سواقة ستات.. كفاية بأه.. ارحمونا

[MoToRiZeR]

حقك يا محمود تكره و تحب ما تشاء.. انما بالتأكيد مش هاتكون مبسوط لو كل شوية تسمع شتيمتك بودانك و انك بتعمل حاجة الكل شايف انك لا تصلح لها.. مع انك في نفس الوقت مرغم عليها.. و لا ايه؟

انا معاكي يا علا بس هقولك حاجة

الرجل المصري بيعتقد ان السواقة فيها جزء من العضلات لا بأس به يعني رجولية نوعا ما .. و ده تشوفيه من التزنيق و العفيجة و التشويح بالإيدين و يزنق بوز عربيته بالعافية و انا اللي اعدي الأول إلي أخر الاخلاق الواطية .. و عشان كدة هوا بيري ان المرأة ككأئن رقيق غير مهيأة انها تقعد ادام الدركسيون و بيتعامل معاهم علي انه "كتر خيره" انه سايبها في الشارع فا مبيستحملش منها اي غلطة

و عموما فيه بعض ال stereotypes في مصر زي :
- لو ست .. يبقي أكيد مبتعرفش تسوق
- لو سنك صغير .. يبقي ابوك جايبلك عربية تلعب بيها و الله يحرقك .. و لو حصل اي حاجة من غير ما اشوف اكيد انت الغلطان
- لو راجل كبير يبقي هتنقطني عشان اعدي
- لو سواق ميكروباص يبقي انت نص بني ادم
- لو سواق لوري تبقي افيونجي و بتنام و انت سايق
- لو سواق تاكسي تبقي حرامي .. شايفك و انت بتمون 80 يا واطي

و انا شايف انك تستوعبي الصورة كاملة بتفاصيلها .. ثم تشيليها من دماغك خالص و كأنها لم تكن و متسيبيش حد يحطك في تصنيف معين علي مزاجه .. يعني نفضي .. و اما تنزلي الشارع تعاملي معاه علي أنه فيلم هزلي تشاهديه و لكن لا تتأثري بيه .. و لو سمعتي كلمة بايخة من حد ولا نظرة مش اد كدة سيبك منه اكنه متخلف عقلياَ .. لأن كل واحد في الشارع بيعتقد ان الشارع شارعه و المفروض الناس تمشي علي مزاجه و ان هو الوحيد اللي بيعرف يسوق و معلم فيهم

يعني من الأخر .. كبري دماغك و اللي يتكلم يتكلم و اللي يشتم يشتم .. المهم انتي عارفة نفسك كويس

و بجد متحسسيس نفسك انك مرغمة عالسواقة لأنها متعة كبيرة و في بعض الأحيان مهدأة للأعصاب للغاية .. يا سلام عالسواقة عالمحور الساعة 2 بالليل مثلا .. شوفي كدة حاجات بتهدي اعصابك اعمليها كل شوية whatever works for you يعني .. عشان تعرفي تتعاملي مع الغابة بتاعة الصبح :)

و متعصبيش نفسك مفيش حاجة تستاهل يعني

[OlaOsman]

انا بصراحة مش عارف اقولك ايه بس للاسف ديه مشكلة سلوكيات و ثقافة مجتمع و صفات هباب كتير بقيت من سمات المجتمع اكتر من كونها مشكلة الستات نفسهم مع السواقة ....يعنى هو اى نعم - بس من غير ما تتعصبى- سواقة كتير من الستات مملة نوعا ما بس بصراحة عن نفسى انا الحاجة الوحيدة اللى بعتبرها مشكلة هى بطىء رد الفعل غير كده انا مش شايف فى سواقة الستات مشكلة ده مع ملاحظة انا فيه بنات وستات كتير بيسوقوا احسن من الرجالة ميت مرة...انما بصراحة اللى انا متفق معاكى فيه بشدة هو انا اغلبية الرجالة للاسف اول ما يشوف واحدة ست سايقة يركبه ميت عفريت و يدخل فى موشح انتقاد مستمر ده ان ماحولش يرخم و يستعرض قدراته ..حتى لو معملتش حاجة...مجرد انها ماشية فى حالها و مابتشدش و لا بتعمل غرز ده يعتبر جريمة ...بس زى ما قلتلك هى دماغ الناس بقيت عاملة كده و انا بصراحة عن نفسى مش عارف حل

مش مشكلة على فكرة انك مش عارف الحل.. المهم انك تكون عارف ان فيه مشكلة و ان الستات اللي بتسوق دول بني آدمين و ممكن يضايقهم كتر النقد ليهم و التريقة عليهم.

شكرا جزيلا على المشاركة المتميزة :)

[Eng.Sameh]

الحل ان الستات تبطل مزاحمة للرجالة ، ويقعدو في بيوتهم ، وكفايه مزاحمة في الشغل وفي الطريق وفي كل حته ، الست مكانها البيت مع اولادها ، والراجل مسئول عنهم ، مش تقعدو تطالبو بالمساواه في كل حته ، وفي الاخر الشباب اللي مش شغال مش عارف يلاقي شغل ، واللي زي حالتنا وبيروح شغله بعربيته مش عارف يمشي من الستات ، فأحسن حاجه تريحو نفسكم من التعب ده وتريحونا احنا كمان

[OlaOsman]

ماهى دى المشكلة
الموضوع مالوش علاقة بحب السواقة او متعتها او لا
الموضوع ان المشى بالعربية لة اصول و تقاليد وعٌرف ..وعلى كل من فتح الباب و اقعد قدام الدريكسيون انة يلتزم بية
طول ما مبداء العربية و سيلة انتقال دة ...فى دماغ الستات ..الوضع هايفضل ذى ماهو
طب ماهو الراجل الكبير اللى نازل بعربيتة الشغل ... بيبقى عندة نفس الهدف و هو الانتقال من مكان لمكان ...بدون ادنى حب للسواقة او التمتع بالقيادة
بس بيروح بسلام و بيرجع بسلام .... عشان كان عايز يفهم
بس كدة

و الله يا عمرو انا عن نفسي بحاول على أد القدر اللي اتعلمته و مارسته من السواقة إني ألتزم بأخلاق السواقة و ما أضايقش حد.. انما أرجع و أقول لك انتوا برضه اللي بتقولوا اننا مخلوقين كده ردود فعلنا مش سريعة كفاية و اننا تقدير الأبعاد عندنا في الضياع.. و في نفس الوقت انتوا برضه اللي بتشتكوا و بتحاسبونا على حاجة المفروض انها مش بإيدنا.. طيب يعني انتوا ايه اللي يرضيكوا بالظبط؟ :)

[SEATLOVER]

.. طيب يعني انتوا ايه اللي يرضيكوا بالظبط؟ :)

اللى يرضينا انكوا تتعاملوا مع العربية انها ..عربية
مش وسيلة انتقال

وعلى فكرة فى بارقة امل فى الجيل الجديد ..فى منهم كتير عارفين هُما راكبين اية و يتصرفوا ازاى و اية هى الاصول

انما جيل بتاع توصيل المدارس و الوقوف المتكرر ..دة خلاص مفيش منة أمل

[OlaOsman]

انا معاكي يا علا بس هقولك حاجة

الرجل المصري بيعتقد ان السواقة فيها جزء من العضلات لا بأس به يعني رجولية نوعا ما .. و ده تشوفيه من التزنيق و العفيجة و التشويح بالإيدين و يزنق بوز عربيته بالعافية و انا اللي اعدي الأول إلي أخر الاخلاق الواطية .. و عشان كدة هوا بيري ان المرأة ككأئن رقيق غير مهيأة انها تقعد ادام الدركسيون و بيتعامل معاهم علي انه "كتر خيره" انه سايبها في الشارع فا مبيستحملش منها اي غلطة

و عموما فيه بعض ال stereotypes في مصر زي :
- لو ست .. يبقي أكيد مبتعرفش تسوق
- لو سنك صغير .. يبقي ابوك جايبلك عربية تلعب بيها و الله يحرقك .. و لو حصل اي حاجة من غير ما اشوف اكيد انت الغلطان
- لو راجل كبير يبقي هتنقطني عشان اعدي
- لو سواق ميكروباص يبقي انت نص بني ادم
- لو سواق لوري تبقي افيونجي و بتنام و انت سايق
- لو سواق تاكسي تبقي حرامي .. شايفك و انت بتمون 80 يا واطي

و انا شايف انك تستوعبي الصورة كاملة بتفاصيلها .. ثم تشيليها من دماغك خالص و كأنها لم تكن و متسيبيش حد يحطك في تصنيف معين علي مزاجه .. يعني نفضي .. و اما تنزلي الشارع تعاملي معاه علي أنه فيلم هزلي تشاهديه و لكن لا تتأثري بيه .. و لو سمعتي كلمة بايخة من حد ولا نظرة مش اد كدة سيبك منه اكنه متخلف عقلياَ .. لأن كل واحد في الشارع بيعتقد ان الشارع شارعه و المفروض الناس تمشي علي مزاجه و ان هو الوحيد اللي بيعرف يسوق و معلم فيهم

يعني من الأخر .. كبري دماغك و اللي يتكلم يتكلم و اللي يشتم يشتم .. المهم انتي عارفة نفسك كويس

و بجد متحسسيس نفسك انك مرغمة عالسواقة لأنها متعة كبيرة و في بعض الأحيان مهدأة للأعصاب للغاية .. يا سلام عالسواقة عالمحور الساعة 2 بالليل مثلا .. شوفي كدة حاجات بتهدي اعصابك اعمليها كل شوية whatever works for you يعني .. عشان تعرفي تتعاملي مع الغابة بتاعة الصبح :)

و متعصبيش نفسك مفيش حاجة تستاهل يعني

كلامك مظبوط يا محمود.. و موضوع ال stereotypes ده شائع جدا في المجتمع المصري عموما. انا على فكرة بحاول أنفض تماما لكل من يحاول إشعاري بالنقص و انا سايقة.. انما على فكرة انا ضيقي مش من الناس اللي في الشارع على أد ماهو من الاتجاه العام الحاصل هنا في المنتدى من هجوم مستمر على سواقة الستات و ده بيخلق أجواء توتر مالهاش داعي.

[aif]

الحل ان الستات تبطل مزاحمة للرجالة ، ويقعدو في بيوتهم ، وكفايه مزاحمة في الشغل وفي الطريق وفي كل حته ، الست مكانها البيت مع اولادها ، والراجل مسئول عنهم ، مش تقعدو تطالبو بالمساواه في كل حته ، وفي الاخر الشباب اللي مش شغال مش عارف يلاقي شغل ، واللي زي حالتنا وبيروح شغله بعربيته مش عارف يمشي من الستات ، فأحسن حاجه تريحو نفسكم من التعب ده وتريحونا احنا كمان

كلامك ده مش واقعي ....
ازاي يقعدو في بيوتهم ... مين منا زوجته واخته وبنته وخالته وعمته وكل الستات اللي يعرفهم مش بيخرجو من البيت ....
ولو حصل ... الستات اللي بيشتغلو وبيفتحو بيوتهم ... الأرامل اللي بيربو اولادهم ...الستات اللي بيشتغلو بدل ازواجهم ( انا أعرف منهم كتييير ) .... الستات اللي مش معاهم راجل يتولي امورهم ولازم يعتمدو علي نفسهم
الستات دول يعملو اية ... هل المفروض يبهدلو في المواصلات غير آدمية بتاعتنا.... انت مش مدرك مدي الصداع والمجهود الذي يزاح عن كاهل الرجل لما زوجته يكون بتسوق .....
الزوجة هي اللي بتودي العيال المدرسة الصبح
الزوجة هي اللي بتودي العيال النادي كل يوم
الزوجة هي اللي بتودي العيال للدكتور
الزوجة هي اللي بتجيب الطلبات من السوبر ماركت والسوق
الزوجة هي اللي بتفسح العيال
كل ده والزوج في شغله مش ناعي هم
تخيل بقي لو الزوجة مش بتسوق والمفروض ان سيادتك تعمل كل ده ..... ح تقدر ؟؟؟؟؟
الموضوع ذو شقين ... لكن الشباب اللي مش مجرب ... شايف شق واحد بس

[OlaOsman]

الحل ان الستات تبطل مزاحمة للرجالة ، ويقعدو في بيوتهم ، وكفايه مزاحمة في الشغل وفي الطريق وفي كل حته ، الست مكانها البيت مع اولادها ، والراجل مسئول عنهم ، مش تقعدو تطالبو بالمساواه في كل حته ، وفي الاخر الشباب اللي مش شغال مش عارف يلاقي شغل ، واللي زي حالتنا وبيروح شغله بعربيته مش عارف يمشي من الستات ، فأحسن حاجه تريحو نفسكم من التعب ده وتريحونا احنا كمان

و الله يا أخ justs انا حاولت أرد على مشاركتك اكتر من مرة.. و كتبت كذا رد و مسحته و في الآخر لقيت ان أحسن رد هو اني ما اردش خالص :)

و سبحان الله و انا باكتب ردي ده لقيت الأستاذ احمد إبراهيم قام بالواجب و زيادة.. بارك الله فيك يا احمد.. قلت كل اللي كان نفسي أقوله :)

[OlaOsman]

اللى يرضينا انكوا تتعاملوا مع العربية انها ..عربية
مش وسيلة انتقال

وعلى فكرة فى بارقة امل فى الجيل الجديد ..فى منهم كتير عارفين هُما راكبين اية و يتصرفوا ازاى و اية هى الاصول

انما جيل بتاع توصيل المدارس و الوقوف المتكرر ..دة خلاص مفيش منة أمل

طيب كويس اننا وصلنا للنتيجة دي :)

مش بيقولوا برضه طولة العمر تبلغ الأمل؟.. ربنا يديني و يديك طولة العمر لحد ما نشوف الست بتتعامل مع العربية انها عربية.. مش وسيلة انتقال.. قول يا رب :)

[HeMa_LanCeR]

علي فكره انا لو مفيش ستات بتسوق انا مش هسوق لأن انا غاوي اعاكس البات اللي بيبقوا سايقين جانبي وعلي فكره انا لسه حالا كنت برخم علي بنوته فوق كوبري اكتوبر وزهقت وقعدت تجري ورايا وانا اشهد قلبها قاعد وسواقتها جميله بس علي مين طلعت عينها طبعا لحد ما نزلت صلاح سالم وانا كملت لوحدي وانا عمال ادور علي بنوته ارخم عليها واكمل بقيت الكوبري معاها وانتي تقولي بلاش ستات تسوق لييييييه دا انا ممكن اتجنن فيها

[Eng.Sameh]

كل اللي بتقوله ده ، راجع لتنازل وتنحي الرجل عن مهامه الاصيله ، ما عدا حلات الارامل او المطلقات ولو جات عليهم هتبقى العمليه مش بالبشاعة دي ، لكن فيه حاجه اسمها واحده شغاله بدال جوزها ، ده اسمه كلام ، وبعدين على فكره كل اللي انت قولته ده انا بعملو بنفسي اينعم انا لسه ابني طفل عمره سنتين يعني لسه ما راحش المدرسه ، بس اي حاجه تخص البيت من بره انا اللي بجيبها ، وزوجتي منذ زواجنا لم تشتري اي شيء حتى من السوبرماركت ، وده مبدأ عندي على فكره ، يعني انا مش بهاجم وخلاص ، انا بقول كلام مطبقه في حياتي ، وده مش تقليل من قدر زوجتي على الأطلاق ، لأني بحترمها جدا ، ولكن ده تعزيز لها ،

وفي النهايه اعتقد اني من الشباب اللي شايفين الموضوع من الشقين وعايشينه، لكن للأسف فيه رجاله تنحت عن موقعها ، وسابوه للنسائهم وده ليس رقي للمرأه ولا كرامه للرجل ، وارجو اخذ كلامي على المحمل العقلاني النابع شيء ما من وازع ديني

[Mohamed-Saoud]

يا علا أنا عندي الحل اللي بتدوري علية.. ألا و هو ان البنت تطلع الرخصة بعد النجاح في أمتحان القيادة (من غير فلوس و لا واسطة)

[MoToRiZeR]

يا جماعة متنسوش ان بقي فيه بنات بتشارك في الأوتوكروس
و بنات كتير بيشدوا و يعملوا غرز عالطريق .. انا كذا مرة اشوف بنات بتشد عالدائري .. و زمان كانوا بيشدوا عالمحور قبل حوار التحويلة .. ده فيه ميني كوبر صفرة مشهورة اوي بتاعة واحدة في ال MSA بتطلع تشد مع اي حد الصبح و هي رايحة الجامعة و مرة شديت معاها و علمت عليا و شكلي كان وحش اوي يعني بس كانت راكبة ميني كوبر متسنسوش

لأ الجيل الجديد جامد اوي

[OlaOsman]

علي فكره انا لو مفيش ستات بتسوق انا مش هسوق لأن انا غاوي اعاكس البات اللي بيبقوا سايقين جانبي وعلي فكره انا لسه حالا كنت برخم علي بنوته فوق كوبري اكتوبر وزهقت وقعدت تجري ورايا وانا اشهد قلبها قاعد وسواقتها جميله بس علي مين طلعت عينها طبعا لحد ما نزلت صلاح سالم وانا كملت لوحدي وانا عمال ادور علي بنوته ارخم عليها واكمل بقيت الكوبري معاها وانتي تقولي بلاش ستات تسوق لييييييه دا انا ممكن اتجنن فيها

طيب يعني حضرتك يترد عليك يتقال لك ايه؟ استغفرك ربي و أتوب إليك.

[HeMa_LanCeR]

طيب يعني حضرتك يترد عليك يتقال لك ايه؟ استغفرك ربي و أتوب إليك.

علي فكره انا مش برخم عليهم لألألألألألألألأ خالص انا مش بلعب غير مع اللي عايزه تلعب غير كده لأ طبعا لأنها ممكن تكون اختي مكانها مثلا (مع العلم اني معنديش اخوات بنات) بس الواحد لازم يقدر طبعا بس الواضح انك فهمتي اني برخم لا والله بس القصد ان في بنات كتير بقت تلعب معان وغرز وشد وكل حاجه ودول بقوا كتير قوي بسبب العربيات الحديثه بس نلف وندور ونقول السواق سواق باردوا والسواقه مالهاش كبير واللي يقول غير كده يبقي مش سواق
وانا أسف علي اسلوبي اللي وصلك غلط