ازاي تعدي الطريق في انجلترا

[تامر.محمد]

واحد صاحبي عايش في قطر
لما رجع
بيقول لي انا واخد لما الاقي واحدة عايزة تعدي الشارع باقف لها
هنا اعمل كده الاقي كل اللي ورايا مسكوا في خناقي


هنا الناس اللي بتعلم السواقة بيقولوا للي بيعلموه
لما تلاقي حد واقف عايز يعدي الشارع دوس بنزين اكتر
هنا لما تبقى ماشي و حارتك تقفل و عايز تنقل الحارة الشمال و اللي فيها وراك و ماشي أبطأ منك
لو كسرت على طول خلاص و بتعدي
لو اديت اشارة قبل ما تكسر , البيه اول ما بيشوفها بتجي له الجنونة و يدوس بنزين و يشد على طول مع انه اصلا ماشي على مهله

الغلط بيجيب غلط
و بتبقى في الآخر كورة تلج اسمها الغلط عمالة تكبر و تكبر لحد ما يبقى الوضع اللي احنا شايفينه ده

[Frozen_Pain]

واحد صاحبي عايش في قطر
لما رجع
بيقول لي انا واخد لما الاقي واحدة عايزة تعدي الشارع باقف لها
هنا اعمل كده الاقي كل اللي ورايا مسكوا في خناقي


هنا الناس اللي بتعلم السواقة بيقولوا للي بيعلموه
لما تلاقي حد واقف عايز يعدي الشارع دوس بنزين اكتر
هنا لما تبقى ماشي و حارتك تقفل و عايز تنقل الحارة الشمال و اللي فيها وراك و ماشي أبطأ منك
لو كسرت على طول خلاص و بتعدي
لو اديت اشارة قبل ما تكسر , البيه اول ما بيشوفها بتجي له الجنونة و يدوس بنزين و يشد على طول مع انه اصلا ماشي على مهله

الغلط بيجيب غلط
و بتبقى في الآخر كورة تلج اسمها الغلط عمالة تكبر و تكبر لحد ما يبقى الوضع اللي احنا شايفينه ده

انا بعمل زى صاحبك ده على فكرة لما بشوف ست او بنت مش عارفة تعدى لازم اقف واخليها تعدى والله مرة كنت فى شارع البطل أحمد عبدالعزيز وواحدة واقفة مش عارفة تعدى على الرغم من انى وقفتلها نزلت من العربية عديتها وكن راكن العربية فى الشمال فعلا يا جماعة الموضوع صعب انك تعدى الشارع

واحد صاحبى بيقولى يا محمود الناس بتستنى اليوم اللى انت تنزل فيه الهرم علشان ينزلوا من بيوتهم ويعرفوا يعدوا الشارع

[calipha3]

واحد صاحبى بيقولى يا محمود الناس بتستنى اليوم اللى انت تنزل فيه الهرم علشان ينزلوا من بيوتهم ويعرفوا يعدوا الشارع

ربنا يخليك للشعب المصري يا استاذ محمود و يكتر منهم

[yoko]

مش عارف اقول ايه
ابسط حقوق البشر بتعامل كانها عجبة من عجائب الزمن
طب ايه رايكم انا لما بقف لحد في مصر عشان اعديه زي ما انا متعود بحكم عيشتي براها الاقي اللي واقف بيبرقلي و مش عارف يعمل ايه و يبصلي بصة كانه متوقع اني استناه لغاية ميبقي في نص العربية عشان ادوسه

بتحصل معايا كتير والاقي الي في العربيه الي ورايا بيشتمني ومرة واحد منهم فتح الإزاز وطلع منه وقعد يشتم مع غني كنت بعدي ست شايله إبنها وبتعدي الشارع!!!

[Samir Elshahawy]

ده بيفكرني بموقف مشابه حصل لي في أسبانيا من حوالي 10 سنين
- لما جيت اعدي الشارع لاقيت العربيات (اللي هيا مش بتجري بسرعة جنونية رغم أن الطريق فاضي) بتقف علشان اعدي
- و لما شافني ظابط في عربية دورية و كنت متردد اني أعدي الشارع قالي أنه في حالة عبور الشارع من المكان المخصص لعبور المشاة العربيات بتتوقف علي الفور لأن عندهم الاولوية للمشاة

بجد ناس بتحترم الانسان

[Samir Elshahawy]

و الله لو أمسك المرور في مصر ................. هادب الناس و أخليهم يمشوا على العجين ما يتلخبتطش ....
كلها أحلام .

صدقني لو مسكت المرور في البلد دي 5 دقائق بس و تأخد الموضوع جد لايحصلك حاجة من 2
- يايجيلك شلل (بعد الشر عليك طبعا)
- ياتمشي تكلم نفسك في الشوارع

ياعم خليك كده معانا احسن

مع خالص تحياتي
م/ سمير الشهاوي

[M.Nasr]

اومال اشمعنا احنا لما كنا محتلين من انجلترا ماخدناش منهم غير الحاجات الوحشة بس ؟؟
ياريت والله لو كل واحد فينا يراعى تصرفاته وهو سايق هنكسب كتير