هل من العيب ان تغسل سيارتك بنفسك ؟؟؟؟؟؟

[momen_bondok]

بسم الله الرحمن الرحيم

هل من العيب أو من الحرام أن تقف تغسل سيارتك بنفسك !
بعض الناس يقولون بالمال تفعل ما تريد يعنى اى حد يغسلها بمبلغ معين ونخلص !
وناس تقول هيبقى شكلك وحش قوى لما تكون واقف فى الشارع تغسلها واللى رايح واللى جاى يتفرج عليك !
كل ما فى الامر انى احببت بأن ارئ رأيكم فى

هل تستطيع أن تغسل سيارتك بنفسك مهما كان مركزك الأجتماعى ؟؟؟

فى انتظار التعليقات

[momen_bondok]

انا عن نفسى احب ان اقوم بهذا العمل بنفسى الواحد بيشعر بسعادة
من تواضع لله رفعة الله

[askoda]

Me too I used to wash my car myself

[Mohamd_Saad]

أنا أحب أن أغسل السيارة بنفسى وبمزاج لأنى كنت أعمل مع أجانب كتير وعندهم الحاجات دى مش عيب
ولكن ابنى يعترض ويقول يا بابا - بقى تكون فى سنك ووضعك ده وتغسل السيارة بنفسك - طيب يا بنى تعالى اغسلها أنت
يقول مكسوف من صحابى والجيران شايفنى - ثانى يوم لقيت الجيران وصحابه كل واحد بيغسل عربيته وبقلدونى
تعالى يا بنى وشوف كل الناس بتعمل زيينا - طالما انك بتعملش أى حاجة غلط ميهمكش والأجانب واخدين الموضوع بخصوصية وبساطا

[amazingahmed]

النظافة من الإيمان و بلاش عقد و كلاكيع
اللي مش عاجبه شكلي يبص الناحية التانية

[ICE_MAN]

و انا كمان بغسلها بايدى بس مش على طول....لما بكون رايق بس لان الغسيل بصراحة مجهد شوية و عايز بال رايق.

[momen_bondok]

me too i used to wash my car myself

والله فعلا جميل لما انت اللى تغسلها

[momen_bondok]

أنا أحب أن أغسل السيارة بنفسى وبمزاج لأنى كنت أعمل مع أجانب كتير وعندهم الحاجات دى مش عيب
ولكن ابنى يعترض ويقول يا بابا - بقى تكون فى سنك ووضعك ده وتغسل السيارة بنفسك - طيب يا بنى تعالى اغسلها أنت
يقول مكسوف من صحابى والجيران شايفنى - ثانى يوم لقيت الجيران وصحابه كل واحد بيغسل عربيته وبقلدونى
تعالى يا بنى وشوف كل الناس بتعمل زيينا - طالما انك بتعملش أى حاجة غلط ميهمكش والأجانب واخدين الموضوع بخصوصية وبساطا

شئ جميل لما الناس تقتدى بيك فى حاجة مفيدة طالما ليس عيب ولا حرام

[momen_bondok]

النظافة من الإيمان و بلاش عقد و كلاكيع
اللي مش عاجبه شكلي يبص الناحية التانية

[momen_bondok]

و انا كمان بغسلها بايدى بس مش على طول....لما بكون رايق بس لان الغسيل بصراحة مجهد شوية و عايز بال رايق.

عندك حق خاصة مع تراكم المسئوليات اللى على الواحد

[asbeats]

لو انا فاضي مش مشغول اوي ومش مرهق... بغسلها بنفسي تحت البيت.... وكنت احيانا بغسلها وانا بتسلى في النبطشية في المركز الطبي اللي شغال فيه .... وبعد ما أغسلها احط واكس والمع واظبط... ولا بيهمني....

[beetleMOSH]

احلى متعه اصلا و احلى غسله
لما تبقى بتعملها بنفسك
و بتبقى عارف عربيتك فيها ايه
و تكتشف الحكات و النفر و التجاريح الجديده باسترار

غير كده بتحاول تحافظ على نضافتها اطول فتره ممكنه عشان عارف انت تعبت فيها قد ايه :)

[michohat]

لما بتتوفر الظروف المناسبة ( مزاج رايق - شمس كويسة - مياه ) و خصوصا لو يوم جمعه بنزل
ومش انسي يوم جمعه نزلت فيه بعد الصلاه اغسل العربية وانا شغال بع شوية لقيت رجاله الشارع كل واحد نازل وماسك عربيته وعمال يغسل فيها و دخلنا مسابقة مين يخلص ويطلع نتيجه حلوه

[MBhead]

عيب ايه
ايه العيب في كده هيا عربيتي و لا عريية حد تاني ...انا عن نفسي بغسل عربيتي و بعملها بولش و واكس و بلمعها و عادي خالص
سيادتك الحياة ابسط من كده يعني انا لو ركزت مع الناس بتقول ايه؟ مش حخلص و لا حعمل اي حاجة
اهم حاجة ترضي نفسك و تعمل اللي انت عايزه و اللي مش عجبه المشكلة كده عنده

[momen_bondok]

لو انا فاضي مش مشغول اوي ومش مرهق... بغسلها بنفسي تحت البيت.... وكنت احيانا بغسلها وانا بتسلى في النبطشية في المركز الطبي اللي شغال فيه .... وبعد ما أغسلها احط واكس والمع واظبط... ولا بيهمني....

انا للاسف مشكلتى انى مش بعرف اغسلها تحت البيت مفيش مكان كل واحد راكن عربيتة ولما يطلع بيها يضع مكانها حجارة علشان المكان طبعا
انا مش عارف كل واحد بيركن عربيتة فى مكان اكثر من مرة يبقى بتاعة
حسبى الله ونعم الوكيل