مميز ولا عادي ؟؟؟

[Mystique]

أنا برضه بحبها مميزة..وفعلا غيرت شوية ف عربيتي لحد لما بقيت أشهر عربية ف المكان اللي أنا عايشة فيه

وبعد لما عملت كدة اكتشفت ان الموضوع بتاع التميز ده ليه عيوب

*مثلا..دايما بيوقفوني ف أي كمين يشوفوا الرخص والذي منه..صحيح مخدتش مخالفات بس العربية بتلفت النظر جامد وكتير ساعات رتب بنفسهم هما اللي بييجوا يشوفوا الرخص مش الأمنا بتوعهم
*العربية حتى وانا ماشية ف حالي بتستفز أي حد انه يسابقني ويعدي مني مع اني مش من النوع اللي بحب الشد والجري مع الناس لمجرد العند وخصوصا ف شوارعنا المزدحمة حفاظا على العربيات والناس اللي حواليا

هو أنا ساعات بندم اني زودت الحركات اللي فيها للدرجة اللي بقيت تخللي اللي معدي يلف راسه ويبصلها..
بس لما بركبها والاقي بيننا تفاهم ومريحاني وشكلها يقر عيني..بحمد ربنا عاللي رزقني بيه وبشكر فضله العظيم عليا
بس لو رجع بيا الزمن لورا..هعمل نفس اللي عملته ف عربيتي.

[Samir Elshahawy]

بأتفق مع صاحب الموضوع في ان سيارتي تكون مختلفة عن عن باقي السيارات من نفس الفئة و الموديل و لكن دون اسراف و بهرجة و علي ان يكون هذا التميز في الامكانيات و للاستفادة و ليس لمجرد الشكل فقط مثل :
- الباركينج سنسور
- الهوايات الجانبية علي الزجاج الامامي و الخلفي
- مصدات امامية و خلفية لتغيير الشكل و حماية الاكصدامات
- CD و فرش جلد
- جنوط عريضة لزيادة الثبات
- اضائة قوية لتحسين الرؤية ليلا و في الضباب

[shanodaa]

عادي بالنسبه اللي

[Osama_soliman]

كلام عاقل جدا جدا ..... كلامك يا سبعاوى

ن نفسى بفضل السيارات الغير لافتة للنظر

يعنى ممكن تكون السيارة من نوعية جيدة وتمنها معقول ، لكن مش بحب اضيف اى حاجة للسيارة تجعلها لافتة للنظر، وده لسبب هام جدا

انا السفر جزء من شغلى ومن حياتى، وتعلمت دائما ان السيارة العادية الىت يقولدها واحد شكله غير لافت، لا تشد انتباه شرطة الكمائن ولا يطالبك احد كهنة الكمين بأى شئ، كما انها لا تستفز من يمرون بجوارك فى الطريق فيفكر الرزلاء منهم فى استفزازك، وكذلك لا تستفز من تضطر للتعامل معاه بالبيع او الشراء فى وجود السيارة مثل عمال محطات البنزين وهكذا فيحاولوان الطلوع بأى سبوبة من هذا الواد الروش صاحب السيارة الروشة،كما ان بعض التمميزات يكون لها اثار ادائية سيئة، فالجنوط تؤثر بشكل سلبى الى حد ما على العفشة والسبويلرات تكون دائما عرضة للكسر اذا ما قام طفل احمق بالجلوس على الشنطة او قامت ام حمقاء بتغيير البامبز لطفلها على شنطة السيارة، وعتب الإكصدامات دائما عرضة للكسر فى اى مطب وهكذا مما يقلل من عملية السيارة وبالتالى فالسيارة الغير ملفتة هى سيارة عمليه، ونظرا لأننى تخطيت المرحلة السنية التى اهتم بالحصول فيها على تعليقات وتقديرات عن ما اضفته لسيارتى، فبالتالى انا لا اخسر شيئا بعدم تميز سيارتى ، فى مقابل ما اكسبه من عدم تميزها

[S O P H O S]

تكون وسطية تنفع لكل شئ
وميزتها حالتها