سر السيارة الإنجليزية المنتظرة فى مصر

[yasserelsayad]

اكيد معظمنا شاف الإعلان اللى نزل كام مرة فى جرنال السيارات بتاع السيارة الإنجليزية العريقة دى من شركة EBA او Egyptian British Automotive.

المهم نزل فى عدد النهارده بتاع الجرنال اعلان تانى بس فيه معلومات عن تاريخ الشركة بس باردوا مش كتبين اسمها .. فا انا دورت على النت لحد ما قدرت اوصل لاسم شركة العربيات اللى هما بتكلموا عنها من خلال المعلومات المذكورة.

الشركة اسمها MG او Morris Garages وهى شركة انجليزية تأسست سنة 1920 على يد صاحبها Cecil Kimber وكانت شركة للعربيات الرياضية وكانت مشهورة بالعربيات الكابورليه اللى بمقعدين بس.

الشركة دى اتباعت واتنقل ملكيتها كذا مرة داخل بريطانية لحد ما اشترتها BMW فى سنة 1994 وبعتها فى سنة 2000 لشركة MG Rover Group واللى فى الاصل امتلكت الشركة من فترة 1986 إلى 1988 .. وتم شراء MG Rover Group فى سنة 2005 بواسطة شركة صينية اسمها Nanjing Automobile وتم بيعها لأخر مرة فى سنة 2007 لشركة صينية ايضا اسمها SAIC او Shanghai Automotive Industry Corporation.

Morris Garages اسمها اتغير مع الوقت من خلال انتقالها من شركة لاخرى لحد ما استقرت على Rover لما كانت ملك لمجموعة MG Rover فى 1988 واشترت BMW حقوق الاسم مع الشركة ولاكن احتفظت بحقوق الاسم ولم توافق على بيعه عندما قامت ببيع الشركة مرة اخرى.

BMW قامت ببيع حقوق اسم Rover لشركة فورد وبعد ذلك تم بيع الاسم مرة اخرى لشركة Tata Motors الهندية فى 2008 مع صفقة Jaguar Land Rover.

SAIC او Shanghai Automotive Industry Corporation تمتلك شركة سيارات فى الصين بأسم Roewe وهو الاسم الجديد لـ Rover فى الصين لعدم تمكن شركة SAIC من شراء حقوق الاسم من BMW.

ويتم بيع السيارات خارج الصين بعلامة MG فقط.

تم انتاج سيارة MG6 فى سنة 2009 بواسطة المالك الجديد شركة SAIC بعد مرور 14 سنة على انتاج اخر سيارة تحمل علامة MG فى سنة 1995.

دى علامة شركة Roewe فى الصين



ودى علامة MG خارج الصين



ودى صورة لاعلان فى دبى عن اعلى موديل من شركة Roewe واسمها Roewe 750 فى الصين او MG750 خارج الصين. والموديل دا متوفر فى دبى من مارس 2011 ويبدأ سعره من 76 الف درهم.



ودى صورة الموديل Roewo 550 او MG550 والمتوفر ايضا فى دبى من مارس 2011 ويبدأ سعره من 64 الف درهم.



MG6



ودى صورة للموديلين اللى ظهروا متغطين فى عدد جرنال السيارات بتاع النهارده.

Roewe 350 او MG350



MG3

[M.Alaa92]

الله ينور يا ياسر
تقريبا حتنزل هنا على كام؟؟؟

[yasserelsayad]

الله ينور يا ياسر
تقريبا حتنزل هنا على كام؟؟؟

والله معنديش اى معلومات عن السعر لأن الموديلين اللى اتعرض صورتهم فى الجرنال لسه منزلوش فى اى دولة عربية ولا حتى فى الإمارات.

[AkramArafa]

انا اخر مره سمعت عن mg كان زمان ما كانت تبع bmw و سبحان الله انا من كام يوم كنت عمال اقلب في وكيبيديا عن الشركه ديه
بس اول مره اسمع الخبر انها حتنزل مصر بس سوءال
يعني لما MG حتنزل مصر الناس حتعاملها علي انها عربيه صيني ولا لا???
و ياتري فءات ايه اللس حتنزل مصر و الاسعار حتكون كام

[yasserelsayad]

انا اخر مره سمعت عن mg كان زمان ما كانت تبع bmw و سبحان الله انا من كام يوم كنت عمال اقلب في وكيبيديا عن الشركه ديه
بس اول مره اسمع الخبر انها حتنزل مصر بس سوءال
يعني لما MG حتنزل مصر الناس حتعاملها علي انها عربيه صيني ولا لا???
و ياتري فءات ايه اللس حتنزل مصر و الاسعار حتكون كام

هو كل المعلومات بتاعت انهى فئات اللى هتنزل مصر وسعرها كان فا اكيد لسه مش معروف بالنسبة لينا لحد دلوقتى بس اكيد اقل فئات لان مش من اول ما الماركة دى تنزل هتكون ليها ثقة ان فى حد يروح يدفع فيها سعر عالى.

فى اعتقادى ان MG350 و MG3 هيكونوا اول فئات هتنزل لان هما دول باردوا اللى صورتهم فى الجرنال ودول باردوا اقل فئات فى الماركة دى والسعر طبعا الله اعلم بيه.

انا شايف انها تتعامل على اساس انها عربية صينى عادية جدا بس عليها مركة كانت بريطانية زمان مش اكتر من كدا .. مفيش غير الـ MG750 و MG550 اللى مبنين على موديلات قديمة زى الـ Rover 75.

[yasserelsayad]

دى شوية صور ومعلومات عن الموديل MG350

المواصفات:
الطول: 4521mm
العرض: 1788mm
الارتفاع: 1492mm
طول قاعدة العجلات: 2650mm
نوع المحرك : 1500 سى سى DOHC 16 valves, VVT
قوة المحرك: 109 حصان وعزم 135 نيوتن
فتيس: اربع سرعات اوتوماتيك
نظام التعليق: MacPherson امامى وتورشين بيم خلفى
وزن: 1280 كج
التسارع من 0 الى 100 كم: فى حدود 13 ثانية
سرعة قصوى: 170 كم/ساعة

الصور:























طبعا دى المواصفات والكماليات اللى بتنزل بيها فى الصين تحت اسم Roewe لكن اتمنى طبعا انها تنزل بنفس الجودة والشكل اللى فى الصور دا ويكون تقفيلها نظيف وبسعر كويس باردوا.

[smsm_cato]

عربية جميلة جدا وباين على الخامات والتقفيل الجودة بس ما اعتقدش هتنزل فى مصر كده

[CryptonX]

شكرا يا ياسر باشا على الموضوع.. و اعتقد دي حتكون انضف عربية من انتاج الصين جات مصر ..

السعر المقترح تقريبا من 85 الى 95 الف جنيه (مانوال - اوتوماتيك)

[CryptonX]

ده اختبار انجليزي للعربية :

Roewe 350 - Road Test First Drive - Autocar.co.uk

و للعلم كاسيت او كومبيوتر السيارة الي في الكونسول .. هو اول كمبيوتر سيارة في العالم يستخدم نظام ANDROID للتحكم . لو اني اشك انها حتنزل بيه في مصر.

[m_elkhishin]

أنا شفت roewe 550 دي في الصين شكلها فعلا مختلف عن السيارات الصيني، تحس فعلا ان جودتها أعلى بكتير جدا.

[fineart607]

المنافسة هتحلى :)

[horas3000]

http://www.nilemotors.net/Nile/227209-mg.html

[MOUSTAFA_SAAD]

العربيات دى بتتجمع فى الصين ولا انجلترا
لانها لو انجليزى السعر حيكون غالى جدا

[ashouhdy]

دى صينى يا ياسر صينى .... تقدر تبدل ال سيراتو بتاعتك بيها

[SASA3]

ده اختبار انجليزي للعربية :

roewe 350 - road test first drive - autocar.co.uk

و للعلم كاسيت او كومبيوتر السيارة الي في الكونسول .. هو اول كمبيوتر سيارة في العالم يستخدم نظام android للتحكم . لو اني اشك انها حتنزل بيه في مصر.

لو هتنزل مصر مش بعيد تنزل بكاسيت شرايط ولا له شاشه اساسا

أنا شفت roewe 550 دي في الصين شكلها فعلا مختلف عن السيارات الصيني، تحس فعلا ان جودتها أعلى بكتير جدا.

ما الناس الى عاوزه حاجه تمشى ويكون سعرها قليل يعملوا ايه غير انهم يقللوا الخامات

دى صينى يا ياسر صينى .... تقدر تبدل ال سيراتو بتاعتك بيها

انا اعتقد ان السيراتو برضه عربيه مش قوى يعنى فى الاحسن منها فى نفس فئتها
بس برضه يعنى مش هتنزل لمستوى العربيات الصينى