هي الحريم فعلا عندها مشكلة في سرعة رد الفعل؟

[الغزالى]

يا كريم السواقه هنا فى مصر بئت تجيب شلل ... وادى مثال بيسط خالص عن الى حصل فيا
وواحد برضو قرر انه يقف مره واحده فى وسط الطريق متعرفش ليه وبعد ده كله يجرى

رفقا بالقوارير يا جماعة الخير...مافيش حد كتب مشاركة فيها اخطاء للمرأة في السواقة لم يرتكبها رجال ايضا..انا شخصيا تعرضت لكل هذا وأكثر من سواقين رجال...من كان منكم بلا خطيئة فليرمها بحجر

لا يا هشام باشا انت مش واخد بالك الصوره دى بسبب راجل بعيد عنك

[Ashraf_Ibrahim]

قدر الله وما شاء فعل
معلش يا كريم قول الحمد لله انت بتقول كان وراك عربية ونقل فالحمد لله انها جت على قد الاكصدام
النهردة واحدة كسرت عليا كسرة حلوة في شارع شبرا فقعدت ازمرلها جامد فلقيت واحد معدي من جنبي بيقلي دي ست يا عم متاخدش عليها
ضحكت ساعتها وقلت عشان خاطرك انت مش هاخد عليها وعدا الموقف الحمد لله

[ecybrarian]

اه فعلا..انا مش باتكلم على مشاركتك يا غزالي باشا، انا باتكلم على المشاركات التانية..انت وانت على خط واحد..ايد واحدة زي ما بيقولوا :-)))

[Dr/ P.K.Sh]

قدر اللة و ما شاء فعل

[الغزالى]

اه فعلا..انا مش باتكلم على مشاركتك يا غزالي باشا، انا باتكلم على المشاركات التانية..انت وانت على خط واحد..ايد واحدة زي ما بيقولوا :-)))

ههههههههههههههههه ... مهو المشكله ان لو الرجاله بتغلط مره الستات 20 ..ز خصوصا النوعيه الى بيكونوا لازقين الكرسى فى الدريكسيون دول .. حاجة تجيب الشلل

[graffittiii]

مش بيقولك المراءه بتفكر بقلبها مش بعقلها
قابل يا كبير هههههههههههههههههه
ربنا يعوض عليك

ههههههههههههههههههههههههه

مرة والدتي كانت بتعلم أختي السواقه فبتقولها بصي أدامك مالكيش دعوة بالمرايا إلي ف النص خالص هما حا يخدو بالهم
قلتلها شكرا خالص انزلي هنا أنا حا أعلمها

ههههههههههههههههههههههههههههههههههههههه

[mahmoud_afifi]

والله أنا مجرب خبطه من بنت لغاية دلوقتي بعاني من أثارها.
الغريب ان العربيه كانت واقفه في حالها واتخبطت بالشكل البشع ده والعربيه بتاعت البنت الي خبطتني كانت متحركه من السكون يعني ماتلحقش تعمل الاثار دي كلها. بس تعمل ايه في البنات... محترفات تدمير عربيات >_<

[shaddadfalcon1]

كنت مره في تقاطع شارع زاكر حسين مع الشارع الي فيه بسبي وكنا قدام المغرب والعربيات كلها واقفه وانا اخر واحد وفجاه اتهبدت جامد وببص ورايا لقيت افيو سودا نزلت اشوف الأكصدام لقيت الهانم حاطها ايدها علي التاره وبتحرك صوابعها فوق كده قال يعتي بتقولي معلش لقيت الأكصدام سليم قمت واخد نفسي وراكب وكانت حاجه في قمة الأستفزاز مكلفتش خاطرها تنزل حتي تبص علي عربيتها