مركز نايل موتورز لدهان وتجديد السيارات

[Ahmod]

كنت كلمت حضرتك في الموبايل امبارح والنهارده

وللاسف ماقدرتش اجيلك النهارده بسبب ظروف السفر اللى جاتلي

انا قلت كمان اخليها لما ارجع من السفر احسن عشان احتمال ارش الباب والرفرف التانين بالمرة غير الاجزاء اللى اتخبطت في الحادثة

فقلت اخليها لما ارجع بحيث تاخد وقتها ونبقى براحتنا ومابقاش مستعجل او مرتبط بسفر خصوصا اني مش مسافر بالعربية فمش ضروري موضوع اني اصلحها قبل ماسافر

ان شاء الله على يوم الجمعة او السبت الجاي هاجي لحضرتك

على حسب مارجع من السفر وهتصل بحضرتك قبلها ان شاء الله

وانا كلي ثقة في حضرتك وفي ورشة نايل موتورز وان العربية ان شاء الله هترجع زي الاول واحسن

وان شاء الله تكون فرصة كويسة اني اتعرف على حضرتك لاني والله من زمان وانا ودي اقابلك بس ماجتش فرصة

[Karim_Monir]

في انتظارك يا احمد وترجع بالسلامة ان شاء الله

[omar omara]

بالتوفيق ان شاء الله

[mohsen_anwar]

السلام عليكم .. ومبروك علينا كلنا وجود ناس صنايعية محترمة نعرف نتكلم معاهم بتحضر ورقي .. سؤال يا أستاذي .. يا تري عندكم سمكرية جامدين في موضوع الاساسيات .. متفهمنيش غلط انا مش قصدي اشكك في الكفاءة .. بس حضرتك عارف شغل الاساسيات والقوايم والكارتيرات بيختلف عن شغل الصاج العادي وبيحتاج سمكري خبرة وعارف المقاسات مظبوط اوي .. عندي 128 مرفوعة من حوالي 15 سنة .. بركبها بس شهر كل سنة وارفعها تاني .. ما لمسهاش سمكري او بتاع دوكو من 1997 .. بس فيها شروخات وبارومة بسيطة وغيره من مشاكل الركنة .. اكيد انت فاهم ال128 بيحصل لها ايه ... آجي ونعمل المقايسة ونتحدي نفسنا ونوقفها على حيلها .. ولا إيه رأي حضرتك

[bassem100]

انا عضو جديد وكنت عايز اعرف كيفية الحصول على الإستيكر بتاع المتندى علشان استفيد بالخصم وشكرا

[mostafamndy]

ليس أجمل من أن تعود سيارتك جديدة كما كانت ... تجربتى مع نايل موتورز

تعرضت عربيتى لحادث أليم – لا داعى لتذكره – وقد ذهب الحادث بنضارتها وجمالها وتألمت لحالها وأصبحت ازهد فى ركوبها حتى جاءت لحظة إصلاحها بعدما توفر لى مبلغ يكفى لإصلاحها ، وبالفعل اخذنى أخو المدام لصنايعى شاطر يتعامل معه فى منطقة أربعة ونص وعاين العربية وقدر التصليح إلا ان نفسى لم تطمئن تماما له وفكرت إنى أوديها التوكيل واستقريت على هذا الرأى حتى تصفحت موضوع مركز نايل موتورز لتجديد السيارات الموجود فى المنتدى وعجبنى الشغل المعروض ودعانى للتفاؤل ثناء زملائنا الاعضاء وبالفعل كلمت أ. كريم منير وكذلك الأسطى الماهر أحمد قدورة وتفائلت بمحادثتهما خيرا ...
وفى صباح يوم الأحد أخذت العربية وروحت الحرفيين ولكن للاسف وجدت الورشة مغلقة فاتصلت على الأخ أحمد قدورة فعرفت منه إن الورشة أجازة الأحد فما كان منى إلا أنى عدت أدراجى وجئته فى اليوم التالى فاحسن استقبالى وشعرت من كلامه وهو بيعاين السيارة غن صنايعى فاهم وعنده ضمير وبالفعل أخذت منه مقايسة علشان شركة التأمين ، وابلغت الأخ كريم بالسيارة وقد ظل يتابع معى حتى بعد استلامى للعربية ورأيى فى الشغل ، ثم ذهبت عملت إخطار فى الشركة وذهب المندوب ليعاين العربية وبصراحة الأخ احمد عمل معه الواجب وحصل منه على أكبر قدر ممكن من الموافقات على إصلاح العربية ... وبعدها ابتدأ الأخ أحمد فى شغله وكنا بنتابع مع بعض بالتليفون إلا أن جاء يوم استلام العربية والذى حدده مسبقا الأخ أحمد وقد صدق فيه ...
ذهبت لاستلام العربية فما عرفتها ... انها عربية أخرى جديدة ..جميلة .. غير تلك العربية التى سلمتها لأحمد .. خبطة فى عتب اللوجان كأنها لم تكن .. وخبطة فى سوكة الشنطة لا أثر لها .. والجانب الأيمن كانت حالته يرثى لها فها هو منور واكصدامات متهالكة ومكسرة ومتدغدغة فإذا هى جديدة .. من الاخر عربية أخرى ولا أظن إن يوم ما استلمتها زيرو كانت بهذا الجمال .. وفعلا ليس هناك أجمل من أن تعود سيارتك جميلة كما كانت ، وكما قال الشاعر العربى قديما :
جزى الله الشدائد عنى كل خير ....* قد عرفت بها عدوى من صديقى
فتجديد السيارات واصلاحها يعرفنا الفرق بين الصنايعى المحترف والهاو والأخ أحمد محترف نمرة واحد زائد ذوقه وأدبه العالى وضميره الذى جعله يتخانق مع مندوب التأمين فى تغيير فانوس وكواكس ومراية لا ناقة له فيهم ولا جمل ..
واما الاخ كريم منير .... فأنا اتمنى لقائه ..

ودمتم جميعا فى حفظ الله واتمنى الا تزوروا الورشة غلا لتجديد عربياتكم فقط ...

[Karim_Monir]

mohsen_anwar
الموضوع بسيط جدا ان شاء الله شرفنا ونعملهالك
bassem100
في موضوع مثبت لموزعين الاستيكر بتشوف اقرب واحد ليك

[Karim_Monir]

ليس أجمل من أن تعود سيارتك جديدة كما كانت ... تجربتى مع نايل موتورز

تعرضت عربيتى لحادث أليم – لا داعى لتذكره – وقد ذهب الحادث بنضارتها وجمالها وتألمت لحالها وأصبحت ازهد فى ركوبها حتى جاءت لحظة إصلاحها بعدما توفر لى مبلغ يكفى لإصلاحها ، وبالفعل اخذنى أخو المدام لصنايعى شاطر يتعامل معه فى منطقة أربعة ونص وعاين العربية وقدر التصليح إلا ان نفسى لم تطمئن تماما له وفكرت إنى أوديها التوكيل واستقريت على هذا الرأى حتى تصفحت موضوع مركز نايل موتورز لتجديد السيارات الموجود فى المنتدى وعجبنى الشغل المعروض ودعانى للتفاؤل ثناء زملائنا الاعضاء وبالفعل كلمت أ. كريم منير وكذلك الأسطى الماهر أحمد قدورة وتفائلت بمحادثتهما خيرا ...
وفى صباح يوم الأحد أخذت العربية وروحت الحرفيين ولكن للاسف وجدت الورشة مغلقة فاتصلت على الأخ أحمد قدورة فعرفت منه إن الورشة أجازة الأحد فما كان منى إلا أنى عدت أدراجى وجئته فى اليوم التالى فاحسن استقبالى وشعرت من كلامه وهو بيعاين السيارة غن صنايعى فاهم وعنده ضمير وبالفعل أخذت منه مقايسة علشان شركة التأمين ، وابلغت الأخ كريم بالسيارة وقد ظل يتابع معى حتى بعد استلامى للعربية ورأيى فى الشغل ، ثم ذهبت عملت إخطار فى الشركة وذهب المندوب ليعاين العربية وبصراحة الأخ احمد عمل معه الواجب وحصل منه على أكبر قدر ممكن من الموافقات على إصلاح العربية ... وبعدها ابتدأ الأخ أحمد فى شغله وكنا بنتابع مع بعض بالتليفون إلا أن جاء يوم استلام العربية والذى حدده مسبقا الأخ أحمد وقد صدق فيه ...
ذهبت لاستلام العربية فما عرفتها ... انها عربية أخرى جديدة ..جميلة .. غير تلك العربية التى سلمتها لأحمد .. خبطة فى عتب اللوجان كأنها لم تكن .. وخبطة فى سوكة الشنطة لا أثر لها .. والجانب الأيمن كانت حالته يرثى لها فها هو منور واكصدامات متهالكة ومكسرة ومتدغدغة فإذا هى جديدة .. من الاخر عربية أخرى ولا أظن إن يوم ما استلمتها زيرو كانت بهذا الجمال .. وفعلا ليس هناك أجمل من أن تعود سيارتك جميلة كما كانت ، وكما قال الشاعر العربى قديما :
جزى الله الشدائد عنى كل خير ....* قد عرفت بها عدوى من صديقى
فتجديد السيارات واصلاحها يعرفنا الفرق بين الصنايعى المحترف والهاو والأخ أحمد محترف نمرة واحد زائد ذوقه وأدبه العالى وضميره الذى جعله يتخانق مع مندوب التأمين فى تغيير فانوس وكواكس ومراية لا ناقة له فيهم ولا جمل ..
واما الاخ كريم منير .... فأنا اتمنى لقائه ..

ودمتم جميعا فى حفظ الله واتمنى الا تزوروا الورشة غلا لتجديد عربياتكم فقط ...

جزاك الله كل خير اخي الحبيب والحمد لله ان شغلنا عجبك
ومعملناش غير الواجب علينا ونشوفك في التلميع بس :-)
واشوفك على خير قريبا

[m7nsh]

استاذ كريم ..كل سنه و حضرتك طيب ورمضان كريم :)
اعرفك بنفسى ..اخوك محمد بدر مهندس اتصالات ..
النهرده نزلت بعد الصلاه علطول عديت على احمد قدوره عمل معاينه و بص عليها وسبتهاله وربنا يكرم ان شاء الله ..
وفعلا الراجل محترم جدا و زوق و ربنا يكرم فى الشغل انا متفائل بالنتيجه .. ربنا يتمها على خير بإذن الله
اهم حاجه الواجب يتعمل..انا داخل على طمع بصراحه :) .. وبعدين دى ماروتى .. يعنى هيرشها كلها وهو واقف فى مكانه .. هيمد اديه بس يجيب العربيه من اولها لأخرها :)) ونقطتين بويه هيغرقوها.. ولا ايش ؟ :)
دمتم بود ..

[dieseldash]

أستاذ كريم اولا كل سنه و انت طيب. انا معايا هوندا سيفيك 1993 و فيها شغل سمكره خفيف جدا و عايز ارشها بالكامل لونها نبيتى عايز اعرف تتكلف فى حدود كام تقريبا عشان اشوف اعملها و لا ﻷ. شكرا

[bebom]

سلام عليكم

كل سنة وانتو طيبين
معايا لانوس عايز ارش الجنبين والاكصدامين بس عايو اعرف تكلف كام

[Karim_Monir]

محمد بدر نورت الورشة وان شاء الله الشغل يعجبك وترجعلك احسن من الاول
dieseldash
اسعار السمكرة لازم معاينة ماينفعش اطلاقا ارقام تقريبية
اسعار الدهان عندنا اسعار للدهان بالكامل من اول 1800 لغاية 3500
انت بتيجي وتعرف عايز تعمل ايه ونقولك يتكلف كام

bebom من اول 1500 وانت طالع حسب انواع الدهان وحالة الصاج

[SamirSabry]

اه ينفع يا محمد

الله يكرمك يا شيخ......مع انى اخوك سمير، بس ميضرش برضة
كل عام وحضرتك وكل زملاء المنتدى بخير وصحة وسلام
سبق وحضرتك نوهت عن عدم اختصاصكم باعمال الكهرباء والميكانيكا، بس يعنى يهون عليك اخوانك فى المنتدى، يعملوا شغل فورة سمكرة ودهان، والعربية متدورش مثلاً؟؟؟؟
لازم تتصرف فى الحكاية دى، انا عايز خدمة تجديد كاملة متكاملة، سور يعنى، أسلمك قفص فراخ ماركة هيونداى.........أستلمها جاجوار ماركة أكسنت وباتنين دريكسيون كمان

ياريت تعرفنا مواعيد شغل الورشة فى رمضان، ووضح العنوان اللة يسترك
زمتنساش موضوع الصيانة الميكانيكية الكهربائية المتينة الله يكرمك

[Karim_Monir]

اهلو وسهلا سمير باشا
ده كله الا حبايبنا بتوع هيونداي
والله انا نفسي بس انا اقولك مين بيشغل كويس بس لكن اكتر من كدة مقدرش اتدخل فيه
اقف معاك واجيبلك سعر كويس وعيني معاك تستلم لكن اكتر من كدة مقدرش
اللي اقدر علية انك تستلم مني سمكرة ودهان واتابعلك العربية عند اي صنياعي اوديهالك واجيبهالك لكن اكون انا في الوش صعب اعرف اضمن نفسي وصنايعيتي لكن معرش اضمن صنايعية تانية
احنا بنفتح من 11 ل 11 في رمضان
تنورنا اي وقت
العنوان دخل الحرفيين من طريق مصر اسماعيلية اول ماتددخل هاتلاقي عبد السلام حسن على شمالك تدخل من جنبه شمال في تاني شمال تلاقي باب المدرسة في وشك واحنا جنبها على طول
احمد قدورة مش قدروة بس
تليفونة
01002892814
وتليفوني
01001263030

[SamirSabry]

جزاك الله خيرا يا سنيور كريم على سرعة الرد والتبرع بالمساعده
الحقيقة انها هيونداى اكسنت 1300 كاربراتير، وفيها تقطيعه كدة مضايقانى وشكلها شوية قدم من ساعة ما مراتى ركبتها، وانا فعلا باحبها العربية دى ونفسى احييها تانى ، بس من كتر ما هى غالية عندى مش باثق فى اى حد بسهولة يمد ايدة فيها، وعايز مركز متكامل علشان ينسقوا مع بعض ومسمعش حد بيجيب العيب فى صنايعى تانى

طيب انت ترشح مركز صيانة متكامل ميكانيكا وكهربا محل ثقة؟؟ يبقى من ذوقك وكرمك لو دلتينى علية