مركز نايل موتورز لدهان وتجديد السيارات

[Karim_Monir]

استاذ كريم
مساء الخير
اخيرا عرفت مكان ورشة نايل موتورز وده كان يوم 28/11/2011 يوم الانتخابات الشهير
لان لجنتى الانتخابية كانت فى مدرسة عمار بن ياسر بجوار الورشة
واكتشفت انى واقف فى الطابور وامام الورشة مباشرة وكانت مفاجئة وكنت اتمنى ان اراك واسلم عليك واتعرف
وعموما انا ناوى - بإذن الله - اجدد سيارتى عندكوا قبل تجديد الرخصة
ويارب تكرمونى فى الصنعة زى ماباشوف فى الصور والشغل الجميل اللى زى الفل ( والله تسلم أيديكوا ) ويارب تحافظوا على مستواكوا دايما وربنا يوفقكم

اهلا وسهلا بحضرتك وتشرفنا في اي وقت
والشرف ليا اني اقابلك بس انا كمان كنت بتخب في حتة بعيد عند الدائري وقعدت فيها 7 ساعات

[rego]

بخصوص الكيا بيكانتوا 2011

السلام عليكم يا أستاذ كريم .. اللي كلمت حضرتك النهارده على الكيا بيكانتوا 2011 اللي فيها خبطة في الرفرف اليمين و قطع في الأكصدام وكسر في الفانوس ..والصراحة ده أول تعامل ليه في الموضوع ده ,يعني لاروحت الحرفين قبل كده ,ولا روحت عند أي سمكري حتي ... يعني لو المراية اتخبطت وقالولي غير الموتور حغيره :d

الناس خوفوني إني أنزل الحرفين لوحدي ,بس بعد مكلمت حضرتك حتوكل على الله وأنزل بكرة إن شاء الله ..العربية فيها الحاجات اللي قلتها بالإضافة لخط جانبي لولبي(امضاء عربية نص نقل ) قديم كده ..وخبطة في الفانوس اللي ورا.ومش عارف هل العربية لازم تترش كلها ؟؟ و ماأنواع الدهان أو المعجون المفضل للعربية الجديدة ؟؟ أنا عايز ألِم الموضوع بس بحاجة مناسبة وجيدة وتعيش ..وشكرا

[asysery]

السلام عليكم
ممكن أسال عن محل كويس لقطع غيار السيارات لشراء كبالن لسيارة فيرنا وشكرا

[atyam]

السلام عليكم

الاستاذ كريم

ممكن حضرتك تقرا الموضوع ده وتقولى ايه احسن الحلول اللى ممكن اعملها

http://www.nilemotors.net/Nile/260945-a.html

وبالتوفيق ان شاء الله

[minded]

أ / كريم
انا عربيتي لانسر كريستالة وكنت عاوز ارشها خارجي تتكلف كام ؟

شكرا جزيلا

[Karim_Monir]

السلام عليكم يا أستاذ كريم .., اللي كلمت حضرتك النهارده على الكيا بيكانتوا 2011 اللي فيها خبطة في الرفرف اليمين و قطع في الأكصدام وكسر في الفانوس ..والصراحة ده أول تعامل ليه في الموضوع ده ,يعني لاروحت الحرفين قبل كده ,ولا روحت عند أي سمكري حتي ... يعني لو المراية اتخبطت وقالولي غير الموتور حغيره :d

الناس خوفوني إني أنزل الحرفين لوحدي ,بس بعد مكلمت حضرتك حتوكل على الله وأنزل بكرة إن شاء الله ..العربية فيها الحاجات اللي قلتها بالإضافة لخط جانبي لولبي(امضاء عربية نص نقل ) قديم كده ..وخبطة في الفانوس اللي ورا.ومش عارف هل العربية لازم تترش كلها ؟؟ و ماأنواع الدهان أو المعجون المفضل للعربية الجديدة ؟؟ أنا عايز ألِم الموضوع بس بحاجة مناسبة وجيدة وتعيش ..وشكرا

اهلا وسهلا
اديك جيت وشفت طبيعة الشغل بنفسك وان شاء الله الشغل يعجبك لما العربية تخلص
وتبقي زبون عندنا في التلميع بس يا رب ماتجيش في خبطات تاني

[Karim_Monir]

السلام عليكم
ممكن أسال عن محل كويس لقطع غيار السيارات لشراء كبالن لسيارة فيرنا وشكرا

لو من الحرفيين في محلات كتير وانواع كتير حدد طلبك اكتر

[Karim_Monir]

السلام عليكم

الاستاذ كريم

ممكن حضرتك تقرا الموضوع ده وتقولى ايه احسن الحلول اللى ممكن اعملها

http://www.nilemotors.net/nile/260945-a.html

وبالتوفيق ان شاء الله

وعليكم السلام ورحمه الله
بسيطة بس لازم ترش الكابوت
تتعمل سمكرة وتتمعجن صح وتترش على طول
تحياتي

[Karim_Monir]

أ / كريم
انا عربيتي لانسر كريستالة وكنت عاوز ارشها خارجي تتكلف كام ؟

شكرا جزيلا

اهلا وسهلا بيك
لازم معاينة لمعرفة حالة الصاج والفروقات والدهان السابق والسمكرة الازمة

[Karim_Monir]

تم اضافة صور جديدة للجروب
‫ط§ظ„ظˆطط´ :-) | Facebook‬
‫ظ„ط§ظ†ظˆط³ 1 طھط¬ط¯ظٹط¯ ط´ط§ظ…ظ„ | Facebook‬
‫ط¯ط§ظٹظ‡ط§طھط³ظˆ ظپط±ظˆط²ط§ 2 ظ„ظˆظ† | Facebook‬

[hashour]

السلام عليكم يا أستاذ كريم
انا معايا كورولا 2008 فضي لسا شاريها مين أقل من شهر.....المهم من كام يوم كده واحد بموتوسيكل خيش فيها من ورا...الاكصدام اللي ورا اتشرخ من كذا حته من عند الدوران الشمال كده وفيهم شرخ كبير حبتين
ايه رايك....هل الشروخ دي ممكن تتعالج و الاكصدام يا خد رشه...و تكلف كام تقريبا...(انا عارف ان ده كلام تقريبي)
ولو مش ممكن ولازم نجيب جديد....الجديد بكام و هل هو في انواع برده اصلي و تقليد ولا كله حاجه وحده...وفي الحاله دي يكلف كام

مع العلم...العربيه فيها سنسور ركنه خلفي ودول الحمد لله ما حصلهمش حاجه...بس ح يتغكوا و يتركبوا تاني....وفي برده عاكس لونه احمر مدور في الاكصدام الخلفي في الكورولا (انت عارفه طبعا)....هما اتنين ..في واحد فيهم اتكسر ومحتاج يتغير و يتركب جديد...عندك فكره ده بكام برده

وبرده ...بالنسبه للشغل ده...ممكن العربيه تقعد عندك كام يوم

شكرا على وقتك مقدما

[Karim_Monir]

معذرة للتاخير في الرد
اه ممكن يتصلح وفيه تايواني وفي اصلي وفي استيراد
التايواني ممكن يعمل من 300 الى 400
والرش لما تيجي نشوف نوع دهان العربية وماتقلقش مش غالي رش اكصدام بسيطة
وكمان نلمعلك العربية كلها ونشيل الخرابيش كلها
الشغل لو من الصبح ممكن نحاول تمشي بليل ولو الجو ساقع ممكن نشتغل فيها بطانة وسحق يوم
ورش وتلميع يوم تاني

[Karim_Monir]

تم اضافة صور جديدة لجروب المركز

http://www.facebook.com/groups/295578580457513/

[Karim_Monir]

[Ahmod]

بسم الله ماشاء الله شغل على ماية بيضا

تسلم ايدك والله شغل عشرة على عشرة

لو تفتكر انا اللى الترلا بوظلتي الباب والرفرف وبعد مارشيت حصل فرق لون وانت قلتلي ده نتيجة ان العربية ماتعملتش كويس

انا استعوضت ربنا في فرق اللون وقلت مش مشكلة خليها حبة وبعدين ابقى ارشها مع الخبطة التانية

كنت حاطط استيكر على الباب شيلته راح مطلع البوية معاه ومن بعدها بدأت البوية تقشر والباب بقى شكله صعب

ربنا يكرمه اللى رشلي راجل عشرة على عشرة والغلط مش عليه على زميلي اللى قعد يعظملي فيه

المهم يا استاذ كريم انا عايز ارش الباب والرفرف من الاول بس حاجة لا يكون فيها فرق لون ولا فرق في اللمعة ولا اخاف الزق استيكر اجي اشيله يطلع معاه البوية

فالتكلفة هتبقى في حدود كام ؟ رش الباب والرفرف (مع العلم ان فيه زي فقعات كدة صغيرة نتيجة الرشة اللى زي الزفت وانت سعتها قلتلي لازم تتسحق وتترش من الاول)

ولو جيتلك يوم الصبح بدري من 8 مثلا ممكن على بليل تكون خلصت ؟

هو مش محتاجة شغل سمكرة خالص مجرد بس تترش من الاول رشة حلوة

والف شكر ليك وللمجهود المبذول