هل بتجامل الستات في الطريق ؟؟؟

[mohamed hatem]

ده فعلا صح يا ابو عبدالله.... ما فيش هنا احترام للكل ... فعلا محدش بيقفلك لما بتبقى بتعدي ....

حصل موقف قدامي من يومين ... وبصراحه كان جامد لدرجة اني هزقت نفسي بعدها ...

كنت في شارع جامعه الدول عند فرغلي كده ومره واحده تاكسي راح كاسر على اللي في الشارع كلهم وركن اي كلام جنب الرصيف اليمين ونزل معدي الشارع كمان بسرعه على رجليه قدامنا ......
وكنت معايا واحد صحبي ... ولسه هنشتم ونبتدي .... بنبص لقيناه عمل اللي عمله عشان لمح واحد اعمى كان بيعدي الشارع من الجزيرة اللي في الوسط وكان لوحده ...وراح عشان يساعده



ساعتها لساني وقف وكنت عايز انزل احيه على عملته بصراحه

[theking2690]

لأ هو الموضوع مش موضوع مجامله بس الواحد بيحس ان الستات بتبقى ماشيه مقلقه من العربيات اللى حواليها فانا عن نفسى مبحاولش ارخم عليهم او كده اى ان كان شكلها و ده ما يمنعش ان فى ستات برضو سواقتها محترفه يعنى انا شديت مره مع بنت فى طريق النصر و هى اللى كسبتنى

[zakiali]

أول ما بشوف واحده سايقه ببعد عنها تماما لأن مفيش بنت بتعرف تسوق فيكي يا مصر !

[OlaOsman]

أول ما بشوف واحده سايقه ببعد عنها تماما لأن مفيش بنت بتعرف تسوق فيكي يا مصر !

احسن برضه انكوا بتبعدوا

[mohamed hatem]

والله يا علا في ناس كتير ظالمه الستات ... بس اول الناس دي الستات نفسهم

معظم الستات بتسوق باحساسها مش بعقلها ..... حاسه ان العربية ممكن تمشي ... حاسه ان اللي قدامها ممكن يزنق عليها ... حاسه ان العربيات حوليها ماشية بسرعه ... الخ

[sa3dawy]

لو بنت حلوة أكيد بجامل لكن لو مش قوي بعدي على طول

هيا دى الخلاصة

[MoToRiZeR]

طب بالنسبة للناس اللي بتعدي البنات الحلوة انا بستعجب جدا

اولا .. ليه تفرق ما بين الناس اللي ماشية في الشارع و تصنفهم حسب شكلهم !؟

ثانيا .. حد يعدي واحدة حلوة برده ؟ :biggrinjester: بتمشيها يعني .. طب يا عم احبسها جمبك شوية لعل و عسي .. ولا اخبطها قصد و اعزمها علي حاجة عشان تهدي اعصابها من الحادثة انما تعديها .. استفدت انت ايه .. ايييه

بهزر طبعا

[osama]

عملية نسبية

[دموع الثلج]

أول ما بشوف واحده سايقه ببعد عنها تماما لأن مفيش بنت بتعرف تسوق فيكي يا مصر !

والله لو حضرتك عندك عربيه زياده ممكن نشوف تحدى على كلامك

لانى مش هراهن بعربيتى

[hamedo0]

والله لو حضرتك عندك عربيه زياده ممكن نشوف تحدى على كلامك

لانى مش هراهن بعربيتى

يا أستاذه دموع يا جامد بكده مافيش راجل في بلد بيعرف يسوق :) ده لرفع الروح المعنويه فقط

[m_aash]

اكيد بأتعاطف مع السيدات ... بغض النظر عن انها جميلة او لأ دي حاجة هي مش مسئوله عنها .... لكن لو معاها اطفال او كانت حامل ... اكيد ح اتعاطف معاها اكتر ...سواء كانت سايقة او ماشية في الشارع ...
ومش بس السيدات .... الرجال كمان ... يعني لما باكون ماشي في شارع رئيسي سريع والاقي واحد عاوز يعبر الشارع و بيلعب اكروبات عشان يعرف يعدي ....لازم طبعا اديله فرصة يعدي واشاور للعربيات اللي خلفي كمان عشان يهدو السرعة شوية للناس
مش بس كدة الحيوانات كمان ... المفروض اننا نتعاطف معاها ...
لو معملتش كدة مش ح استحق اني اكون بني آدم

أضيف على كلامك إن السواقة - فن - وذوق - واخلاق
وعلى حسب اللى قدامى لو محترم و ماشى بإحترام أو بيتعلم ,سواء راجل أو ست , غير كده من قلة ذوق و عافية و أكروبات و غرز , بستعمل نفس الأسلوب وآخد حقى :boxing_smiley:

[MOHAMED SERAG]

انا على طول بقف لاى حد بيعدى الشارع وخصوصا البنات
بس مش دايما حسب الحاة المزاجيه
اما بخصوص السيارات انا محترم جدا واى حد راجل او ست بقفله

[MohabSaeed]

انا بقف ل اى حد فى الشارع عاوز يعدى سواء بنت , ست كبيره , عيل صغير , راجل كبير . شاب , ...... لكن!!! ولكن ديه تحتيها خطين ... لو الى بيعدى اساسا و مش خايف على نفسه او بيسعبط " ودول كتير .. من الاخر بنفضله
امثله ..ميدان طلعت حرب , ميدان التحرير .. او اى ميدان المفروض لما اجى اعدى اعدى من اماكن عبور المشاه ....حتى لو حعدى و الاشاره خضرا للسيارات ماشى مع انها غلط .. بس عدى من نقط المشاه .. مش الاقى واحد معدى الميدان بالعرض " علاشان مايعدين من نقط عبور المشاه لكل شارع " ... بصراحه بأدى كلاكس وادخل فيه لغايه مايرجع ............ لانهم بيغظونى جدا

بالنسبه للسيدات او البنات ... للاسف كتييير بيحص لما اعدى بنت قدامى تبصلى بقرف وكأنى انتهكت حق من حقوقها الشخصيه بأنى طلعت محترم وعديتها " قال يعنى بعاكسهم او ببص عليهم ...وهما اساسا مفهمش اى حاجه تتشاف " !؟؟ بس فى نسبه 20 % تقريبا بيطلعو محترمين وعلى الاقل بيهزو راسهم كنوع من الشكر .... وتقريبا 2 % بتبتسمو و بيقولو شكرا .... ودول الفئه المحترمه جدا الى لسه عندهم الحد الادنى من الزوق ... و الى انا بحترمهم جدا .

[r0xer]

الطريق طريقنا و لا ستات ولا رجالة... إلا في حالات معينة و هي إن اللي تكون معدية معاها طفل أو ست كبيرة في السن و ساعتها بشغل إنتظار و أخليها تعدي و براحتها خالص تاتة تاتة. يكش حتى تاخد دقيقتين تلاتة.

غير كدا ولا الدموع.. و إنشاله حتى أدوس حد فيهم.. طالما الطريق من حقي يبقى مش من حقك تعدي لا راجل ولا ست.

أما لو الست سايقة عربية فطبعا بعديها! هو أنا مستغني الإكصدامات ولا الفوانيس؟! :d

[Ahmed Samy]

أنا لو (قطة) حتى بتعدي الشارع باقف ليها

مش كفاية ربنا اداني عربية في اللحظة دي و اللي بيعدي مامعاهوش

و في ظروف كمان خارج النقاش :
انسان مسن
طفل صغير
اي شخص يحمل رضيع او يمسك بيد طفل


و ما بابصش على وش حد بيعدي (لأن ده لله) و مابانتظرش ولا حتى نظرة شكر