محتاج رأيكم ضروري ..

[Ahmad_Nawwara]

عاجبني جدا تحمسك للسيات وده مخليني أتعلق بيها بس هناك جديد .. أنا كنت تحت من شوية وجربت واحده ... كرشي للأسف عامل مشكله .. هاهاهاهه زانق الدركسيون وبادخل العربيه بقدرة قادر .. أما الخروج مافيهوش مشاكل .. ورحت شفت الـ 125 لقيتها أريح وأوسع وحالتها معقوله جدا .. الحقيقه محتار ياأستاذنا وعين في السيات وعين في الفيات !!!!!! مش عارف أقرر

[Akram]

اهلاً بيك يا أ/ أحمد عضو جديد و أخ جديد ,
بص يا إستاذي ,
مش المقياس في العربية عمرها فقط يعني موديل 80 مش بالضرورة أفضل من موديل 70 ,
المهم الحالة ففي عربيات مو 70 و أفضل من عربية مو 80 لأن صاحبها محافظ عليها و بيصرف عليها و معملتش حادثة ,
يعني الحالة هي الفيصل ,
بالنسبة للـ 125 فدي عربية تمام لو حالتها سليمة , و قطع غيارها متوفرة و رخيصة جداً ,
انا والد صديق لي عنده العربية دي من الزيرو و محافظ عليها و مش عايز يستغى عنها ابداً ,
على العموم خللي واحد سمكري أو ميكانيكي يكون ثقة يشوفها و يقدرها لك , بس أهم حاجة انك ما تستعجلش علشان متندمش , و حاول تصلي استخارة ,
و ربنا يوفقك للإختيار السليم .

[Ahmad_Nawwara]

أخي الفاضل أ/ أكرم
أشكرك على ترحيبك وأتشرف بأخوتكم جميعا
ماذكرت حقيقه لايختلف عليها اثنين .. وان شاء الله سأذهب باكر ومعي ميكانيكي للكشف عليها .. وان شاء الله سأصلي استخاره وربنا يكرمنا ودعواتكم
أهم من شراء سياره أني وجدتكم .. والتقيت بكم وليتني تعرفت عليكم من زمن .. ونعم الأخوه جزاكم الله كل الخير وبارك الله لكم وفيكم

[sab3aawy]

شوف يا أخى العزيز، انا قريت كل الردود واحترت والله وانا بفكر معاك

بس انا هقترح عليك حاجة حاول تسعى فيها يمكن ربنا يكتب لك فيها خير

العربية ال 126 مناسبة جدا لفردين على عكس ما يعتقد البعض لأن تصميمها موسعها جدا من الأمام على حساب الخلف وعلى حساب الشنطة ، ولذلك هى قد تبدو صغيرة للغاية لكن لو ركبتها هتحس انها معقولة من الأمام

الحاجة التانية، فيه مدينة قريبة منكم اسمها دمياط، يعشق اهلها السيارة ال 126 نظرا لطبيعة العمل فى الأخشاب والموبيليا فى المدينة التى تستلزم المرور فى حوارى ضيقة، لذلك انا متوقع انك لو دعبست شوية فى دمياط ممكن تلاقى 126 بحالة نضيفة جدا لما عرف عن اهل هذة المدينة من الحرص على مقتنياتهم، وانا شخصيا من تجربة سنتين مع ال 126 و عدة تجارب مع السيات اقول لك ان 126 نضيفة برقبة السيات، خصوصا ان ال 126 تبريد هواء ومبتسخنش،

لو مستريحتش فى ال 126 يبقى فكر فى الفيسبا وليس الموتوسيكل الصينى، الفيسبا قعدتها اريح وانسب لمن يعانون صعوبة فى الحركة

وربنا يوفقك لما فيه الخير

[Xpert]

لو مستريحتش فى ال 126 يبقى فكر فى الفيسبا وليس الموتوسيكل الصينى، الفيسبا قعدتها اريح وانسب لمن يعانون صعوبة فى الحركة

كلامك ده مش غريب عليا :D :D :D بس نسيت تقول الفيسبا مش حلوه في البرد :D

[Ahmad_Nawwara]

بجد ... بجد .. انتم ناس روعه

[Ahmad_Nawwara]

أنا عندي رأي .. معلش أستحملوني كمان شويه ..
هنعمل استفتاء . هاهاهاهاه
استفتاء هنسجل فيه رأينا .. يعني كل مشارك هيقوال هوه بيرشح أي عربيه من الآتي وبعدين هنشوف الأصوات والآراء هتنحاز لأي عربيه .. الأنواع هي :
سيات 133
فيات 126
فيات 125
فولكس بيتل (قديم)

مع مراعاة ان الأنواع الأربعه حالتها متساوية فنيا وشكلا وميكانيكيا

[Xpert]

126 و ابعد عن الباقي .. انت راجل علي قد حالك يا عم :d

[Chicco]

سيات 133
فيات 126
فيات 125
فولكس بيتل (قديم)

مع مراعاة ان الأنواع الأربعه حالتها متساوية فنيا وشكلا وميكانيكيا

البيتل هايلة بس بشرط الحالة و توفر مكانيكي حريف و محل قطع غيار شغال فيها.... ربنا يوفقك

+11111111111111111111

[Akram]

لو هناخد معانا موضوع الفلوس و انك زي ما قلت هتستلف من الحبايب , يبقى قارن بين الـ 126 و الـ 133 ,
و انا بفضل السيات علشان الأمر ميخلاش ممكن تركب حد معاك ,
و بالنسبة لموضوع السخونة فيه ميكانيكية بيحلوا الموضوع ده ,
بالمناسبة أعرف واحد معاه 3 أطفال و هو مليان شوية و كمان مراته و عندهم سيات و تقريباً عايشين فيها لدرجة انهم لو رايحين عن البقال بيروحوا بيها :) :) (طبعاً بهزر في موضوع البقال) ,

[Akram]

كنت عايز أعرف معنى التوقيع بتاعك :
anawwara

[ehabradwan]

بص يا باشا لو تقدر تلم 4 او 5 الالاف في واحد في مساكن شيراتون بيقسط السيات ادفعهم و ادفعلك 500 او 600 لحد ماتخلصها هو من نفسه هياخدها منك لو لقاك ملتزم و يديك مكانها 128 او 127 و باردو قسط . الراجل ده كويس و أمين وبصراحة انا مع المدام في حتة ( البرستيج ولامؤاخذة ). واي استفسار تأمر يا معلم

[hazem_khidr]

بس يا سيدي الفاضل
بالنسبه لل 125 عربيه جميله جدا لكن مشكلتها ان بنزينها كتير و قطع غيرها غاليه بعكس ما يعتقد البعض .
نفس موتور و عفشه الاماميه لل 132 و لكن الفوانيس الاماميه و الشبكه و الصاج غالي جدا.

[Karim_Monir]

مممممم
شكلك هاترجع تحتار تاني
اسمع كلام الناس دي بقي وما تبعدش عن سكة ال 126 والسيات 133
اتعلم وخبط واتزنق شوية وتكون دافع ليك انك تنزل وزنك حبة لانك هاتتخن اكتر من قعدة العربية

[sab3aawy]

126

لحداثة الموديل وتوافر قطع الغيار جديد واستيراد

بس بشرط سلامة الحالة وانك تقتنع بقعدتها