سر السيارة الإنجليزية المنتظرة فى مصر

[fineart607]

العربيات دى صينى ومش بعيب فى الصينى انا عندى صينى لكن الكذب على الشعب والقول بانها انجليزى ده غش وكمان سعرهم مبالغ جدا فيه يعنى اجيب الصغيره واسيب البيجو 206 بلاس واجيب الكبيره واسيب النيو النتر او السيراتو او الفلوانس العربيات دى هتفشل لو منزلوش بسعرها شوية على الأقل الكبيره ب90 والصغيرة ب75 ودى وجهة نظرى

[MaZaGAngeE]

كنت بدور على بيانات العربية دي و لقيت موقع صيني متخصص في تجربة السيارات و كان رأيهم ان العربية جميلة لكن تعيك احساسا بأنها رخيصة .................

ده رأي الصينين ....

http://www.nilemotors.net/Nile/245668-3.html

[ahmedsadek82]

العربيات دى صينى ومش بعيب فى الصينى انا عندى صينى لكن الكذب على الشعب والقول بانها انجليزى ده غش وكمان سعرهم مبالغ جدا فيه يعنى اجيب الصغيره واسيب البيجو 206 بلاس واجيب الكبيره واسيب النيو النتر او السيراتو او الفلوانس العربيات دى هتفشل لو منزلوش بسعرها شوية على الأقل الكبيره ب90 والصغيرة ب75 ودى وجهة نظرى

انا شفتها على الطبيعة في معرض عبد الهادي , غالية بصراحة ,, محستش فيها بريحة الاوروبي خالص غير في انها نازل فيها اساسي (abs ebd cbc و air bags ) غير كده الشكل العام اقل من الكوري

[Batman372]

انا شفتها على الطبيعة في معرض عبد الهادي , غالية بصراحة ,, محستش فيها بريحة الاوروبي خالص غير في انها نازل فيها اساسي (abs ebd cbc و air bags ) غير كده الشكل العام اقل من الكوري

+++ 1 1 1

لسه شايفها !! و لا لها اى علاقه بالاوروبى !!!!
و سعرها يعتبر كتير جدا على عربيه صينى - لسه داخله السوق
100 الف جم يجيبوا عربيات كتيره معروفه و لها سمعه و و كيل محترم >> اقله ال acccent rb الجديده اضمن.
تحياتى ...

[M.Elwan]

لأ و ب 115 تشتري ؟ :)

من غير كاسيت تتش يبقى ملهاش لازمة

[Mahmode]

إبعد عن الصيني وغنيلو

[hugan]

السعر ها يكون السبب الرئيسي لفشل العربيه في مصر
الوكيل ده ما عندوش اي خلفيه عن التسويق وطبيعه المشتري المصري
لازم ياخد درس من ابو الفتوح
اللي يقدر يعمل من الفسيخ شربات
فعلا بالسعر ده يجيب النترا
نيسان صني
اوبترا
سيراتو
لانسر

[romioo]

ايه التخاريف والنصب ده؟؟

مش كفاية نصب علينا؟ انا مستني تنزل السوق واعرف سعرها كام باعتبار انها انجليزي اصلي زي النيسان قاشقاي الرااااااااااااااااائعة تطلع في الاخر صيني؟؟ يعني ده مش نصب علني؟ مش معقولة يا ناس الضحك على الدقون ده..لازم يبقى لينا تصرف علشان النصابين يبطلوا خداع واستخفاف بعقلية المصريين..ارجوكم نتعاون مع بعض .كفاية بقى

[hugan]

مش كفاية نصب علينا؟ انا مستني تنزل السوق واعرف سعرها كام باعتبار انها انجليزي اصلي زي النيسان قاشقاي الرااااااااااااااااائعة تطلع في الاخر صيني؟؟ يعني ده مش نصب علني؟ مش معقولة يا ناس الضحك على الدقون ده..لازم يبقى لينا تصرف علشان النصابين يبطلوا خداع واستخفاف بعقلية المصريين..ارجوكم نتعاون مع بعض .كفاية بقى

هي مش نصب بمعني الكلمه
لان النيسان البلو بيرد صيني
والنيسان اليفينا صيني
لكن المشكله ان العربيه مالهاش اسم قبل كده في مصر
يبقي الوكيل لازم يعمل تنازلات وتخفيضات جامده علشان تقدر تبيع

[shady2000shady]

بصراحة يا جماعة بعد قرائتى للردود و اطلاعى بنفسى على السيارة فعلا صعب ان الواحد يحكم صح من غير م يشوب تفكيره اية شائبة لأن احنا بنواجه عدة عناصر مثلا:
1-السعر مش تمام بالنسبة لسيارة صينى (مع العلم ان الراجل فالتوكيل اكدلى انها انجليزية بس بقية الأجزاء و التقفيل صينى!!!!)
2-الشكل فعلا منافس
3-عوامل الأمان فوق الممتازة بسبب وجود نظم abs+ebd+bas+cbc ودى انظمة غنية عن التعريف بلأضافة طبعا ل 2 اير باج (طبعا كل ديه مغريات عشان يجيب رجل الزبون)
4-بالنسبة للتوكيل و الصيانة موجود فعلاو اسعار قطع الغيار زى سعر الهيونداى
5-التاريخ و السمعة و مدى قساوة العربية لسا غير معروف (و دى حاجة مهمة جدا ف رأى)
6-الموتور vti قوى فعلا و دى تكنولوجيا عالية(و فنظرى هى العربية ايه غير موتور و صاج و شوية امان فوق بعض ^_^ )
بصراحة بعد كل ده انا نفسى محتار فعلا بس لو حكمنا العقل بصورة بحتة يبقى هنبص لحاجة بسعرها ف ماركة تانية من الكورى او اليابانى
بس بصراحة دى سيارة صينى جودة عالية فعلا و غير كل الصينى الى المصرين عرفينه و التاريخ هيثبت

[wdramiz]

ياجماعة العضو المنتدب لهذة الشركة اسمة محمد ابراهيم وكان قبل ذلك العضو المنتدب لتوكيل السيارة الكومودو الذي لا يوجد لها اي توكيل او صيانة
وقد كتبت الصحف عن توكيل هذه السيارة الكومودو وانة نصب علي الناس وقفل التوكيل واستعانت الشركة الانجليزية الصينية بخبرات محمد ابراهيم في ذلك المجال لكي تلحق بأختها الكومودو
وهذا للعلم واتخاذ الحظر من التوكيل الجديد
بعض الناس معجبة بالكماليات الكثيرة المبهرة واحب اقول لهم عن تجارب حقيقية ان هذه الكماليات لن تعيش سنة كاملة وسيتم تغيرها بأخري .... زي الفانوس الصيني ... شكل جميل وفي نهاية رمضان ترمية في الزبالة
واللي يشتري ذنبة علي جنبة.....فكأنة اشتري العتبة الخضرا
اللهم اني بلغت اللهم فأشهد

[M.Elwan]

ياجماعة العضو المنتدب لهذة الشركة اسمة محمد ابراهيم وكان قبل ذلك العضو المنتدب لتوكيل السيارة الكومودو الذي لا يوجد لها اي توكيل او صيانة
وقد كتبت الصحف عن توكيل هذه السيارة الكومودو وانة نصب علي الناس وقفل التوكيل واستعانت الشركة الانجليزية الصينية بخبرات محمد ابراهيم في ذلك المجال لكي تلحق بأختها الكومودو

هو واحد بس اللى كان فرح للكومودو ولما طلعت كارثة عمل فيها عبيط
وهو اول واحد عمل فرح تانى للmg
شكل الاخ محمد ابراهيم ده مظبطة تمام
طبعا كلنا عارفين اسمه خالد اباظة

[wdramiz]

هو واحد بس اللى كان فرح للكومودو ولما طلعت كارثة عمل فيها عبيط
وهو اول واحد عمل فرح تانى للmg
شكل الاخ محمد ابراهيم ده مظبطة تمام
طبعا كلنا عارفين اسمه خالد اباظة

فعلا هوة كدة ... الله ينور عليك ... العملية واضحة جدا واول دعاية للسيارة كانت في ملحق اخبار اليوم

[ossama]

@pump_upp - best crypto pumps on telegram !

https://t.me/pump_upp - best crypto pumps on telegram Make 1000% and more within 1 day, join channel @pump_upp !

[ossama]

datebest.net - visit website and win smartphone!

https://datebest.net - visit website and win smartphone!