتوائم مع زحمة الطرق و خلاص قربنا نتعود عليها.

و أظن انت لاحظت من ردود الناس في موضوعك ان الأخطاء بتحصل من الجنسين، و يمكن من الرجالة اكتر عشان همه لا يزالوا الأغلبية و عشان همه سواقين الميكروباصات و التاكسيات و اللوريات و التريللات، و زي ما قتل لك، مافيش حد مبسوط من السواقة في مصر، و كل ست بتسوق تتمنى ان جوزها يجيب لها سواق يوديها المشاوير بتاعتها - و اللي معظمها بيكون للبيت و الأولاد. انما امكانيات الرجالة المادية ما تسمحش بإنهم يجيبوا سواق لزوجاتهم و للأسف همه برضه الرجالة اللي مش مستحملين سواقة الست في الشوارع. يا ريت حد يحل لنا المعضلة دي بدل الشكوى المستمرة من سواقة الستات من غير محاولة إيجاد حل.

والله يا علا فعلا الاخطاء بتحصل من الجنسين انا معاكي في ديه بس نسبه الخطأ اكبر من عند البنات والستات
وانا عندي الحل ان الستات تقعد في بيتها وماتسوقش وتسيب السواقه للرجاله يخبطو في بعض :)

[OlaOsman]

بلاش حد يجيب لمراته سواق لعربيتها.. البديل هنا هو المواصلات العامة او التكاسي طبعا مش هانتكلم عن البهدلة اللي بتحصل فيها.. و المتسبب فيها برضه بعض الرجالة بقلة أدبهم و تحرشاتهم و استقواهم على الستات في دفع الأجرة و الى آخره.. فتلاقي ان الرجالة همه اللي اضطروا الستات يسوقوا في الشوارع و برضه الرجالة همه اللي جايين يشتكوا.

طبعا انا مش باقول ان كل راجل ملزم انه يجيب لمراته سواق.. بس طالما جابت عربية و بتسوق.. يبقى نستحمل بعض.. و كلنا في مركب واحدة اصلا.

[kimo-nubira]

بلاش حد يجيب لمراته سواق لعربيتها.. البديل هنا هو المواصلات العامة او التكاسي طبعا مش هانتكلم عن البهدلة اللي بتحصل فيها.. و المتسبب فيها برضه بعض الرجالة بقلة أدبهم و تحرشاتهم و استقواهم على الستات في دفع الأجرة و الى آخره.. فتلاقي ان الرجالة همه اللي اضطروا الستات يسوقوا في الشوارع و برضه الرجالة همه اللي جايين يشتكوا.

طبعا انا مش باقول ان كل راجل ملزم انه يجيب لمراته سواق.. بس طالما جابت عربية و بتسوق.. يبقى نستحمل بعض.. و كلنا في مركب واحدة اصلا.

فعلا ده بيحصل يا علا وفعلا ماينفعش ان الستات ماتسوقش بس علي الاقل تبقي سوقاتهم مظبوطه والله ممكن يتعملو من اول وجديد :)

[OlaOsman]

والله يا علا فعلا الاخطاء بتحصل من الجنسين انا معاكي في ديه بس نسبه الخطأ اكبر من عند البنات والستات
وانا عندي الحل ان الستات تقعد في بيتها وماتسوقش وتسيب السواقه للرجاله يخبطو في بعض :)

آخخخخخخخخخخ.. حطيت إيدك ع الجرح يا كريم

طيب الرد ده شكله هايكون طويل، فهارد ان شاء الله لما بالليل لما ارجع من الشغل، بس يا ريت نتناول الموضوع ده بواقعية شوية و نفتكر اننا عايشين في مصر، مش في دول خليجية مرفهة الست فيها مش بتشوف الشارع إلا مع زوجها

هاف آ نايس داي :)

[kimo-nubira]

آخخخخخخخخخخ.. حطيت إيدك ع الجرح يا كريم

طيب الرد ده شكله هايكون طويل، فهارد ان شاء الله لما بالليل لما ارجع من الشغل، بس يا ريت نتناول الموضوع ده بواقعية شوية و نفتكر اننا عايشين في مصر، مش في دول خليجية مرفهة الست فيها مش بتشوف الشارع إلا مع زوجها

هاف آ نايس داي :)

تو يو تو

إن شاء الله وانا كمان هانزل اروح الشغل بس بجد لازم نشوف حل وخالي بالك وانتي رايحه الشغل وافتحي مرايتك وماتحدفيش علي حد :)

[sab3aawy]

طب انا عندى فكرة تانية:

ايه رأيكم نعمل استطلاع رأى عن سواقة الصلع؟ هل هى كويسة وللا لأ

واستطلاع رأى تانى عن سواقة السمر

واستطلاع رأى تالت عن سواقة الجماعة الشول (مستعملى اليد اليسرى)

انا مش فاهم بصراحة ايه اللى يخلى سواقة الستات حاجة مميزة بذاتها علشان خاطر نعمل استطلاع رأى بشأنها، هو واضح ان بقى فيه نغمة كدة ماشية فى البلد عايزنا نرجع مليون سنة لورا ونمنع نص المجمتع من التمتع بالحقوق التى يتمتع بها النص التانى ونبقى زى بعض الدول المجاورة التى تجاهد حاليا للتخلص من تخلفها الحضارى وتصديره لنا

الستات زيهم زى الرجالة ، فيهم اللى بتسوق كويس جدا وفيهم اللى بتسوق وحش جدا، فيهم الهجومية وفيهم الدفاعية، فيهم اللى عارفة حدود عربيتها وفيهم اللى مش عارفها، والحال هو هو بالنسبة للرجالة، كل الفارق ان كل محترفى القيادة اللى فى الشارع (محترف بمعنى بياكل عيش من وراها مش بمعنى متمكن) مثل سائقى الشركات والسياحة والتاكسى والميكروباص والنقل رجالة، فى حين ان قيادة السيدات للسيارة تقتصر على الملاكى بس وتقريبا نسبه 99.99999999999999999% من الستات اللى فى الشارع سايقين ملاكى، وانا متاكد ان لو الشارع اقتصر على الملاكى بس هتلاقى نسبة الرجالة اللى بتلوش زى نسبة الستات اللى بتلوش، خصوصا لو جنبنا عامل ان ستات كتير جدا بيسوقوا سواقة دفاعية بسبب سفالة كثير من الرجال اللى بيتصرفوا تصرفات غير محترمة لما يشوفوا عربية سايقاها ست

لو الرجالة بطلوا سفالة هنلاقى سواقة الستات زى سواقة الرجالة بتوع الملاكى بالظبط ، لكن احنا بنتصرف تصرفات غير محترمة فى حق اخواتنا من الفتيات والسيدات ليس فى القيادة فحسب ولكن فى كل مناحى الحياه وبعدين نرجع نتهمهم بانهم دفاعيين وردود افعالهم غير مناسبة، طب ما من الأول نتعلم احنا نكون اكثر تحضرا

[tutankhamoun]

الستات ما بتعرفش تسوق ... سؤال جيد ؟
و ما هي إجابته
إجابته أن المصريين مبيعرفوش يسوقوا
بس دي الإجابة
ستات ...... رجالة .......... الكل زي بعضه
هو علشان واحد عاملي فيها مايكل شوماخر و عمال يعمل غرز و قلة أدب يبقى بيعرف يسوق !!!!!!!!!!!
وواحد تاني طاير بالعربية و بعدين بسبب السرعة يطير من كوبري أكتوبر على ميدان عبد المنعم رياض .. يبقى بيعرف يسوق ؟
أغلبية الحوادث من الرجال و ليس النساء
الرجالة عاملة فيها مايكل شوماخر و سواقتهم كلها تهور و قلة أدب و الستات سواقتهم زفت ..
و تحيا جمهورية العك العربية

[kimo-nubira]

طب انا عندى فكرة تانية:

انا مش فاهم بصراحة ايه اللى يخلى سواقة الستات حاجة مميزة بذاتها علشان خاطر نعمل استطلاع رأى بشأنها، هو واضح ان بقى فيه نغمة كدة ماشية فى البلد عايزنا نرجع مليون سنة لورا ونمنع نص المجمتع من التمتع بالحقوق التى يتمتع بها النص التانى ونبقى زى بعض الدول المجاورة التى تجاهد حاليا للتخلص من تخلفها الحضارى وتصديره لنا

انا اللي هارجع البلد مليون سنه لوراااا ؟؟؟ علشان باخد راي الناس في سواقه الستات ؟؟

والله انا عايز اقولك حاجه البلد كده كده راجعه لوحدها مش عايزك تقللق من الحته ديه :)

بعدين محدش منعهم ان هما يسوقو ويخبطو فين التخلف الحضاري بقي اللي حضرتك بتكلم عليه

امال لو احنا زي السعوديه اللي منعنهم يطلعو رخص لحد دلوقتي كنت قولت علينا ايه

انت حسستني اني اجرمت في حق الامه العربيه :)

انا عايزك تهدي بس وتاخد الموضوع ببساطه اكتر من كده

[kimo-nubira]

الستات ما بتعرفش تسوق ... سؤال جيد ؟
و ما هي إجابته
إجابته أن المصريين مبيعرفوش يسوقوا
بس دي الإجابة
ستات ...... رجالة .......... الكل زي بعضه
هو علشان واحد عاملي فيها مايكل شوماخر و عمال يعمل غرز و قلة أدب يبقى بيعرف يسوق !!!!!!!!!!!
وواحد تاني طاير بالعربية و بعدين بسبب السرعة يطير من كوبري أكتوبر على ميدان عبد المنعم رياض .. يبقى بيعرف يسوق ؟
أغلبية الحوادث من الرجال و ليس النساء
الرجالة عاملة فيها مايكل شوماخر و سواقتهم كلها تهور و قلة أدب و الستات سواقتهم زفت ..
و تحيا جمهورية العك العربية

لو التزمنا وكل اللي عامل فيها شوماخر زي ما انت بتقول يلتزم حالنا فعلا هايتعدل بس اللي انت بتكلم عليهم دول اغلبيتهم اطفال :)

[kimo-nubira]

المصريين مابيعرفوش يسوقوا ستات و رجالة
هتقوللي ليه
هأقولك عشان اللي علموهم برضه مابيعرفوش يسوقوا!

انت عايز تقووووول ايه :) ههههههههههههه :)

[Karim_Monir]

امبارح نزلت روحت مشوار مع بنت خالتي بالنوبيرا بتاعتها وبامناسبة عيا معايا في العمل
ركبت جنبها ولا كان في حاجة ولا علقت على سواقتها بكلمة واحدة
انا بس نزلتها وجربت العربية لاني كنت سامع شخللة جاية من الجنب اليمين ونعرة في الشكمان
ونزلتها وسوقت مسافة كيلو عشان احدد بس ورجعتها تسوق تاني
وكنت مستمتع جدا اني مانتخ وبتفرج على الطريق من منظور اني مش ساق وسواقتها في منتهى الاحتراف
ما ينفعش فعلا التعميم لان فيهم سواقتهم محترفة جدا

[kimo-nubira]

امبارح نزلت روحت مشوار مع بنت خالتي بالنوبيرا بتاعتها وبامناسبة عيا معايا في العمل
ركبت جنبها ولا كان في حاجة ولا علقت على سواقتها بكلمة واحدة
انا بس نزلتها وجربت العربية لاني كنت سامع شخللة جاية من الجنب اليمين ونعرة في الشكمان
ونزلتها وسوقت مسافة كيلو عشان احدد بس ورجعتها تسوق تاني
وكنت مستمتع جدا اني مانتخ وبتفرج على الطريق من منظور اني مش ساق وسواقتها في منتهى الاحتراف
ما ينفعش فعلا التعميم لان فيهم سواقتهم محترفة جدا

كريم باشا كلامك جميل وانا مش بعمم انا بقول منهم ومنهم بس الاغلبيه بطلتش :)

[sab3aawy]

امال لو احنا زي السعوديه اللي منعنهم يطلعو رخص لحد دلوقتي كنت قولت علينا ايه

السعودية اللى انت بتتكلم عليها دى اتفرج عليها بعد عشرة سنوات، انا متوقع انه هتكون تموذج حضارى يحتذى لأنهم ماشيين فى طريق انا بحسدهم عليه، واحدة واحد بتخلصوا من كل الخردة الفكرية اللى عندهم ويصدروهالنا تحت مسميات مختلفة ، هم هناك بيحاربوا علشان الست تقود سيارتها واعتقد انهم عما قريب جدا هتتحل المشكلة دى ، ويصدروا لنا هنا افكار من نوعية (ما رأيك فى قيادة السيدة للسيارة) ، هم هناك يحاربوا علشان حقوق الست البرلمانية ويصدرولنا هنا افكار من نوعية (هى الستات بتشتغل ليه ومش بتقعد فى بيتها ) ، والأمثلة لا تحصر والسيدات ليست هى المحور الوحيد لكل مظاهر المرحلة اللى هم تخطوها وعايزين بيتخلصوا منها ويصدروهالنا

انا متوقع انه-طول ما احنا فى حالة هرولة فى طريق التخلف وهم فى حالة عدو فى طريق التحضر- ان بعد عشرة سنوات ان السعودية ستكون القائد الحقيقى للمنطقة واحنا هنعيش فى الخيام المادية والمعنوية اللى هيصدروهالنا بعد ما استغنوا عنها

[ramyfawzy]

يا جماعة السواقة في مصر عموما ضايعة سواء رجالة او ستات
انا شفت رجالة اكبر منى وخبرة كبيرة في السواقة ومع ذلك باحس ان سواقتهم وحشة جدا والعكس صحيح
وكمان في ستات سواقتهم حلوة جدا وهادية وملتزمين مش دلوقتي بس وكمان زمان من فترة طويلة وبرده في منهم بيسوقوا بطريقة مش حلوة
انا في رأيي ان عشان نحكم على سواقتهم لازم نسمح لهم بسواقة الميكروباصات والنقل الصغير وكمان النقل الكبير ونشوف النتيجة ايه (ماتنسوش اتوبيس النقل العام كمان)
على فكرة الموضوع ده لو حصل انا هكون اول واحد موافق عليه (بس هكون هاجرت اي بلد تانية)

رامي (ابو احمد)