مين اللي قال ان شعب مصر فقير ماديا ؟؟

[abokoko]

كان فى احصائية قديمة فى بريطانيا بتقول انىنسبة السيارة (ملاكى ) الى عدد السكان
1 : 4

اعتقد لو طبقنا ده على مصر
فمفروض يكون عدد العربيات الملاكى 20 مليون سيارة

ساعتها يا تري شوارع المحروسة هيكون شكلها ايه

المشكلة فى الشوارع وتخطيط المدن والمركزية اللى موجوده فى القاهره

تكاليف مترو الانفاق كانت ممكن تعمل قاهرة جديده وتخفف الزحام
بعد ما تتنقل الوزارات اليها -- وكان ممكن تبقي فى طريق القاهره السويس او الاسماعيلية

المشكلة فى الزحمة ادارة وتخطيط (( عدد امريكا 300 مليون نسمة وشوف شكل شوارعهم فى الافلام وشوف كم العربيات وعددها وممكن اى حد راح يحكى لك))

[hondaman]

بلاش بقا سيرة الموصلات عشان انا شفت الويل فيها من يومين كنت رايح لعربيتى بشدها بقى ومعايا فلوس الصنايعية 500 جند اتنشلو منى ودى اول مرة تحصل معايا فى حياتى وكرهت الاتوبيسات و الميكروباص وكل حاجة انا كنت حاسس ان الناس كلها بتدوس عليا وسايبين كل حاجة وماسكين الجزمة دعك برجليهم وشوية كمان كنت ممكن اطلع بالفنلة بس الحمد الله انها جت على ال 500 جند وتلميع الجزمة بس من ساعتها منزلتش من البيت خالص

[omar-saad]

كان فى احصائية قديمة فى بريطانيا بتقول انىنسبة السيارة (ملاكى ) الى عدد السكان
1 : 4

اعتقد لو طبقنا ده على مصر
فمفروض يكون عدد العربيات الملاكى 20 مليون سيارة

ساعتها يا تري شوارع المحروسة هيكون شكلها ايه

المشكلة فى الشوارع وتخطيط المدن والمركزية اللى موجوده فى القاهره

تكاليف مترو الانفاق كانت ممكن تعمل قاهرة جديده وتخفف الزحام
بعد ما تتنقل الوزارات اليها -- وكان ممكن تبقي فى طريق القاهره السويس او الاسماعيلية

المشكلة فى الزحمة ادارة وتخطيط (( عدد امريكا 300 مليون نسمة وشوف شكل شوارعهم فى الافلام وشوف كم العربيات وعددها وممكن اى حد راح يحكى لك))

+11111111111111111111

[Mostafa.Ismail]

هو فعلا فى ناس بتفكر كدا زى ما الحكومة بتقول فى الجرايد !!!

دا انا كنت فاكر ان الكلام ده خيال حكومى صرف .... واضح ان ناس كتير اقتنعت بيه .. للأسف :(

انت ليه مبصتش ان الشوارع ضيقة والتخطيط زى الزفت وده اللى عامل زحمة 9 كم ، ليه مبصتش فى كام اسرة فى مصر وفى كام عربية علماً بعدد العائلات اللى بتمتلك فوق العربيتين

ليه مبصتش على مستوى دخل الفرد من وظيفة واحدة متوسطة ومقارنته بدخل الفرد فى دولة محترمة

ليه مفترضتش ان حوالى 30% من اجمالى الملاكى اللى ماشى فى مصر اساسا عربيات شغل ما بين ايجار ومشاوير مخصوص وسياحة مش عربيات رفاهية

ليه مبصتش ان من اجمالى العربيات اللى ماشية فى الشارع فى نسبة ضخمة جدا عربيات عدى على زمن انتهاء صلاحيتها للإستخدام فوق الـ 10 سنين .

ليه فى ناس بتقول على اللى بيقطع من لحمه ورابط نفسه فى ساقيه علشان يجيب عربية قسط يعزز بيها اهله عن التحرش والسفالة واهانة الكرامة اللى بتحصل فى المواصلات انه بيدلع

ربنا يخلى اعلامنا وخطط زرع الافكار اللى جابت نتيجة وبقا نص الشعب بيقول ان البلد مليانة فلوس

والله انت استاذ .... انا يمكن 90% من اللى اعرفهم راكبين عربيات هى عن طريق التقسيط وبطلوع الروح ومش جايبنها دلع وبتكون عربيته وعربيه البيت كمان والجيران وقت اللزوم :)

[mmedali1978]

الكفاءه فى الانتاج والعداله فى التوزيع هى الحل
وسوف نتقدم ونصل الى ما وصلنا اليه عام 1965

[hon]

سلام الله عليكم يا شباب

مين اللي قال ان شعب مصر فقير ماديا ؟؟

بالنظر لعدد العربيات المهوووووووووول اللي بنشوفها في الشوارع وعلى احدث الماركات , لازم نعرف ونتأكد ان الشعب بتاعنا مرتاح ماديا جدا .

أنا اللي شوفته امبارح ماحصلش ولا حيحصل تاني على ما اعتقد ...
أمبارح راجع من شغلي في مدينتي وللاسف أخذت طريق الاسماعيلية بدل طريق السويس كالعادة , والله العظيم من بعد الكمين اللي قبل اكوا بارك وانا ماجبتش الغيار التاني للعربية ... زحمة والطريق واقف بطريقة بشعة وعربيات بالهبل اشكال والوان , والمصيبة فضلت كده لغاية ماوصلت لمكان سكني في حلمية الزيتون مع ان لا في حادثة على الطريق ولا يحزنون .... انا راجع والله وحاسس ان رجلي اتشلت .

حضرتك معلش يظهر حضرتك اولمرة تمشى على الطريق دا فى الوقت دا
دى زحمة طبيعية على طريق القاهرة الاسماعلية وهى زحمة خروج موظفين وعمال العاشر من رمضان
وهى فترة ممتدة من الساعة 4 الى الساعة 7 متعرفش فعلا تجيب تجيب الغيار التانى
وبعد الفترة دى حتلاقى الطريق راق تانى زيه زى اى طريق فى مصر
وحتلاقى الزحمة ترلات واتوبيسات ومكروباصات وملاكى بس دا دليل على التخلف مش الرقى
وبعدين زحمة لانوس ولوجان وفيرنا والنترا دا اسمة غنى؟د
امال زحمة الكامرى واللكزيس و الكاديلاك ومواتير 3000 وانت طاع دا اسمه اية؟
ربنا ريحمنا ويطلعنا من البلد دى على خير

[Rerii]

ياجماعة الطبقة المتوسطة اللى المفروض تكون عايشة كويس اختفت دلوقت اختلف التوزيع وبقت طبقة شديدة الفقر مطحونة وطبقة غنية وطبقة فاحشة الثراء

الناس العادية الله يرحمهم

وبعدين خللى بالك فيه ناس بتجيب عربيات قسط عشان تترحم من التاكسيات اللى بيتصرف عليها فلوس مهولة وقرض السيارة ده سهل على ناس كتير انهم يشتروا عربيات وبضمان المرتب

[heshamzaky]

يا جماعة فية ناس و الله مطحونة بس انت بتشوف الناس الى ساكنة فى القاهرة مثلا ما ينفعش تقارن مصر الجديدة و مدينة نصر و الزمالك و المهندسين بناس فى اماكن اخرى و الله مطحونين بجد ربنا يسترها معانا جميعا و يرزقنا

[wlng76]

هو ده نفس اللى قاله الدكتور نظيف لما كان بيحاول يثبت إن الشعب المصرى مبقاش فقير و مستوى المعيشة فى إزدياد مستمر!!!

لكن الموضوع ان الفلوس مش متوزعة صح

[hossam_elwani]

يا جماعة الحصر والاحصاء بالعين غير عقلانى وغير منطقى

كل الحكاية ان احنا مكبوسين فى مساحة محدوده طيب فكروا معايا كده لو احنا عايشن على مساحة مصر كلها انا متأكد ان اى واحد قاعد فى مدينته حتقبلو عربيه كل فين وفين

وبعد الواحد اذا اتبع الحصر والاحصاء بعينه يروح المستشفيات الجامعية ويدخل العنابر وحيفتكر ان مصر كلها فى المستشفيات

عجبى

[M.Osman]

و اشاد الرئيس بضرورة بناء مجمعات استهلاكية مثل كارفور في جميع انحاء الجمهورية

[MOTORULE]

ياريت صاحب الموضوع يذكر عدد من الشعوب (و ليس الدول) أفقر من الشعب المصري
أنا مش لاقي غير بنجلاديش

[د.محمود صلاح]

هنا تظهر فائدة الزكاة ..

وفي الزحام يظهر فائدة الفتيس الاوتوماتيك ..

[memo_p910]

عربيات ايه اللي بتتكلم عليها تعالى لي الصيدليه وانا اوريلك الناس مش قادره تدفع تمن العلاج ازاي وبيتصرفوا ازاي بلاش تقلد احمد عز في تصريحاته عن ثراء مصر وكثرة العربيات واجهزة التكييف الحراميه بس هما اللي كتروا

[amribrahim]

الواحد يسمع الموضوع ده يفتكر إن لما ينزل مصر هيشوف مجاعة و أول لما تنزل من المطار شوف كمية المرسيدس و الهمر و الجيب و .. طب ازاي ؟؟!!

روح سيتي ستارز شوف العيال ماشية معاها موبايل موديل إيه .. المصيبة دلوقتي تلاقي العيال معاهم بلاكبيري

بلاش شوف كام واحد قاعد فيه سنجريا أو شوف الناس قد إيه في كافيهات الواحة العند المطار Oasis Botiques

شوف البواب بتاعك معظمهم معاه موبايليين و فيه منهم اللي مشغلو فاتورة مش كرت

شوف الناس بتشتري من سبينيس ب الألف و الألفين و أكتر كمان

نفس الموضوع في كارفور

-------