بتغير كاوتش العربيه كل كام كيلو؟

[lada kalina]

شكرا سيدي للرد

[Ahmad Allawy]

شكرا سيدي للرد

الشكر لله يا اخي..
انا تحت امرك..

[Ramy.Gamal]

بصراحه هى شوارع وطرق مصر وكمان مطباتها مينفعش معاها اى نوع كاوتش دة عاوزة جنزير زى بتاع الدبابات بس يكون تيوبلس ومنفوخ نيتروجين

[cobraa2008]

انا لسه ما غيرتهوش علشان لسه بادري ده انا عامل 20 الف بسه في سنة
طبعا الكاوتش روسي موش ها يعيش علشان هو موش بتاع امريكاني فا ان شاء الله اول ما يبداو يتخرمةا ها غبر ل اي نوع سبور يكون جامد وبيستحمل زي البيريل او البريجستون

[abdelaziz-waleed]

طبعا بعد البحث والاستفسارات والترشيحات. نزلت سألت في السوق عن لاقيت ان اسعار المقاس بتاعي (185/70/14) كالتالي
كومهو كوري -----------> 240
GT اندونيسي -----------> 260
لاسا تركي -------------> 280
بريللي تركي ------------> 290
طبعا وبما اني عاوز اجيب حاجة نضيفة وانساها وبعد توصياتكم مشكورين تم التوجه الي توكيل بريدجستون اللي في كالتكس عباس العقاد وتم تغيير الكاوتش ب 4 فرد كاوتش Bridgestone B700 Quite ياباني
عجبني جدا التكنولوجيا والطرق اللي بيستخدموها في الفك (ونش ذو اربع اذرع) والتركيب (مفتاح عزم لربط العجل)

التقيت بالمهندس محمد نجاد. بصراحة راجل محترم جدا جدا جدا. وله عضوية في نايل موتورز
وبالرغم من اني مش لاصق استيكر نايل موتورز على العربية عندي الا انه برده عامللي التخفيض بتاع نايل موتورز عادي جدا.
وكتب جنب اسمر في الفاتورة بين قوسين نايل موتورز

ثمن الفردة 455 جنيه شاملة التركيب والترصيص
و 20 جنيه ثمن 4 بلوف (5 جنيه * 4 فرد)
و 15 جنيه ملئ نيتروجين (3 جنيه * 5 فرد)
الصيانة الدورية المجانية
- كل 30 يوم يتم الكشف مجانا على مستوى ضغط النيتروجين
- كل 10000 كيلو يتم تبديل او تدوير Rotation الاطارات والذي يطيل عمر الاطار بنسبة 30%
بعد ما خرجت من التوكيل حاسيت اني راكب عربية تانية خالص بعد تغيير الكاوتش مش ممكن الفرق الرهيب ده صوته هادي فعلا وحنين جدا في المطبات فعلا بساط ريح
كل الشكر للاستاذ كريم منير اللي ليه الفضل بعد ربنا سبحانه وتعالى في اختيار هذا النوع الرائع من الكاوتش

[Ahmad Allawy]

الف مبروك يا وليد بك علي البساط..
اقصد الكاوتش الجديد.. :) :) :)
و عقبالي.. :) لما اغير المساعدين الاول.. و بعدين ندخل علي الكاوتش..
نا بس كان عندي استفسار.. مركبتش كاوتش اعرض شوية ليه..؟؟ 195 مثلا..؟؟
لأن طالما الجنوط عندك تتحمل ال185 يبقي غالبا و بنسبة كبيرة كانت تتحمل ال195..؟؟
ولا سألتهم و قالولك مينفعش..؟؟

[abdelaziz-waleed]

الف مبروك يا وليد بك علي البساط..
اقصد الكاوتش الجديد.. :) :) :)
و عقبالي.. :) لما اغير المساعدين الاول.. و بعدين ندخل علي الكاوتش..
نا بس كان عندي استفسار.. مركبتش كاوتش اعرض شوية ليه..؟؟ 195 مثلا..؟؟
لأن طالما الجنوط عندك تتحمل ال185 يبقي غالبا و بنسبة كبيرة كانت تتحمل ال195..؟؟
ولا سألتهم و قالولك مينفعش..؟؟

الله يبارك فيك يا احمد باشا. ما تقلقشي ليك عندي لفة بالبساط :):)
بالنسبة لموضوع العرض هو فعلا العربية عندي تقبل ولكن لازم اغير الجنوط ل 15 واجيب كاوتش 195/65/15 او ممكن كمان اجيب جنوط 16 واجيب كاوتش 205/55/16 بس العملية ديه هاتكون مكلفة جدا فا فضلت اني اغير الكاوتش وتمام كدة
بس لو انت قصدك اني اجيب الكاوتش 195 على الجنوط ال 14 اللي عندي. اعتقد انه مش هاينفع.

[mohamed ismail]

انا عندي الكاوتش عامل لحد دلوقتي 57000 الف
ومغيرتوش
ومبدلتوش غي مرة واحده
وقالولي في التوكيل ان الكاوتش عاوز يتغير بس بصراحة انا شايف ان حالته لسه كويسة ويجيب لحد ال 65000
مش عارف اغيره ولا ايه اصلي موسوس حبتين
تنصحوني بايه يا اخواننا
سوال تاني لو سمحتو
الاستبن بتاعي منزلش علي الارض لسه فهل اركبه علشان ميبوظش
ولا ممكن اشتري 3 فرد واركب معاهم الاستبن فردة رابعه واخد واحدة من القديم استبن
سوال للاخت onna انتبي ركبتي في اللانوس كاوتش نوعه ايه
اسف يا اخوننا لو طولت عليكم

[Ahmad Allawy]

الكاوتش اللي انت بتتكلم عليه ده اللي نازل مع العربية ولا انت اللي مركبه..؟؟
في الحالتين هو صناعه ايه..؟؟
عشان لو كوري يبقي كان لازم يتغير من فترة.. لأن يفضل الكوري يتغير علي 30-40 الف كم..
لكن لو ياباني ممكن يتحمل معاك لحد 60-70 الف عادي من غير مشاكل..

يفضل لما تغير تجيب ال4 جديد.. عشان الاستبن ممكن يكون نشف..
مش هيبقي كويس مع الجداد..و كمان النقشة هتكون مختلفة..

و حاول تواظب علي تدوير العجرت عشان ده بيطول في عمر الكاوتشة فترة محترمة..

[mohamed ismail]

شكرا يا استاذ احمد علي استجابتك السريعة
هو الكاوتش اللي فيها هو اللي نازل مع العربيية
وهو كومهو كوري

[mohamed ismail]

هيا الفردة الاستبن تاريخ تصنعيها الاسبوع 36 سنة 2006

[Ahmad Allawy]

لأ كده يبقي كفاية قوي عليه...
كتر خير الدنيا انه صمد للوقت ده من غير مشاكل..
حليك في الامان و غير و الافضل تجيب نوع ياباني عشان يقعد معاك 60 او 70 الف و انت مطمن..

[mohamed ismail]

طيب والفردة الاستبن
اشتري واحدة جديدة ولا اسييب القديمة؟

[Ahmad Allawy]

والله هو حسب الحالة المادية بقي..
لو الامور ميسرة.. اشتري واحدة جديدة..
علي اساس انك عند تدوير الكاوتش كل 10 الاف كم.. تنزل الاستبن مكان واحدة من اللي علي الارض.. و يدور معاهم..
انما لو ماديا الامور مش ولا بد.. يبقي خلي انضف واحدة من القدام.. بس متبقاش تستعملها كتير..
عشان هتبقي نقشة مختلفة و مرونة مختلفة عن الباقيين..

[HSultan]

كل إللى لازم تعرفوه عن الكاوتش والعناية به فى الرابط ده

http://www.satib.co.za/insight/Tyre-Safety.pdf

وده جدول بأقطار المقاسات المختلفة للكاوتش حيث يجب الحفاظ على قطر العجلة وممكن تغير مقاس الجنط ومقاس العرض بس فى حدود

http://www.musclecarclub.com/library/tech/tires.shtml

أحسن كاوتش فى الماركات من حيث السعر والجودة هو ال Bridgestone
و أحسن كاوتش إقتصادى هو GT Radial وإن كان يفضل السرعات العالية من أى نوع أندونيسي

أرجو أن أكون قد أفدت