مركز نايل موتورز لدهان وتجديد السيارات

[Karim_Monir]

قدر الله وما شاء فعل
احسن الاقتراحات رش الرفرف فقط بعد سمكرته
والباقي نحاول نلمعه ونشوف ندارية بقطنة وبوية نفس اللون

[joe_2004]

الحمد لله عربيتى البورا عملت حادثة.... اخويا استلف عربيتى عشان يسافر بيها واتقلب على الطريق نتيجة الكاوتش الايمن الامامى ضرب والحمد لله طلع بشوية كدمات فى الكتف والظهر وبعد الاشعة انزلاق غضروفى
بدور على سمكرى يكون صنايعى وامين فى الشغل ...ووصنايعى دوكو محترم وبالصدفة عرفت ان المنتدى فتح مركز لتجديد السيارات
العربية فيها شغل فى السقف والقايم الخلفى والرفرف الخلفى ...بجانب الرفرف الخلفى الاخر والشنطة والعتب والرفرفين الاماميين ولكن شغل بسيط غير الخلفى تماما
الصور هبعتها عالخاص
ياريت تشوف الصور وتقولى السمكرة هيتم فيها اية والتكلفة المبدئية للسمكرة والدوكو

[hossamalsadik]

الحمد لله عربيتى البورا عملت حادثة.... اخويا استلف عربيتى عشان يسافر بيها واتقلب على الطريق نتيجة الكاوتش الايمن الامامى ضرب والحمد لله طلع بشوية كدمات فى الكتف والظهر وبعد الاشعة انزلاق غضروفى
بدور على سمكرى يكون صنايعى وامين فى الشغل ...ووصنايعى دوكو محترم وبالصدفة عرفت ان المنتدى فتح مركز لتجديد السيارات
العربية فيها شغل فى السقف والقايم الخلفى والرفرف الخلفى ...بجانب الرفرف الخلفى الاخر والشنطة والعتب والرفرفين الاماميين ولكن شغل بسيط غير الخلفى تماما
الصور هبعتها عالخاص
ياريت تشوف الصور وتقولى السمكرة هيتم فيها اية والتكلفة المبدئية للسمكرة والدوكو

الف سلامه على اخوك

يقول الله تعالى : (وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون)

[saddam]

اﻷخ كريم بعد التحية والسلام أنا بكرة نازل الحرفيين عندي عربية واكلة خبطة جامدة جحا نن ورا وملهاش قطع غيار وطبعا مش حينفع أجيبهالكو وبعدين تقوللي تكلف كام ﻷنها لازم تيجي بونش بس صورتلك العربية ومحتاجة سمكري شاطر جدا فأعدي عليكم تبصوا على الصور ولا ورشتكم مبتستلمش شغل تعب وإصلاح كلو غير وهات جديد ﻷنو للاتسف ملهاش قطع غيار منتظر الرد وشكرا

[Karim_Monir]

اﻷخ كريم بعد التحية والسلام أنا بكرة نازل الحرفيين عندي عربية واكلة خبطة جامدة جحا نن ورا وملهاش قطع غيار وطبعا مش حينفع أجيبهالكو وبعدين تقوللي تكلف كام ﻷنها لازم تيجي بونش بس صورتلك العربية ومحتاجة سمكري شاطر جدا فأعدي عليكم تبصوا على الصور ولا ورشتكم مبتستلمش شغل تعب وإصلاح كلو غير وهات جديد ﻷنو للاتسف ملهاش قطع غيار منتظر الرد وشكرا

عندنا شغل اصاح طبعا
لكن المعاينة هامة جدا عشن نعرف سمعت فين في جسم العربية

[roma2100]

عاوز سمكره ودكو للعربيه بس اهم حاجه اتي عندي مشكله مصدعاني انا عندي نيو اكسنت 2007 اسود مشكله في شنطة عربيه راجال الي اشترتها منه كان مقطع الصفيحه الي بيتحت فيها خوابير الي الحديد الي بيتقفل العربيه علشان يحط سماعات فكنت عاوز ارجع شكل شنطه عربيه زي ما كانت ايه الحل لاني مشغل شنطة عربيه بسماعدين شنطه قيات 132 وقفل شنطه رخم قوي ارجو وجود حل وشكرا

[Karim_Monir]

roma2100 اتفضل شرفنا ونلاقيلك حل ان شاء الله

[Karim_Monir]

من شغل ورشتنا

[alielazizy]

استيكر نايل موتورز

عايز اعرف ايه اهمية واستخدامات استيكر نايل موتورز وكيفية الحصول عليه

[محمد عبد المنع]

نفس الكلام
ايه اهمية استيكر نايل موتورز وكيفية الحصول عليه

[Karim_Monir]

دوس علي ايقونة الاستيكر تحت اسمك هايوديك لعنوان عن مميزات الاستيكر وازاي تحصل علية
تحياتي

[M.Mekawy]

انا بقالى فترة مش بشارك فى المنتدى, بس حبيت أدخل أشكر كريم باشا و أحمد قدورة على الشغل اللى اتعمل فى عربيتى ( ياريس عشان سمكرة رفرف و رشه و رش اكصدامين) .... شغل نضيف و معاملة قمة فى الاحترام و الذوق من كريم و قدورة. فعلا ربنا يباركلكم و يوّسع رزقكم.

[AmrEVO]

هو انا لو عملت سقف العربية كاربون وجيت اشيلة بعد كده ممكن يطلع دهان العربية او ياثر علية

[Karim_Monir]

انا بقالى فترة مش بشارك فى المنتدى, بس حبيت أدخل أشكر كريم باشا و أحمد قدورة على الشغل اللى اتعمل فى عربيتى ( ياريس عشان سمكرة رفرف و رشه و رش اكصدامين) .... شغل نضيف و معاملة قمة فى الاحترام و الذوق من كريم و قدورة. فعلا ربنا يباركلكم و يوّسع رزقكم.

شكرا جزيلا لكلامك الطيب يا باشمهندس
وانت ما تتخيرش عن شخصيات محترمة كتير بقابلها كل يوم من المكان الرائع ده
والحمد لله ان شغلنا عجبك وربنا يقدرنا ونفضل علي المستوي الطيب ده من الجودة
خالص تحياتي

[NaderNabil]

أحب اوجه شكر لكريم منير و احمد قدورة على الواجب اللي اتعمل معايا يوم السبت اللي فات...

بمجرد ما وصلت الورشة و الأسطى أحمد عرف اني طرف كريم منير و نايل موتورز...و لاقيت الشغل بدأ في العربية من غير ماتكلم :)

الإكصدام الخلفي اتفك و اتصلح و الصاج وراه اتشد على الزرجينة و اتركب و اتمعجن و اترش و العربية دخلت فرن و إتلمعت كلها في 7 ساعات منهم نصف ساعة فطار!

النتيجة النهائية ممتازة و ماحتجتش تغيير إكصدام بالكامل زي ما كنت متخيل..و التكلفة اقل من شرا إكصدام صيني كمان :)

تحية ليك يا كريم و لأحمد قدورة :)