مركز نايل موتورز لدهان وتجديد السيارات

[Ayman-Ahmed]

حمد لله على السلامة وعمرة مقبولة بامر الله.

[sheko_2000eg]

و الله يا كريم انا عايز اشتكيلك
انا روحت لبسام علشان يعملي اكصدامين و عتبتين قالي 2200 جنيه
و بعدين دخلت ورشة نايل موتورز علشان يقولولي هرش الاجزاء بكام احمد قالي 750 جنيه
بصراحة انا ميزانيتي متكفيش الفلوس ديه - و كمان مستغلي الشغل شويتين

انا سالت برة واحد بتاع فيبر قالي 800 جنيه
وواحد بتاع دوكو قالي 400 جنيه الرش

ارجو الافادة منك و عمرة مقبولة انشاء الله

[Karim_Monir]

والله يا شيكو شغل الفيبر ده ممكن تعمل العتبتين ب 100 جنيه
وممكن تعملهم ب 600 جنيه
يفرق الخامة والمصنعية وتقفيل الشغل
تقدر تروح لواحد رخيص
بس ماتزعلش لما يتكسر منك في مطب وشكله يبوظ العربية
محدش بيكسب المبلغ ده كله ده فرق خامات وصنعة
نفس الكلام عندنا
ممكن ارشهوملك ب 400 جنيه
بس رش يزعل
ماينفعش يخرج من ورشة نايل موتورز
ولو حد جالي قاللي اعمل شغل نص نص
هاقوله مقدرش لانه في الاخر خارج من ورشة نايل موتورز
معلش لو ناوي تعمل شغل تقضية واجب مش هاينفع عندنا
عشان انا محافظ جدا على الاسم والسمعة اللي عملتهم بفضل الله

عقبال عمرتك ان شاء الله وخللي الشغل كله علينا ولا يهمك

[m20ahmed]

السلام عليكم
انا عطو جديد وحبيت اقولك مبروك وجزاك الله عنا خيرا ... أنا بقولك كدة لهدفك من المشروح أن الناس اللى معندهاش خبرة مع التعامل مع الصنايعية ميتعملش عليها شغل ..

[blackcode_80]

الف مبروك عالعمرة والورشة يا كريم باشا.... الواحد كان زمان نفسه فعلا يروح ورشة من الاخر يسيب عربيته وهو مطمن عالشغل والمصنعية لانى انا شخصيا نفسى اظبط عربيتى ومتردد اعملها لانى معنديش خبرة فى التعامل مع الصنايعيةقبل كده....

بالطريقة دى اول ما اظبط الماديات هجيلك بدون تفكير ان شاء الله.... شكرا

[omdaHonda]

ازيك يا كريم عامل ايه وحمد الله على السلامة وعمره مقبوله ان شاء الله انا لسه جى من الورشه وسبت العربيه علشان اعملها عندك فى الورشه هيه هوندا زيتى 96 علشان هجددها بص عليها كدا يا كيمو هو احمد بصراحه قام بالواجب معايا وبردوا بعد اذنك يا باشا بص عليها وياريت نبقى نتقابل هناك وشكرا جزيلا اخوك عماد

[أحمد الجندى]

كريم باشا

واحد ابن حلال خبطلى باب العربية وهى واقفة وكنت عايز ارد الخبطة وارش الباب

حاحطلك صور العربية ياريت اعرف تصليحها يعمل فى حدود كام وتخلص فى قد ايه ؟

[Karim_Monir]

عماد شوف عربيتك ووصيت احمد ليها وهي حلوة ربنا يباركلك فيها وان شء الله تخلص على خير
استاذ منارو دي بسيطة تعالي سمكري تاخدلها ساعتين تلاتة
وبقية اليوم تجهيز وتاني يوم رش
يعني يومين ان شاء الله والتكلفة بسيطة ماتحملش هم خليها علينا

[omdaHonda]

شكرا يا كريم على هذا الاهتمام وربنا يكرمك

[Youssef.Awad]

ان شاء الله لما احتاج اعمل اى حاجة فى العربية اكيد هاتصل واجيلكم

[ahmad--ezzat]

كريم باشا انا عملت حادثه بعيد عنك على طريق مصر اسكندريه....مش هتكلم فى تفاصيل .... كل التفاصيل فى الموضوع دة.

http://www.nilemotors.net/Nile/235478-140.html

..وبصراحه انا اتخنقت من السمكريه والضحك على الدقون وقله الضمير ,,,وبصراحه التوبيك دة جالى من السما....انا ظبط العربيه ميكانيكا بس ناقص شويه سمككره اسفل العربيه ومش عارف هل هيبقى فى زرجينه ولا لا...ياريت بس تقولى اعمل ايه بالظبط

[ahhazem]

الف مبروك ياباشا وربنا يباركلك ان شاء الله
انا عربيتي سكودا فيليشيا 96 وفيها شغل سمكره ودوكو كتير علشان بصراحة انا كنت مكسل عليها بقالي فترة
بس نويت اجددها علشان بصراحة عاوز ابيعها ومش عاوز اخسر فيها كتير
ياريت اعرف اشوفك لما اجي الورشه علشان تشوف العربيه وتقوللي تاخد وقت قد ايه علشان انا مش باستغنى عنها بصراحة وهوا ده اللي كان مكسلني عن تجديدها
واليومين دول ممكن علشان رمضان الدنيا بتبقى هاديه شويه
بالمناسبه انا كنت عاوز اعرف اوصل ازاي الحرفيين علشان انا مروحتش هناك قبل كده خالص
انا ساكن في الهرم ولو هاجي هيبقى عن طريق الدائري
ياريت لو بس اعرف اجي ازاي ويبقى ليك جزيل الشكر

أحمد حازم
0127739231
0122344304

[Karim_Monir]

باشمهند احمد عزت حمد الله على سلامتك
بركة انك بخير
تجيب العربية وتيجي الورشة وتقول عايز يتعمل فيها ايه ونقولك الصح

باشمهندس احمد حازم تنورنا ونقولك مقايسة للعربية وانت واقف وتاخد وقت قد ايه
واللي عايز يعمل عربيتة ينجز لان مع نالنص التاني من رمضان بتدبء زحمة تظبيط العربيات والورشة بتكون زحمة جدا

تيجي دائري وتنزل مخرج 17 بعد ماتخرج من نفق السلام
تسئل عن نقطة شرطة الحرفيين توصل عندها تسئل عن مدرسة عمار ابن ياسر هي قريبة قوي منها
الورشة لازقه في المدرسة
وتسئل عن احمد قدورة مدير الورشة
وجه تليفون قدورة
0102892814

[SHADOWGHOST]

السلام عليكم
انا رحت الورشة يا استاذ كريم وعملت العربية وشغل زي الفل وكان نفسي اقابلك بس ان شاء الله اكيد هنتقابل مرة تانية ، انا بس زعلان لاني بعد ما مشيت اكتشفت النهارده ان الكنبة اللي ورة وكل اعتاب الابواب متبهدلة طين لانه كان بيقف عليها لما يعمل السقف وانا مخدتش بالي لان عملت الموضوع بالليل ، دي ملاحظتي بس انا فعلا اتضايقت منها ، لكن الشغل زي الفل ، والعربية محتاجة شوية سمكرة في الابواب والرفارف بس اتصدمت في السعر والوقت لان قدورة قالي 10 ايام دا غير السعر كمان ، انا رايح بكرة اعمل عزل حراري وكده بقه كفاية وبلاش سمكرة وخليها كده ،

[Karim_Monir]

السلام عليكم
انا رحت الورشة يا استاذ كريم وعملت العربية وشغل زي الفل وكان نفسي اقابلك بس ان شاء الله اكيد هنتقابل مرة تانية ، انا بس زعلان لاني بعد ما مشيت اكتشفت النهارده ان الكنبة اللي ورة وكل اعتاب الابواب متبهدلة طين لانه كان بيقف عليها لما يعمل السقف وانا مخدتش بالي لان عملت الموضوع بالليل ، دي ملاحظتي بس انا فعلا اتضايقت منها ، لكن الشغل زي الفل ، والعربية محتاجة شوية سمكرة في الابواب والرفارف بس اتصدمت في السعر والوقت لان قدورة قالي 10 ايام دا غير السعر كمان ، انا رايح بكرة اعمل عزل حراري وكده بقه كفاية وبلاش سمكرة وخليها كده ،

اهلا وسهلا انت نورتنا
انا كنت موجود الخميس والجمعة كمان ورايح النهاردة ان شاء الله عشان عربيتي بتتعمل هناك
موضوع العتب ده انا بلغته بيه وفعلا هو مخدش باله وبنعتذر عنه
هو قاللي ان العربية متبهدلة جدا جدا وعايزة شغل كتير جدا عشان كدة لازم تروح لسمكري كويس
احنا بنتعامل مع اكتر من سمكري وبنحدد الشغل واحتياجة حسب مقدرة كل سمكري
تحياتي