هي الحريم فعلا عندها مشكلة في سرعة رد الفعل؟

[sherifahmed]

معلش ياكريم باشا
هيا العملية مش سرعة و لا بطء رد فعل
هى عملية نفسية
الستات بطبيعتهم بحكم التربية و النشأة مش مهيئين انهم يتعملو مع المكن و المعدات
تلاقى البنت و هى صغيرة بتلعب بعروسة انما الولد بيلعب بعربية و فاتح بطنها عشان يعرف جواها ايه
الست مش مهتمة غير بالصيانة فى العربية و اغلب الوقت اخوها او ابوها او جوزها اللى بيوديها
انما الراجل تلاقيه بيعمل الواكس و البوليش بنفسه و عمال يدور على احسن زيت للعربية و كدا

[Dr_Mido]

على فكرة الغلط عندهم بنسبه 20% لنسبه 80% الغلط عندنا احنا علشان احنا كرجاله منزلينهم الشارع يقرفو خلق الله من غير منعلمهم السواقه كل واحد جاب لمراته عربيه و قلها بتدور من هنا وبتلف من هنا وسابها على مخاليق ربنا تعذبهم فمتحملوش كل الغلط عليهم

[medododo]

أه هو جهل بقواعد المرور
بس حرام تظلم الستات ان عندهم بطء في رد الفعل
هو مفيش رد فعل اساسا
خد عندك
من حوالي أسبوع في شارع جانبي واحدة ست ماشية قدامي قابلت واحدة صاحبتها جاية في المقابل وعايزة تسلم عليها بدل ما كل واحد ياخد يمينه وينزلو يكلموا بعض واحدة خدت يمين والتانية خدت شمال ودخلت فيها ونزلو الاتنين يضحكوا ولولا ساتر ربنا كان زماني معاهم

[ahmadmidop]

قدر الله ماشاء فعل ..... فعلا في بطئ شديد في رد الفعل ... ودايما في التقاطعات تلاقيهم بيعدو وخلاااص انتا اللي تفرمل لكن هما ملهومش في الفرامل .... بس بصراحة في بنات عفريت بردوووو وغرز ودلع بس مش كتير

[lanos_power]

لا الاقرب للحقيقه ان محدش فى مصر لما بيتعلم الساقه حد بيقله اداب الطريق و اصوله لا كل واحد بيتعلم السواقه دواسه البنزين يمين الدبرياج شمال و الفرامل فى النص و هوبا بقا بيسوق محدش بيتعلم اصول الركنه محدش بيتعلم اصول السواقه فى الطريق الاتزام بالحاره و خلافه هى دى المشكله و دى فعلا مناصفه بين الجنسين بس بصراحه انا بحسها مشكله فى استات اكتر

[Ali_Abo_Amr]

معلش يا كيمو ... قدر الله وماشاء فعل ... ربنا يعوض عليك
السيدات انا بأشم ريحتهم من على بعد كيلومترات :)
إما هاديين جدا او متهورين جدا ... ماعندهمش حل وسط :)
بعض الاعراض :
تكون ماشية قدامك ببطء وماسكة الشمال
تكون ماشية قدامك وتلاقيها بتسرح من حارة لحارة - بتتكلم فى الموبايل معلش !
تكون ماشية قدامك وبتقف فجأة - زى ما حصل معاك يا كيمو- اوتكون فرملتها عنيفة

واشياء اخرى كفاية كده لاحسن ننضرب :)
طبعا ده بيحصل من الرجالة برضه مافيش كلام ... لكن السيدات ... اكترررررررررررررررر

[ls1090]

قدر الله وماشاء فعل
ربنا يعوض عليك

[Col. Eng. Khaled]

ما هي يا تعمل نصيبة في البيت يا بره البيت

بلاش تحيروه"ن " بقى


لكن في مكان عملها (عشان بتقبض) ....... تلاقيها أستااااااذة و رئيسة قسم

[eng.m7md.ali]

انا قولتلها من فترة
اخرهم في البيت بلاش سواقة علشان بيعملو كوارث زي الميكروباصات بالظبط

[friendship7897]

الحمد لله أنها جت على أد كده – وطبعاً لو هي بالبرود دا بتكون مستفزة أكتر – وخصوصاً أنها مش معترفة بالمصيبة اللي عملتها في كل العربيات دي بس السبب مش في سرعة رد الفعل - لأ – فيه أسباب كتير مش عند ( الحريم ) بس ، دا في السائق عموماً (راجل أو سيدة ) وهي الحالة الجسمية للسائق وقدراته على رد الفعل أثناء وقوع حدث مفاجئ على الطريق وكمان حدة البصر والتحكم في عجلة القيادة ، كفاءة السائق من حيث خبرته واتباعه الاجراءات اللازمة أثناء القيادة كإعطاء الاشارات اللازمة أثناء الانعطاف ومراعاة عملية التجاوز لسيارة أخرى وغير ذلك ، و الحالة النفسية للسائق أثناء قيادته للسيارة .
ملحوظة : علشان حضرتك الـ CEO للمنتدى فحاول متخسرناش – وأحنا مش هنزل لك كلمة ، ودي دا فيديو لعمرو أديب بيترق فيها عن سواقة الستات - بس بجد مش كلنا .
http://masrstars.com/vb/showthread.php?t=63075
الله لا يريكم مكروهاً

[ecybrarian]

ربنا يجيرهم في مصيبتهم..اما عن سياقة الاناث، فأنا شخصيا شفت بعيني عربية بيجو 308 هاتش بتخيط الدائري غرز ولما جرينا وراه تأكدنا من ان السائق مش سائق بل سائقة..ربما تكون الاستثناء..عموما نادرا ماتلاقي حد بيعرف يسوق في مصر..الناس مقضياها بالبركة والستر

[Formulator]

الموضوع ده انا كتبته بعد ما لاحظتة كتير لكن النهاردة كان هايتسبب في كارثة فعلا

أنا بقالى كذا يوم.. عايز اعمل موضوع عن سواقة الستات فـ القاهرة, لأنه بجد بقى أزمة..!!
كل يوم عـ الريق.. ببقى هاعمل 3-4 حوادث مع ستات؟؟!!!
مع ان سواقتى معقولة جوا البلد (مفيش سرعة).. و بيتى وشغلى فـ مدينة نصر, يعنى تقريبا مش بطلع طرق سريعة بالأيام..!!
وبفضل الـback streets عشان الزحمة.. لكن للأسف بتلاقيها وكر سيدات بتسوق ..؟؟!!

ويا ريت فعلا الانسات والسيدات تكون ردود افعالهم اسرع من كدة
وممكن يلعبو اي جيمز عالكمبيوتر بتطلب تنمية سرعة رد الفعل عشان مايعملوش كوارث كدة

هههههههههههههههههههههه
مش بأيدهم يا كريم, هن خلقن كده..
فيه Studies كتيييييييير بتتكلم عن بطء الـReaction-Time عند الـFemale عن الرجالة..!!
ودى حاجات اثبتت مش بس تشريحيا, لأ Functional كماااااااااااان..؟؟!!!
وعملوا Tests على وظائف بكتيييييير وتفاصيل أدق.. زى مثلا:

- ضعف القدرة على الـMulti-Tasking.. يعنى ماتقدرش تعمل كذا حاجة Synchro مع بعض, زى نقل غيار مع بص فـ المراية و دوسة فرامل..؟؟!!!
- بالنسبة للـVirtual Functions.. لقوا ان الستات عندهم نسبة Error (ليها Correction) فى القدرة على تقدير الأبعاد.. يعنى مش بتقدرها بالدقة بتاع الراجل؟؟!!!
عشان كده مشكلة الركنات, والمرور من الأماكن الضيقة..؟؟!!!!!!!

ومن ده كتييييييييير بقى.. للصبح.

بس أرجع وأقول (بعيدا بقى عن كل الكلام اللى فات).. نفترض انهم متكافئين:

العيب الأكبر على الـتييييييييييييييييت اللى علمها تدوس بنزين وفرامل, وماعلمهاش تستعمل مرايات وأشارات.. ويعرفها أصول الطريق والسواقة..؟؟!!!
الـTraining يا جماعة بيقلل الـShortage فى القدرات الفردية, ودى حاجة معروفة..!!

[walidzakzok]

كان واحد حبيبي دايما يقولي الستات مخلوق اقل فى التطور والرقي من الرجالة مكنتش فاهم هو قصده ايه لما اتعاملت معاهم عرفت كان قصده ايه ....ممكن يجيبولك جلطة وهما مش واخدين بالهم...هههه

[waelfarid]

دايما نسمع المرحومة حرم المرحوم وليس العكس
حتي مبيدوش فرصة للراجل يتجوز تاني بيكونو اطمنوا عليه الاول
والف ليلة وليلة
اشغليلو ليله لطلوع النهار
بسبب بلاويهن باحتراف من غير مينطرف لهن رمش هما اشطر من الرجالة بكتير لان (ما جعل الله لرجل من قلبين في جوفه) هن multi-processor
خلاص لو زهقت من الناس اللي في الشارع حجيب للمدام عربية ههههههههه

[el_nahal2004]

معلش يا باشا و ربنا يعوض عليك. بص حضرتك هو مش بطئ رد فعل و لا حاجه لكن ببساطه الراجل بيبقى سايق و مركز فى الطريق بنسبه 70٪ اما الست فتلاقيها و لا حتى 30٪ تركيز لانها من وجهه نظرها عندها مليون حاجه تركز فيها اهم زى الكلام فى الموبايل او العيال او مشاكلها العائليه او اى حاجه تانيه تخطر على بالك غير الطريق و أغلبيتهم ما بيعرفوش يركنوا او يرجعوا بضهرهم و طبعا لو العربيه عطلت منها بتسيبها فى وسط الشارع و تمشى عادى و مش مهم توقف الطريق و لا تعطل الناس ده طبعا بالاضافه للكوسه فى تطليع الرخص . أنا مره كنت واقف فى طابور انتظار على كوبري اكتوبر وواحده راحت خبطه فى جامد فى الاكصدام اللى ورا و نزلت تتاسف لى و تقولى معلش جيت ادوس على الفرامل روحت دايسه عالبننزين و كانت هتعيط و بقى شكلى أنا المفترى الغلطان قدام الناس مع أنى أنا اللى اتخبطت و أنا واقف فى أمان الله!!!

نفس الى حصل معايا بالضببببببببببط
على كوبرى الفنجرى وانا رايح السواح
بقيت حسيت انى الى غلطان مع انى واقف فى حالى
معلش ان هية جت على اد كدة يااستاذ كريم وفداك الف عربية..بيقولوا فى ورشة كويسة فى الحرفين اسمها ورشة نايل موتورز

والله الواحد باه بيشوف واحدة سايقة بيبعد عنها خاالص