استفتاء بتركن في الشارع ولا في جراج و بكام؟؟

[emadfk]

بركن في الشارع بس قدام العماره

[knightmido]

فى الشارع قدام العمارة والبواب بمقابل للحراسة والغسيل

[aif]

ربنا يكرمك يارب ده انا اتشرف بمعرفه المدام وابراهيم باشا

انا شفتها راكنه تحت بيتكم تقريبا ابقى اركنها بعيد عن البيت احسن كده الكل هيعرف بيتكم ومش هتلاحقوا على ضيوف نايل موتورز كنت جايه من الجمعيه بتاعه التامين اول ما شفت كلمه تعليم قلت دى عربيه حضرتك بس اليافطه لذيذه والله مش فضيحه ولا شى

انا بفكر اعمل ذيها عشان اعرف امشى براحتى

لو بصيتي علي الناصية في تاني دور ع البلكونة ح تلاقي يافطة مكتوب عليها احمد ابراهيم
يافطة تعليم دي بقي انا مش ح اشيلها خالص .... دي مفيدة جدا ولذيذة جدا .. للمدام ولييه انا كمان الواحد بيبقي حاسس ان الناس خايفه تقرب منه ... تعليم ... يعني غشيم بقي واللي ح يقرب ما لوش ديه ...والله فعلا مفيدة جدا ... انا حاسس ان بعد كام شهر ح تلاقي الناس كلها حاطينها

انا باركن الاوبترا داخل الجراج ب 70 جنية .... وال128 بره ب 50 جنية ده شامل اكرامية السايس كمان ... الا لو غسلها كل اسبوع باديله من 2 الي 3 جنية في الغسلة
لكن مريح دماغي من اماكن الركن .... باسيب العربية في نص الشارع وهو يتصرف

[محمد المشد]

انا بأركن في جراج ....
وانا بأركن في الشارع ..

طبعاً الاوبترا فى الجراج وال128 فى الشارع
- بالنسبة لى الان بالشارع لان مالك العمارة حول الجراج الى موقع تجارى ومرفوع علية قضية علشان يفتحة لنا 00 ربنا المنتقم من الملاك الجشعين

[kimo-nubira]

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

تم الحذف لعدم وجود محتوى

مشرف القسم

[sab3aawy]

بركن فى الparking lot اللى بين العمارات ، نظام العمارات عندنا كل مجموعة عمارات لهم parking lot ، وبدفع مبلغ بسيط لنظافة السيارة لفرد الأمن

[theking2690]

باركن فى جراج و مش راضى عنه و خانقنى لو حد يعرفها الجراجات بتاعت الحى اللى على احمد حلمى كده عند كوبرى ابو وافيه انا فى اول جراج فيهم و بدفع 60 جنيه لمجرد انهم ياخدوا بالهم من العربيه

[WalidAdel]

انا بركن في جراج العماره و بدفع 100 و مفيش سايس ولا اي حد بتخش بركن العربيه بنفسك وامشي و تمام علي كده حاكم الواحد المفروض ميأمنش لحد خالص في الزمن ده ولا حتي السايس علشان ممكن ابن السيايس ياخد العربيه

من سنه تقريبا افشت ابن السايس راكب عربية واحده معرفه واخدها من ورا ابوه و مركب فيها بنات و بيلفوا في وسط البلد بيها عامل بيها قمع قدام البنات اللي معاه زنقته عند زابط شرطه و شدناه علي القسم و كل علقه يوميها لحد ما طلعة عنيه فعلشان كده مبسبش المفتاح لحد حتي لو فين

خلو بالكو من حوار ابن السايس ده بردوا علشان ممكن يعمل بيها مصيبه و يرجع يركنها في الجراج ولا كانه عمل حاجه

[HeMa_LanCeR]

انا بقي عندي جراج خاص في العماره بس للأسف بكسل كل يوم أدخل العربيه الجراج واخرجها بجد شيء ممل وبالخصوص بقي لما تكون صاحي متأخر ومستعجل ولسه هتنزل تفتح الجراج وتسخن العربيه وتنضف العربيه وتخرج العربيه وتنزل تقفل الجراج وبدها تروح مشوارك يكون فات نص ساعه اقل حاجه

[جمال]

انا كان عندى جراج خاص و بعته لان كل ماجى ادخل او اخرج من الجراج الاقى واحد رخم قافل على الجراج و معرفش مين هوه , مره قلبت الدنيا لغاية معرفت صاحب العربية اللى قافله الجراج و بعتله البواب , يقوم الباشا باعتلى المفاتيح مع البواب لان سيادته نايم , الصراحة عملت فيه حركة غلاسه طلعت عربيته و حطيتا فى وسط الشارع واخدت مفاتيحه و مشيت خلصت مشوارى وانا راجع لقيته ياعينى واقف جنب العربية و الناس مبهدلاه آخر بهدلة علشان سادد الشارع ومش عارف يتصرف ومن يومها بطل يقف امام الجراج

[أبوسيف]

أنا كان عندى الدور الأرضى فى البيت عبارة عن مخزن ، فتحته ونضفته وعملتله بوابة كبيرة وببيت العربية فيها ، بصراحة بقيت أعرف أنام من ساعة ما عملت كدة. عند الشغل الشارع فيه ركنات كتير بس بدفع 30 جنيه كل شهر للبواب علشان نضافة العربية وغسيلها.

[tmz9111]

نفسي أركن في جراج

[MoToRiZeR]

كان فيه جراج كبير جنب البيت كنت بركن فيه ب 90 جنيه بدون النضافة .. يعني بتاع 150 بالغسيل .. بعد كدة واحد من حيتان التاكسي اشتري الجراج و خلاه لتاكسياته بس .. ومفيش جراج تاني قريب بقيت اركن تحت البيت و اغطيها كل يوم لأن بركن تحت شجرة لو سبتها بس ساعتين من غير غطا انزل الاقيها متمرمطة

[ows212]

باركن فى الشارع

[AhmedGen2]

يا جماعة حد يعرف جراج سيتى ستارز الساعة فيه بكام ؟؟؟