استفتاء بتركن في الشارع ولا في جراج و بكام؟؟

[blackeagle]

ياتري بتركن في الشارع ولا في جراج و هل انت راضي عن الركن
و لو بتركن في جراج بكام
انا عن نفسي بركن في جراج و بدفع 150 كل شهر و في اصحاب لي بيركنوا في جراجات ب 100 و في 200
و محدش عارف فينا هو بيدفع كثير ولا قليل و كلنا مش راضين عن الركن
و اخيرا لو ما لاقش مكان للركن بتعمل ايه؟

[aliabutaleb]

باركن في الشارع
وربنا هو الحارس :)
ونفسي أركن في جراج ولو هادفع فلوس بس مفيش جنبي جراج

[arch_peter]

كنت باركن فى الشارع وبعدين فتحوا جراج العمارة بعد ماوضبوه شوية
باركن فى الجراج ب 80 جنيه بالعافية
بس فى مشكلة ان الجراج عندنا محتاج السايس بس اللى ينزل لك العربية لانك ماتعرفش تنزلها بنفسك
وللعلم انا الوحيد فى كل اللى راكنين اللى بيعرف يطلع عربيته لوحده انا حبيت اقول بس عشان تحسوا انه جراج رخم اد ايه
وحاولت اركن مرة وانزلها انا مش السايس فالعربية حكت فى عمود للأسف ومن ساعتها وانا متنكد وبافكر اخرج اركن فى الشارع تانى وبلاش جراجات

[احمدعبدالعزيز]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
تم الحذف لعدم وجود محتوى

مشرف القسم

[mino]

نفسي أركن في جراج لان العربية بتتبهدل و لسه واحد ابن حلال خابطلي الرفرف اللي ورا و كمان ببقي مضطر اغطيها كل يوم

[Eng.Ahmed]

انا بركن فى الشارع و بدفع متوسط 5 جنيه يوميا ( شارع قصر النيل ):)

[osamaesm]

بركن في الشارع بس قدام العماره ولو متأخر بركن بعيد شويه بس مش في ملطش
لان نفيش جراجات عندنا

[wsamir]

بركن فى جراج 60 جنيه

[Sharky]

بركن فى جراج قدام عمارتى بـ 150 جم لإن أصلا نادرا لما بلاقى مكان فى الشارع إللى ساكن فيه

[kshahin]

بركن في الشارع بس قدام العماره

[Ahmed_Ezz]

بركن فى جراج تبع العمارة يعنى مكانى فى الجراج مع الشقة فمبدفعشى حاجة فى الجراج بدفع للبواب بس علشان تلميع العربية

[أبومعاذ]

انا ساكن في العبور و مفيش اوسع من الشوارع

[osama]

بركن فى جراج 70 جنية

[Ahmed Selim]

أنا عند البيت الحمد لله بركن فى جراج العمارة ( هو أنا مليش مكان أصلاً فيه لأن كل الجراج اتباع من قبل ما أشترى الشقة بس اللى نافعنى ان فى كام واحد من السكان مسافرين بره مصر :-) )

عند الشغل بركن برضه فى جراج ب 110 فى الشهر

[aif]

انا بأركن في جراج ....
وانا بأركن في الشارع ..