سر السيارة الإنجليزية المنتظرة فى مصر

[ahmed_oth]

يعنى يا جماعه التوكيل هيفتح فى 3 دول فى نفس الوقت وراس مال 120مليون هيصل ل مليار ج فى خلال 3 سنوات وتقولولى زى توكيل كومودو ,,, ياريت اللى يكتب حاجه يكون متأكد منها او ينزلها بادله تثبت كلامه

[ahmed_oth]

العربيات الام جى انا شوفتها و جربتها بره مصر فعلان وحقيقي و مؤكد و العربية جوده أداء أنجليزي و التئفيل بس فى الصين و العربيه فعلهن تحفه بجد حلوه اوي ومستنيها تنزل عشان اشترى ال 3 بس السعر و قطع الغيار

وانا برده مستنى mg3
بص انا عملت بحث عن سعرها فى الصين وبعض الدول الاوربيه
تقريبا هتنزل فى مصر بدايه من 60الف 1300 سى الى 75 الف 1500سى هاى لاين

[khalid_adel]

تسلم يا ياسر بيك
بجد كان عندي فضول شديد عنن العربيه دي
بس يارب تنزل زي ماهي من غير لعب الايدي المصريه الجميله (امثال غبور ومنصور واي حاجه اخرها اووور ) :)

[hoba86]

ياريت تنزل زى برهه بالظبت حاتبئه تحفه

[Batman372]

بعد التحيه ،
اود المشاركه برأيى و انطبعاتى المبدئيه :

- بدون شك الانجليزى مفيش كلام عليه - لكن بعد شراء الشركه الصينيه له و تصنيعه فى الصين يبقى احنا بنتكلم على سياره تانيه صينى - كذلك فى منتديات السيارات العالميه من بعد ما تاتا الهنديه اشترت جاجوار و هما نازلين تريقه و مبيعات الجاجوار و الاقبال عليها بقى فى النازل .
- علشان تنافس بسعر مغرى > يبقى لازم المكونات تكون صينى تعبان ( مثل الكومودو ) .
- فى حاله انها صينى جيد > سعرها حيزيد و يقارب الكورى و اليابانى د وفى الحاله دى مفيش حد حيشترى !!!
- خالد اباظه بتاع اخبار السيارات ده انسان منافق - همه كله الاعلانات و التظبيط !! لانه فى موضوع الكومودو قال فيها شعر لدرجه انها حتنافس البى ام x3 و الشيروكى و و و و و و فى النهايه طلعت مقلب كبييييييييييييير كسياره و طبعا ليس لهل توكيل او صيانه او حتى قطع غيار !!! و حرام الى جابها و دفع فيها 140 الف اليوم مش لاقى يبيعها حتى ب 70 الف !!!!!!!!

....* الخلاصه لو صينى >>> مش حتحقق اى نجاح و الموضوع كله لا يستحق الدوشه .
تحياتى ...

[samcar]

انا مصر على راى ان ده خداع رخيص- عربيه مصنعه فى الصين واشترتها شركه صينى اقول السياره الانجليزيه ليه ؟؟؟؟

ولما هى استثمارات كبيره ومش عارف ايه طب ما قول سياره صينيه مميزه وتوكيل جاد- تتمسح ليه فى الانجليز ؟؟؟؟

[horas3000]

واضح ان دي سياسه الشركه في كل الدول لان نفس المقوله اتقالت لما التوكيل نزل الكويت
بس احقاقا للحق مندوب المبيعات في الصاله لم ينكر او يحاول حتي ينفي من قريب او بعيد منشا العربيه
و كان كل كلامه مرتكز ان التكنولوجيا هي الانجليزيه

[Batman372]

انا مصر على راى ان ده خداع رخيص- عربيه مصنعه فى الصين واشترتها شركه صينى اقول السياره الانجليزيه ليه ؟؟؟؟

ولما هى استثمارات كبيره ومش عارف ايه طب ما قول سياره صينيه مميزه وتوكيل جاد- تتمسح ليه فى الانجليز ؟؟؟؟

+++ 1 1 1

كلام سليم جدا
طيب ما الجاجوار اتباعت لشركه تاتا الهنديه !!
هل ينفع اليوم ان نقول ان الجاجوار مازالت سياره انجليزى تنافس الالمانى و الامريكى كما كانت ؟؟
طبعا لا - لان تاتا شركه هندىه و استحوزت بنسبه 100 % عليها و بالتالى كل الافكار و السياسه تكون لتاتا 100 % - اقصد ان الهويه تغيرت بالكامل و الاسم فقط الى تبقى !!!

[AutoTycoon]

انا بس مستني اعرف السعر عشان اعرف اقول هتنجح ولا لأ ... بس توقعي من دلوقتي انها بنسبة 60% هتنجح لأنها هتبقى رخيصة نسبياً (غالباً)

[eldeep]

يا رب نكون كويسة فعلا

[hamadaq2]

يارب تكون عربية كويسة و سعرها منافس

و أتمني ان في مصر نراجع الجمارك الخيالية حتي لو برفع الدعم عن البنزين

و هتبقي هي هي بالنسبة للموازنة بس مش بالنسبة للشعب

و أتمني كمان أننا في يوم نكون بنتناقش في عربية تصنيع مصري

حتي لو كان كل كلامنا سلبي عنها

و شكرا للتقرير و المعلومات و النقاش

تقبلوا تحياتي

[firstknight_eg]

و أتمني ان في مصر نراجع الجمارك الخيالية حتي لو برفع الدعم عن البنزين

و هتبقي هي هي بالنسبة للموازنة بس مش بالنسبة للشعب

و أتمني كمان أننا في يوم نكون بنتناقش في عربية تصنيع مصري

لو رفعت الدعم عن البنزين يبقي اسعار كل حاجة في البلد هتغلي لان كل البضايع داخل فيها النقل، وتكلفة النقل هتقفز لمبالغ خيالية

يبقي انت قللت سعر العربيات وزودت كل حاجة تانية في البلد

الاحسن زي ما انت قولت يبقي في صناعة سيارات مصرية بمعني حقيقي مش مجرد تجميع

[samcar]

لما نتنتج قطع غيار جيده ومضمونه - ونطور خامات جيده ومضمونه نبقى نتكلم عن تصنيع سياره- انا اتمنى ننتج 50% من مكونات سياره- انتاج جيد مش صفيح وقص ولصق- بعد كده حيبقى سهل نتكلم عن انتاج سياره

شوفوا الهند قعدت اديه تنتج ال 1100 وبعدين نموذج التاتا الشبيه ب ال 128 وبعد ما اجادوا فى اجزاء العربيتين دول هب طفره سريعه بقوا مطورين وبيشتروا كمان اعرق ماركات

[WalidAdel]

موضوع اكثر من رائع ياستاذ ياسر لاني فعلا كنت متابع الاعلانات دي لما نزلت و عايز اعرف هيا عباره عن ايه

[ahmed_oth]

فى اخباره غير مبشره بالنسبه لاسعار العربيه
وكلام ده على لسان احد الهمندسين فى التوكيل من خلال مكالمه معاه انهارده
للاسف MG3 هتبدأ من 85الف
MG350 هتكون فى رنج 110الف
أعتقد ان كده التوكيل هيشربها ,,,والمستفز فى الموضوع ان المهندس بيقولى ان الاسعار تنافسيه جدا
قولتله ازاى المفروض ديه صينى ,,قالى اه بس واخده البراند نيم بتاع MG rover انجلتر
قولتله على عينى وراسى بس فى الاخر طالعه من انتاج صينى من مصانع صينيه وداخلنا انا وهو فى جدال بيزانطى ,,,
فى الاخر اعتقد انها مبالغ فيها من وجهه نظرى