هي الحريم فعلا عندها مشكلة في سرعة رد الفعل؟

[Karim_Monir]

الموضوع ده انا كتبته بعد ما لاحظتة كتير لكن النهاردة كان هايتسبب في كارثة فعلا
انا بمشي من بيتي لشغلي عبر شارع جوزيف تيتو (المطار) بخرج من الحرفيين للنزهة
واول ما خرجت من تحت الكوبري بتاع الهايكستب بدات اجري لان ده طريق سريع ومنزل كوبري كمان
وعند بنزينه موبيل اللي في اول الطريق عربية فيرنا واقفة لان البنزينة حاطة الاقماع
ووراها انسه ب i10 الهانم ما وقفتش وراها لاء جنبها
الاقماع على الطريق
والفيرنا وقفت بجنب شوية تهيئة لدخول البنزينة
تجي الاي تن تقف زيها بقو واخدين 3 حارات في طريق سريع ومنزل كوبري
وهووووووووب طاخ طاخ طاخ
العربيات بترشق في بعض زي الدومينوز
كارينز في 308 في نوبيرا في كام عربية تانية ووراهم انا لمحت الموقف ضربت فرامل متقطعة وانتظار سريعا
اللي ورايا فهم بس كان كابس لان وراه نقل وطبعا نابني من الحب بوسة في الاكصدام عنيفة شويتين من اللوجان اللي ورايا ونازل يتاسف وانا عارف انه مش غلطان انا شايفه في المراية
نزلنا وكل بيتحسر علر عربياته والهانم نازلة من عربيتها بتبص خايفة على عربيتها ولا كان في حاجة
وكان الانفجار مني بقي
هو انتي اتعلمتي سواقة في صالة بيتكم
مين اللي ادالك الرخصة
ترد تقولي انا اعمل ايه لقيت الفيرنا واقفة عشان البنزينة قافلة وقفت جنبها
طبعا الرد كان اعنف بكتير
تقفي جنبها صف تالت في طريق سريع
تعملي الكارثة دي
تقرري تقفي مرة واحدة ووراكي عربيات ماشية بسرعة كدة وسايبلهم حارة واحدة بس لا يلحقو يفرملو ولا ياخدو شمال
بصراحة ماستحملتش برودها واستفزازها استعوضت ربنا في الاكصدام ومشيت
وسيبتها لسواقين العربيات التانية يروقوها
بس الكارينز وال 308 زعلو وهايزعلوها :-)
ويا ريت فعلا الانسات والسيدات تكون ردود افعالهم اسرع من كدة
وممكن يلعبو اي جيمز عالكمبيوتر بتطلب تنمية سرعة رد الفعل عشان مايعملوش كوارث كدة

[AHMEDCAR]

معلش قدر الله و ماشاء فعل يا كريم لو عاوز سمكرى كويس قولى :)

هما فعلا بجد و الله مالهوش سواقه

[Dr_Mido]

اة فعلا رد الفعل والتردد فى اتخاذ القرار دة شئ هباب

[minicooper20]

مش بيقولك المراءه بتفكر بقلبها مش بعقلها
قابل يا كبير هههههههههههههههههه
ربنا يعوض عليك

[fineart607]

قدر الله وما شاء فعل وفعلا انا بترعب من الحريم فعلا والله ومحدش يزعل منى

[human]

الستاد عندهم مشاكل كتير - ماتدقش

[dolly13]

اولا الف سلامة عليك والعربية يا استاذ كريم
ثانيا الموقف ده مش تعبير عن تأخر رد الفعل لكن تعبير عن الجهل المرورى والجهل بامكانيات السيارات والشوارع وفى الحقيقة انا باشوف ان الجهل ده مناصفة بين الجنسين مش عند المرأة فقط لكن بيبان اوى عند المرأة لان السيدات بقى كتير فى الشوارع والخبرة لسة قليلة جدا
تقبل مرورى

[MaZaGAngeE]

كده الستات في المنتدى هتقلب عليك

[mahmoudalaa]

ده افضل تعليق و لازم يكون جنبهم ملاح او مساعد سواق

[mohamed_rhem]

معلش يا كريم قدر الله وما شاء فعل

العيب مش فيهم هما

العيب في اللي مدهمش فرصة انهم يتعلموا صح

بجد بيعملوا كوارث ولا هما هنا

[kar!m]

اولا الف سلامة عليك والعربية يا استاذ كريم
ثانيا الموقف ده مش تعبير عن تأخر رد الفعل لكن تعبير عن الجهل المرورى والجهل بامكانيات السيارات والشوارع وفى الحقيقة انا باشوف ان الجهل ده مناصفة بين الجنسين مش عند المرأة فقط لكن بيبان اوى عند المرأة لان السيدات بقى كتير فى الشوارع والخبرة لسة قليلة جدا
تقبل مرورى

بالضبط كده .. جهل مرورى و فساد فى عملية استخراج الرخص .. أى حد بيعرف يتعامل مع العربية بيطلع رخصه بغض النظر عن اساسيات و فن القيادة.

[hpxp]

معاك حق يا استاذ كريم والله انا بقي حصل موقف قدامي عربيه نص نقل واقفه وجايه واحده ست ب 128 الطريق واسع جايه المفروض تكسر يمين لاء كملت ووقفت لازقفه في النص نقل وكسرت يمين وهي واقفه خبط النص نقل ومكمله اما الراجل طلع قدام وبيتهائلي كلها
وربنا يعوضك خير في الاكصدام

[Ahmed_Rahem]

بالضبط كده .. جهل مرورى و فساد فى عملية استخراج الرخص .. أى حد بيعرف يتعامل مع العربية بيطلع رخصه بغض النظر عن اساسيات و فن القيادة.

[Amr Axel]

ربنا يعوض عليك و فعلا دول ساعات بيخلوك عايز تنتحر
موضوع شبيه حصلي ان الهانم بــ 128 حست ان الناس اللي ع الرصيف هيعدوا ضربت فرامل فجأة
و كلنا نعتبر في حدود 60-80
انا لحقت اقف لكن اللي ورايا ملحقش و رشق في الاكصدام و اللي وراه رشق في اكصدام اللي ورايا النتيجة بسببها 3 عربيات و اكتر واحد زعل اللي ورايا لأنه اتخبط ورا و قدام كان سيتروين
و اول ما شافت اللي حصل و كله نازل ينفخها جريت بالعربية

بس برده في نفس الوقت مينفعش نعمم ساعات في رجالة بيعملوا العن من كده بس الغالبية دايما من السيدات ههههههههه

[Land_Cruiser]

معلش يا باشا و ربنا يعوض عليك. بص حضرتك هو مش بطئ رد فعل و لا حاجه لكن ببساطه الراجل بيبقى سايق و مركز فى الطريق بنسبه 70٪ اما الست فتلاقيها و لا حتى 30٪ تركيز لانها من وجهه نظرها عندها مليون حاجه تركز فيها اهم زى الكلام فى الموبايل او العيال او مشاكلها العائليه او اى حاجه تانيه تخطر على بالك غير الطريق و أغلبيتهم ما بيعرفوش يركنوا او يرجعوا بضهرهم و طبعا لو العربيه عطلت منها بتسيبها فى وسط الشارع و تمشى عادى و مش مهم توقف الطريق و لا تعطل الناس ده طبعا بالاضافه للكوسه فى تطليع الرخص . أنا مره كنت واقف فى طابور انتظار على كوبري اكتوبر وواحده راحت خبطه فى جامد فى الاكصدام اللى ورا و نزلت تتاسف لى و تقولى معلش جيت ادوس على الفرامل روحت دايسه عالبننزين و كانت هتعيط و بقى شكلى أنا المفترى الغلطان قدام الناس مع أنى أنا اللى اتخبطت و أنا واقف فى أمان الله!!!