مين اللي قال ان شعب مصر فقير ماديا ؟؟

[abo_lamar]

سلام الله عليكم يا شباب

مين اللي قال ان شعب مصر فقير ماديا ؟؟

بالنظر لعدد العربيات المهوووووووووول اللي بنشوفها في الشوارع وعلى احدث الماركات , لازم نعرف ونتأكد ان الشعب بتاعنا مرتاح ماديا جدا .

أنا اللي شوفته امبارح ماحصلش ولا حيحصل تاني على ما اعتقد ...
أمبارح راجع من شغلي في مدينتي وللاسف أخذت طريق الاسماعيلية بدل طريق السويس كالعادة , والله العظيم من بعد الكمين اللي قبل اكوا بارك وانا ماجبتش الغيار التاني للعربية ... زحمة والطريق واقف بطريقة بشعة وعربيات بالهبل اشكال والوان , والمصيبة فضلت كده لغاية ماوصلت لمكان سكني في حلمية الزيتون مع ان لا في حادثة على الطريق ولا يحزنون .... انا راجع والله وحاسس ان رجلي اتشلت .

[yoko]

هو مش فقير بس الفلوس مش متوزعة صح يعني في منطقتنا بشوف عيله عبارة عن غتنين متجوزين معندهمش عيال وعندهم 4 عربيات أرخص واحده فيهم ب150 الف وفي نفس الوقت الشغالة الي بتجيلنا ساكنة في أبو رجيله والمجاري طفحت عندهم (منطقة عشوائيه عبارة عن عشش خشب) طبعا غرقت وطلعوا في التلفزيون ولا حد عبرهم ودول بانين مخالف ويستهلوا ده رد المسؤولين وعيالهم الكتب طبعا ضاعت من الميه بتاعت المجاري رد المدرسة مش هنصرف كتب غير لليتماء والباقيين يتصرفوا والولاد مش هتخش المدرسة غير بكتب الوزارة!!!
لما يبقى فيه ناس عايشة ولا في بالها الناس التانيه يحصل الي حاصل في مصر ده كله حاسس بالظلم للأسف حتى الي بيظلموا حاسين إنهم مظلميين أو على الأقل إنه ده حقهم

[meza]

هو ده نفس اللى قاله الدكتور نظيف لما كان بيحاول يثبت إن الشعب المصرى مبقاش فقير و مستوى المعيشة فى إزدياد مستمر!!!

[bassemali]

مش معنى أن عدد العربيات الجديده زاد يبقى الشعب مستريح والحاله الماديه كويسه .... لأنه بحسبه بسيطه مصر فيها حوالي 3مليون سياره وعدد شعبها 80 مليون!!!!!!
لكن ده قد يكون مؤشر أن في تحسن ملحوظ وليس دليل قاطع على كده .

[ahmad--ezzat]

اكيد مش مقياس ياباشا....دة فى ناس بتموت من الجوع وفى ناس بتنام فى الشارع..احنا من افقر الدول اصلا

[Sherlock]

العربيات كتير علشان الناس كتير , ياريت تشوف الناس الي راكبه ميكروباص او باص او اي وسيله مواصلات و إنت هتعرف انك غلطان جدا جدا .

[tamer_a7]

والله انا فعلا متفق مع الراي القائل بانه لا يوجد توزيع عادل للثروات في مصر
اخوتي الكرام اللي احنا فيه دا نتاج سنين من التخبط والضياع التخطيطي ونظريه بص تحت رجليك
انا ببساطه شديده جدا عايز تسال الخدامه بتاعتك هيه من سكان القاهره هتكون الاجابه ببساطه شديده لا احنا جينا من البلد وهو دا مربط الفرس
القاهره اكتطظت بسكان الارياف اللي هربو من قله الخدمات وضعف المقابل المادي علشان يجوو يعيشو في القاهره علي انها النعيم علما بانها جحيم اخر لا يدرون به
لو اي حد منن سافر في دوله اوربيه وراح المدن وبعدين نزل القري الجاوره او الضواحي هيتوهم بالنظافه والروقان اللي فيها الناس بتهرب من المدن وتروح الضواحي علشان هما عملو الصح
بدئو من بره لجوه يعني خلو اوضاع القري الخارجيه زي اوضاع المدينه علشان يوقفو الهجره من الريف للمدينه
علشان ما يحصلش اللي عندنا في القاهره
عشوائيات 90% من ساكنيه تعود اصولهم للمهاجرين من الارياف (مش زنبهم علي فكره دي ناس ضاق بيهم العيش في قراهم فقررو يهجرو دنيتهم واهلهم) ومستوي معيشي اقل من ما يتحمله البشر ولكن عايشين ومستحملين
لو بس كنا خططنا وفكرنا بنظره مستقبليه كان تطوير القري وتوفير الخدمات والتخطيط الصح (يعني شوارع عريضه وفيه خدمات مجاري ومياه وما خلافه ) كان الوضع دلواقتي غي الوضع بل ربما كنا النهارده بنجد اهل القاهره بيهربو للضواحي والقري المجاوره علشان يجدو السكينه
معلش لو طولت عليكم بس لما تشوف قري الدول الاوربيه والشوارع المرصوفه والجمال والخضره
واروح اشوف التعاسه اللي باشوفها في اماكن كتيره نتيجه للسفر الكتير من موقع للتاني بحكم الوظيفه بجد الواحد بيقول مش ذنب الناس لا دا ذنب سنين من التخطيط الخاطيء
احنا بلد غنيه مش فقيره
احنا عندنا بترول وغاز وسياحه وقناه السويس يصرفو علي عشر بلاد زي مصر بس كمان عندنا تخبط يودي عشرين بلد زي مصر لورا
لو بس نخطط صح

[Amrrr]

احنا كتييييييييييييييييير اوي
هتلاقي ناس كتير مبسوطة وعربيات اشكال وألوان بس لو بصيت عالأتوبيسات والميكروباصات والناس اللي واقفة بتدور على حاجة تركبها برضة كتييييييييييييييييييييييييير اويييي

[N.a.j.d]

في مصر بتلاقى طبقيتين يا فوق فوق يا تحت تحت مفيش طبقه متوسطه اوى
وبعدين حكايه العربيات دى
كله بيكون تقسيط ل 5 6 سنين
او شراء عن طريق البنك

[zaza_lanos]

يا باشا ده قلة عقل
والواحد منهم يقضى عمره اقساط

شعب مختل الاولويات -- استهلاكى اخر 17 حاجة
لا يعنى للعلم اهمية
وهما منساقين لكد مش باديهم خيار

[hh]

ده يبقى بتوع الحزب الوطني معاهم حق بق انهم يقولوا ان مستوى الحياه في مصر مرتفع!!!!!!!!!!!!!!!!!

طيب ما الشقق دلوقتي أسعارها بقت بمئات الألاف عى الأقل و بتوصل للملايين كمان و برضه بتتباع, نبقى كلنا مليونيرات بقى؟؟

أولا احنا فوق التمانين مليون بني أدم يعني حتى لو فيه عشرة مليون عربية في مصر برضه متبقاش نسبة عالية خصوصا ان فيه ناس كتير عندها أكتر من عربية.

ثانيا احنا معندناش وسيلة مواصلات عامة أدمية, يعني بره مصر الناس ممكن عادي تركب أتوبيس أو مترو و توصل شغلها و لبسها لسة نضيف و مكوي انما في مصر اللي بيركب مواصلات ده الله يعينه خصوصا لو واحدة بقى, أجارك الله.و بالتالي ناس كتير جدا بيزنقوا نفسهم و يقتطعوا من أساسيات حياتهم عشان يجيبو عربية سواء مستعملة أو قسط, عشان يرحموا أهلهم و ولادهم من البهدلة.

ثالثا فيه فئة من الشباب اللي بيشتغل في أماكن كويسة و دخله معقول, رغم كدة لما بيفكر في الجواز يلاقي انه مستحيل يقدر على مصاريفه لو أهله مش حيساعدوه, فتلاقيه من يأسه من فكرة الجواز دي يصرف فلوسه على موبايل جديد, يجيب عربة بالقسط.....الخ و يدلع نفسه بقى طالما كدة كدة مش قادر يتجوز. طبعا التفكير ده مش صح بس شوفت نماذج كتير بالشكل ده.

أخيرا بقى كل الكلام الي فوق ده على النسبة البسيطة اللي عندها عربيات, و دي عمرها ما حتزيد عن 15 - 20% من المصريين. انما ال80 % الباقيين حالهم يصعب عالكافر. يا ريت النعمة اللي ربنا اداهالنا متخليناش مش حاسين بالناس.

[tarekzein]

سلام الله عليكم يا شباب

مين اللي قال ان شعب مصر فقير ماديا ؟؟

بالنظر لعدد العربيات المهوووووووووول اللي بنشوفها في الشوارع وعلى احدث الماركات , لازم نعرف ونتأكد ان الشعب بتاعنا مرتاح ماديا جدا .

أنا اللي شوفته امبارح ماحصلش ولا حيحصل تاني على ما اعتقد ...
أمبارح راجع من شغلي في مدينتي وللاسف أخذت طريق الاسماعيلية بدل طريق السويس كالعادة , والله العظيم من بعد الكمين اللي قبل اكوا بارك وانا ماجبتش الغيار التاني للعربية ... زحمة والطريق واقف بطريقة بشعة وعربيات بالهبل اشكال والوان , والمصيبة فضلت كده لغاية ماوصلت لمكان سكني في حلمية الزيتون مع ان لا في حادثة على الطريق ولا يحزنون .... انا راجع والله وحاسس ان رجلي اتشلت .

هوه حضرتك حزب وطنى وألا أيه

بهزر معاك

وسلامة رجلك

وعلى فكره الطريق ده دايما كده من بعد الساعه أربعه

طريق السويس أسهل

وكمان الأوتوماتيك هوه الحل للسواقه فى شوارع المحروسه

[Ahmed Nouh]

هو فعلا فى ناس بتفكر كدا زى ما الحكومة بتقول فى الجرايد !!!

دا انا كنت فاكر ان الكلام ده خيال حكومى صرف .... واضح ان ناس كتير اقتنعت بيه .. للأسف :(

انت ليه مبصتش ان الشوارع ضيقة والتخطيط زى الزفت وده اللى عامل زحمة 9 كم ، ليه مبصتش فى كام اسرة فى مصر وفى كام عربية علماً بعدد العائلات اللى بتمتلك فوق العربيتين

ليه مبصتش على مستوى دخل الفرد من وظيفة واحدة متوسطة ومقارنته بدخل الفرد فى دولة محترمة

ليه مفترضتش ان حوالى 30% من اجمالى الملاكى اللى ماشى فى مصر اساسا عربيات شغل ما بين ايجار ومشاوير مخصوص وسياحة مش عربيات رفاهية

ليه مبصتش ان من اجمالى العربيات اللى ماشية فى الشارع فى نسبة ضخمة جدا عربيات عدى على زمن انتهاء صلاحيتها للإستخدام فوق الـ 10 سنين .

ليه فى ناس بتقول على اللى بيقطع من لحمه ورابط نفسه فى ساقيه علشان يجيب عربية قسط يعزز بيها اهله عن التحرش والسفالة واهانة الكرامة اللى بتحصل فى المواصلات انه بيدلع

ربنا يخلى اعلامنا وخطط زرع الافكار اللى جابت نتيجة وبقا نص الشعب بيقول ان البلد مليانة فلوس

[levelpower]

هو مش فقير بس الفلوس مش متوزعة صح يعني في منطقتنا بشوف عيله عبارة عن غتنين متجوزين معندهمش عيال وعندهم 4 عربيات أرخص واحده فيهم ب150 الف وفي نفس الوقت الشغالة الي بتجيلنا ساكنة في أبو رجيله والمجاري طفحت عندهم (منطقة عشوائيه عبارة عن عشش خشب) طبعا غرقت وطلعوا في التلفزيون ولا حد عبرهم ودول بانين مخالف ويستهلوا ده رد المسؤولين وعيالهم الكتب طبعا ضاعت من الميه بتاعت المجاري رد المدرسة مش هنصرف كتب غير لليتماء والباقيين يتصرفوا والولاد مش هتخش المدرسة غير بكتب الوزارة!!!
لما يبقى فيه ناس عايشة ولا في بالها الناس التانيه يحصل الي حاصل في مصر ده كله حاسس بالظلم للأسف حتى الي بيظلموا حاسين إنهم مظلميين أو على الأقل إنه ده حقهم

++++++111111111

[MBhead]

ايوه في فلوس في مصر بس متوزعة غلط حضرتك روح اي مطعم فخم حتلاقي ناس بتفطر ب الف جنيه و اكتر و روح اي مكان شعبي حتلاقي ناس مش لاقيا تفطر بجنيه واحد و زي مافي ناس ركبا عربيات كتير و غاليه في اكتر مليون مره معهوش عربيات و بيوقفوا مستنين مواصلات
حضرتك اكيد عارف ان اوروبا و امريكا كل شاب بدرس في الجامعة و بيشتغل و هوا بيدرس و ممكن كمان يحوش الفلوس دي و يجي يتفسح بيها في مصر مثلا و لما يتخرج يشتغل و بفلوسه هوا بيجب شقة و عربيه و كمان ممكن يتجوز (بياسس حياة كامله) كل دا بفلوسه هوا مش فلوس من اهله تخيل لو النظام دا في مصر كام شاب مش حيتجوز و احسن نقول كام شاب حيتجوز ؟؟؟
و مثلا الشاب العادي في مصر بعد يشتغل كام سنة عشان يجيب تمن شقة او عربية لنفسه ؟؟؟؟؟؟؟؟؟
اي مجتمع في طبقات غنيه و طبقات فقيرة بس لو قلت النسبة نسبة الفقرا وللاسف اكتر بكتير من الاغنياء
مصر و للاسف دوله متخلفة بس في الاول و في الاخر هيا بلدنا كلنا