هل من العيب ان تغسل سيارتك بنفسك ؟؟؟؟؟؟

[momen_bondok]

احلى متعه اصلا و احلى غسله
لما تبقى بتعملها بنفسك
و بتبقى عارف عربيتك فيها ايه
و تكتشف الحكات و النفر و التجاريح الجديده باسترار

غير كده بتحاول تحافظ على نضافتها اطول فتره ممكنه عشان عارف انت تعبت فيها قد ايه :)

[a_samy]

أنا جربت أغسل عربيتى فى كذا بنزينه ومع كذا واحد،مفيش واحد بيغسلى العربيه زى ما أنا عاوز...كلهم ببيكروتوا ويخلصوا بسرعه عشان يشوف عربيه غيرها ده غير التبس اللى عاوزين ياخدوه على الشغل اللى متعملش.
مفيش أحسن من أنك تغسل عربيتك بنفسك وتحافظ عليها.

[drandany]

اوقات كتير اعد اغسل العربيه بنفسى الشورت الجميل والجردل والسفنجه والفوطه واديها يامعلم

[eldell]

كتييييييييييييييييير اوى بعد اغسل العربيه تحت البيت وبعدين ديه عربيتى انا مش عربيه حد تانى

[vinosse]

لو بتحب عربيتك حتغسلها بنفسك ولو واخدها على انها وسيلة مواصلات او اشتريتها علشان تبيعها تانى وتكسب فيها او اى حاجة تانية يبقى خلى اى حد يغسلهالك لانها مش فارقة معاك اصلا

ليس لها علاقة بالتواضع او انها عيب

[momen_bondok]

أنا جربت أغسل عربيتى فى كذا بنزينه ومع كذا واحد،مفيش واحد بيغسلى العربيه زى ما أنا عاوز...كلهم ببيكروتوا ويخلصوا بسرعه عشان يشوف عربيه غيرها ده غير التبس اللى عاوزين ياخدوه على الشغل اللى متعملش.
مفيش أحسن من أنك تغسل عربيتك بنفسك وتحافظ عليها.

مع انى عمرى ما غسلت فى بنزينة لكن بشوفهم بيغسلوها كانهم بيغسلو عربية كارو
انا والله مع عارف انعدام الضمير اللى عند بعض الناس هيستمر لحد امتى

[medo666]

كان نفسي اغسلها بس فين المزاج

[momen_bondok]

لما بتتوفر الظروف المناسبة ( مزاج رايق - شمس كويسة - مياه ) و خصوصا لو يوم جمعه بنزل
ومش انسي يوم جمعه نزلت فيه بعد الصلاه اغسل العربية وانا شغال بع شوية لقيت رجاله الشارع كل واحد نازل وماسك عربيته وعمال يغسل فيها و دخلنا مسابقة مين يخلص ويطلع نتيجه حلوه

طالما المزاج رايق يبقى هنطلع احلى شغل

[momen_bondok]

عيب ايه
ايه العيب في كده هيا عربيتي و لا عريية حد تاني ...انا عن نفسي بغسل عربيتي و بعملها بولش و واكس و بلمعها و عادي خالص
سيادتك الحياة ابسط من كده يعني انا لو ركزت مع الناس بتقول ايه؟ مش حخلص و لا حعمل اي حاجة
اهم حاجة ترضي نفسك و تعمل اللي انت عايزه و اللي مش عجبه المشكلة كده عنده

عندك حق والله الواحد بيشعر ان الناس كلها مركزا معاة

[momen_bondok]

لو بتحب عربيتك حتغسلها بنفسك ولو واخدها على انها وسيلة مواصلات او اشتريتها علشان تبيعها تانى وتكسب فيها او اى حاجة تانية يبقى خلى اى حد يغسلهالك لانها مش فارقة معاك اصلا

ليس لها علاقة بالتواضع او انها عيب

هو بس المشكلة فى المكان انا بركن بعيد عن العمارة عندى علشان طبعا مفيش مكان

[badblood]

لا طبعا مش عيب خالص انا كتير جدا بغسل عربيتي بنفسي وبتبهدل

[shooter123]

دي بتبقي متعه بس طبعا مش بغسلها امام البيت

[alaa99991111]

لا مش عيب ولا حراااااااااااااام

ما حاك ظهرك مثل ظفرك

[michohat]

انا مش كنت بغسلها وبس ده انا بعد ما كنت بغسلها كنت بنشفها و اديها وش بولش و بعدها وش ال شمع و لكل العربية الصاج والزجاج والكاوتشات و صالون
كنت بطبق خطوات الكار كير اللي كنت قاريها فى موضوع هنا عن كار كير كيا سيريون

[ahmedsamir5edr]

هو مش عيب .. بس حاجه غير متحضره اطلاااقا .. لما تغسل عربيتك في الشارع و يحصل الاتي :
1. تملا الشارع زحاليــــــــــــق
2. تهدر مياه بزياااده .. لأنك أكيد مش عندك خرطوم ضغط المياه العالي
3. لو الشارع متسفلت ,, تبهدل الأسفلت مره ورا التانيه
4. لو شارع ضيق او داخلي .. هتعطل كل واحد جاي يعدي بعربيه لحد ما توسعله


و بالنسبه للأجانب .. ففي ألمانيا بيغسلوا عربياتهم غالبا بنفسهم .. ( بس في مركز غسيــــــــل السيارات ) مش في الشااااااااارع ..