ازاي تعدي الطريق في انجلترا

[Abo_Lina]

و الأغرب من كده الناس هناك يقولوا لك صباح الخير
حتى لو ما يعرفوكش !
ناس عجيبة قوي !!

[Ahmed Hassan]

معظم الدول سابقة الاحتلال البريطاني كده

ريطانيا و استراليا و قبرص و اعتقد اليابان أو ماليزيا كده بس مش متأكد

و سنغافوره و الهند و تايلاند

[E30power]

و سنغافوره و الهند و تايلاند

وفى المشمش عندنا

[tutankhamoun]

فكرتوني بالأيام الحلوة في أنجلترا ....

[د.محمود صلاح]

عندنا في عمان كده .. لو حبيت أعدي ألاقي العربيات وقفت وشغلت الاستوب

[x512]

الموضوع ثقافه شعب اتعلم الاحترام و النظام اكثر من انو قوانين...لان في قوانين كتيير موجوده عندنا بس للاسف القائمين علي تنفيذها لا يحترمونها و بالتالي الناس العاديه مبتحترمهاش

[shaddadfalcon1]

في كندا الناس كانت بتصعب عليا
كنت بحس اني لو فكرت بس اعدي الشارع الاقي الشارع كله وقفله وابقي في نص هدومي والناس بتبتسم وتشاورلي عشان اعدي
وكان الزرار ده موجود فعلا عشان يسرع قفل الأشاره عشان المشاه

وكان لما يبقي عربيه ماشيه في شارع فرعي وفي شوراع تانيه متفرعه منه كان عند كل تفريعه يقف ويبص وبعدين يمشي مش زينا يعدو الأتنين ويبلسو في بعض وده يقول انت اللي غلطان والتاني يقول لا انت اللي غلطان

[horas3000]

مش عارف اقول ايه
ابسط حقوق البشر بتعامل كانها عجبة من عجائب الزمن
طب ايه رايكم انا لما بقف لحد في مصر عشان اعديه زي ما انا متعود بحكم عيشتي براها الاقي اللي واقف بيبرقلي و مش عارف يعمل ايه و يبصلي بصة كانه متوقع اني استناه لغاية ميبقي في نص العربية عشان ادوسه

[tutankhamoun]

الموضوع ثقافه شعب اتعلم الاحترام و النظام اكثر من انو قوانين...لان في قوانين كتيير موجوده عندنا بس للاسف القائمين علي تنفيذها لا يحترمونها و بالتالي الناس العاديه مبتحترمهاش

و حياتك حتى لو الي قصدك عليهم أحترموها ....... الشعب مش هايحترمها إلا بالكرباج

[mhkash]

ده قصه حصلت مع اخي اليوم و هو عاوز يعدي الشارع في انجلترا مشي :)

النهارده و هو راجع فى طريق سريع قبل السكن ولازم يعديه فوقف مستنى فرصة يعدى
و مش عارف المهم فجأه عريبه راحت وقفت لوحدها هو استغرب و معداش فضل واقف

المهم الراجل الي كان سايق العربيه اما شافه لسه واقف شورله من الشباك يعدي قاله لا عادي عدي انت الاول

و في نفس الوقت العربيات من الاتجاه التاني برضه لقاها وقفت

ولقي صف واقف يمين وشمال
فتكسف منهم وراح معدى :) :)
فيبقول
" الناس دى هتبوظنى معنداش كدا فى مصر"

المشكله ان الحتة دى معملوش فيها اشاره
و نظام الشوارع عندهم ان عشان الناس تعرف تعدى من حتة معينة بيعمل ممر للمشاه
وفى اشاره مرور بزرار تضغط عليه عشان يوقف العربيات وتعرف تعدى و شكرااااا

شوفت الكلام ده من زمان جدا فى لندن وغير لندن كمان - وده احد اسباب حسرتي ونكدى وضيقي وهمي

[venomixus]

أنا شفت الزراير بتاعت المشاة دي في لندن بس عيبها انها مش كلها شغالة في منها بايظ وكمان مش بتوقف العربيات على طول بتاخد وقت لغاية ما تشغل الاشارة فهي مش عملية وناس كتير بتعدي بالطريقة التقليدية المصرية :) أنا شخصياً شايف ان في الطرق السريعه الحل هو كباري المشاهوفي الشوارع العادية الاشارات تكفي بس ده لو كل الناس التزمت بيها ووقفوا قبل خط المشاه !

[Frozen_Pain]

انا شوفت الزراير دى فى ايطاليا

وبرضه احنا كمصريين بنعدى من غير اى زراير وسايبنها على الله

وانا فى تونس كنا رايحين مدينة من اجمل مدن الارض اسمها قربص المهم فى اشارة على طريق سريع للى جاى من شارع متفرع مكتوب عليها stop ومفيش اى حد واقف لا عسكرى ولا كاميرات ولا اى بنى ادم المهم السواق وقف حوالى 10 ثوانى واتحرك ايه ياعم وقفت ليه قالى طالما العلامة دى موجودة لازم اقف لمدة 10 ثوانى وبعدها اتحرك قولت فى نفسى يا سلام ده العلامات دى مفيش اكتر منها فى مصر

[zrzr1]

انا كان في واحد هندي قاعد يشتغلني بالزرار دا في البحرين لحد ماكنت هنزل اضربه كل شويه يدوس عليه وميعديش الاشاره تفتح يقوم دايس عليه تاني وبرضه ميعديش لحد ما الناس زعقتله جامد اوي قام ماشي عالطول ومعداش برضه كان واخدها لعبه البيه
والله النظام حلو واحترام الاخر شئ احلى بكتير امتى نشوف النضافه دي هنا

ههههههههههههههه
طب كويس ان ثقافه الزراير دي مش هنا
بس حضرتك لو مشيت تبقي مخالفه؟؟؟؟

[zanativich]

الكلام دا هناك عندها
نحن نختلف عن الاخرون

[mhmdalsaadany]

ههههههههههههههه
طب كويس ان ثقافه الزراير دي مش هنا
بس حضرتك لو مشيت تبقي مخالفه؟؟؟؟

طبعا مخالفه وممكن حبس يوم لحد 3 ايام كمان
انا مره في السعوديه كنا بنلف في الاشاره يو ترن وفي ناس ماشيه عالطول يعني الاشاره ممكن تلف وترجع وممكن تمشي عالطول المهم قدامي راجل كبير عقبال ما لف الدركسيون واتمطع شويه وداس بنزين كانت الاشاره اللي انا مش شايفها عشان بقت جنبي بالظبط وانا واقف وراه كانت قفلت والمهم لفيت ومفيش 200 متر لاقيت الشرطه موقفاني وعايزين مخالفه واحتمال حبس لولا كان معايا واحد مهم جدا في قلم المرور بالصدفه كنت اتحبست وعلى فكره هو مش طلعني كوسه دا بس شرح الموقف والناس احترمته وصدقته وإلا كان زماني في التوقيف علي رائيهم