سواقة ستات.. كفاية بأه.. ارحمونا

[OlaOsman]

الستات تكوينهم الجسماني وتركيبتهم العاطفية والعصبية مختلفة عن الرجال ....
وده مش ذنبهم ... ربنا خلقنا متفوقين عنهم في بعض حاجات ... وهما برضه متفوقين علي الرجال في بعض حاجات
فيه بعض اشياء الرجال لا يستطيعون فعلها .... عمرك شوفت راجل يقدر يبقي مدرس في حضانة ... كان اتجنن ...ما يقدرش يصبر علي الاطفال ...الستات بقي بيقدرو ...
المقولة بان الرجل بيستحمل اكتر من الست ده خطأ.. الرجل عضلاته اقوي من الست ... لكن الست هيكلها اكثر قوة من الرجل ... لكي تتحمل فترة الحمل والولادة والرضاعة ... الراجل ما يقدرش يستحمل الحاجات دي

الرجال هم صناع الاقتصاد والمال والمصانع والمشروعات ....
لكن الستات هم صناع الرجال .... هما اللي بيربو الجيل ....
لو عندهم قصور في بعض النقاط اللي بتخلي سواقتهم ضعيفة .... نعمل اية ... هما ربنا خلقهم كده ....لازم نستحملهم ... ونصبر عليهم ...وبعدين الزحام الشديد والعصبية الجارفة هي السبب اننا مش مستحملين بعض ... دي اسمها اخلاقيات الزحام .....
وفي النهاية الشارع مش حلبة سباق ... الصبر طيب ..... يا راجل يا طيب

تاني أرجع و أبقى عايزة أحط ردك في برواز و أعلقه على باب المنتدى عشان الكل يقراه و يفهم :)

و بكده أكون انا خلصت ردودي في الموضوع ده عشان فعلا لو رديت على الردود المستفذة اللي فيه بجد بجد مش عارفة هاتكون النتيجة ايه

شكرا لكل اللي شارك و عذرا لكل اللي ردوا ردود محترمة و ما قدرتش أرد عليهم و سامح الله كل اللي مافهمش مغزى الموضوع و لا الهدف منه.

سبحانك اللهم و بحمدك اشهد ان لا إله إلا انت استغفرك و أتوب إليك.

[hazem_khidr]

تاني أرجع و أبقى عايزة أحط ردك في برواز و أعلقه على باب المنتدى عشان الكل يقراه و يفهم :)

و بكده أكون انا خلصت ردودي في الموضوع ده عشان فعلا لو رديت على الردود المستفذة اللي فيه بجد بجد مش عارفة هاتكون النتيجة ايه

شكرا لكل اللي شارك و عذرا لكل اللي ردوا ردود محترمة و ما قدرتش أرد عليهم و سامح الله كل اللي مافهمش مغزى الموضوع و لا الهدف منه.

سبحانك اللهم و بحمدك اشهد ان لا إله إلا انت استغفرك و أتوب إليك.

:)
قبل ما تردي اعرفي الغلط فين و صلحيه يا علا
انت لسه يدوب بقالك شهرين تلاته ماشيه متحيل تكوني اتقنتي السواقه فيهم
و لعلمك كمان سنه حتلاقي نفسك بقيتي كويسه و اللي بيمشي بالراحه قدامك سواء واحد او واحده و بيغلط حتتخنقي منه
هيا دي الحياه

[nokiy]

:)
قبل ما تردي اعرفي الغلط فين و صلحيه يا علا
انت لسه يدوب بقالك شهرين تلاته ماشيه متحيل تكوني اتقنتي السواقه فيهم
و لعلمك كمان سنه حتلاقي نفسك بقيتي كويسه و اللي بيمشي بالراحه قدامك سواء واحد او واحده و بيغلط حتتخنقي منه
هيا دي الحياه

+100000000000

[OlaOsman]

:)
قبل ما تردي اعرفي الغلط فين و صلحيه يا علا
انت لسه يدوب بقالك شهرين تلاته ماشيه متحيل تكوني اتقنتي السواقه فيهم
و لعلمك كمان سنه حتلاقي نفسك بقيتي كويسه و اللي بيمشي بالراحه قدامك سواء واحد او واحده و بيغلط حتتخنقي منه
هيا دي الحياه

مع اني ما كنتش ناوية أرد تاني :)

على فكرة المشكلة قبل الموضوع ده و الردود عليه كانت متمثلة في سواقة الستات و الشارع و الموقف العدائي المتاخد من الستات و اللي بيبان اوي من خلال تصرفات عدائية و تأفف و كلاكسات عمال على بطال و حاجة خنقة يعني من الآخر.

انما بأه بعد ما الموضوع ده اتحط و من الردود عليه ظهر ان الناس مش فاهمة اصلا و مش عايزة تستوعب ان الستات همه كمان عندهم مشكلة.. الستات بالنسبة لهم عاملين أزمة و خلاص و ماحدش عايز يسمع حد.. من الآخر كده الناس مخنوقة من بعضها و خلاص و ماحدش طايق حد.. انا فعلا كرهت السواقة من التوتر المستمر اللي في الشارع ده و نفسي أبيع العربية.. انما البديل ايه؟ زي ما انت عارف.. بهدلة في بهدلة

[aif]

. من الآخر كده الناس مخنوقة من بعضها و خلاص و ماحدش طايق حد.. انا فعلا كرهت السواقة من التوتر المستمر اللي في الشارع ده و نفسي أبيع العربية.. انما البديل ايه؟ زي ما انت عارف.. بهدلة في بهدلة

ايه يا علا ... انتي ح تتراجعي من اول مشكلة .
.....ده احنا أملنا فيكي انك تقودي...
مسيرة التحسين ... في سواقة الستات المساكين
ونكتب في العنوان :
هذه المسيرة قادتها الفقيرة الي الله ...
علا بنت عثمان الشبراوية ...مديرة الموارد البشرية :):):)
ويبقي اسمك في التاريخ ....
انا حاسس انك بتتلككي ... وعاوزة تبطلي تعليم وخلاص .....
خلي عندك اصرار وعزيمة والشهر الجاي ان شاء الله تروحي المقابلة الشهرية سايقة عربيتك ...واللي خايف علي نفسه يوسع

[Ahmad Allawy]

الموقف العدائي المتاخد من الستات و اللي بيبان اوي من خلال تصرفات عدائية و تأفف و كلاكسات عمال على بطال و حاجة خنقة يعني من الآخر.

شوفي يا علا..
أولا احنا نرضاش البهدلة للستات..طبعا ده شيء اساسي..
و الموقف العدائي.. او اللي انتي و الستات عموما متخيلاه (نظرية المؤامرة يعني..) انه عدائي..
مش بيبقي بدون سبب..
بيبقي نتيجة للأخطاء و الستات بتقابلها يا اما بعدم اعتذار.. او الافدح انهم يقابلوه بقلة ادب للأسف..
وادينا شوفنا امثلة اهي..

يبقي ببساطة لو الست اللي بتسوق بالراحة دي.. ماشية علي اليمين.. محدش هيرخم عليها ولا يوترها بكلاكسات..
لو مش ماشية في نص الشارع و مش راضية تعدي حد م جنبها.. محدش هيوترها..
الو مش ماشية و تحدق يمين و شمال من غير اشارات.. ولا بص في المرايات.. محدش هيوترها..

لكن لو تفتكري ان في احد مواضيع كبيرنا سبعاوي.. كان علق علي النقطة دي.. و ذكر امثلة كتير.. كلها للأسف حقيقية..
تخلي الواحد (او الواحدة كمان..) تخرج عن شعورها..
يعني هل عمرك ما شوفتي واحدة ست هي اللي بتعمل كده في الرجالة.. مش هاقولكم في الستات كمان.,.؟؟

نسبة كبيرة جدا من الستات اللي بتسوق هي اللي بتعمل الحركات دي.. الكلاكسات عمال علي بطال و تقليب تور.. و زعيق و تهليل....

محدش هيعترض ولا يتأفف
طول ما الست اللي ماشية دي ماشية صح..
الواحد مش اول ما يلاقي واحدة ماشية قدامه يقعد يرخم عليها..
لأ للأسف الواحد لما يلاقي حد قدامع بغض النظر وهو لسة مش مميز راجل ولا ست.. عمال يعمل حركات غير مبررة.. و بيسوق بطريقة عجيبة.. مش بيفرق معاه بقي لما يطلع منه راجل ولا ست.. لأن في الحالتين لو اللي سايق غلط ده راجل برضه.. هيتزعق له و يتشتم.. و يترخم عليه..

بلاش تاخهدوا المواضيع بتحفز زيادة..

[azzam]

أنا معاكم إن سواقة الستات وحشة بس أنا عندي أخلي مراتي تسوق وتتلف أعصابها أكرم من إنها تركب ميكروباص
وحتى لو اضرت تركب ميكروباص يا إما تركب جنب واحدة ست يا إما تدفع أجرتين وتحط شنطتها جنبها خصوصا لو كان الكرسي الخلفي
"أربعة ورا يا أستااااذ!"

[osama]

اللابتسامه والسعاده \\مؤنثه\\ ..... والحزن \\ مذكر\\


وأن الصحه \\مؤنثه\\ ...... والمرض \\مذكر\\


وأن الحياة \\مؤنثه// ......... والموت \\مذكر\\


وأن الموده والرحمه \\مؤنثه// ........ والحقدوالحسد \\مذكر\\


واناا لأجازه والراحه \\ مؤنثه\\ ...... و الدوام والعمل والكرف والقرف \\مذكر\\

[wawoo]

يا جماعة الحل بسيط جدا بس احنا اللى مش وخدين بلنا .

يبقى اختبار القيادة زى برة كدة فى الطريق و الممتحن يبقى قاعد جنبك و يشوف انت بتتصرف ازى فى الطريق و السيارت الاخرى و ماشى صح على النظام ولا لاء .

دة الامتحان الحقيقى للقيادة عشان تاخد رخصة , الموضوع مالوش علاقة بين الرجالة ولا السيتات ,
اللى حيعرف يسوق صح ياخد الرخصة , اذا دة حصل " فى المشمش " المشكلة دى حتختفى تماما و حتلاقى كل واحد معاة رخصة بيعرف يسوق , مافيش ابسط من كدة .

قيادة السيارة مش محتاجة حاجة مخصوصة فى الرجالة و مش موجودة فى الستات , دى حاجة ليها قواعد محددة , اللى حيعملها حيمشى مرتاح و مريح اللى معاة فى الشارع , اللى مش حيعملها حيمشى تعبان و تاعب اللى معاة .

انما لحد ما دة يحصل كل واحد بقى يستحمل اللى بيحصل من الرجالة والستات .:)

[sokasoon]

عندك حق.. لكل منا أخطاؤه على الطريق و متهيألي مافيش أخطاء ماركة مسجلة بإسم الستات.. و اي حد في أول سواقته سواء ست او راجل بيغلط تقريبا نفس الأخطاء مع وجود فروق فردية بين الناس و الحل لكل ده هو اننا نتعايش.. دعوة للتعايش :)

كلامك مظبوط وعلى فكرة الستات بتغلط اه لاكن اهون من سواقين التاكسى

مليون مرة اللى مغرقين الدنيا ونازلين خبط ورزع وكسر وحشر بين العربيات

ويمشو خطوة خطوة تيجى تعدى من شمالو يزنق عليك علشان ماتعديش تيجى

تعدى من يمينو يزنق عليك باردو وكأنه اشترى الشارع ومش عاوزك تعدى

قدامه بجد الستـــات اهون من سواقين التاكس والميكروباصات بكتيــر

[Xpert]

علي فكره بقي.. الستات بيلتزموا بالسواقه الدوليه .. و الرجال بيلتزموا بالسواقه الدراعيه .. و هنا تظهر المشكله .. ان الست مابتصوقش بدراعها ...
انما الشهاده لله ... انا شفت ستات بتسوق (و مش اي عربيات .. مرسيدس و عربيات زيرو ز عربيات تانيه كتير ) ... بتسوق زي ما تمون سايقه في اوروبا !

[mohamed hatem]

اولا عذرا يا علا على النرفزة اللي مسببها الموضوع ده للستات ... ومش انتي لوحدك انا في قرايبي وحتى اختي برده كده .... هي مشكلة ملهاش حل في مصر وممكن تتحل لو حصل الاتي :

- يبقى في نظام يحكم الشارع اصلا عشان نعرف مين اللي بيسوق صح ومين اللي غلط ... لانه ممكن لو النظام اطبق يطلع نص الرجالة مبيعرفوش يسوقه ...
- ويطبق امتحان القيادة صح ... عشان نقدر نحكم على اي حد يقعد ورا الدركسيون ... ما يبقاش في ابن بارم ديله
- ان الستات تعرف ان الرجالة في مصر عمرهم ما هيبقو متفهمين لسواقتها حتى لو هي البريمو .... النزعة الشرقية بقى !!!

صدقيني في رجالة سواقتهم فعلا اغبى من الستات .... فكبري... وطنش - تعش - تنتعش

[Ramy.Gamal]

المشكله يا استاذة علا ان الست او البنت لما تكون بتسوق على قدها وتيجى تركب مع اخوها او جوزها ويكون هو بيحب الجرى تفضل تقوله حاسب واوعى وهدى .هى فاكرة ان كل الناس نفس رد فعلها ونفس نظرها ونفس تقدرها للمسافات والابعاد والتصورات للمواقف دة لو كان عندها تصورات اساسا .دة انا عندى والدتى بتكرهنى فى السواقه ابقى مثلا ماشى 150 او 160 بليل وهدوء على الطريق ومفيش انوار عواميد تفضل تزعق وتتكلم لمجرد انها شايفه عداد السرعه على 150 مثلا وتقولى امشى على 80 هل دة واقعى انى اركب لانسر جديدة وامشى على 80 هى معتقدة ان قدراتى نفس قدراتها وحتى فى كل المواقف جوة وبرة المدينه .عرفتى بقى يا استاذة علا المشكله فين

[Defender]

يا استاذ ramylancer

انا شاي انك لازم تسمع كلم الحاجه دي هي الخير والبركه
امشي علي 80 لما تكون معاك
ولما تكون لوحدك اعمل درفت بالعربيه
انا اواجه نفس المشكله
بس بسمع الكلام شويه وبعدين اسرع تاني
بس عمري ماعديت ال120

[hazem_khidr]

تاني أرجع و أبقى عايزة أحط ردك في برواز و أعلقه على باب المنتدى عشان الكل يقراه و يفهم :)

و بكده أكون انا خلصت ردودي في الموضوع ده عشان فعلا لو رديت على الردود المستفذة اللي فيه بجد بجد مش عارفة هاتكون النتيجة ايه

انا اول مره اخد بالي من الجمله دي
هو يا علا يعني لازم كل موضوع تعمليه كله يقعد يقولك الله ينور يا علا و انت صح و انت عندك حق
و اللي يتعارض مع وجهه نظرك يبقي رده مستفذ؟؟؟!!!!!!!!!
حاجه غريبه يا علا
صوابعك مش زي بعضها و استحاله تجمعي الناس كلها علي رايي واحد.:)