مركز نايل موتورز لدهان وتجديد السيارات

[Karim_Monir]

اغشك والله لو قولتلك في حد كويس
للاسف انا تعبت منهم ومعاهم جدا عشان كدة ببعد عنهم
ده انا بقف فوق دماغ اللي بيعملي حاجة في عربيتي بسبب قلة الثقة فيهم :-(

[Karim_Monir]

من اراء عملائنا

http://www.nilemotors.net/Nile/301018-a.html

[omaremam]

لانسر2005 البومة مخبزطة خبطة بسيطة في الرفرف الامامي اليمين الخبطها قالي تتعمل علي البارد
كنت عايز اعملها والمع السيارة كلها نظافة
تكلفني كام

[SamirSabry]

اغشك والله لو قولتلك في حد كويس
للاسف انا تعبت منهم ومعاهم جدا عشان كدة ببعد عنهم
ده انا بقف فوق دماغ اللي بيعملي حاجة في عربيتي بسبب قلة الثقة فيهم :-(

ومين سمعك والله.........ربنا يرحمنا من أزمة الضمير، ومرض "الفتى" اللى ماشى فى سوق الصنايعية ومودينا فى 60 داهية :((((
أنا عندى ابن عمى لسة عامل عمرة فى عربيتة المرسيدس....وواقف أمام سروجى تانى يعمل كسوة للفرش، العربية ولعت لوحدها ولحقها بالعافية......وهيغير الضفيرة بالكامل :(((((((
ربنا يصلح الحال

[wael_hassan]

استاذ كريم عندي استفسار هام لسيارة واحد صاحبي
السيارة مازدا 3 موديل 2007
اتكسر جزاء من العفشة وهو نازل من كوبري والعربية اتخبطت في الرصيفين والحمد لله جات سليمة
الشغل المطلوب كالتالي
تغير كارتيرة الزيت
تغير مساعدين امامي
تغير مقاصين امامي ومقص خلفي
تغير اكصدام امامي
سمكرة بسيطة في نهاية الرفرف الامامي اليمين
رش الاكصدام بالرفرف الامامي بعد التصليح
وربما يوجد اعمال عفشة اخري بعد الفك
ده غير تغير الجنوط لانها اتعوجت,,
هل هذه الاعمال ضمن نطاق مركز نايل موتورز او يمكن توافرها من طرفكم لان الواحد مش عايز ينزل الحرفين من اللي بيسمعوا من قلة الضمير ,,وانا متأكد وواثق في رأيك وفي شغلك ويارب يوفقك,,,

[Karim_Monir]

omaremam معذرة مقدرش ادي سعر من غير معاينة
SamirSabry فعلا في ازمة ضمير الله يسامحهم
wael_hassan اي شغل سمكرة ودهان يكون تبعي
اي شغل اخر ممكن اتابعهولك دون مسئولية علينا لكن الحمد لله بنكون متابعين لكن المسئولية النهائية مش تبعي لاي حاجة غير السمكرة والدهان
لان كلمتي التزام مهما كلفني

[Bmipmact]

أستاذ كريم، بعد التحية.
مبروك عل مشروع الجامد دة وربنا يباركلك فيه إن شاء الله.
أنا معايا Bmw e30 و كنت عايز أعرف لو جبت أنا البوية من برة وعايز أرشها كلها تتكلف كام.؟

شكراً

[Karim_Monir]

Bmipmact الله يبارك فيك
للاسف ده مش من نظامنا عشان لو حصل اي عيوب في الدهان مش هاعرف احدد مسئولية مين
فنظامنا احنا بنجيب الدهان وبنكون مسئولين عنه بالكامل

[Bmipmact]

بس أنا أصلي كنت عايز أجيب سكينز زي الأنا رشاشها...تقدرو توفرولي السكينز ؟

[Karim_Monir]

بس أنا أصلي كنت عايز أجيب سكينز زي الأنا رشاشها...تقدرو توفرولي السكينز ؟

طبعا موجود اسكينز اصلي

[Sir_Mohd_Sabra]

السلام عليكم
الف مبروك ع الورشه ومن شكر الاعضاء فيها والشغل الجميل قررت ان اعمل عربيتى الصغيره بيكانتو عندكو
بس عندى استفسار
هيا الخبطه خفيفه وممكن تترد ع البارد وممكن لاءه لانى وريتها لناس كتير واختلفت الاراء هههههه
هيا الخبطه فى الرفرف الشمال امامى والاكصدام بقه فى حكه مخربشاه جامد شويه لدرجه انه خرم بسيط جد وعليه شوية بويه من حكه الميكروباص
عايز اعرف لو روحت الورشه بدرى ممكن استلمها فى نفس اليوم ولا هتتأجل
انا هحاول اصور الخبطه واحطها عشان تشوفها حضرتك

[Karim_Monir]

اللي يحدد الرؤية الفعلية
ولو هاتترش الصبح ممكن بس تلمع في يوم تاني عشان يكون الورنيش نشف كويس ويستحمل التلميع

[DrMuHaMmAd]

باكتات لانسر

انا عندى لانسر بوما
اللون A39
فيرانى
فابريكا

فيها حته بارزة كده فى الباب اليمين ورا نتيجة حد كحت فيها
قلت اركبلها باكتات للابواب عشان تغطيها و تحميها
رححت التوفيقية واشتريت طقم باكيتات و بالمرة عتب
ورشيتهم وركبتهم
الباكتيتات كانت ملزوقة سيليكون وفكت للاسف وشكل العربية عار دلوقتى

ده غير ان اصلا اللون مش عاجبنى باين انه مختلف شوية عن اللون الاصلى
والصراحة دى تانى مرة ارش اللون ده عند اتنين مختلفين ونفس الدرجة مش مظبوطة

فأنا طالب 3 - 4 حاجات كده

اولا سمكرة الحتة اللى فى الباب دى
ثانيا اغطيها بالباكتات و اركب الباقيين على كل الابواب بدل اللى وقعوا ( سواء بالكلبسات بس محتاجة اخرم الباب او اى طريقة اخرى بس المهم ميفكوش كل شوية ويقعوا )
ثالثا اظبط لون الباكتيات و العتب للدرجة الاصلية
وفى حته فى الرفرف كنت رشيتها قبل كده لونها مختلف عايز ارشها صح هى كمان
واخيرا بوليش وتلميع للعربية كلها

وعايز كل ده يخلص فى يوم واحد او اتنين بالكتير
وعايز اعرف اجيب معايا باكتات ولا هيبقى عندكم
وهل نوع معين ولا زى اللى كنت شاريه وخلاص ( هما عموما كانوا كويسين ومعاهم كلبسات بس اكيد مش اصليين )
والتكلفة فى حدود كام
ياريت بسرعة عشان عايز اعملها قبل الاحد الجاى خلال الاسبوع ده

انا عايز اقل شغل ممكن للعربية عشان هى اصلن دهان المصنع و كويسة
مجرد رش للحتة اللى فى الرفرف ( اقل من خمس الرفرف اصلن ) و الباكتات و العتب + سمكرة على خفيف كده ومن غير رش هركب عليها بالباكتيات


انا عملت join
على جروب الفيس بس لسه محدش اضافنى
وشوكرن مقدما

[DrMuHaMmAd]

محدش بيرد ليه ؟

[moh_rayan]

لو عايز ارش حزام لهوندا 92 يكلفنى كام