مركز نايل موتورز لدهان وتجديد السيارات

[Karim_Monir]

بسم الله الرحمن الرحيم
انا عندى سيارة 128 موديل 1988 عايز اعمل سمكرة فى السيارة ودهان وتغير فرش السيارة
تكون التكلفة كام*ولو فى صعوبة لتحديد التكلفة بسبب اعمال السمكرة*اعرف تكلفة الدهان وتغيرفرش السيارة*والمهم اكثر مدة تلك الاعمال يعنى السيارة اسيبها عندكم ولا اروح بيها كل يوم حتى انتهاء العمل بها

رش العربية من 1500 الى 4000
الفرش مش بنشتغل فيه
والسمكرة بعد المعاينة طبعا
وبتسيبها لحد ماتخلص وتستلمها بعد كدة
تحياتي

[aymanshebl]

انا كنت عاوز اسال مافيش بلاك سبراى مش عبوة اللى بيترش على كارتيرة العجل علشان الصدا يا ترى الاقيه فين و بكام

[Moh.Abdelbaset]

السلام عليكم ورحمة الله وبركاته
لو سمحت عايز أعرف مواعيد الورشة بكرة؟
عندي خبطة من موتوسكل في باب السواق والباب معوج مش بيقفل والازاز ما بيطلعش

[Karim_Monir]

السلام عليكم ورحمة الله وبركاته
لو سمحت عايز أعرف مواعيد الورشة بكرة؟
عندي خبطة من موتوسكل في باب السواق والباب معوج مش بيقفل والازاز ما بيطلعش

فاتحين من 11 ل 8 يا محمد تنورنا

[adam_mm]

محتاج نصيحة
عندى عربية فولكس بيتلز 1300 برازيلى مركونة بقالها 3 سنين واتبهدلت على الاخر والموتور بتاعها كان مش مظبوط
وبصراحة انا مش بعرف اتعامل مع الصنايعية ومواعيد شغلى مش هتخلينى اقف على ايديهم
لو حبيت اظبط العربية سمكرة ودوكو وعفشة وميكانيكا اوديها عند مين وفين وهل هى تستاهل ولا ابيعها ب 4000 جنية واريح دماغى

[Karim_Monir]

محتاج نصيحة
عندى عربية فولكس بيتلز 1300 برازيلى مركونة بقالها 3 سنين واتبهدلت على الاخر والموتور بتاعها كان مش مظبوط
وبصراحة انا مش بعرف اتعامل مع الصنايعية ومواعيد شغلى مش هتخلينى اقف على ايديهم
لو حبيت اظبط العربية سمكرة ودوكو وعفشة وميكانيكا اوديها عند مين وفين وهل هى تستاهل ولا ابيعها ب 4000 جنية واريح دماغى

تبيعها ب 4 الالالاف ؟
معني كدة انها خردة
لو العربية هاتتعمل سمكرة وبوية من 3 الى 4 و لو الموتور مفوت عمرته ب 4
يعني هاتصرف 8 وتخليها واقفة يبقي تمام لانها تسوي 15 وهي سليمة ومش محتاجة حاجة

[blazer]

السلام عليكم استاذ كريم
ارجو من سيادتكم افادتى
أرجو معرفه سعر تقريبى لسياره هيونداى النترا 2012 اول فئه اوتوماتيك بها حادث من الامام

كام يكون السعر للسياره وهى على هذه الحاله وكم تكلفه اصلاحها تقريبيا
وهل بخبرت حضرتك العربيه اتدمرت كدا ؟ ولا لو اتصلحت ترجع لحالتها بإذن الله " انا عارف ان المعاينه ضروريه بس معلش ياريت تقولى من الصور على قد ما تقدر "
تحتاج للاصلاح الاتى " من معاينتى لما شفتها " :
كبوت
رفرف يمين
مقص يمين
كوبلن يمين
فانوس يمين
قربه مياه
مجموعه التبريد " سربنتينه تكيف + مواسير التكيف + الردياتير + المراوح + الشنب الامامى الى بيشيل الكام دا كله
اكصدام امامى + الشاسيه الحديد بتاع الاكصدام

وطبعا هيبقى فيه شغل فى الجزء الى ماسك الرفرف دا مش عارف اسمه بس ممكن يبقى حاجه فى الشاسيه

وباقى السياره سليمه

دى صوره السياره

[chikka]

مشكور .......................................

[elsheikh2010]

السلام عليكم ورحمة الله وبركاته
أخي العزيز انا عندي نقط صغيرة و ةعددها مش كتير صدا على السقف يعني 6 نقط بمساحة 3 سم رحت لواحد عندنا عملهالي بسنفرة عشان يشيبل الصدا وبعدين بقطنة عملهالي بنفس اللون وقالي ديه هاتحميها وخلاص انسى فعايز أعرف صح الكلام ده ولا لآ ؟؟؟؟
واستفسار تاني معلش ... قالي انا ممكن اسنفرلك الحتتين دول و واحطيلك بطانة وارشهوملك من غير ما يرش كل السقف واورنش العربية ومش هتبان .... فصح الأقتراح ده ولا الصنايعي بيشتغلني عشان يكسب من ورايا ؟؟؟؟؟
شكرا جزيلا

[اسلام السعيد]

عاوز ارش عربيه كرستاله 99 نظافه من الخارج تكلفنى كام

[tekoooooo]

أ/كريم منير
السلام عليكم ورحمة الله وبركاته
الحمد لله الذى لايحمد على مكروه سواه عملت حادثة بعربيتى لوجان 2012 والخبطة فى الصاج مش جامده بس الخبطه كلها جت فى فردة الكاوتش اللى ورا شمال قالولى غير الدنجل عشان اتعوج اشتريت دنجل استيراد وركبته وهنا جت المفاجئة العجله بردو مش مظبوطه وهنا ظهر احتمالين
الاحتمال الاول - ان يكون الدنجل الاستيراد فيه مشكله
الاحتمال الثانى - ان تكون الخبطه اثرت على الشاسية فمطلوب منى أكشف على الشاسية كمبيوتر عشان أتأكد ان الشاسية مفيهوش حاجة ولو لاقدر الله طلع فيه يتم استعداله
أرجوك أفيدنى بخبرتك أعمل ايه لأنى يعلم الله أنى فى حالة نفسية سيئة للغاية
ولك جزيل الشكر

[Karim_Monir]

الحمد لله
لسه جايبة دنجل خلفي ل لوجان عندي حادثة وطلع مش مظبوط والعفشجي طلب يغيرة فورا
دي حاجة بتبان علي المقاسات مفيهاش افتكاسة
ولو خد خبطة في الشاسية والدنجل سليم برضه يتعمل
اتفضل نورنا ونظبطهالك

ولبقية الاخوة معذرة مش هاينفع ندي اسعار او مقايسات بدون مقاسية عملية
تقدرو تشرفونا والمقايسة مجانا لكن تقييم سعر بدون رؤية مش هاينفع
خالص تحياتي

[tekoooooo]

السلام عليكم ورحمة الله وبركاتة
أ/ كريم منير مشكور على سرعة الرد
الحمد لله المشكله طلعت فى الدنجل وتم تغييره والحمد لله العربية بقت تمام عفشة وتم ظبط زوايا وبفضل الله كله 100100 والشاسية سليم
ان شاء الله هعدى عليك فى الورشة نشوف شغل السمكرة والدوكو لأنى مش هلاقى أحسن منكم صنعة وخبرة وأمانة وأخلاق ربنا يبارك لكم

[eng-ahmed]

أنا مبسوط أن أول مشاركة ليا فى التوبك ده
واضح من مكالمتى لحضرتك يا استاذ كريم انك شخص مهذب جدا
و أنا بالفعل كلمت أحمد و ححاول اعدى عليه النهاردة إن شاء الله

[Karim_Monir]

تيكو تنورنا اي وقت
مهندس احمد في انتظارك باذن الله