مين اللي قال ان شعب مصر فقير ماديا ؟؟

[ramy87]

لا طبعا مع احترامي للجميع
مصر من الدول الفقيرة و ليس من افقر الدول العالم
و لان ببساطة آخر احصائية كانت في جريدة الوفد تقريبا من اسبوعين ان 42% من المصريين تحت خط الفقر
و اتمنى ما تستغربوش او تفتكروا ان كتبت الرقم غلط انا زيكم استغربت جدا
تحت خط الفقر يعني من لا يجد قوت يومه
واكيد لباقي 58% همه اللي بيلاقو الأكل و الشرب بس بصعوبة شوية و مطحونين من الغلاء بس بيلاقو ياكلو على الأقل و بيلاقو قوت يومهم و اكيد ال 58 % متقسمين لطبقات مختلفة المتعارف عليها

لان عدد السكان رهيب و في تزايد مستمر و متمركزين على 6% من مساحة مصر
فنصيب الفرد بيقل جدا بالنسبة للدخل القومي و الناتج المحلي بسبب الزيادة السكانية الرهيبة

مع العلم ان مصر ثالث اكبر و اقوى اقتصاد عربي بعد السعودية اولا و الامارات ثانيا في آخر احصائية وكانت الثانية سابقا

[Ahmed Nasser]

حسبى الله ونعم الوكيل
فى كل اللى يظلم المواطن المصرى

[mhkash]

السلام عليكم

لا الحقيقه غير كده خالص - لان فى ناس مش لاقيه ثمن العلاج و فيه ناس بتشتري عضم من الجزار عشان تعمل بيه شوربه بريحة اللحمه - وفي قري في مصر مش بعيد اوي عن الجيزه - لو مشيت فيها - متعرفش انت ماشى سنة كام

[tarekmomo]

اكترية العربيات دى بتبقى قسط

[zegna]

كل واحد واخد ال 24 قيراط بتوعة كاملين علي راي الشيخ الشعراوي رحمة اللة

[imust]

السلام عليكم جميعاً.
حقاً هذا الموضوع من المواضيع شديدة أهمية و قد تكون أهم من حالة العفشة أو الموتور , في مصر تعاني من مشكلة رهيبة في سوء التوزيع للمال والفرص و إزدحام عصيب نتيجة لمعدل هجرة الفلاحين وتحول الريف المصري من ريف إنتاجي وزراعي إلى ريف استهلاكي تماماً مثل القاهرة بلا إنتاجية فيزداد الفقرة والغلاء...
و تدهور التعليم والرعاية الصحية و سوء العمل بالمدن المجاورة أدت إلى إرتفاع زايد في معدل الهجرة إلى القاهرة أو أحياناً إلى الخارج...
مصر من وجهة نظري بلد ليست فقيرة لكن مليئة بالفساد.
مثالاً: عائد قناة السويس شهريياً يزيد عن 400 مليون دولار
مصر فالاول و فالأخر بلد سياحية ، أسبانيا أو فرنسا لا تملك 10% من اثرنا وتحقق مليارات سنوياً. " فهنا السائح يأتي لزيارة مصر و يتعرض للمصالح والنصب أحياناً والقذارة في كل مكان "

[human]

انا مستنى صورتين عشان اعملك كارنيه فى الحزب

هنا تظهر فائدة الزكاة ..

وفي الزحام يظهر فائدة الفتيس الاوتوماتيك ..

ضحكتنى و انا ماليش نفس اضحك

[MBhead]

السلام عليكم جميعاً.
مصر فالاول و فالأخر بلد سياحية ، أسبانيا أو فرنسا لا تملك 10% من اثرنا وتحقق مليارات سنوياً. " فهنا السائح يأتي لزيارة مصر و يتعرض للمصالح والنصب أحياناً والقذارة في كل مكان "

مصر بلد زراعي مش سياحي ...السياحة صناعة جديدة نسبيا علي مصر
و فعلا كلام حضرتك صح..السياحة في مصر قائمة علي السرقة و النصب و الفهلوة و قلة الادب
و امكانيات مصر السياحية عالية بس فرنسا و اسبانيا دول سياحة بجد مش اي حاجة زي عندنا ..و اثارنا معظمها غير مسجل و بتتهرب للخارج و المعروضات الفرعونية بره مصر اكتر من المعروضات داخل مصر
و نسبة السياحة الثقافية في مصر(يتاعت الاثار) اقل من نسبة السياحة الترفيهيه(شرم و الغردقة و الكلام دا )

[imust]

كلما سمعت كلمة زراعة افتكر حينما كنا نعاني من أزمة القمح افتكر الدكتور يوسف والي وزير الزراعة الاسبق.
حينما أبدع وأمر بزراعة الفراولة و الكنتالوب لتصديرها حتى نستطيع أن نستورد القمح!!!
يعني كان ناوي يأكل الشعب فراولة و كنتالوب لحد ما نبيع محصول و نجيب قمح....
بذمتك دة اسمو كلام ؟ طب غطي حاجة الشعب و بعدين إزرع كنتالوب براحتك.
و كل كوم و مشروع توشكى كوم تاني خالص خالص خالص ....

حد فكر موجة ال-ddt ده بظبط حضرتك قبل إستيراد السماد و المبيدات الغنية بالسرطان ؟؟ فمنين عايزنا نبقى بلد زراعية ؟

- شوف ازاي بلد مثل فرنسا أو أسبانيا بموارد بسيطة جداً قامت بتحقيق عائد محترم من السياحة ؟

[MBhead]

- شوف ازاي بلد مثل فرنسا أو أسبانيا بموارد بسيطة جداً قامت بتحقيق عائد محترم من السياحة ؟

يا فندم من بس اللي بموارد بسيطة
سيادتك صناعة السياحة دي معقدة مش بسيطة خالص يعني مش فكرة انا عندي اهرامات مفروض يجيلي سياح كتير و عائد عالي .... الموضوع مش كده
يعني مصر فيها اثار بس عشان الاثار دي حد يجي يشوفها لازم بنيه تحتية و عاملة مؤهلة و تسويق صح
يعني عايزين طرق تصلح تمشي عليها عربيات و كهرباء و مياه صالحة للشرب و خدمات شاملة يعني مثلا في البحيرة في حته اسمها وادي النطرون دي فيها عين مياه مالحة و من المنتصف بالظبط في مياه عذبة و ممكن تشرب منها ...حد سمع عن المكان دي ..لا طبعا و لو انا عايز اخود فوج سياحي هناك مافيش طرق و خدمات تسمح ببني مؤسسة فندقية
اما بقي العاملة دا موضوع تاني يعني 85% من العاملين بالسياحة غير اكاديمين و لا يعرفوا اي شي عن سياحة و لا بيعرفوا يتكلموا لغة صح (هما كلمتتين و علي ماتفرج كده و يقولك انا بتكلم 5 لغات )
يعني حضرتك مفروض العاملين و بالسياحة خريجي كلية سياحة و فنادق و معاهد فندقية و سياجية عالي و متوسطة و مدارس فندقية ......دول اقلل تعليم فيهم بيبقي عندو فكرة و لا ضئيلة عن السياحة
اما اللي عاملين في السياحة يا اما معاهم بكالوريسات و مش لقين شغل و يشتغلو في السياحة يا اما دبلومات او مش متعلمين و كل دول حتي لو بيعرفوا بشتغلوا كويس مش دا مش تخصصهم و لا درسنه و لا اي حاجة و بيعملوا مصايب و بلاوي
و الفنادق مستوي ضيافة متدني و اسمحلي اقول زي الزفت و لا بيطبقوا بروتكول ضيافة ولا اي حاجة شغالين علي ماتفرج بردو مافيش الا الفنادق اللي في المدن هيا اللي الي حد ما فيها مهنة
و طبعا دا غير ان الشغب غير متفهم يعني سياحة و يعني ايه سياح عندو السائح لازم نسرقوا و لو سائحة نعاكسها و نتحرش بيها و طبعا اكيد سيادتك شوفت مواقف من دي
و كمان نرجع و نقول ان السياحة في مصر معتمده علي السياحة النرفيهية عشان السياحة الثقافية دي بتبقي مرة واحدة بس يعني انا لو سائح و جي مصر اشوف الاهرمات حشوفها و مش حاجي مصر تاني لان الاهرمات مش حتتغير ..اما السياحة الترفيهية السياح بيتردد علي المكان كذا مرة
اما فرنسا و اسبانيا ....... اقول لحضرتك ايه ولا ايه انا روحت اسبانيا اسبوع جو جميل و بحر و الشواطي الريفيرا الاسباني و ضيافة بجد ... قعدت يومين من غير نوم بروح اتفرج علي الناس و البلد كوستا و اشبلية و برشلونة و فلنسيا و غرطانة و مدريد...... كل مدينة من دول عايزة اسبوع لوحدها عشان اتفرج عليها طبعا غير المتاحف و القصور و المباني و الاثار اللي من عصور متعددة ......اما فرنسا دي وهم كفاية باريس لوحدها 60 مليون سياح كل سنة
يا فندم علي الاقل دا مناخهم و شعبهم و معالمهم تسمح بقيام سياحة اما لو حضرتك عايز تقارن مصر شوف حضرتك الامارات اللي جوهم زي الزفت و مافيش اي اثار و لا شواطي و لا حرية للسياح و لا اي شي
احنا بيجلنا حوالي 12 مليون سائج كل سنة و الامارات 15 مليون اكتر مننا و اوكرانيا الدول اللي في الضياع دي 20مليون و شوف تركيا 25مليون و ارجع حضرتك 5 سنين كده و شوف الامارات دي كان عندها ايه و لا فيها ايه
يا فندم العيب في الشعب مش في البلد و لسه ............

[M.Osman]

يا فندم العيب في الشعب مش في البلد و لسه ............

+11111111111111111

[imust]

و هي إيه البلد من غير شعب؟ أخي عيب في الشعب يعني عيب في النظام, ببساطة الدولة هي الشعب. لأن أي دولة عبارة عن الأرض و السكان إلي عايشين فيها.
و الحاكم يعكس صورة الدولة و " كما تكونوا يولى عليكم "

[mobmob2010]

السلام عليكم

لا الحقيقه غير كده خالص - لان فى ناس مش لاقيه ثمن العلاج و فيه ناس بتشتري عضم من الجزار عشان تعمل بيه شوربه بريحة اللحمه - وفي قري في مصر مش بعيد اوي عن الجيزه - لو مشيت فيها - متعرفش انت ماشى سنة كام

+1

[mohamedbook]

الي عايز يشوف الفقر بعينة وسوء الخدمة والارف كلة ينزل الارياف وهيعرف ان فيه ناس مش لفيا رغيف العيش
اما القاهرة فاعتقد ان اغلب الناس والحركة التجارية متمركزة فيها عشان كده مش باين فقر الناس
وسلمولي علي تونس سلمولي

[MBhead]

و هي إيه البلد من غير شعب؟ أخي عيب في الشعب يعني عيب في النظام, ببساطة الدولة هي الشعب. لأن أي دولة عبارة عن الأرض و السكان إلي عايشين فيها.
و الحاكم يعكس صورة الدولة و " كما تكونوا يولى عليكم "

سيادتك فهمت غلط
انا قصدي علي السياحة ان مصر فيها مقومات سياحية بس العيب في الشعب