مركز نايل موتورز لدهان وتجديد السيارات

[m_h_e_4u]

الف مبروك يا باشا وليا سؤال عند حضرتك لو عايز ارش اكصدامين لعربية لانسر بومه حيكلفونى كام

[muslem]

طب أنا ساكن بعيد.. (مدينة الشيخ زايد) وكمان عربيتي 128.. واتخبطت الخبطة دي



فعاوز أعرف الأول هل بتتعاملوا مع أصحاب ال128؟ ولا؟؟ ولو أه، فممكن تخشلها تقريباً بكام سمكرة ودوكو، كمان لو هرش معاها الإكصدام الخلفي والأمامي ممكن تتكلف كام تقريباً؟

علماً بأنها مرشوشة بالكامل في أول رمضان الماضي (شهر 7-2011) يعني لسة رشها جديد
كذلك أرجو التكلفة تقريبياً وعارف إنها ممكن تزيد أو تقل لما آجي، بس لأني فعلاً ساكن بعيــــــــــــد ومش هقدر آجي لمجرد التقييم فقط.. رجاء بس أ.كريم لو توري صورتها للصنايعي وتكتب لي تكلفة تقريبية فقط.. أكون شاكر

ملحوظة: درجة اللون (bmw439) ميتالك

لا قوة الا بالله
ربنا يعوض عليك
ايوة بنتعامل مع ال 128 عادي مش عربيات
بس الفكرة السمكرة في الحرفيين غالية شوية
هي ممكن تدخلها في 700 جنيه سمكرة ودهان وطبعا انا مش شايف ارضية الشنطة وصلت في ولا العصر وصلت فين
ونحاول نلمهالك شوية على قد ما نقدر انت صاحب واجب سابق
تعالي ونظبطهالك ان شاء الله بتكلفتها ومش عايزين منك حاجة

بص يا مستر كريم على الموضوع ده لان انا حالتى منيلة بنيلة جدا و عايز اصلح العربية على قدر الامكان باقل تكلفة لان خلاص انا فلست شوف اخر صفحة و المشاركة اللى قبلها على طول و لو عايز صور اديك صور ان شاء الله علشان بس اعرف ايه اللى اقدر اعملها فى العربية خصوصا و الصيف داخل و اللى يركب العربية يطلع بضربة شمس
و اسف جدا على تعبك معى فانا زي نفس حالة اخونا مسلم مسكين من حيث السكن فى 6 اكتوبر
اختصار بسيط لحالة السيارة فى شوية سمكرة فى العضم بتاع البابين الشمال + العضم اللى تحت الرفرف الشمال برضوة لان السمكري عملهم وحش و كمان انا مضطر اعملهم لان العربية بتسرب مياه فى الصالون من ناحية زرار فتح الكابوت اللى ناحية الانذار اللىعايز اشغله و طبعا الكهرباء و الزجاج التكييف بايطين برضوة
و العربية قسط يعني انا مخنوق على الاخر
يا ريت بس تطل على الموضوع زي ما قلت لك علشان تفهم موقفى
و مشكور جدا على رحابة صدرك يا استاذ كريم
http://www.nilemotors.net/Nile/236595-a.html

[wmostafa]

مبروك الورشه .... طيب ممكن تساعدوني في الموضوع اللي في الرابط اللي تحت ... وأجي يوم الجمعه الساعه كام :)

مين أجمد واحد بتاع اكصدامات ؟ - نايل موتورز - NileMotors.net

[Karim_Monir]

M.Hosni معلش محصليش الشرف اني اقابلك وتتعوض ان شاء الله
m_h_e_4u القطعة من اول 200 جنيه وانت طالع حسب نوع الخامات اللي تطلبها

muslem

wmostafa
هارد عليطك في موضوعاتكم

[saasaa301]

هو الصاروخ ده بيشيل الخدوش الى فى العربيه ولا بيلمع بس؟

[osa92003]

استاذ كريم : حصل عندى خدش فى العربيه ولسه جديده نتيجه حكه فى عمود ياترى فى علاج لها

[Karim_Monir]

saasaa301 بيشيل الخرابش الرفيعة وبيلمع
خدش دي كلمة واسعة
خدش طال بطانة
خدش وطال صاج
خدش شكلة ايه عشان افهم

[tekoooooo]

سقف اللوجان

ا/كريم السلام عليكم ورحمة الله وبركاته
عربيتى رينو لوجان 2012 فيرانى السقف طلع عليه كلب هبطه جامد رديته كله بأيدى بس فيه حته فوق العظم معرفتش اردها رحت لسمكرى عند البيت قاللى لازم تفك السقف عشان نعرف نعمله فأنا بصراحة قلقان من موضوع فك السقف ده فعايز اعرف هل عندكو فى الورشه شفاط الصاج ده ولا ايه لو كده اجيبها نعملها عندك والسقف فيه حاجات معلمه ممكن اعرف منك التكلفة هتكون فى حدود كام واخش الحرفيين من ناحية الدائرى اقرب ولا جمال عبد الناصر اقرب للورشة عندك

[motazgamal]

عايز اعرف تكلفة رش 127 اعمل حسابي في كام

[blazer]

أ /كريم
معلش هتعبك معايا
ياريت تدخل تشوف الموضوع دا وتساعدنى
عشان أقدر احدد تكلفه الاصلاح المبدئييييه ونبتدى بإذن الله

http://www.nilemotors.net/Nile/282370-a.html#post3874232394

[saasaa301]

هو عند حضرتك جهاز شفط ؟
انا عندى خبطه فوق تانك البنزين ومش هينفع تترد كده عشان وراها صاااج
فكنت عايز اعرف التكلفه كام لو عند حضرتك جهاز الشفط ده؟؟

[Karim_Monir]

للاسف مفيش جهاز شفط

[osa92003]

مهندس كريم ياترى الخددش ده ليه حل عند حضرتك هى اسبرنزا 516 فضى ميتاليك

[lordvoldmort]

السلام عليكم أستاذ كريم

عندي إستفسارين:

1- أنا عربيتي النترا 2012 الحمد لله علي كل شئ و لكن العربية كل شوية تاخد خبطة أو حكة ففيها دلوقتي:
- خبطة جنب الفوج الشمال بالضبط
-حكة من ناحية الباب الشمال من تحت
-حكة ناحية الرفرف الشمال
فعلاج الحاجات دي يتكلف في حدود كام؟ ممكن رينج مش لازم بالضبط

2- (من باب العلم بالشئ) هو لو الواحد حب يغير لون عربيته بالكامل دة يتكلف كام؟ و الدهان الجديد هيكون بنفس جودة و ثبات الأصلي؟

و شاكر جدا لتعبك

[Karim_Monir]

osa92003 لو الخدوش طالت البطانة صعب
غير كدة بالتلميع الشديد بتروح
lordvoldmort جنب الفوج ده اكصدام وباب شمال ورفرف دي اسمها في عرف الشغل مرمات
وصعب جدا تحديد مصنعيات مرمات الا لما تتشاف ظاهريا عشان اشوف اول فاصل جنبها ايه
وعامة بتبقي بسيطة قوي ما تدقش علي التمن
تغيير لون العربية يكون عدي عليها عشرين سنة واما تتعاب كتير في البيع
والدهانات كويسة جدا وضمان عشر سنين على الاسكينز