هل بتجامل الستات في الطريق ؟؟؟

[Hossam_Hassan]

BINGO

و انا ناقصني واحدة ترمي الجتة عليا و تزنق و في الآخر تحكلي الحربية كمان

السؤال موجه للرجالة، هو حضرتك راجل؟

على فكرة، انت اسمك نهلة الجوهرى؟ :)

[mohamed ibiza]

بعدي اللي تستاهل بس اللي ماشية كويس يعني اما لو واحدة ماشية بسرعة 2سم\الساعة مبعديهاش

[aif]

لازم نراعي ان ممكن الست دي تكون لسة بتسوق جديد ... ممكن سواقتها علي قدها ( ودول غالبية الستات )...
احنا في النهاية مش في حلبة سباق
وزوجاتنا واخواتنا واهلنا من السيدات معرضين لمثل هذه المواقف ...
الحلم سيد الاخلاق

[sh23]

حلوة ولا وحشة ؛؛؛؛ ست ولا راجل ... مفيش فرق ... المفروض أننا نراعي حقوق الآخرين .
بس المهم حالة الطريق تسمح لي بالوقوف والأهم أن اللي عاوز يعدي ما يرميش نفسة فجأة قدام العربيات..
ربنا يسترها معانا دايماً

[mohamed_berlitz]

انا بقى ممكن اعدى اى حد فى الدنيا يعنى انا ممكن اعدى كرو لكن من المستحيل انى اعدى واحدة شايفة نفسها ابدا وحشة بقى حلوة المهم لو شايفة نفسها ممكن ادوسها ولا انها تفتكرنى انى بعديها علشان سحر عيونها

[nahla]

السؤال موجه للرجالة، هو حضرتك راجل؟

على فكرة، انت اسمك نهلة الجوهرى؟ :)

انا فاكرة ان اسؤال للكل
وانا شيلت صورتي علشان محاولات الاستظراف المماثلة

[mo7amed_omara]

انا حعدى طبعا اى واحدة حلوة عايز تعدى الشارع من قدام عربيتى هههههههههههه اكيد طبعا اصل انا لو معملتش كدة اى حد غيرى حيعمل كدة ا

[hamedo0]

للامانة لا و ده علشان اكتر من سبب : يا هاتفتكر انك بتعاكسها و هتبصلك بصة تحرق الدم و انت الخسران يا هاتمشى من غير ما تقول شكرا او حتة ترفع ايدها للشكر و كأنوا حق اصيل من حقوقها
عصر البنات اللطاف اللى هما زى بتوع الافلام الابيض و الاسود انتهى من زمان و كلهم دلوقتى بقوا متوحشين ( او اغلبهم) و واخدينها دراع و مساواة و كلام كتيير من العينة دى

والله انا خايف عليك من انت بتقوله ده

[دموع الثلج]

عصر البنات اللطاف اللى هما زى بتوع الافلام الابيض و الاسود انتهى من زمان و كلهم دلوقتى بقوا متوحشين ( او اغلبهم) و واخدينها دراع و مساواة و كلام كتيير من العينة دى

بصراحه فيه عينه من الرجاله اللى بتسوق عاوزه فلاشنكوف على عكس كلامك

اغلب الشباب بيحبوا يستعرضوا قدام عربيات البنات على اساس انهم مححترفين فهلوه وهاتك يا غرز وسخافه

انابعدى كل الناس لو السرعه والمكان سمحت لى اقف خليهم يعدوا وخلى اللى مستحيل اوى يطير براحته قال يعنى هيوصل بسرعه ماهى الشوارع كلها زحمه

بس فيه ناس بئه فاكرين ان عشان بنت بتسوق تبقى مبتعرفش تسوق وسعادته هيتخنق لو مشى وراها يروح كاسر عليها ويفضل لازق عشان يعدى قدامها

والله بتحصل احيانا لما حد بيحب يستعرض بروح قافله عليه الطريق واديله انتظار واسيبه ورايا يولع فى نفسه ولونرفزنى كلاكسات غبيه لو معايا كلاشنكوف هنزله

[hamedo0]

انا فاكرة ان اسؤال للكل
وانا شيلت صورتي علشان محاولات الاستظراف المماثلة

يا استاذه استاذ حسام من الشخصيات المحترمه واكيد لم يقصد اى استظراف

[Mohamed-Saoud]

هل بتجامل الستات في الطريق وتقف عشان يعدو الاول؟

طبعاااا ... أحسن من مجاملة راجل عنده شنب يقف عليه الحمار مش الصقر :) :)

[kamel_sh]

بصرحة انا بخاف على العربية بتعتى من اى ست
بقف خوف ان اتخبط
عشان عندى اعتقاد ان اى بنت مش بتعرف تسوق زاى الناس

[boty50]

في مصر
بالنسبة لي فأنا لما بشوف بنت صغيوره بتسوق
علي طول بوسع لها واديها طريق وده لأني علي طول
بفتكر بنتي اللي ابتدت تسوق السنة اللي فاتت وهي
في نفس الموقف واقول ربنا يوقف لها ناس زي مانا
بعمل معاهم وحدش يرخم عليها بدون سبب

اما الستات الكبار فأنا عادة بوسع لهم وبأبعد عنهم
علشان مش ناقص اي لبخة منهم او خبطات مالهاش لازمة

بالنسبة للكويت
فأنا ماشفتش صراحة واحدة كويتية بتسوق هنا وهي ملبوخة
بدا ، يمكن بالعكس بيسقوا احسن من الرجالة الصيع في السواقة
ودة لأنهن بيسوقوا من صغرهم وبيتعلموا سواقة صح
فعلشان هنا ماتفرقش ست من راجل يكون قدامك او جنبك
الأثنين واحد

[Hossam_Hassan]

انا فاكرة ان اسؤال للكل
وانا شيلت صورتي علشان محاولات الاستظراف المماثلة

انا باتكلم بجد، مش باستظرف

ياترى فى رد بقى على السؤال الجد؟

[hazem_khidr]

اكيد بجاملهم لو ماشيين كويس و براعي اي حد ماشي
المساله مش مساله راجل وست
المساله مساله فن و ذوق و اخلاق
و اي حد بيكسر قاعده من دول مش برحمه